康瑞甜品

營業中

休息中

仙草芋圓 百吃不厭𐂐.·˖*𖠠•𖠠•𖠠香港有許多間的台式仙草甜品店但嚐遍多間還是對康瑞最深刻印象由最舊舖到之後的荔枝角店舖此間多年依舊都居位於心中no.1的甜品位置每次都點最鐘愛的特式仙草百配材料滿滿的 仙草芋圓地瓜圓小丸子冬天熱食暖肚飽足暑天凍食爽快心涼⁽⁽ଘ( ˊᵕˋ )ଓ⁾⁾𓇠𖤥 康瑞甜品༶ 特式仙草百配𓇠

那天週末，我請兩位好姊妹先到深水埗傳統老字號竹昇麵店 <劉森記麵家>食 weekend lunch！ 然後，讓其中一位帶我們到深水埗福華街買揮春！之後，她建議去深水埗荔枝角道那間甜品店 <康瑞甜品>！當我們一行3人踏進店子，已經是下午 5:40， 趁禁晚市 6:00 後堂食前，搶閘食甜品！ 幸好！不用等位，可直接入座！供應：甜品、特式飲品、滋味小食店方很配合大家時間，上得好快！特式仙草百配 $26 (暖)可選擇：凍/ 暖配料包括：媲美豆腐花般軟滑不留口的仙草、甜美軟綿的紅豆、有輕微嚼勁的薏米、軟糯略帶煙韌的芋圓、地瓜圓 (蕃薯圓)、小丸子、晶瑩剔透而大大粒的西米、煙韌的珍珠...等！好足料又絕不欺場！堅抵食！ 店方已為我們加上花奶，保持其風味！暖暖地容易入口，況且，當日凍凍地，嘆碗暖笠笠糖水最適合不過！

嫩滑淨仙草 $21仙草滑捋捋份量都好多夠凍 帶微微茶甘味唔會有啲奇怪味特式仙草百配 $26配料有紅豆 薏米 西米 珍珠同埋小丸子 聽哂啲配料都覺得飽飽哋🤣雖然只係$26 但份量絕對唔欺場！紅豆薏米煮得軟綿 幾乎唔需要點咬主角三色芋圓就係經典嘅蕃薯 紫薯同埋芋頭口感唔算特別煙韌 偏向軟但都有咬口少扣分係上枱前店員已經幫你落咗花奶味道都會偏甜 如果唔想咁甜可以落單時同佢講走花奶。養生紫米露配丸子 $26雖然特式仙草百配係佢哋嘅招牌但呢款更加啱我口味🤤紫米露軟糯香甜 粒粒紫米配西米口感十足！甜度亦較上面糖水底低

康瑞嘅仙草芋圓好出名芋圓控必定會試過今日去開深水埗西九龍廣場配眼鏡順便行去康瑞買個甜品當下午茶點咗個招牌糖水「特式仙草百配」大大碗勁足料都只係$26咋有薏米、珍珠、西米、小丸子、地瓜圓、芋圓、涼粉每啖食落都有唔同口感糖水底係椰汁同黑糖椰汁味就唔太出，糖水整體偏甜芋圓同地瓜圓都算煙韌有咬口反而小丸子就好細粒無乜煙韌感啦不過整體泥講係好好食既而且價錢真係好抵！📍康瑞甜品🔎深水埗荔枝角道323號地舖

重記得好多年前佢重係間涼茶中醫鋪只係順便賣埋芋圓 點知大受歡迎🤣🤣所以就獨立開咗間舖依家每次去幫襯都要等位 好多人🤣.特式仙草百配 $26.仙草百配算係店中最受歡迎因為咩都有 可以試曬咁多款配料(珍珠 芋圓 地瓜圓 小丸子 紅豆 薏米 西米)食過幾次 每次水準都keep到各款配料都好好味👍🏻仲要價錢唔貴好抵食⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

由佢以前仲係中醫館既時候食，食到真正開埋糖水舖。.🔸特式仙草百配($26)分數: (8.5/10)一碗滿足所有慾望🤩有煙韌芋圓，地瓜圓，小丸子，珍珠。又有咬口既西米露，薏米。仲有滑嘟嘟既仙草。.🔸香滑腐竹蓮子配芋圓，地瓜圓，小丸子($21)分數: (6/10)其實都幾失望，腐竹同糖水分得好開。佢係糖水入面有好多小塊原塊腐竹。我以為係煲到啲腐竹爛哂溶哂係糖水好入味果啲。但芋圓，地瓜圓，小丸子一樣煙韌好味。

-黃店介紹💛之前已經食過好多次康瑞甜品！每次都係食招牌特式仙草百配(o´∀`o)-特式仙草百配😚($26)依個糖水係最受歡迎👏材料十足😚有好多西米，芋圓，地瓜圓，仙草，珍珠，紅豆，薏米，小丸子等等，再淋上花奶❤️芋圓和地瓜圓口感煙韌(„• ֊ •„)好有咬口😋不過味道食落無以前咁好食😢價錢咁平又足料😎都算抵食＼(≧▽≦)／-Name🏠: 康瑞甜品Location📌:深水埗荔枝角道323號地舖(深水埗站C2出口,步行約7分鐘)價錢💰: 特式仙草百配($26)

大學時期最想去食嘅糖水舖一定係康瑞，好多時候同朋友聚完餐就會去看說嘆番個糖水，尤其是自己都係芋圓控，康瑞都算係芋圓始祖大哥大，好多時候見到鋪頭坐滿人，所以好可惜既係，食完都唔好意思坐咁耐吹水啊🤭🤭😣店面較小，食客來到很大可能要等位，所以不少食客都會選擇買外賣回家。💝特式仙草百配康瑞以芋圓作主打，每款糖水都會附配芋圓、地瓜圓及紫薯圓，當然必嗌特式仙草百配，芋圓味道濃郁，不會被糖水蓋過，煙韌又不黏牙，煙韌程度啱啱好。個人最鍾意加埋奶球，口感綿滑又帶濃濃奶香。整體味道配搭互相配合！一邊除咗芋圓，仲有好多其他料👍🏻💝桂棗雪耳湯底配芋圓除咗最經典嘅仙草芋圓，個人亦都非常鍾意呢一款桂棗雪耳湯底配芋圓，經典嘅中式糖水，夏天飲一碗好清爽，冬天飲又好滋潤，同埋一樣照舊唔少料！

同屋企人喺深水埗食完晚飯，意猶未盡，發現原來我哋就喺康瑞附近，當然唔可以錯過。作為自家製芋圓專門店，甜品大部份以芋圓做主打，配合各種冷熱糖水，配搭雖然唔多，但基本嘅紅綠豆沙、西米露、薑汁、仙草同酒釀桂花都有齊，鍾意食中式糖水嘅話的確係一個好選擇。我揀咗椰汁紅豆沙配，加入芋圓、地瓜圓同小丸子，紅豆沙唔出色，起沙效果唔太明顯，似食緊穀物粥，另外芋圓同地瓜圓唔煙韌，煮得太稔冇乜口感😢有啲失望，真係非常一般⋯⋯特式仙草百配除咗有仙草、芋圓同地瓜圓，仲有珍珠、薏米、紅豆、西米同小丸子，配搭相當豐富，味道微甜，感覺好清潤，雖然芋圓同地瓜圓口感都係太稔，但有煙韌嘅珍珠同清爽嘅仙草搭救👌🏼糖水另外配有植脂奶，可以自己加入糖水同調較份量，不過個人認為唔加比較好味。作為一間標榜賣芋圓嘅糖水店，佢嘅芋圓同地瓜圓的確令人失望，但糖水底不過不失，下次或者試吓凍嘅糖水會好少少。

食完飯口痕想食糖水，咁岩經過康瑞就入左去叫左特式仙草百配，因為有晒我最鐘意食既仙草芋圓紅豆同西米，仲要只係$26勁抵食！諗住平野唔方好食啦，點知勁好食，d 芋圓真係有芋頭味，而家亦好有咬口，仙草勁滑，唯一美中不足既係佢冇問過我地就幫我地落左奶，因為我覺得已經好夠味，唔需要落奶，所以下次要講左先😂

#中意嘅請分享請點讚🍻----------😋特式仙草百配 $26呢款糖水有好多配料勁豐富，有芋圓、地瓜圓、小丸子、仙草、西米、珍珠、薏米、紅豆。糖水可以揀凍/暖，而且唔會太甜，芋圓/地瓜丸/小丸子都好煙韌，但又唔會太硬，係岩岩好🥰。仙草加埋咁多配料，食完係大滿足🥳。----------佢地宜家搬左舖位，但都好多人排隊好多人支持，水準都keep到💪🏻，重點係#黃店。----------🔎康瑞甜品🚩深水埗荔枝角道323號地舖

試咗個【特式仙草百配$26】 即係綜合糖水，乜嘢都有👀當中包括芋圓、地瓜圓、小丸子、仙草、珍珠、薏米、紅豆⋯配埋椰汁底🥥 話說👧🏻好鐘意食芋圓，但係喺香港食到嘅芋圓普遍都冇乜味🤭，一係就太硬倔倔；康瑞嘅芋圓算係軟硬適中，有足夠黏韌。而且價錢好抵，CP值好高🔝大家有冇好味嘅芋圓介紹我😋

係深水埗食完飯之後專登去康瑞食返個糖水。之前未有咁多芋圓糖水店之前，係會為左佢成日去深水埗食飯😄講返今次個糖水先，一如以往係好足料既，好鍾意因爲加左薏米，加埋仙草同其他配料其實好消薯。可惜今似個糖水一d都唔凍，我會形容係放左雪櫃15分鐘就拎出黎食既溫度🧐另外芋圓都無左以前咁濃既芋頭味，不過好彩個口感都仲好好咬口既。另外一個問題係我地一行三人去食，安排左我朋友坐過道外加既位，但係放碗既隔離，15分鐘入面朋友起左三次身俾架碗車推過😐其實真係無位不如唔好格硬黎，咁短時間起身三次都真心麻煩🙁大熱天時去食糖水，個糖水唔夠凍都真係大忌，希望下次再去可以改善呢個問題啦🙈

對上次吃康瑞甜品已經有幾個月了近來很少到這區康瑞的位置真的很偏僻，要過兩條大馬路它附近沒有什麼人流大概只有它一家門外很多人這是最新的餐牌很久沒來，不知有沒有什麼改動或價值變更但每次來都是叫第一個特式仙草百配凍特式仙草百配（芋圓、地瓜圓、小丸子）　—　$26聽說它們的芋圓都是自家手作大概全香港最好吃的芋圓就在這裡而且它有些配料沒寫出來大約吃到有薏米、紅豆、珍珠、西米才晚上大約八點半店內已經坐了七成人星期一這個時間很好，不用排隊等位之前等了超過半小時現在可以慢慢品嚐

終於有機會來試了！這晚約8時來到，不算多人，不過也是打是外賣回家品嚐的。最後點了特式仙草百配（因為有齊各配料，是最抵食的一碗糖水，哈哈）等了數分鐘便可以取了。整碗糖水材料好豐盛，有西米、珍珠、薏米、仙草、紅豆、芋圓、地瓜圓、丸子。所配的糖水不太甜，與仙草伴著吃剛好，芋圓丸子珍珠口感煙韌，是一碗好滿足的糖水。