幸屋

營業中

休息中

同朋友係附近想食拉麵，最後見評分挺好選了這家沒讓我們失望啊我地2人叫左，櫻花蝦味增拉麺Sakura Shrimp Miso Ramen可以選湯的濃郁度，我選了粗面 口感更加有嚼勁 ,湯汁好掛麵朋友叫左醬燒牛肉井 Beef Donburi with Soy Saucen 牛肉片很香 很大一塊 也挺厚的小食叫左和風餃子Japanese style dumplings 蔬菜餡很足料，外層煎得很香脆好吃另外芝麻手羽Sesame Chicken Wings 都超級好食，必須要試，很好吃，油炸得金黃香脆，雞肉很滑一點也不會乾

黑蒜浓厚山药豚骨面，或称黑武士，浓汤厚肉，不见山药，肚饿时见到令人食指大动，吃完感觉好饱，其他风味有辛武士金武士等，袋泡茶淡如水，跟浓汤面形成反差，坐面墙吧台，座位偏窄，举手易碰到两边的人，只能夹着肩膀用餐，餐桌多提供给双人以上，巷中店窄门长身，少窗位，自然光线不足，午餐收现金或八达通，吃完不想多呆，出来晒大太阳，门口尚有人排队等。但觉：浓厚有余，回味不足。

這晚與友人到演藝學院欣賞舞台劇，於是便找找附近有沒有好吃的餐廳晚餐，發現這間有多個好評的日式小店，有齊拉麵、丼飯、小食，好啱心水，一於試試！餐廳裝修充滿日系feel，晚市時段坐滿客人。🌟黑蒜濃厚山藥豚骨拉麵拉麵可選幼麵或粗麵、軟硬度、湯底濃度、香油濃度等，啱晒自己口味。🌟蒲燒鰻魚丼有兩大片鰻魚，醬汁配以珍珠飯好好味。🌟和風餃子呢個餃子好出色，煎到脆卜卜，餡料豐富嘅。🌟 芝士年糕熱辣辣兼且煙煙韌韌，更可做出拉絲效果，不錯的小吃！

喺OpenRice睇到有七百幾個評價，所以星期六同老公試吓嚟食裝修幾靚，但係坐得唔算特別舒服，可能係因為坐高枱服務態度幾好，啲侍應都好有禮貌主動問你要唔要水嘢食就一般般我同老公一人叫咗兩個拉麵我叫咗黑蒜山藥豚骨拉麵湯底冇乜味拉麵質感還可以老公就叫咗魚骨沾麵重點嚟啦，佢竟然食到有蛋殼味道就一般，因為啲豚肉有啲嚡唔算特別好食，又唔算特別難食不過下次嚟灣仔應該都唔會特別食佢

黑蒜濃厚山藥豚骨拉麵黑蒜味都幾香 成碗湯底都係黑鼆鼆有一塊軟腍嘅豚肉同埋糖心蛋 紫菜 椰菜都幾有日本正宗口味廣島蠔沾麵 呢款沾麵嘅拉麵就比較粗身 粗身嘅拉麵可以容易掛濃郁嘅湯底熱辣辣嘅湯底充滿鮮味廣島蠔，大隻又新鮮加啲檸檬 更添風味有隻幾靚嘅糖心蛋心同埋大量嘅蔥同椰菜另外仲叫咗兩個小食吉列蠔 熱辣辣炸出嚟 外脆內軟生蠔有新鮮海水味和風餃子有啲紫菜煎得幾香最靚就係個餅呢度除咗拉麵，仲有日式飯有座枱亦都有吧枱平時午餐時間好多人

在灣仔行完展覽後去附近覓美食，小巷中紅色幸字燈籠份外搶眼，抵不住入去。店舖牆身佈告版貼有熱播的日本影視作品海報，特別有一份親切感。我地叫左兩款麵食，胡麻王芝麻湯底豚肉拉麵，芝蔴味撲鼻而來，豚肉沾上整碗麵精華，湯底一口入魂，溏心蛋同紫菜堪稱畫龍點精，一口一口美味無窮!鏗魚出汁冷撈麵，鏗魚汁新鮮可口，爽而不油膩，配以蒜蓉醬中的蒜油，帶出陣陣清新芳香!小食叫左和風餃子，外皮如章魚燒皮薄般金黃爽脆，餃子有菜及豬肉，兩者配合得天衣無縫!手羽先外皮酥脆之餘肉汁極為豐富，小食佳品!

灣仔的「幸屋」一直是我wish list入面其中一間係香港想吃的拉麵店。上星期終於有機會來，點了招牌「櫻花蝦味噌拉麵」「魚介湯豚骨沾麵」，以及兩款小食「和風餃子」和「和風炸雞」。-櫻花蝦味噌拉麵這碗拉麵一上桌，櫻花蝦的鮮香氣息就撲鼻而來。湯頭濃郁，味噌的鹹香與蝦頭的鮮味超match，喝起來非常過癮。麵條的硬度適中，口感Q彈有嚼勁，還有叉燒同流心蛋也很對版，每一口都是滿足。-魚介湯豚骨沾麵沾麵控絕對不能錯過！魚介湯底濃郁香醇，個人很愛湯頭的厚度。將QQ的粗麵條浸泡在湯底中，每一根麵條都裹滿了濃郁的湯汁，口感豐富。沾麵的口感有嚼勁，簡單好食。-和風餃子、和風炸雞兩款小食都表現得相當不錯。和風餃子皮薄餡多，皮也脆脆的，內餡飽滿多汁。和風炸雞外酥內嫩，雞肉鮮嫩多汁，好食好食。

朋友話有間好食嘅博多拉麵喺灣仔嘅小巷入面叫幸屋，話要帶我去試⭐黑蒜濃厚山藥豚骨拉麵湯底濃郁，拉麵彈牙，連豚肉都有得揀，有叉燒、豚角煮，同御屋（mix）揀，因為兩樣都想試，我地就揀左mix，第一次食拉麵食到豚角煮，有d肥，但係肥得黎又啱啱好，好好食😋⭐️蒲燒鰻魚飯鰻魚嘅份量有好多，仲有溏心蛋，好好食😋⭐和風炸雞炸雞唔會好厚粉，d雞肉唔會好老，仲有沙律醬喺面👍⭐️冷豆腐豆腐清清地，跟埋個汁同面頭嘅青瓜絲一齊食，好夾嘅配搭

Ooo灣仔小巷拉麵ooO主打日式拉麵及沾麵 豬骨湯底每天新鮮製作湯底濃度及麵的軟硬度都可以自己選擇位於灣仔小巷入面 要比D 心機先搵到佢OooooO蝦汁帆立貝沾麵 $128蝦汁味道濃厚以熱石鍋上 可以保持溫度2粒大大粒帆立貝 加上大大塊豚肉叉燒豚肉叉燒好入味好淋 好味沾麵份量幾多 食唔晒OooooO蒲燒鰻魚丼 $98有驚喜 鰻魚厚厚的 燒到剛好鰻魚汁味道香甜 原來丼飯都好出色OooooO和風餃子 $38和風餃子外皮煎得好香脆 加上自定醬汁 非常惹味 餃子皮薄 上面有一層薄薄脆脆的面 好味

放工之後想搵雞高質拉麵店可以考慮灣仔呢一間，裝修好有日式拉麵屋嘅特色，主打拉麵同埋丼，價錢非常合理，仲可以加配小食同埋飲品添🥳和風餃子 🥟 佢有兩款餃子揀，和風餃子同埋自家製餃子，覺得和風比較惹味啲，因為佢加咗啲醬汁比較開胃，餃子皮薄餡正，熱辣辣煎出嚟好好食😋和風炸雞 🐥 和風口味仲有炸雞添，一樣都係有特製醬汁調味，所以食落好開胃👍蒲燒鰻魚丼🍚 傳統日式主食一定要試佢嘅鰻魚飯，呢度整得好出色，鰻魚燒得好香口，唔錯😌櫻花蝦味増拉麺 🍜 黎拉麵屋當然要試埋佢嘅拉麵啦，佢都有好多選擇揀，試咗呢個櫻花蝦味嘅，真係好多櫻花蝦🤭 拉麵軟硬度適中，湯底香濃，係一個唔錯嘅選擇😊

去開灣仔，見到一間幾日式嘅拉麵店，入面除咗拉麵仲有啲小食、丼飯，我自己覺得呢間嘅拉麵冇出面而家嗰啲咁貴，見出面成日都要食超過$100，個人覺得幾抵食赤武士辛味拉麵：個湯底小辣好惹味，個面質亦都好掛湯，令到叉燒食落個層次都好豐富櫻花蝦味増拉麵：呢款湯底係出面比較少見，佢係用咗櫻花蝦去熬製，所以蝦嘅香味幾重😍好特別😋另外上面兩塊叉燒都好厚身，拉麵食落都好彈牙，唔錯唔錯蒜香雞軟骨：雞軟骨炸到金黃酥脆，軟骨食落好有口感蟹籽沙律：面頭放滿晒蟹籽，亦都好足沙律醬，青瓜絲好爽身👍

湯底完全冇味，食到懷疑人生😂見到咁多好評，諗住實冇死。嗌咗一個沾麵一個拉麵，沾麵湯底同M記龍蝦湯一樣味，拉麵反而唔難食，因為完全冇味...唔建議大家食，價錢又唔係平！未食完已經忍唔住打負評。

今日喺灣仔放工，經過呢一間拉麵店覺得佢門面都幾靚幾得意，於是就決定入去試一試～蝦汁帆立貝沾麵🦐🐚 $128蝦汁嘅質地比較濃稠，如果蝦味再重啲就更加好啦🙈🙈帆立貝爽口彈牙，都幾好食～沾麵嘅份量唔會太多，對我呢個女仔嚟講啱啱好～成熟味噌廣島蠔赤雞湯拉麵🐔🍜$128一碗拉麵有四隻廣島蠔，廣島蠔嘅size都算適中，唔會太細隻～廣島蠔食落都幾新鮮，唔會有腥臭味，好多拉麵舖頭嘅蛋都要額外加錢，呢度就好大放，本身拉麵就已經配咗一隻完整嘅蛋😆😆和風餃子🥟$38個人覺得呢個餃子係最有驚喜嘅，佢係冰花餃子，上面已經配咗沙律醬，唔需要額外點醬汁～餃子外皮煎得好香脆，入面嘅肉餡仲保留到少少肉汁，以三十幾蚊嘅小食嚟講算唔錯！

🍜 呢間位於灣仔嘅街坊小店 雖然隱蔽 但係拉麵沾麵款式多多 仲不時有期間限定新款出 星期一至五12：15前埋單仲有九折添🦪 熟成味噌廣島蠔赤雞湯拉麵 ($128) 四隻大大隻廣島蠔 肥美鮮甜 赤雞胸肉嫩滑多汁 味噌湯清甜 配搭彈牙嘅拉麵 🦐 櫻花蝦味噌拉麵 ($88) 櫻花蝦熬製嘅湯底 蝦味濃厚 鍾意食蝦同埋海鮮嘅人岩晒🍜 This small neighborhood ramen spot in Wanchai has a multitude of ramen options to choose from, including seasonal specials. If you want to have an early lunch on a weekday, you even get 10% off selected ramens. 🦪 Hiroshima oysters, chicken and miso ramen ($128) clear and umami-filled broth with chewy noodles, generously topped with 4 f

喺灣仔嘅一條小巷仔發現咗嘅一間裝修充滿日本風情嘅拉麵店，有矮枱同埋吧枱！除咗拉麵之外，仲有提供沾麵同丼飯等等！最近食咗好多唔同嘅湯麵，就係未食到拉麵，今次係時候食返碗日式拉麵啦～櫻花蝦味噌拉麵💰HK$88湯底濃郁，充滿味噌同埋櫻花蝦嘅鮮味！麵底就簡咗軟身少少嘅幼麵，掛湯能力高！配料除咗有櫻花蝦同溏心蛋等等之外，仲有叉燒同埋豚骨煮，口感一厚一薄，肥瘦均勻～鹿兒島赤雞沾麵💰HK$108赤雞胸肉質鮮嫩，仲有溏心蛋、木耳絲、椰菜絲等等！麵底簡咗粗麵，麵質係比較彈牙同埋有口感，沾去濃郁嘅魚介湯底到，惹味十足～冷豆腐💰HK$32表面佈滿青瓜絲、白芝麻同埋木魚碎碎，豆腐口感非常之嫩滑，凍凍地咁食再配埋日式醬汁，好有日式風味～和風炸鷄💰HK$45炸鷄即叫即炸，香脆可口，點配埋旁邊嘅醬汁，仲有淋咗喺表面嘅沙律醬，令人食得好滋味～不得不提，店員服務態度親切，小店充滿有人情味～