康瑞甜品

營業中

休息中

作為芋圓控，之前康瑞未搬舖前，已經食過佢既芋圓。今次響深水埗呢頭食飯，飯後當然要黎食康瑞啦我地去到都已經成10點啦，門口都有一堆人等緊，好彩等左15分鐘左右就入得。因為我地有3個人，所以係雙人位再加一張凳咁坐，有少少逼呢。我每次黎都會食佢個特色仙草百配，貪佢有齊芋圓、地瓜圓、珍珠、薏米、同埋仙草等等，咩都可以試，又大份又足料。仙草百配都係保持到水準，味道唔太甜，岩岩好，芋圓地瓜圓夠煙韌。而朋友就分別叫左椰奶紅豆沙配芋圓、同埋腐竹蓮子蛋配芋圓。但食腐竹蓮子果位就話味道麻麻，我就偷食左佢果碗少少，同一般既腐竹糖水差唔多，都係仙草百配最好味。

許多年前仍然喺學生時代，已經食過康瑞甜品，由以前需要坐街嘅舊鋪，走到今日嘅地下鋪，每次嚟幫襯都有不同感受。今次叫左3樣甜品：特色仙草、薑汁芋圓、糖不甩。特色仙草百配（$25）只能講，每次都一定會叫特色仙草。因為有好多料好滿足，呢種滿足正正就似填補生存嘅失落。味道當然係我覺得最好食嘅，味道無變，仍然係舊鋪水準。暖胃薑汁配（$25）薑汁底一直以嚟都無食過，今次就試試佢。應覺試個薑汁好柔軟，但我覺得薑汁應該要有返相應嘅霸氣，即是薑汁味可以再勁d，再辣d。以一碗熱食嚟講，佢嘅溫度幾好，唔係暖而係真係熱嘅，但又未去到熱手熨手。秘製軟滑糖不甩（$18）糖不甩都係一直以嚟未係康瑞試過嘅，今次亦都試試佢。糖不甩有6粒，3粒有料，3粒無料。有料嘅比較好食，因為入為係花生碎嚟，所以好香。呢個粒不甩幾好食，值得推介食！

之前係openrice見到好多人推介康瑞甜品，所以就同男朋友一齊黎試下有幾好食。我地叫左最出名既特色仙草百配同綠豆沙。大大碗價錢都係20幾蚊，真係好抵食。特色仙草百配有芋圓，地瓜圓，珍珠，仙草，薏米，西米等等，一碗滿足哂你所有願望！而且每樣都好食，芋圓煮得好煙韌，一啲都唔馬虎！綠豆沙都煮得好好味，甜度適中。綠豆沙有祛濕既作用，好岩呢d天氣食呀。其實呢條街都好多野食，如果下次去開呢邊，一定會再黎食甜品！

今日同成班朋友喺九龍食完飯 諗下想去邊度食糖水 突然有朋友真係提議去試吓康瑞甜品嘅芋圓 所以就即刻搭地鐵去深水埗試一試佢 可能因為係星期五嘅晚上排隊既人比較多 不過我哋一行六人傾吓計等咗大概20分鐘就已經有位   康瑞甜品都係主打芋圓 所以甜品種類唔多都係中式糖水加芋圓 我自己就揀咗暖胃薑汁配芋圓地瓜圓同小丸子  薑汁底配上蛋花辣辣地甜甜地好暖胃 而芋圓方面佢哋一啲都唔孤寒 就算飲晒薑汁都仲有芋圓淨 好足料 仲要真係食得出芋頭味   $25 真係抵到爛 下次都會再嚟食  

突然間好想食芋圓 你哋會諗係邊間 哈哈哈 比我諗起之前同事強烈推介 既康瑞甜品 咁就即刻去試試 去到門口 Wah 平日嘅八點半 已經排長龍啦 .... 不過15分鐘就已經有位 。嗱嗱聲叫咗碗腐竹雞蛋芋圓 一碗薑汁芋圓 一碗酒釀桂花芋圓 真係唔講得笑 桂花唔甜但係好清香 芋圓好 QQ 果然名不虛傳 😍😍😍😍 已經成為我嘅最愛甜品舖

係深水步想食糖水，當然係去康瑞啦，因為唔想好多人排隊等，所以就7點幾就去到了，但仍然都唔少人食緊。原來仲有自家既涼茶，真係好pro呀！都好多選擇酒釀桂花配芋圓$26全部都好平，都可以有芋圓，唔知食咩好添。古早味既芋圓，可以有唔同糖水底，桂花配芋圓（熱）地瓜圓、小丸子、薏米。首先芋圓既數量係勁勁勁多！根本唔駛驚太少，而且熱芋圓好SOFT好有咬口，但可能桂花味重過d芋圓味，味道唔會太濃淡淡的味道加上有蛋花係面頭，好細滑！！係凍既天氣幾暖身。真係要早d去。外賣都大把人等！

由康瑞涼茶食到康瑞甜品🤪仲保持到咁多人食 咁多人讚係唔容易嘅不過有少少覺得係名過於實一開始係涼茶舖食嘅芋圓大碗啲 芋圓煙韌啲第一次食嘅時候仲未係周街芋圓第一次食覺得好震撼🤩不過依家又唔係太差嘅 有比較之下仍然覺得康瑞都還好所以都仲會encore🤓招牌👅差唔多枱枱都會食呢個好足料 仙草西米薏米小丸子芋圓地瓜圓都多全部都算係煙韌 又唔太甜唔會好漏🤓呢個係新式啲嘅加芋圓甜品通常都淨係酒釀丸子🤔不過可能因為原本都有煙韌類嘅丸子所以加芋圓都幾夾 唔奇怪味道唔錯幾濃 仲有蛋花🤪除招牌外都推薦呢款🤓

一到晚上，深水埗一間糖水店門口一定大排長龍，講緊既就係“康瑞甜品”。特登避開糖水時間19:30左右黎到，但離座20:00已經見好多人相繼入座，已經冇乜空枱。餐廳內外以懷舊裝修為主，有昔日香港既圖片，燈光暗左少少，其實唔太似食中式糖水既店。食物選擇價錢由$21-26不等，價格相宜。特式仙草百配芋圓、地瓜圓、小丸子 $26超大碗，份量好多，除左芋圓、地瓜圓、小丸子，仲有珍珠、薏米，每啖都有咬口，加上花奶，仙草滑溜，口感豐富，而且夠哂降火，但芋圓冇乜味道，煙韌度唔夠。係一間好抵食又大份既糖水店，質素正常，飯後糖水不錯之地。

This dessert place’s signature item is Taiwanese taro ball dessert. Just $26 for a huge bowl is a bargain!There’s so many different ingredients mixed in. Taro balls, pearls, red bean, grass jelly, barley, sago and small mochi balls all mixed in a sweet milky soup which can be served hot or cold.I think overall all the ingredients does go well together, and the soup base isn’t too overly sweet but still flavorful. However the taro balls weren’t as chewy as I would have liked.Overall you can’t go

深水埗呢區真係隱藏左唔少好嘢食👍🏻食完正餐當然要補個糖水perfect ending啦🥳好耐以前介紹過仙草🤣今次叫左個「綠豆沙配芋圓地瓜圓小丸」呢個綠豆沙都值得推介✌🏻高質又平💰.綠豆煲到起沙💫入口感覺好濃厚✨綠豆份量一啲都唔少 落足料架😮芋圓一如以往又多又煙韌🤤25蚊喺出面既糖水舖唔洗旨意食到咁多料🤑每款唔淨止幾粒 🤗甜度中等 唔太淡唔太甜😏不過H先生覺得本身綠豆已經好香😛糖少啲健康啲個味又突出啲😇

食完晚飯 就緊係要食甜品啦琴晚同朋友係深水埗食完日本餐唔係好夠飽就係對面街搵甜品啦呢間芋圓之前都食過架啦印象好深刻因爲好平而且CP值好高店內有好多香港老照片 一邊食一邊欣賞好有風味。.同朋友點左同一個甜品就係特式仙草百配啦有紅豆 黑珍珠 芋圓 小丸子 地瓜丸絕對唔求奇呀 好多料加左椰汁味道好好 又好大碗一人一碗唔會係問題！朋友仲encore多2碗拎走俾屋企人試添.呢間舖係深水埗地鐵站行大約8分鐘就到了只有呢一間舖 無分店的。

昨天下午茶和媽媽來過康瑞甜品吃它的特色鮮草百配，今晚我們又來康瑞吃甜品之餘，順道買了四瓶清肝解毒茶回家。媽媽昨晚喝完清肝解毒茶覺得蠻有效用，所以繼續買來喝，剛才我亦喝了真的紓緩不少火氣，康瑞甜品了得，涼茶亦是一絕。我們今晚不吃鮮草百配，轉吃暖胃薑汁配芋圓及熱桂棗雪耳湯底配芋圓。兩碗糖水用料豐富，滿滿的配料，媽媽的暖胃薑汁配芋圓薑味撲鼻，濃重的薑汁入口，馬上將媽媽的「風」驅趕出來，整個人暖暖。熱桂棗雪耳湯底配芋圓非常清甜，雪耳爽彈無比，紅棗甜滋滋，喉嚨都滋潤起來。熱呼呼的芋圓軟中帶點咬口，而且芋頭味道顯現，保持一貫水準，很難不愛吃康瑞的芋圓。

之前喺報導，openrice好多人提過呢間小店，可惜無機會試到琴日咁啱經過深水埗，想食個下午茶，就走去試下先，店鋪位置喺正條大街，好易搵到，原先以為係涼茶鋪嘅格局，入到去似似地小型cafe餐牌主打芋圓，有唔同湯底，最終叫左個總匯，乜都可以試，價錢唔貴，$26，超抵食個芋圓幾大碗，燒仙草好正，係正宗燒仙草，香港好少食到正宗燒仙草，通常d鋪頭用涼粉代替，但係口感，味道都唔同！糖水入面有薏米，口感好好，芋圓略嫌細粒，但食得出蕃薯同芋頭味。個糖水底微甜，靠紅豆帶出甜味，好啱我呢d怕太甜嘅人食完好想再叫多碗，不過為左健康？體形？着想，都係忍一忍，希望周末再黎不過店鋪比較傳統，有裝香嘅習慣，可惜我對香味敏感，希望下次唔好撞正佢地裝香時間啦

以前讀大學果時已經聽過康瑞嘅名啦，以前係細舖買外賣返大學宿舍食。佢地各式甜品都係抵食夾大件，超多料，好好食，係出面真係搵唔到。宜家轉左大d嘅舖頭，好整齊，可以坐得好舒服去品嘗佢地嘅甜品。食品質素仲係keep到以前嘅質素，依舊好多料，好好食。價錢差不多，廿幾蚊，都係平民價。希望佢地可以繼續keep住做落去。宜家出開深水埗都會黎食番碗先走。宜家愈黎愈多人知道佢真太抵食，大家去食嘅時候可能要有d耐性去等等位，或者可以買外賣。

放工一個人食完個頹飯，行過🍭康瑞甜品🍬 ，可能因為時間尚早，竟然唔使排隊 😁，即刻入去整番個飯後甜品。 每次嚟到都會叫🌸特色仙草百配🌸，貪佢配料夠多。 除咗芋圓地瓜圓小丸子 ，仲有仙草薏米珍珠西米紅豆。可以揀凍食或者暖食。 今次叫咗一碗凍既👍🏼。成碗嘢配料多到滿瀉，唔會淨係得啲糖水。所有配料都好夾，芋圓甜甜哋夠煙韌有咬口， 配埋滑捋捋嘅仙草。最重要係唔會太甜，食曬成碗都唔會覺得漏，值得一試😃😃。