康瑞甜品

營業中

休息中

一直都好鐘意食啲煙靭野，所以芋圓同小丸子就係我既心頭好喇～成日都聽到啲人講SSP有間糖水鋪嘅芋圓又平又好咬口，今日咁岩係依頭食完飯緊係要黎試吓喇！不過間鋪唔算好大又出名，所以都好多人等位，不過人流都好快，所以唔算等咗好耐！桂棗雪耳湯底 配 芋圓、地瓜圓、小丸子因為想食個滋潤嘅甜湯底，所以就嗌咗依個，的確係好清甜既，雪耳又爽口，真係夠晒滋潤，配料芋圓同地瓜圓都好彈牙既，反而小丸子相對下就冇咁煙靭喇！香滑腐竹蓮子 配 芋圓、地瓜圓、小丸子平時岀面啲腐竹糖水啲腐竹都會溶晒，但依到就唔會喇，仲可以食到有啲細細塊咁，食落係好滑既，配埋蓮子食都幾夾，配料同桂棗雲耳湯底既係一樣，不過甜湯底黎講我就鍾意食依個多啲喇！今次我地兩個糖水都係食凍既，但嗌完係有少少後悔，因為覺得個湯底好似襯熱食多啲，嗌熱可能仲好食，仲滋潤！不過唔怕，因為依到又抵食又好食，我相信我會再黎架！

天氣開始凍，點了薑汁配地瓜丸，還可以多地瓜丸👍回到家外賣還很熱，味道不太甜，三色芋丸我最愛吃地瓜丸，煙韌之餘又有蕃薯香，令人很滿足而且價錢便宜，個人覺得十分抵食。

黎到深水埗，當然要一食呢度好出名既康瑞甜品，呢度既糖水都好出名而且價錢實惠，所以一直都吸引人唔少人黎食。當晚我同友人黎到都係店外排左一陣至入到去坐。坐低後我地分別叫左碗熱紅豆沙同特式仙草百配，紅豆沙正正常常就唔特別多講了。最主要還是想一提呢個特式仙草百配，因為真係非常足料同好食，內有仙草、芋圓、地瓜圓、小丸子、薏米、西米、紅豆同珍珠，食落口感非常豐富，而且價錢都不過係廿幾蚊，非常抵食同親民，而店員既效率都係非常之高。

深水埗出名多嘢食，康瑞甜品應該冇乜人未聽過。一睇個餐牌，最貴嘅甜品都只係$25，價錢真係好親民，唔怪得咁多學生係出邊等☺——————————🔹特色仙草百配 $25📍9/10聽個名已經好吸引，食落果然好豐富。除咗主角仙草，仲有芋圓丶地瓜圓丶小丸子、紅豆和珍珠等材料，上面仲有少少椰奶～仙草本身甜甜地，又香又滑；芋圓和珍珠煙煙韌韌，口感真的不錯！廿五蚊大大碗，可以食到咁多種料，真係超值！🔸椰奶紅豆沙配 芋圓地瓜圓小丸子(熱) $25📍8.5/10呢個甜品相對遜色，入面嘅材料比較少，只有芋圓、地瓜圓和小丸子，但以這個價錢來說，已是物超所值！不要以為「平嘢無好嘢」，這碗紅豆沙真係掂👍🏻紅豆份量多之餘，又不會過甜，性價比超高呀😍

作為芋圓之鬼表示😌香港仲未吹芋圓風嘅時候我喺康瑞仲係醫局街賣涼茶嘅時候已經有食開😆🤘之後康瑞愈做愈大喺荔枝角道開左間大舖（只賣甜品）日日都有人係門口等位，可惜食物水準同以前下降左啲😗今次叫咗呢幾碗，有少少失望😞⭐特式仙草百配（熱同凍）一碗糖水有齊芋圓、地瓜圓、紅豆同珍珠等等配料，滿足哂所有願望😋係康瑞既門面擔當✨可惜，水準真係麻麻芋圓同地瓜圓都無味，好似食梗一舊粉團咁其他配料同糖水都係得個甜字🤓⭐酒釀桂花配芋圓（熱）朋友話個糖水唔夠熱又好稀，而且桂花味唔重，只係食梗粉團加甜水😣總括黎講，未試過既朋友可以去等下位試下，試完一次就算啦🙃

今日行過深水埗去咗食康瑞甜品嘅護院首先我哋叫咗仙草百倍叫咗兩碗兩碗都係走甜走珍珠走賴咁食落去就唔會話好肥一碗熱一碗凍㗎我自己覺得係食熱好食啲嘅佢嘅護院呢其實算係幾好味嘅幾足料嘅份量算係幾好因為只係一碗都係$25其實都算係公價份量幾大玩不過係要排隊排好耐嘅出面閑閑哋有四50人排隊如果講話食過嘅仙草同芋圓你講呢間喺香港算係幾好食不過唔使減肥嘅人嘅話家有甜有珍珠有奶會更加好食佢嘅芋圓係做得幾新鮮幾彈牙唔會話係好粉嗰啲

康瑞甜品款式唔多，但勝在價錢抵，同埋配搭合我心意。我就叫咗個特色仙草百配，有芋圓、地瓜園同小丸子。朋友就叫左椰奶紅豆沙，而配料都同我一樣。一個合適嘅價錢，就試到多種配料。抵！要再去！

深水埗-康瑞甜品: 特色仙草百配（hk$25)聞名不如見面，今日我經過深水埗，終於一嚐大名鼎鼎既康瑞甜品。一版menu，選擇唔多但足夠令我選擇困難症發作，最後揀咗咩都有嘅特色仙草百配🤤，價錢平易近人$25就有大大碗，真係咩都有，除咗芋圓、地瓜圓、仙草、仲有紅豆、西米、小丸子、薏米，又估佢唔到溝埋味道都幾好🤣，仙草甘甘地，花奶糖水底微甜，多種材料口感豐富，食下食下勁快食哂✌🏻仲有d飽😂抵食之選。

最近好鍾意食芋圓，夜晚食完飯經過深水埗就即刻又走去食.星期六晚特別多人，等左十五分鐘左右終於有位整體裝修唔錯，不過鋪頭空間有啲細，所以位都有少少迫甜品種類唔算多，今次兩個人分別試左椰奶紅豆沙配芋圓，同薑汁配芋圓熱辣辣紅豆沙加上椰奶，芋圓同小丸小超煙靭，好有口感另外薑汁夠哂薑味，而且就唔會太甜，食落好舒服，小丸子同芋圓嘅份量岩岩好兩碗都好足料，廿幾蚊一碗可以話係好抵食！不過最後都因為太飽所以食唔晒

同朋友食完雞煲火鍋，鐵腳三人組指定食甜品作當晚句號，由福華街行大約15分鐘就到，因為朋友嘅朋友推介，當然要嚟一試喇。嚟度大約9點半，等咗15分鐘左右，原來呢度主打芋圓，真係開正我果瓣，特色仙草百配，聽個名已經好吸引，食落口感仲非常豐富，除咗有主角三色芋圓同仙草外，仲有小丸子、紅豆等材料，剩飲糖水已經好正🤤，仙草又香又滑，而芋圓帶點煙韌，呢個配搭好味到暈，最最最重點係價錢非常親民，廿五蚊大大碗出面一定食唔到！超級推介👍🏻

自從起某新聞、某廣告提及呢間康瑞甜品次次食親芋圓都醒起佢可惜佢起深水埗個頭，平時真係好少去但為左好好食既芋圓，唯有奮不顧身地間唔中去一次啦睇返佢地既價錢表係唔係好心動呢?平民價啊~~出面既芋圓買開都要三十蚊以上架有曬圖包保唔怕唔識揀啦以為佢係平平無奇的仙草凍附有一小盒奶~~~入面就是數量不少的芋圓地瓜味、蕃薯味好重，咬落好軟熟，好Q彈~~當中仲有D黑珍珠架~~有埋西米、意米，夠曬清涼啊~~次次都要買三碗，同埋屋企人分享

專賣台式芋圓既甜品鋪，每次經過都見到超多人排隊，要食真係好考驗耐性，所以打消左幫襯既念頭，最近先醒起外賣咪得囉，的確快好多，講真買左一碗黎試，其實唔係太好食者。

特式仙草百配 (凍) $25康瑞甜品以自家製芋圓專門店自居, 大部份甜品均以芋圓, 仙草或地瓜圓等材料製成, 價格由$18至$25不等, 實在經濟實惠。本身喜歡芋圓和地瓜圓等材料的煙韌, 今次來到深水埗, 特意前來搵食。點了一碗特式仙草百配, 材料有仙草, 紅豆, 薏米, 芋圓, 地瓜圓, 小丸子 (糯米丸) 和珍珠等, 一碗甜品可以品嚐到多種材料, 而每種材料份量都配合得宜, 售價只是$25, 覺得超值。仙草入口甘甜, 芋圓, 地瓜圓, 小丸子和珍珠都煙韌, 糖水不會過甜, 味道唔錯。

椰汁西米露配芋圓地瓜圓小丸子 $25.水準退步晒 芋圓個d有咬口但冇味 椰汁西米露好少西米 好淡味 感覺好hea🤷🏻‍♀️.其實上次黎都唔覺得特別好食 但未至於冇下次 今次再黎拜訪真心覺得冇下次🤷🏻‍♀️特色仙草配 $25.哩碗就好少少 多料d 可能係因為仙草既關係 唔會似齋飲淡味椰奶水😢.仙草不錯吃 不過涼粉又可以整得幾難食 足料d就應該要有咬口硬身d 至於芋圓真的不太值得黎哩度試 太粉冇味 我覺得香港總有一間好過佢

今日我話想食芋圓，朋友就帶左我黎試康瑞甜品。平時經過都已經見到有好多人係店門外等，今次下定決心等下，試下呢間野有幾好食！我今次大約等左10分鐘就有得入啦！我試左佢既熱椰奶紅豆沙配芋圓，地瓜圓同小丸子。呢間糖水鋪非常足料！攪拌一下就睇到滿滿既芋圓。紅豆沙唔會好沙，食落少少甜。芋圓彈牙，唔會好粉，咬落煙煙韌韌，非常好味！（好味程度：👍🏻👍🏻👍🏻👍🏻👍🏻）呢個價錢可以食到足料既紅豆沙芋圓，真係非常抵食，唔怪得成日都大排長龍！