幸屋

營業中

休息中

今日我去咗灣仔一間新開嘅拉麵店，試咗帶子鰹魚湯赤雞胸拉麵同埋櫻花蝦拉麵。仲有點咗芝士年糕同埋餃子作為小食，真係一頓豐盛嘅午餐！帶子鰹魚湯赤雞胸拉麵帶子鰹魚湯赤雞胸拉麵，湯底用咗鰹魚熬製，味道非常鮮美，帶有濃郁嘅海鮮香氣。湯色清透，但口感卻相當醇厚，飲落去令人心情愉悅。赤雞胸肉質嫩滑，無論係口感定係味道都好出色，配合湯底真係一絕。拉麵嘅麵條彈牙，吸收咗湯底嘅精華，每一口都充滿味道。加上幾片帶子，鮮甜嘅海味令整碗拉麵更加升華，實在值得推薦。櫻花蝦拉麵朋友試左櫻花蝦拉麵，呢款拉麵嘅特色在於用咗大量櫻花蝦，蝦味濃郁，搭配清新嘅湯底，令人一口接一口。湯底比起前者稍淡，但卻帶有一種清香，適合想食輕鬆啲嘅人。麵條同樣彈牙，櫻花蝦的香味滲透入麵中，每一口都有驚喜，特別適合海鮮愛好者。芝士年糕同埋餃子小食點左芝士年糕，外脆內軟，芝士融化後更添香濃，口感非常豐富。餃子方面，皮薄餡多，餡料新鮮，煎得金黃香脆，無論搭配醬油或辣醬都好美味。今日嘅午餐相當愉快，無論係拉麵定小食，都有佢獨特嘅風味。拉麵店嘅環境亦幾舒服，適合同朋友一齊聚餐。

走進灣仔巷仔裏頭有一間充滿日式設計嘅拉面小店，呢間店已經開左好耐，原來d 拉麵款係咁多，充滿獨特色彩如果食蠔，可以試吓呢款期間限定熟成味噌廣島蠔赤雞湯拉麵 $128濃郁嘅湯底，拉麵軟硬度適中，係掛汁嘅效果未見過有拉麵會放入檸檬片，加少少檸檬汁，成個麵更清新雞肉片好鮮嫩，溏心雞蛋做到半流心效果最重要係廣島蠔好肥美，有成4隻咁多胡麻王豚骨拉麵 $80湯底味道特別大湯底好香豚骨味，拉麵做到掛湯伴碗有好多黑芝麻，可以除個人喜好去加入當中叉燒厚身，肥瘦參半，煮得好腍🥙 小食呢個係我食過最靚嘅煎餃子 $38 餃子有成6隻咁多，望落都覺得好鬆脆煎香咗嘅面層，有大阪醬，肉鬆餃子配上旁邊嘅脆脆，味道相當唔錯芝士年糕 2粒年糕size算大，咬落好軟糯，食一粒夠曬濃郁芝士味

餐廳：幸屋地點：灣仔機利臣街菜式：日式拉麵餐牌：拉麵，沾麵，丼飯，小食，沙律，飲品等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。熟成味噌廣島蠔赤雞湯拉麵 $128呢款熟成味噌廣島蠔赤雞湯拉麵有廣島蠔4隻，都唔細隻，好嫩口，伴有檸檬一片去腥；雞胸肉兩片，健康又唔韌；糖心蛋一開二；仲有紫菜一片、水菜、扁筍、黑木耳、紫洋蔥同蔥花，蔬菜量足。面頭灑上白芝麻粒。個湯厚身不過唔油。麵條係幼身，有咬口，唔錯，浸耐左都唔會太淋。日本黑豚丼 $83日本黑豚丼有炙燒日本黑豚七片，上面灑上蔥花同白芝麻粒。黑豚食落爽口而且醬汁甜甜地好惹味，好有炙燒香味。配有一隻糖心蛋一開二，蛋黃撈飯正！仲有少量梛菜。飯量好多，個汁送飯一流，而且都好夠汁餸飯，食到底都有汁。另外叫左兩份小食分享。和風餃子 $38和風餃子一客六隻，係六隻塊皮煙煙韌韌嘅餃子面頭仲有一塊又薄又脆既脆皮，上面加上大量沙律醬，醬油，蔥花同木魚花。餃子入面有肉又有菜，食落又脆又煙韌，醬汁豐富，好邪惡。呢個價錢都幾抵。芝士年糕 $38芝士年糕一客兩件，熱辣辣上枱。外皮香脆，而入面口感煙韌有流心芝士。辣芽菜好鍾意食呢度既辣

位於灣仔嘅拉麵店幸屋，拉麵款式多樣。聽講呢到嘅沾麵都唔錯，不過店員推薦我呢個新拉麵所以就冇食到沾麵，店員服務態度都唔差。元貝鮭魚卵雞白湯拉麵，拉麵最緊要個湯，而佢個雞白湯湯底夠曬濃厚，唔會驚佢冇味。另外配料都算豐富，有鮭魚卵、元貝同雞肉。自己唔係鍾意食魚子，但佢呢個魚卵我都可以接受，唔會有腥味。另外胡麻王豚骨拉麵，味道特別，湯底有芝麻味，加埋太大塊叉燒食好滿足！小食方面覺得最打卡嘅就係和風餃子，賣相一流，食落面層脆卜卜。

係銅鑼灣四處遊走影下相，無意間發掘到一間充滿日式裝修嘅居酒屋，佢入面全部都係日本海報、面具等等，個感覺好似去番日本當地啲小店咁#元真鮭魚卵雞白湯拉麵 $138呢個拉麵嘅湯底相對會鹹少少，啱晒重口味嘅人，而最特別嘅係佢嘅雞肉，口感唔係一般雞肉咁，而係有啲實的的嘅感覺，反而估佢唔到會係咁，而且啲三文魚籽超級多，師傅落得好狂野，呢個拉麵係期間限定，想試嘅朋友要捉緊時間去試啦#黑蒜濃厚山藥豚骨拉麵 $88首先呢款湯底相對清少少，而豚骨湯底煮到濃郁，湯色乳白，味道絕對係夠哂香醇，山藥嘅加入更係一大亮點，口感滑嫩，帶有自然嘅甜味，平衡咗豚骨嘅濃烈，飲落清清地都幾好飲最後加上啲嫩滑嘅叉燒，滑溜嘅拉麵，真係幾唔錯#和風餃子 $38以38蚊食到呢個餃子真係冇得輸，首先餃子好大隻，一共有6隻，每一隻都脹卜卜，加埋啲醬一齊食真係味覺嘅享受#芝麻手羽 $38啲雞翼炸到好酥脆，而炸粉上包埋啲辣辣地嘅脆脆，食落真係好惹味，夾埋拉麵一齊食會忍唔住愈食愈多麵

🔖Yuki House Ramen隱藏喺巷仔嘅拉麵店，喺灣仔機利臣街。我哋試咗櫻花蝦麵豉拉麵同埋蝦汁帆立貝沾麵，份量啱啱好，拉麵可以揀返粗幼同埋硬度，湯嘅濃度，香油同埋辣嘅份量，拉麵嘅湯底好濃郁，厚切叉燒咬落好腍，一舊啱啱好，唔會太多，拉麵幾特別。而沾麵亦都好掛湯，質感係比較厚身。另外叫咗啲小食，有炸蠔同埋雞軟骨，同朋友嚟飲啤酒叫埋小食又幾好。#dineforgoodshk #wanchairestaurant #lunch

我同朋友今日去咗食日本拉麵-黑蒜濃厚山藥豚骨拉麵湯底有淡淡淮山味，幾特別又唔會太濃。鹹味非常適中，好啱好適合香港人的口味，味道適中。佢夠豚肉都好腍一d都唔韌。-沾麵係廣島蠔沾麵🦪，有熱辣辣嘅湯底，濃而不鹹，又唔會太澀，啱啱好。蠔都算好大隻好新鮮幾鮮甜。-和風餃子🥟加咗沙律醬。餃子又唔會太大隻啱啱好食落去一啖或者兩啖就食完。-芝麻手羽雞翼外邊炸到好脆，又有少少哋嘅辣味I went with a friend to eat Japanese ramen today.- Black Garlic Rich Yam Tonkotsu Ramen：The broth has a subtle yam flavor, which is quite unique without being too heavy. The saltiness is just right, making it perfect for Hong Kong tastes. The pork is tender and not at all tough.- Dipping Noodles with Hiroshima Oyst

去完灣仔合和新商場，走到附近內街一家拉麵店，黑蒜、辛味、豚骨等等，我就點了一碗櫻花蝦味增拉麵🍜櫻花蝦味增湯底濃郁，大量櫻花蝦、芝麻香蔥，又香又鮮味，跟味增既香氣完美結合。 豚肉叉燒有厚薄兩款，厚切腍滑，薄片油潤嫩軟。拉麵彈牙沾滿蝦湯味。另外還點了蒲燒鰻魚飯，鰻魚厚身，外焦香內嫩，配上醬油的甜味，仲有流心蛋🥚小食點左冷豆腐，搭配一點醬油，清爽滑口！ 自製餃子，餃子上面那層薄膜，吃起來更酥香，一口一隻，爆汁juicy 🥟💕

灣仔呢度都有好多食肆，但拉麵店唔算多，今日就走到嚟機利臣街呢間拉麵小店試吓。-一坐低見到枱面上有芽菜就已經好開心，食拉麵最正係有大量芽菜配🤭而且佢嘅芽菜係有少少酸辣，超開胃～-嚟得小店就想試吓啲特別啲嘅拉麵，所以叫咗個櫻花蝦味增拉麵（$88）。最正嘅係呢個拉麵有大量櫻花蝦，連個湯底味噌味都好濃厚，仲有齊薄切同厚切叉燒，最鍾意個厚切叉燒，咬落軟腍，肥膏部份唔會太多👍🏻拉麵亦都煮到啱啱好，唔會過腍，而且好掛湯～-另外都叫左個新嘅咖喱拉麵（$108）湯底濃郁唔膩，帶少少辣，會忍唔住飲哂🤭配料方面，有流心半熟蛋，同埋4塊薄切叉燒，份量比起大部份拉麵店多😍而且叉燒有少少微焦，令到叉燒更香口😋-小食方面叫左蒜香雞軟骨（$38）同和風餃子（$38）雞軟骨炸得好脆，但入面唔會好乾，好香口，食到停唔到口，不過真係好熱氣🤣而和風餃子個外皮煎到好靚，金黃色又脆身，如果可以配埋個酸酸地嘅汁就完美啦～

今日就同朋友去左幸屋食野小店除咗拉麵之外，仲有丼飯選擇,每款拉麵可以自行選擇拉麵嘅粗幼度, 湯汁嘅濃淡度等蝦汁帆立貝沾麵沾麵麵質比較粗身煙韌，好掛湯, 湯底有濃郁既蝦味, 質感濃稠黑蒜濃厚山藥豚骨拉麵叉燒肥瘦適中, 用左半肥瘦嘅豚角煮, 肉質腍身, 配料非常豐富，有齊肉醬，溏心蛋, 木耳, 撈埋食好有層次, 黑蒜湯底加上山藥, 飲落比較輕盈, 拉麵麵質彈牙和風炸雞上面放左沙律醬, 炸得香脆炸日式芝士年糕年糕咬開後見到好軟熟嘅芝士, 有小小拉絲

自從轉左去灣仔返工都食多左附近既餐廳，呢間今次已經係第二次食，再幫襯味道依然不錯，值得推薦比大家。———————————————🌟 櫻花蝦味噌麵 $88呢個櫻花蝦味噌麵湯底蝦味非常濃郁，仲有淡淡嘅味噌香，麵質煙韌彈牙，幾好咬口。每一啖都可以食到濃厚既蝦香。叉燒方面有兩款，一款比較薄身而另一款比較肥美，兩者食落都非常香口，肥美嗰件仲有啖啖肉嘅感覺。另外上面果粒溏心蛋真係整得超出色，入面流心係完美，超好食。🌟 蒲燒鰻魚丼 $98呢個蒲燒鰻魚丼係非常有驚喜，鰻魚超大塊又厚身，大大啖咬真係超滿足。飯粒係珍珠米，夠軟糯又唔會太黏，每啖都食到鰻魚醬汁滲入飯入面嘅香氣。🌟 吉列廣島蠔 $42廣島蠔新鮮炸起，外層炸粉夠脆，咬落去唔會覺得油膩，而且仲保留到蠔既鮮味。🌟 冷豆腐 $32呢個冷豆腐份量多，夠厚身夠滑，連埋特製調汁同青瓜絲都非常不錯。

我今日又要做孤獨的美食家了，獨食難肥，me time一下很好，自己一個食拉麵就最正！好，坐低睇下有咩好食先。鹽湯黑松露元貝拉麵，同menu張相近乎一樣，好豐富。第一下要試湯底，味咸湯清，元貝大大粒有兩粒，爽甜！仲有主角好香菇味既黑松露。白雞肉好入味，食落肉質爽、彈、嫩。拉麵好有咬勁，仲有好多配料，糖心蛋、荀、洋蔥和紫菜。芝士年糕，食完拉麵先食，都仲係熱辣辣爆芝士，果種外膽，內心軟綿綿既質感，係幸福感啊！

櫻花蝦味增拉麵 湯頭濃郁 掛身 淡淡都係櫻花蝦味 麵質爽彈 份量勁足 魚介豚骨沾麵最鍾意食沾麵嘅我 呢個沾麵好有驚喜叉燒大大件 一啖食落好滿足 豚骨湯煮得好濃 麵質煙韌 面質比較粗身 叉燒肥瘦相間 表面有用火槍炙燒過 食落去會好香口有焦香味 叉燒肉質鬆軟 睇嚟慢煮咗一段時間和風餃子擺盤靚 餃子底層煎到冰花狀 香脆可口 加埋啲沙律醬一齊食 好邪惡芝士年糕煙煙靭靭 芝士味勁濃 整體嚟講 呢間餐廳環境好舒服 食物質素好 份量多

晚上七時，轉入灣仔這條小巷發現很多商舖已關門，但有一間拉麵店依然燈火通明。推門入內，眾多食客都在默默品嚐一碗碗熱騰騰的拉麵 。🤍廣島蠔沾麵 用嘅係粗粗地、口感似烏冬嘅麵條，掛汁一流！上枱嘅湯汁滾燙冒泡，濃厚帶鮮。廣島蠔有三隻，肥美又大隻。🤍赤武士 辛味拉麵有四種程度的辛辣味可供選擇，我哋選了第二級，辣度很可以接受，湯頭有點像熟悉的五香肉丁味道呢。特別喜歡麵條的熟度，同埋兩款叉燒都肥瘦適中，足夠軟淋。🤍芝士年糕 咬開芝士即流心爆出，即炸的芝士年糕真的超好吃🤍自家制餃子 薄脆冰花整得好靚，醬汁參考咗日本大阪燒嘅味道，灑上木魚碎，日式感覺更為突出

呢間係我人生食過最難食嘅沾麵我叫咗一碗叫做蝦味沾麵$128本身滿心期待 點知原來係惡夢的開始第一下嚟到湯望落好濃郁，但係食落去竟然一啖味都冇同咗侍應講換返嚟嘅都係一樣整到我成碗冇食過咁滯原來佢嘅濃稠 係生粉水溝出黎服務就真係麻麻我後join我啲friend 叫佢比杯茶我到而家都未飲到麻煩佢比幾個碗，我哋都要提咗第三次先記得重要嘅嘢講三次伏到爆炸 千祈唔好去伏到爆炸 千祈唔好去伏到爆炸 千祈唔好去除非你想試下咩叫難食嘅拉麵啦🤭