康瑞甜品

今次朋友帶小女子去深水埗食糖水，佢話之前食過呢間幾好食，所以就決定試吓佢酒釀桂花配芋圓地瓜圓小丸子(只限熱)酒釀嘅糖水唔係周圍都有，之前都食過酒釀小丸子呢類糖水，但通常都比較淡味，但係呢個有微微酒香之餘仲帶有淡淡嘅桂花香味而且有嫩滑嘅蛋花襯托，口感無咁單調。另外，佢嘅芋圓地瓜圓雖然唔太大粒，但係都算煙韌唔會因為熱食就太淋，不過小丸子相對上無咁有咬口，但整體上都算幾高質。小女子食飽個陣未夠10點，都已經有人排緊隊呢間糖水舖價錢唔貴，但質素份量幾好，即使唔係好近港鐵站，都咁多人排隊:)…查看更多

深水埗甜品食咩好🤪去左區內人氣康瑞甜品 係西九龍中心附近有傳統/西式甜品🍧$2x蚊起就有一碗糖水🫢🫧 香滑腐竹蓮子配 $29(芋圓,地瓜圓,小丸子,雞蛋)第一次食呢個組合😳mix埋一齊又幾特別 芋圓係佢地自家製既 腐竹味唔會好”搶”加雞蛋食好滑身…查看更多

最近口痕想食D煙煙韌韌既野，咁啱聽講深水埗有間自家製芋圓專門店，所以就專誠去朝聖一下🙂‍↕️👉🏻椰汁西米露配芋圓 $29✨西米露幾大碗，唔係外面個D細細碗糖水，$29都幾抵食😋椰汁香甜濃郁，椰香十足，入面仲配左芋圓、地瓜圓同小丸子，配料都唔少。三款配料都好煙韌，好有咬口，芋圓同地瓜圓都食到芋頭同地瓜，唔會成舊都係糯米粉。👉🏻仙草珍珠鮮奶露 $25✨係真鮮奶來，唔係假奶🤣成杯野望落層次感分明，鮮奶露奶香濃郁，仙草同珍珠份量都好多，仙草滑嫩，珍珠煙韌🙂‍↕️成杯嘢飲甜到適中，唔會太甜，清爽解膩，消暑一流😋…查看更多

康瑞甜品，位於香港深水埗荔枝角道323號地舖，係一間以甜品為主嘅餐廳。今次我哋試咗佢哋嘅特式仙草百配同埋紫米露配芋圓。首先，特式仙草百配嘅味道非常獨特，仙草嘅清涼口感同各種配料嘅香甜完美結合，再加上啲糖水嘅滋潤，整體感覺好滿足。其次，紫米露配芋圓嘅味道清新，紫米嘅香糯同芋圓嘅Q彈相得益彰，再加上啲椰奶嘅濃鬱，每一口都令人回味無窮。再者，康瑞甜品嘅環境舒適，服務態度好，雖然長期滿座，但係等待嘅時間並唔長，而且食物嘅質量同味道都值得等待。最後，康瑞甜品嘅價錢合理，性價比高，係一間值得推介嘅甜品店。總括嚟講，康瑞甜品嘅食物質量高，味道好，環境舒適，服務態度好，價錢合理，係一間值得推介嘅甜品店。…查看更多

今次介紹嘅係一間深水埗嘅老字號糖水鋪！主打港式+台式嘅甜品🍨佢哋嘅嘅鋪頭就喺西九龍中心附近～啱啱拍拖果陣每次行完西九一定會去食埋呢間糖水先走！咁耐無食係咪仲keep到個水準呢⁉️貴妃楊枝甘露配$39佢哋嘅芋圓同地瓜圓係整得好好！煙靭得黎好有芋頭同蕃薯味🍠一定係必點架啦～而作為港式老字號糖水鋪佢哋嘅楊枝甘露都係一樣咁出色🥭芒果好鮮甜，配上酸酸甜甜嘅柚子非常消暑！港式同台式嘅甜品係無諗過咁夾～只能講係必點呢啲充滿住地道香港味嘅鋪頭已經買少見少，食佢哋嘅高質糖水嘅同時，其實都係食一份情懷同回憶～回頭指數:🧡🧡🧡🧡/5…查看更多