康瑞甜品

營業中

休息中

聽朋友講 佢本身係一間涼茶鋪之後加入賣糖水行列 變身成為一間專賣自家製糖水店 絕對係成功轉型例子 佢外表平平無奇 名稱可能覺得有啲老套 但真係一試難忘 去深水埗一定要整番碗特色仙草百配芋圓+地瓜圓+小丸子配料很充足 仙草滑嫩仲加入紅豆 芋圓同地瓜圓有啲咬口 珍珠同西米都包含在內 全都軟中帶煙韌 但不至於硬崩崩 所有材料都好好味 性價比極高 只售29元熱香滑腐竹蓮子配芋圓+地瓜圓+小丸子同樣配上三種材料 熱版更好味 因為所有配料更加軟身煙韌 但又不是淋身發漲 咬口啱啱好 仲要本身有蛋花都再加配一隻白烚蛋 真係抵到不得了  要說是美中不足係 如果佢係煲得杰身一點 將腐竹煲得再爛同融化啲 我願意日日食 當係美顏甜品又飽肚咁食 佢依款係糖水蛋花同腐竹分離狀態 但放心依然不失好味 口感依然豐富 以今時今日嘅物價指數 喱間甜品鋪真係良心價 比起市面糖水鋪 性價比一流 最重要係質素絕對能同出面貴一倍有多嘅某專門店揮佢鋪面較迫較細 都係一般糖水鋪咁設計 你話要舒服就無可能俾到 就算貴佢一倍嘅商場甜品鋪都一樣 喱間絕對係無得輸嘅選擇

聖誕🎄深水埗開完Party，臨走去康瑞買糖水，每次我都係買仙草百配，入面坐既人唔多，買兩碗凍外賣🥡返屋企同屋企人食（$29x2)。等咗3分鐘就有。返到屋企開嚟食，有個花奶仔自己落，入面真材實料，有芋圓、珍珠、西米、薏米、紅豆🫘同小丸子🍡，芋圓Q，唔似出面d咁粉，食完皓飽

打完邊爐當然要食個靚糖水潤返下。想食仙草同芋圓，定要黎荔枝角康瑞甜品🧋特色仙草八配 😍除咗有仙草之外，仲搭配芋圓，地瓜圓同小丸子。佢哋嘅仙草同台灣仙草一樣滑嫩，配上彈芋圓同地瓜圓，有着獨特嘅口感 打完邊爐食一碗，立即火氣全消，感覺清涼舒暢 ❄️青香綠豆沙配 ❤️另一下火選擇。綠豆沙的質地沙沙的，喝起來滑順不黏膩，綠豆的天然香氣充分釋放，喝起來豆香濃郁。 秘製軟滑糖不甩 😊賣相出色，糖不甩上面灑滿花生碎及椰絲。糖不甩包有芝麻餡，口感較似芝麻湯圓，略欠傳統糖不甩風味。

係深水埗食完飯後又想甜品，即上網睇下有邊間，見呢間康瑞甜品，主打仙草芋圓及糖水等，幾吸引即去了，門面有對搶眼的燈籠，感覺中式。裝潢有種家的感覺(可能因為個花瓶ww)，不少綠色植物的佈置，暖色燈光，感覺relax。以平日的晚上來計客人都算多，聽落好似幾多家坊客，人多但都有位即入。餐牌，不少款色的甜品。特式仙草百配(芋圓+地瓜圓+小丸子)，$29。，有薏仁、西露、紅豆、珍珠，仙草、芋圓、地瓜圓及小丸子，份量十足好多料，仙草爽滑，芋圓大粒煙韌，珍珠彈牙，因為足料每啖都好豐富，味道清甜又消暑。暖胃薑汁配(芋圓+地瓜圓+小丸子)，$29，友人的，賣相好吸引。秘製軟滑糖不甩，$22。糖不甩面層有椰絲，口感軟糯，有種懷舊的椰絲糯米糍之感， 配上大量花生碎更香甜，又唔會太膩，不俗呢。甜品好味又足料，仲要好平，下次有機要再戰。

深水埗的康瑞甜品，絕對是街坊們的飯後甜品首選！🤩🤩🤩 最近去到，點了兩款招牌甜品，都非常出色。🤤🤤🤤首先是特式仙草百配，仙草爽滑，配上紅豆、綠豆、薏米等，口感豐富，甜度適中，非常解暑。😋😋😋 養生紫米露配，紫米香濃，配上紅豆、蓮子等，香甜軟糯，而且份量十足，非常飽肚。🍚🍚🍚兩個人平均每人$30，性價比超高，絕對值得推薦！👍🏼👍🏼👍🏼 下次去深水埗，不妨去康瑞甜品試試！🏃🏃🏃

酒釀桂花配小丸子 (熱) $29 + 芋圓每次路過深水埗都必食既康瑞甜品芋圓特別出色 軟硬度適中 煙煙unun 份量又多無論食邊款糖水都會加芋圓性價比又高 每碗糖水先$3x平過連鎖店好多

特式仙草百配☕️不太甜，易入口，仙草好滑滑，大朋友小朋友也啱食養生紫糯米百配☕️紫糯米 軟硬度啱啱好加7蚊多4粒 芝麻湯圓🍡巳吃過多次，水準沒有變，快靚正深水埗荔枝角道323號

大雨天！冇人排隊！都大把位置 ！！我冇食完就收走我碗嘢 ！又唔問下人係咪唔要了 ！！仲眼盯盯望住我 超級無語 😓唔會再去！！莫名其妙！！埋單個陣又望住我！真係超級無語😓

早幾年有段時間住深水埗 夜晚成日都會去康瑞食糖水，最近行過 專登買幾碗外賣同屋企人回味一下最鐘意食佢地既自家制芋圓 軟硬適中 唔會太硬太粉 QQ得黎又好夠味，今次再食 感覺比以前軟身D 口感偏軟糯特式仙草百配 (凍) $29養生紫米露配 (凍) $29阿爺薑汁蕃薯糖水配 (熱) $29酒釀桂花配 (熱) $29有多款中式糖水作配搭 有熱有凍，屋企人各有喜好 我就揀左4款唔同特式返去比佢地，我自己就最鐘情酒釀桂花 酒釀同桂花既清香都好出 暖暖地清清地 是滋潤的*營業時間: 1500-0000時*足料又足份量

康瑞甜品 (深水埗)深水埗荔枝角道323號地舖🔸特式仙草百配 $29超級多配料有地瓜圓、芋圓、小丸子、仙草、薏米、紅豆😍😍啖啖都有好多料👍🏻cp值很高～7.9/10🔹桂花酒釀小丸子 $29有地瓜圓、芋圓、小丸子配料好煙銀桂花味好香味精偏甜🤣酒味吾算突出7.7/10

懷舊的小店, 甜品抵食, 比其他舖頭要平宜, 行開深水埗可以試下 食物 : 特式仙草配芋圓+地瓜圓+小丸子 $29 - 味道唔錯, 大大碗好足料 阿爺薑汁蕃薯糖水 $24 - 大大碗, 蕃薯好香, 薑汁味濃, 是暖胃之選 環境 : 溫馨的小店, 佈置舒服乾淨 服務 : 職員有禮貌 價錢 : HK$53 (無加一服務費)

好耐無來過呢間糖水店，今次趁復活長假尾巴來幫襯一下今次點左桂花酒釀丸子同埋紫米露，兩款糖水都配芋圓及小丸子，價錢盛惠$29/碗桂花酒釀丸子既桂花味好出，清淡得來帶點香，芋圓細細粒有口感，不過就無咩味舖仔細細，入邊大多數係細枱，適合4人以內，外邊仲有一張枱方便吸煙或者等外賣客人可以坐下。我地二人當晚大約9點15分左右到，不用等位，但如果係4人以上就應該要等一陣先有位。順帶一提，舖頭中間位置既座位冷氣較涼，建議可以帶返件外套，以免著涼

這間我和食神男友由它藏匿在中醫鋪裡時已開始光顧了，有種陪著我們長大的感覺。🥺我最喜歡吃他家自製的暖特式仙草百配，每次到訪/經過我都忍不住要吃上一碗～🥰這裡的特式仙草百配配料很豐富，有仙草、西米、紅豆、珍珠、還有自家製的芋圓、地瓜圓和小丸子，自家製的特別軟糯，特別足料，特別好吃！🤗這裡選擇不算很多元化，但也有飲品如仙草珍珠鮮奶露、仙草紅豆鮮奶露等，還有懷舊小食什果味啫喱、糖不甩。🫶🏻之前有外國朋友吃過這裡的酒釀桂花配，也覺得很好吃！😋男友每次來都會點仙草珍珠鮮奶露來喝，冰的很香滑，配上嫩滑仙草和煙韌珍珠，口感加倍。👍🏻老闆會把小朋友的畫作🖼️掛在店內，很童趣，又有紅燈籠掛在店外，想起九份的夜景了🎑～充滿回憶的一間甜品小店💟Info店名：康瑞甜品地址：深水埗荔枝角道323號地舖

📍康瑞甜品宜家周街都係芋圓糖水舖但能夠將芋圓呢樣野整得好食既真係唔多一係就好硬、一係就好粉今次同大家分享呢間糖水舖係我每次去深水埗都必食既小店‼️😋特色仙草百配 （$29）呢碗係呢間舖既招牌糖水一見到個碗就知好足料❗️有西米、紅豆、薏米、珍珠、仙草、芋圓、地瓜圓、小丸子仲有花奶淋係上面👍🏻入面既配料全部都煙煙韌韌每樣都配搭得天衣無縫芋圓食得出有芋頭香味而又唔會太硬太粉不過我最中意係佢既仙草呢間店舖係做涼茶起家所以佢既仙草係有類似龜苓膏個種甘甜味但絕對唔苦呢到既仙草同坊間既好唔同食完會令你有養生既感覺🤣係一碗令你覺得無咁大罪惡感而又健康既糖水😚😋椰汁西米露配小丸子、地瓜圓、芋圓 （$29）舖頭仲有其他糖水可以選擇呢碗椰汁西米露有好香既椰汁味好明顯係店家一d都唔吝嗇瘋狂落椰汁配料一樣好夾👍🏻呢個價錢有咁多料真係好抵食‼️康瑞真係我每次去深水埗都會特登行過去食既糖水舖真係又抵食又好食‼️‼️‼️大推👍🏻👍🏻👍🏻

呢間康瑞甜品好似都真係幾出名 不過小編第一次食 感覺都唔錯 雖然係啲好平嘅平民小店 但係小編覺得咁樣更加要大力推介🥰🥰.🐷特色仙草配 $29今次我就淨係食咗一碗熱嘅特色仙草配 其實可以要凍嘅😂 不過女人總有幾日唔舒服 所以小編都係要番返碗熱嘅 而朋友就要咗一碗凍嘅 但係兩碗嘢睇落去個樣唔同 唔知係咪因為凍同熱 所以有啲分別 佢嗰碗好似面頭有啲椰汁🥥呢碗嘢主要裏面係有芋圓、地瓜圓、小丸子 芋圓同埋地瓜圓嘅口感都幾煙靭😬 的確係幾好食 最值得讚嘅係份量真係好多然後裏面嘅小丸子份量都多 而且真心煙靭 有啲舖頭啲小丸子係唔知點解腍啤啤😂😂其實除咗呢三樣配料之外 仲有一啲西米、超好食嘅薏米、珍珠😂😂我會話真係一個大雜燴 冇諗過有咁多嘢如果你嗰日係好飽嘅話 真係建議你唔好食呢一碗芋圓、地瓜圓、小丸子、薏米、珍珠、西米…聽到都覺得飽啦大佬😂所以好抱歉小編今次淨係食咗¾🥲 因為再食真係會嘔出嚟（真心好飽）仲有就係佢哋仲有主角仙草 仙草味道都唔錯 不過不失咁樣啦 同埋份量真心OK整個份量同埋味道 再加埋佢嘅價錢真心好吸引🤩小編一定會再去😬下次試啲新嘢😂同行嘅朋友亦都推介可以試吓佢哋嘅祛濕茶 今次小編就冇