幸屋

喺灣仔做完嘢，知道附近有間拉麵店，一於入去返碗先。拉麵店環境舒適，坐得舒服。有拉麵有沾麵，一於同同事各叫一碗。🍜 櫻花蝦味噌拉麵一上枱就俾成座「櫻花蝦山」震撼到！湯底用赤味噌混蝦頭熬煮，橙紅色湯汁稠到掛匙！麵條咬落彈牙有麥香，最正係雙豚肉叉燒，厚切腩肉慢煮到入口即化，薄切肩胛肉炙燒到焦邊脆口，夾埋流心蛋黃同脆口木耳絲，非常滋味。🫕 魚介豚骨沾麵經常出現的話題，拉麵vs沾麵，倒不如各點一款比較一下。沾麵湯底稠到可以掛企匙羹，魚介嘅煙燻香撞豚骨嘅膠質。而沾麵底屬粗麵，冰鎮過上枱，咬落非常Q彈，夾一束浸落熱辣辣湯汁3秒——掛汁力爆燈！另外，配料嘅慢煮叉燒腍到離譜，糖心蛋流汁撈湯更邪惡。🥢 小食- 冷豆腐：凍豆腐淋鰹魚汁，面頭灑上木魚花，夾埋青瓜絲同蔥花，非常清新。- 芝士年糕：流心芝士湧出嚟！外糯內流心嘅雙重口感，記住趁熱食，凍咗會變芝士橡膠波㗎！後感：食幸屋，真幸福。…查看更多

呢間充滿日本深夜食堂感覺嘅「幸屋拉麵店」！🏮見到門口掛滿紅色燈籠，木系裝潢加埋布簾，未食已經feel到嗰種地道風味！事不宜遲，即刻同大家報告下我今晚嘅戰績！😋🍜 胡麻王豚骨拉麵一上枱，嘩！😍 嗰股超香濃嘅胡麻（芝麻）味已經撲鼻而來！湯底超濃郁，每一啖都係滿滿嘅豬骨膠質同埋香醇嘅芝麻醬香，飲得出係心機之作。上面嘅叉燒肥瘦適中，炙燒過後帶點焦香，入口即溶，真係冇得彈！🤤 再加上面頭嘅黑蒜油同埋大量芝麻粒，成個層次感即刻出晒嚟！麵條掛湯能力一流，索索聲咁食，超滿足！重口味愛好者必點！👍🍤 紫薯栗子餅食拉麵點可以冇小食？呢個紫薯栗子餅絕對係驚喜！🍠 外皮炸到金黃酥脆，但一啲都唔油膩。一啖咬開，入面係超級綿密嘅紫薯蓉，天然嘅甜味慢慢散發出嚟，中間仲食到一粒粒甘甜嘅栗子肉，口感好豐富！外脆內軟，甜而不膩，幸福感滿滿！💖🦪 吉列炸蠔蠔迷注意！🚨 呢個吉列炸蠔絕對唔可以睇少！外皮炸到金黃酥脆，咬開「咔嚓」一聲，入面嘅蠔肉仲係好juicy，海水嘅鮮味喺口腔爆發出嚟！🌊 配埋旁邊嘅日式沙律醬，可以中和油膩感之餘，仲提升咗鮮味，簡直係絕配！🍜 帶子鰹魚湯赤雞胸拉麵如果唔鍾意太heavy，呢碗就啱晒你！✨ 湯底係用鰹魚熬製，清澈得嚟又夠晒鮮甜，飲落去好舒服，完全冇負擔。主角係幾粒飽滿嘅帶子，非常鮮嫩！而雞胸肉用咗慢煮方法處理，呈現誘人嘅粉紅色，一啲都唔嚡口，超級嫩滑！🐔 最畫龍點睛係嗰片檸檬🍋，輕輕一擠，為成碗麵帶嚟一抹清新嘅果香，令到成件事好fresh，好開胃！總結：幸屋拉麵無論係想食濃郁系定清爽系，都一樣滿足到你嘅願望。小食亦都非常有水準，完全唔係配角咁簡單。💯 喺灣仔呢個美食戰區，能夠搵到一間咁有誠意嘅拉麵店，絕對係我呢個Foodie嘅小確幸！我一定會再encore！灣仔覓食嘅朋友，不妨去試下啦！😉…查看更多

這間灣仔小巷拉麵店環境好舒服！樓底高空間感足，掛滿日式燈籠同木系裝修，坐低未食已經覺得放鬆～主打拉麵價錢親民，$80-$100有交易，仲有多款即炸小食選擇。鹿兒島赤雞沾麵 湯底係濃厚雞白湯，飲落膠質豐富。特別配搭南天製麵嘅手工粗麵，麵條質素高掛湯能力超強，每啖都食到濃郁雞香。慢煮鹿兒島赤雞好嫩滑，有足足四大片，份量好慷慨！胡麻王豚骨拉麵 黑芝麻香氣撲鼻，湯底將豚骨同烘焙過嘅芝麻完美融合，香濃唔膩。配料有炙燒腩肉同叉燒各一片，仲有筍乾、紫菜，跟足一隻流心糖心蛋，滿足感爆棚。套餐配一份小食同埋飲品▪️ 炸雞：即叫即炸，外脆內嫩，肉汁鎖得不錯▪️ 吉列炸蠔：蠔肉飽滿，幾有鮮味，炸漿薄脆…查看更多

我嗌咗個帶子鰹魚湯赤雞胸拉麵（$136），湯底好香但唔會死鹹，鰹魚香氣勁突出，配上滑嫩雞胸真係啖啖驚喜。帶子亦好鮮甜，唔腥，整體好有層次感～朋友嗌咗個櫻花蝦味噌拉麵，湯底微甜又帶蝦香，食到最後都唔膩；配菜炸雞超脆，入面多汁，炸得好乾淨，完全唔油。甜品我哋就叫咗紫薯栗子餅，外層香脆，入面嘅紫薯好綿，栗子味濃郁又唔甜膩，配返罐可樂，完美收尾～ 🥰價錢算合理，下次一定會再回頭試其他口味！🍜✨😆😆😆…查看更多

灣仔捐窿捐罅搵到間拉麵居酒屋，面積唔算好大，勝在樓底高，感覺空間闊落左😆，佢哋做緊優惠，一碗拉麵再加$28就可以配小食一份同汽水，呢個套餐食落都幾飽，味道又唔錯喎👍🏻🍜帶子鰹魚湯赤雞胸拉麵 $108 :我就嗌咗兩個拉麵，其實佢哋嘅賣相都幾豐富，配料都相當多😍，好似呢一款拉麵除咗有雞胸同帶子之外仲有海帶，蘆筍，木魚等，湯底比較清淡，我就覺得味道啱啱好，唔會死鹹，麵軟硬適中👍🏻，佢嘅雞胸真係做到冇額外添加又唔靭👍🏻👍🏻👍🏻，帶皮食都絕對唔覺肥，推薦推薦🙌🏻🙌🏻🍜櫻花蝦味噌拉麵 $88 :另外呢款就係跟咗豚肉嘅櫻花蝦拉麵，櫻花蝦嘅份量都幾多😍，撈埋食絕對夠晒香口，豚肉腍身又入味，都係唔錯嘅選擇😋🍠紫薯栗子餅 +$28 :最後小食方面我哋揀咗栗子餅，佢炸到表面金黃色超酥脆🤤，裏面被整個紫薯包圍住，仲要食到粒粒栗子，夠晒真材實料👏🏻🥟炸餃子 +$28 :餃子都炸得唔錯，粒粒金黃色，食落餡料唔乾身，皮夠薄，最緊要唔會油霖霖😌…查看更多