康瑞甜品

營業中

休息中

話說係朋友介紹先至去康瑞甜品，我一定唔會再去！員工態度差，又難食。芋圓完全無味，勁粉。紅豆勁硬，d水勁淡。佢唔會話俾你聽有last order，當要收舖嘅時候佢會即刻趕你走，我坐入去3分鐘都唔夠，啲糖水都未到，佢叫我埋張單，找完啲錢就咁pad落張枱度轉身走。飛走咗都唔知。甜品食到差唔多一半，佢同我講要收舖，叫我即刻走。我走嘅時候係入咗呢間鋪頭10分鐘都冇。佢嘅唯一就係平，我終於知道點解咁平。如果係咁嘅話我寧願比高啲價錢都好過食呢啲嘢

星期一夜晚黎到康瑞，估唔到都好多人排隊，不過都唔算得好耐就入到去。叫左個招牌甜品 - 特色仙草百配，裡面有芋圓、地瓜圓同小丸子。一碗唔係好大size，仙草都佔左好多，作為一個好鐘意仙草既人覺得好開心。芋圓夠彈牙，好咬口。

聽同事說康瑞的芋圓不錯，非常有名，很多人都特地過來吃，而我本人也挺喜歡吃湯圓，便隨他一同前往。進去坐下，第一時間看看餐牌，價格相對很多台灣食品的店鋪而言是挺划算的，價格在$20-25之間。點餐的時候，朋友叫了蛋花薑汁芋圓，而我叫了紅豆沙芋圓，就我叫的紅豆沙芋圓來評論，糖水雖叫紅豆沙，但我覺得沒有起沙，芋圓和地瓜圓口感不錯，但卻完全沒有芋頭/地瓜味，跟台灣吃的芋圓差太多了，覺得有點失望。$25雖然不貴，但這個份量跟質素我覺得試過就好，下次或許會機會會再去，但不會常去，人流多的話也不一定會願意排隊等。

一直都聽朋友講呢間好好食好多人嚟食咁我都心思思過嚟呢間康瑞甜品食下啦我特登喺港島過海過嚟㗎咁我一場嚟到梗係食佢個招牌啦食左之後其實都有啲失望嘅佢又唔凍又好甜雖然係真係好多料但係講真我覺得其他好多都好食過佢😟

康瑞甜品, 唔多就腳.OK既, 但真心唔係好好好出色.芋圓偏細粒, 細粒咗D, 唔係好好咬.芋圓依味嘢, 你知喇, 其實係下欄嘢, 大佬, 芋頭都夠cheap喇, 仲要加木薯粉, 真係cheap上加cheap.所以應該要大粒D, 先好食.叫咗個芋圓椰汁, 蛋花薑芋圓, 糖不甩.全部都幾好食, 但係唔係真係天上有地下無.依個係芋圓天生問題, 佢根本係下欄嘢. 唔係康瑞甜品既錯.芋圓整到咁, 算係幾好了.

咁岩經過深水埗，見到呢間人氣糖水店—康瑞甜品，忍唔住排隊入去食。好彩人流都去得好快，排隊左一陣隊就可以入得去啦﹗自己平時都鐘意返大陸去鮮芋仙食芋圓，而係香港食芋圓就數康瑞甜品算幾有質數﹗叫左招牌1 號特色仙草$25，入面配芋圓、地瓜圓、小丸子，再淋上淡奶。我地兩個好細食，兩個人食一碗其實都夠，好抵食﹗對面果個話呢度既仙草煮得算香港數一數二，似以前涼茶鋪咁口味。芋圓夠煙韌，咬口幾好，仲有少少芋香，真係幾好食﹗

睇到某傳媒網頁推介哩間的芋圓，剛好同朋友喺附近食完飯，就過一過嚟試吓佢嘅甜品！平日七點幾嚟到嘅時候，幸好人唔算多，唔洗等（食到最尾埋單嘅時候已經有好多人排隊）。叫左特色仙草百配（$25）同香滑腐竹蓮子配芋圓（$20）。哩個特色仙草百配，配料十足，除左仙草仲有芋圓、地瓜圓、小丸子、薏米、西米、珍珠同紅豆，性價比高！仙草夠嫩，芋圓、地瓜圓又夠彈牙，非常好食！除此之外，自己特別喜歡內面的薏米，煙韌有咬口！至於香滑腐竹蓮子配芋圓，腐竹又嫩又滑，入口即溶，配搭芋圓、地瓜圓，好食！美中不足之處係蓮子煮得唔算透，稍硬，做到入口即化的口感就perfect~

平時去開深水埗食野都會順便食埋呢間甜品鋪，因為佢又平味道又唔太差不過係有時候夜晚食飯後食甜品都等幾耐。佢開下就4點，我建議5，6點去食多數都無乜人. 今次叫左招牌1 號特色仙草百配$25，味道正常勝在多配料，芋圓又算多而且唔怕硬，擺盤出黎影相都幾靚，20幾蚊一個甜品已經合格！

要排好長龍 等左半個中先有位好似搬左舖 啲位置都係一樣甘迫佢啲糖水算賣得平 但係唔係可以坐好耐同朋友傾計佢有接近二十款糖水 平均$20-25 糖水黎講一啲都唔算貴特式仙草配: 芋圓，地瓜圓，小丸子 $25黎到唔係好熱 佢啲料係多嘅但普普通通 唔係話好食到要encore

經過幾次，每次都會見到人龍亦聽過朋友介紹抱著好大期望，可惜失望而回...等左十約15分鐘就可以入座糖水種類只有12款特式仙草百配有仙草，紅豆，薏米，珍珠，西米，芋圓，小丸子天氣涼涼地，打算叫個熱糖水食下，出到黎係勉強可以講係暖...好失望呀！！！！！！！！香滑腐竹蓮子配芋圓腐竹仲係一塊塊，無溶到，好似糖水浸腐竹片咁...芋圓係凍既糖水浸住，又硬又唔彈牙埋單唔算貴，只需$45但質素真係麻麻...好失望呀

同朋友食完飯就緊係要食埋糖水啦！朋友鐘意食芋圓，但未食過康瑞，一於帶佢地去試下先🥰 門口成日都咁多人，好彩早去，不過都等左半個鐘先入得🙈我地每人叫左一碗特式仙草百配，有熱有凍💫🥳入面有芋圓，地瓜圓，小丸子，仙草，紅豆，珍珠，薏米，西米😋再加埋花奶，好豐富好足料，望到就好想食！😋芋圓，地瓜圓同小丸子食落好煙韌，仙草唔會好甜，又滑又清新，正！😋😋😋👍🏻 $25一碗都唔貴！朋友都話冇介紹錯，仲買多左碗外賣俾屋企人☺️～特色仙草百配～

👀性價比高芋圓👀康瑞甜品 - 特色仙草百配($25)呢間嘢成日要大排長龍，所以我地都特登喺飯前時間嚟食。今次試咗佢既招牌「特色仙草百配」，入面好足料！！！😋有芋圓，珍珠，西米，仙草，薏米，紅豆，小丸子，再淋上淡奶。芋圓份量算多，唔係好大粒但係夠煙韌，而且地瓜同芋頭味都幾出🤤仙草清新得嚟又唔會好甜👍🏻整體來講$25真係超值！！！⭐: 8.5/10康瑞甜品 (深水埗)📍深水埗荔枝角道323號地舖

今晚同屋企人食完LUNCH之後，決定要我既另一半(朋友)食個生日糖水轉開車來架，係唔係好有誠意呢? 日頭過來好在沒有太多人排隊，直入去就有位坐了。哈哈裡面都係坐實曬人，等我試下佢有咩吸引力先，哈哈坐低叫左仙草百配兩碗﹐其中一碗有加椰汁！唔會太甜，仙草食落又香好滑，夠曬清涼呢! 呵呵有芋圓、地瓜園同小丸子都好足料，超煙靭，好有口感。平實既一碗糖水﹐已感受到簡單的美好呢而且價錢非常優惠$25就有大大碗。

【勁勁勁足料抵食芋圓🍧】➖➖➖➖➖相信好多人都聽過康瑞甜品 呢間係深水埗好出名嘅甜品鋪🤔啲人對呢間野嘅評價一直都係好壞參半💁🏻‍♀️ 呢間野主打自家製芋圓💁🏻‍♂️ 有人話佢嘅芋圓係香港數一數二好食😣 亦有人話佢只係勝在夠平夠大碗又咩都有齊🤔 咁今次我地就特登去試下佢地嘅招牌 ❗️睇吓佢嘅廬山真面目🤤➖➖➖➖➖特色鮮草百配(芋圓地瓜圓小丸子) ➡️ $25➖➖➖➖➖偏私主觀評價💁🏻‍♂💁🏻‍♀💁🏻‍♀️WI: 呢碗野真係好抵$25 好足料! 😳有芋圓 地瓜圓 仙草 小丸子紅豆等等等。。。我覺得呢到嘅配料係唔錯 尤其係地瓜圓同仙草 😛！地瓜圓夠煙韌 仲要有地瓜味 唔係就咁食一舊面團咁🤢 如果鐘意食仙草更加係一定要黎！呢到嘅仙草真係好滑！❤️ 但可惜嘅係佢嘅花奶底有啲失色 太過淡口 令到味道有啲寡 雖然好普通但係真係好抵 $25絕對係可以一試的😛😛 (其實我我覺得來來好食好多🤔)➖➖➖💁🏻‍♂️Wu: 係呀 又冇我份喇 🙁唔洗望喇🙁不過我都係覺得自己整嘅芋圓係最好🤤可以自已選擇囗感🤤(冇份食梗係咁講)(死都要加把嘴＼（Ｔ∇Ｔ）／)➖➖➖➖➖康瑞甜品 (深水埗)深水埗荔枝角道323號地舖

近年台灣芋圓甜品都開始多，但係講到平靚正，朋友大多數都會講起呢間康瑞甜品，咁梗係黎深水埗試下佢啦 😀😀😀甜品食物選揀唔算多，但係款款都係十幾廿蚊，抵食👍🏻👍🏻🔸酒釀桂花配芋圓 ($25)一黎到未食都聞到酒香味，表面仲有好多蛋花，芋圓都唔少，非常足料😍食落去淡淡桂花味，芋圓煙煙韌韌又真係幾似係台灣九份食既芋圓😋😋🔹特色仙草百配 ($25)特色仙草配的特色可能就係五顏六色😂😂一碗入面芋圓、地瓜圓、小丸子、紅豆、薏米及仙草樣樣都有非常豐富🤩仙草爽滑，芋圓、地瓜圓、小丸子都係煙煙韌韌，加煉奶甜甜地岩岩好，相當唔錯，好有台灣風味😋❗️P.S: 夜晚食完飯黎到大概9點幾，外面已經開始見到人龍，等左大概20分鐘就入得，不過夜d就會比較多人，想試可能要留意下時間啦😋味道 7.5/10 😍回頭指數 8/10