康瑞甜品

營業中

休息中

結婚後，大約一星期先會返呀媽度食一次飯，順便見下呀妹同呀公。今晚食完飯時間尚早，呀媽煮嘅餸又竟然冇令我地飽到抱住個肚走，加上呀妹話好想食芋圓，二話不說就向康瑞出發！去到只係八點幾，所以難得唔使排隊。三個人每人一碗特色仙草百配。最中意係佢凍嘅甜品都只係微凍，感覺健康d，仙草係一貫嘅滑溜，芋圓煙煙韌韌好好咬，其他配料今次好似有少少唔同，感覺以前全部係豆，今次就轉左薏米，都好。已經唔知第幾次幫襯，但每次都係叫返一樣嘅野，水準依舊。多謝呀妹請客😋

特式仙草百配只需$25有好多配料，例如：仙草，地瓜圓，珍珠，芋圓，小丸子，西米，薏米。有煙韌的口感，且不會太甜。價格上相對合理，是平民食糖水的好選擇，絕對物超所值。

次次去親深水埗都會忍唔到聊朋友:食唔食康瑞啊~而加要搵一碗糖水唔多過$30真係好難喇!仲要份量充足康瑞就一次過滿足晒兩個願望~好鐘意食康瑞既芋圓~煙煙UNUN 又有好多唔同既配料絕對係深水埗必食甜品之一!

🔸特式仙草百配 $25🔹腐竹蓮子配蛋/芋圓 $20🔸糖不甩 $18大碗夾抵食嘅招牌仙草百配有勁多煙煙韌韌嘅料：芋圓、地瓜圓、小丸子、珍珠，仲有西米同紅豆，個底就係滑滑仙草，基本上你係鍾意食煙韌野嘅人就一定要試，講起都好想食。糖不甩唔使廿蚊有6粒，配上激多椰絲花生粒，可以成粒都沾滿晒佢一啖擺入口，食落中間煙韌又軟綿綿咁，仲有少少痴牙，抵食又好食！！另外朋友嗌個個腐竹糖水望落冇招牌咁多料，想食多啲芋圓嘅就記得要嗌返招牌啦～

最近大家都喜歡上吃芋圓，呢間康瑞甜品就有推出多個系列的芋圓糖水。可惜香港暫時未有太多的鋪頭有芋圓甜品可以食，所以我每次經過康瑞甜品都有長長的人龍係度排隊吃芋圓。餐廳可以外賣都可以堂食，我見到好多住附件的街坊都會外賣一碗返屋企。我大概等左20-30分鐘就有位啦。店鋪細細，但坐無虛席餐牌的芋圓配搭都有很多種，除左芋圓之外都要中西式的糖水同涼茶。我叫左個桂棗雪耳湯配芋圓，感覺好養生，有凍同熱可以選擇，估唔到都幾大碗，25蚊真係好抵食，裏面都有好多芋圓，這個組合食落去唔會覺得奇怪。如果芋圓再Q彈D就一流啦，不過呢個價錢已經係算好好！

依間糖水舖最近幾年係深水埗好hit, 但成日都搵唔到時間去試。今次屋企係附近經過，特意買返黎比我試食😋😋😋今次叫左一碗紅豆沙芋圓。一打開個蓋，哇...超級足料👍🏻👍🏻👍🏻原本以為係紅豆沙底，加幾黎芋圓，原來唔係！店家仲放左好多種豆落去煲紅豆沙，有花生、眉豆等等，好豐富。另外除左芋圓，佢仲有地瓜圓同埋糯米丸子。所有芋圓都好煙靱，糯米控最愛🤤🤤🤤 好彩嗰晚食咗少少嘢，唔係真係飽到食唔哂👍🏻

📍深水埗 康瑞平靚正！💓特式仙草百配 $25一碗有齊仙草、芋圓、蕃薯圓、薏米、紅豆、珍珠、小丸子、西米‼️ 超豐富呀🤤🤤 足料！抵食！好有口感😜美中不足係芋圓、蕃薯圓味道偏淡。

其實我本身完全唔知道呢間糖水店既存在，有一日放工經同事大力推介，黎到深水埗既康瑞，聞說經常性爆滿要等位，今日勁好彩一到就有人走，有一張枱可以即入我叫左桂棗雪耳湯配芋圓，$25 大大碗，有凍有熱，我叫左碗凍既，好清甜，雪耳清爽，夠晒潤，芋圓好彈牙，😋😋整體來講水準之上👍🏻👍🏻另外叫左個糖不甩，糖不甩我就覺得不過不失啦，湯圓偏軟身，$18，粒粒細細粒，有d 有芝麻餡花生餡同埋淨湯圓。整體來說，我係會再次幫襯的👍🏻

平時渣車經過呢間糖水舖，門口一定19幾人，今日我來到呢間糖水舖嘅時候，已經係夜晚12點，好彩仲趕得切👏🏻。。。冇哂人龍，唔使排隊，正呀喂！由於就收舖，我地拿拿臨，就叫咗3碗糖水。特色仙草百配，仙草好滑，奶嘅份量非常適中，芋圓，地瓜圓細細粒，易咬口超正❤️❤️❤️❤️大愛！仲係每日新鮮製造淨仙草綠豆加仙草當然我食完呢間糖水舖嘅時候，我就終於明白，點解成日咁多人排隊，實在在太好食啦⋯⋯價錢十分合理，又平民化👏🏻以後必定再幫襯

又係一間近來被ig foodie瘋狂翻牌的甜品，令我決定去試下究竟係唔係真如佢地所講“好有芋頭味，好有番薯味，仙草好滑”好好彩星期五的夜晚一去到就有位，到我地食完出黎已經排曬長龍。<特色仙草百配>HKD25朋友點的，配料真係好豐富，不過講真影相就好麻麻，睇到我密集恐懼症都出埋黎。【珍珠】大粒軟稔，都要咬幾下【芋圓】扎實有咬口，軟硬適中。我同朋友都認為，嚼到最後勉強先可以話有芋頭味。可能因為平時中意試芋泥類食物，對芋頭濃度嘅期待比較高。【地瓜圓】哩個就真係食到番薯味wor！唔知係因為番薯本身味道比較突出，定係我地平時唔會去專門食“番薯泥”，所以未點試過濃味番薯？【仙草】完全認同網友評價，真係好滑。【薏米etc.】我自己冇食到，評價唔到【甜度】適中偏淡<椰奶紅豆沙配芋圓地瓜圓小丸子>HKD25好想飲紅豆冰，所以要左哩碗。【椰奶味】淡【紅豆】粒粒分明，唔夠起沙，勉強合格【芋圓地瓜圓】見上【小丸子】比珍珠再軟d【甜度】適中，比仙草百配甜總結下，份量都幾大，好飽肚。芋圓等等係抵食嘅，不過冇評價講到咁重嘅芋頭味同番薯味。其實好想知，點解香港好似冇一間店會提供類似內地

朋友介紹話如果去堔水埗，一家要試呢間甜品店。今日黎到，見時間差唔多到佢開門，就行過去睇吓啦去到點知我地唔係第一個 😱 呢間本身係中醫館嘅餐廳，出名到未開門已經有人排緊隊! 試咗2個甜品，呢個價錢有咁嘅質數，真係好抵食。佢地啲甜品好足料 👍 感覺仲好似好養生 🤭 本身係中醫館，唔知咁佢啲甜品係咪健康架呢朋友話堂食啲鮮奶唔同架，下次要係個到食，唔好takeaway 先

每次黎深水埗都一定要黎康瑞食返碗糖水先走 呢間鋪本身係賣涼茶既 但之後轉型賣芋圓地瓜圓 然後就搖身一變成為深水埗必食熱店 夜晚呢到成日要排隊 就算入到座都要坐到痴埋一舊 手肘碰腳肘先得 但即使坐得咁迫咁辛苦 都無阻大家黎食佢地既糖水我黎親每叫佢地既1號仔 特色仙草百配 一碗有齊仙草 芋圓 地瓜圓 小丸子 紅豆 薏米 西米 非常豐富 仙草好滑 芋圓地瓜圓亦好qq 最鐘意佢呢到味道天然 唔會有過多糖份 對於想食糖水 又想食得健康既朋友 黎呢到就岩晒

同朋友去完畫畫，就黎呢間出名既康瑞芋圓試下😋😋去到既時候八點半左右，滿座咁濟，我地入到去，好彩早一步咋，之後就要等位啦！😂我叫左椰奶紅豆沙配芋圓，我朋友叫左桂棗雪耳湯底配芋圓😍😍好好味呀！紅豆沙一點都不會太甜，真係起沙的，仲有粒粒紅豆～芋圓就好qq，彈牙，好好味😋😋😋我呢個紅豆沙叫左熱既，覺得熱食好味過凍食☺️☺️我朋友呢個都好好味！呢個季節轉秋天，飲雪耳就岩岩好喇！唔會太甜👍🏽我地好快就食晒埋單😂😂最後朋友仲叫左兩碗外賣返屋企添呀🤤🤤👍🏽

想試呢間糖水舖既芋圓好耐，終於專程出深水埗試試佢。估唔到5點度去到都要等左一陣位。特色仙草百配$25有仙草，芋圓，蕃薯圓，小丸子，珍珠，紅豆，西米，超級多料。芋圓，同蕃薯圓煙韌，有芋圓，蕃薯圓香味。桂圓雪耳底配芋圓，蕃薯圓，小丸子$25雪耳分量超級多，爽口，糖水有桂圓清甜味。今時今日$25蚊食到咁多料既糖水真係無咩幾多間。雖然點都係台灣既芋圓芋頭味香d同有咬口d，但係係香港黎講都算好食，性價比夠曬。

食完正餐，繼而食甜品。其實我係個芋圓控，好鐘意食d煙韌既野此店絕不起眼，假日4時先開門但已經滿座。仙草西米奶露：滿滿仙草浮面，好滑溜，細細粒既西米沉底，超足料。腐竹蓮子配芋圓可選熱/凍。湯水清甜，腐竹及蛋花又薄又滑，芋圓及地瓜圓煙煙韌韌，非常有嚼勁。當中還有細粒既糯米小丸子及蓮子。口感豐富，絕無欺場。最欣賞既係所有甜品的甜度適中，不會太膩，岩曬唔鐘意太甜既我。而且價錢經濟實惠，難怪咁受街坊歡迎啦！