川味雞烤魚大王 (大河道)

營業中

休息中

突然間好想食烤魚🐟同豆腐花，所以就嚟咗荃灣覓食-原條海鱸魚 $248揀咗泡椒味🌶️條魚本身就已經煎過，就咁食已經好好食跟住越煮越入味真係食到好似大陸嗰隻乖媳婦鳳爪嘅味道啊烤魚本身入邊有酸菜，娃娃菜，蘿蔔娃娃菜好甜呀大家記得蘿蔔要放喺中間煮耐啲，我哋放咗喺側邊所以最後唔算好淋，不過食到一塊淋既好好味呀😋-大家睇唔睇到啲魚肉好厚實呀仲要份量真係唔少㗎-響鈴 $32打得邊爐點可以冇響鈴呢響鈴吸晒啲湯底精華真係好正🤤食曬條魚已經醫飽左我地兩個女仔既肚不過最後都去買埋個豆腐花，完美既一日🥳🥰

🌌泡淑烤魚（酸辣） - 原條鉗魚 $258🌌原條大鉗魚浸泡在湯底內，先講配料，有酸菜、蘿白、娃娃菜等，湯底加入泡椒淆製，非常惹味，開頭食會比較啖口，但當湯慢慢蒸發，會變得越來越濃味湯底惹味是因為香料都有不少原條大鉗魚先經調味，然後再煎香，最後放入湯底加熱，所以魚本身已經好香口，加上湯底都真係非常美味，而鉗魚比較少骨，啖啖魚肉，食得都幾爽，魚肉間又有骨膠原，美味總括而言，呢款泡椒烤魚都幾好食，1條都夠2人份量，湯底唔錯👍🏻

好久冇吃烤魚，今日同friend去荃灣川味雞烤魚大王食。未入門就聞到一陣陣好濃郁嘅烤魚香味，胃口都大開。店鋪裝修得都好企理，唔會覺得逼仄。卡位都算多，出面都襬左2檯。餐廳有烤魚，雞煲，火鍋供選擇，因為我哋想食烤魚又嗜辣，所以我哋嗌左泡椒烤小半條皖魚中辣。烤魚賣相好好，魚肉又實又嫩，魚皮烤得焦香，配上泡椒辣味，好爽。配料都不少，有蘿蔔，番薯片，酸菜和芽菜。2個人食，分量都足。我哋還嗌左肉丸雙拼和幼薯粉。薯粉質地較硬，口感煙煙韌韌，還吸收左泡椒啲辣味，超級好味。貢丸和魷魚丸雙拼，烤魚湯底好正，辣辣哋俾咪料煮都好啱我哋口味。下次總約返吃雞煲。

每次來到荃灣， 都見到車站邊旁邊的 這間川味雞烤魚大王，今日來到荃灣，晚飯專程來到這間餐廳食。餐廳雖然不是很大間，但裝修簡潔清雅，坐得舒適。泡椒鳳爪$48泡椒鳳爪切得不是很大件，入口酸辣惹味帶爽口，喜愛食酸辣味道的我， 食到停不了口。招牌口水雞半隻$118口水雞半隻，份量不少， 金黃的雞皮，啡紅的麻辣醬汁，令人見到已感覺垂涎，口水雞要了小辣，雞肉軟滑多汁，又帶香口麻辣，食得啖啖肉好入味，配料有花生，也是值得一讚，香脆可口！茴味雞翼$58 茴味雞翼有8隻， 炸到金啡金啡的顏色，見到已流曬口水，真的醃得非常入味，是第一次食到這麼美味的雞翼，且嫩滑又多汁！！雞湯米線$20 雞湯米線$20一碗真的算抵食，雞湯真的很清甜，米線煙韌帶點爽口，和著清甜的雞湯一齊食，真的很可口美味！！

見到評語唔錯特登嚟荃灣食呢間烤魚試吓佢係咪真係咁正🤩星期六夜晚都多人食，walk in需要等位,等待時間都算快，好快有位。餐廳環境幾乾淨坐得都算舒服，唯二人枱有啲窄，幸好隔離有餐車放野食員工服務態度幾好，會主動加湯👍🏻需要另收加一服務費我地嗌咗原條泡椒味海爐魚($248)落單後 即時整 需要等10-20分鐘左右魚方面：好大條  夠2個人食  肉質鮮嫩  啖啖魚肉  無乜腥味  魚骨唔算多，少細骨，平時唔食魚嘅我都完全接受到湯底野味 配菜已包蘿蔔，酸菜（份量多），娃娃菜。如果有需要可以加配其他餸，種類都多。唯食食下發現有條頭髮係湯底  衛生情況需要多加注意  整體來講都好味。如果鍾意食烤魚嘅朋友值得一試👍🏻

記得以前成日返大陸食烤魚，自從疫情之後都好少係香港食烤魚，突然心血來潮好想食，即刻係荃灣揀左間川味雞烤魚！我地一行3個人就揀左原條海鱸魚配少辣酸菜泡椒湯底，對於食譚仔5小辣既我黎講，辣味岩岩好，夠曬惹味！個魚比想像中出色，魚身有煎香左，連魚皮都食得，條魚夠大又淡淡肉同埋好滑，最最最重要係完全唔猩！出色！入面本身有d羅白都好入面！食完條魚就叫左其他配菜打邊爐，嗌左個普通肥牛，肥瘦都岩岩好，鴛鴦滑就不過不失，雲吞都幾足料！反而娃娃菜同萵筍同個湯底好夾，辣得黎好過癮！仲有我最中意既炸芋頭，個size似粗薯條，唔會太厚，岩岩好！

😍成日心心念念想食！見到呢間自稱大王嘅烤魚店！忍唔住要入去試一試呀！店面雖然細細唔係好多位但長期full house😌食完之後果然令Be認同佢係數一數二(😝Be暫時食過三次烤魚架喇) 就分享吓今次叫咗乜啦！. 重慶麻辣原條海鱸魚 (小辣) $248嘩！無揸流攤喎😍😍一上枱佔咗大半枱面！勁大條！好有份量！！湯底除咗辣椒、芫茜、香菜……味道層次好豐富之外！最重要係條巨魚皮脆肉滑😍😍沾上辣湯食超惹味！！辣得過癮！越食越滋味！！. 另外點咗個全日供應嘅set『麻辣口水雞』 (bb辣) $52 雞肉連皮食夠哂嫩滑👌墊底嘅小青瓜吸收哂麻辣汁料令舌頭小麻痺😝有驚喜嘅係跟餐果碗清湯薯粉！(所以記得唔好跟白飯) 彈牙有口感嘅薯粉配上新鮮油麥菜！Be連湯一齊清咗！呀！跟餐仲好抵咁連咗罐可樂！打救咗食到升哂溫嘅口舌🤣🤣

朋友介紹係荃灣有間烤魚幾好食，就即刻走左去試下。裡面位置比較細，所以要食飯時間既話就要早小小去拎位先！仲有最緊要個冷氣夠大，夏天都可以泥食。 -同朋友嗌左條爐魚試下，肉量非常多，配料都好足夠，魚肉食落落肥美嫩滑，仲要吸收埋麻辣湯既味道，令到魚肉更加有鮮味。食完烤魚可以轉火鍋，呢間烤魚店提供既火鍋材料都好齊全，基本既肉類、丸類、蔬菜都有，食得辣既朋友可以叫麻辣烤魚，最後再嗌一堆易吸湯底既火鍋材料，每一件都吸收到湯底既精華，真係會令人食到停唔到口。

當天路經鱟地坊附近看到這家餐廳，心想我們很久沒吃過烤魚，便決定和太太一探究竟位置：在鱟地坊近大河道出口，比較當眼易見。港鐵荃灣站走路過去約10分鐘，大河道附近有多條巴士線，交通便利環境：餐廳分戶外開放空間及室內空調位置，戶外較為空曠，可以隨心所欲地喝酒談天；而空內則較寧靜舒適，座位雖多但不會感覺擠迫服務：侍應會提醒先下需時製作的烤魚或雞煲，入座時會立即準備一碗熱水給我們清洗碗筷，服務以小店來說已是不錯食物：餐廳主打烤魚及雞煲，而且提供不同食材、配料及口味供選擇，食完後鍋會繼續用來打邊爐原條海鱸魚 $248選了太太最愛的鱸魚做烤魚鍋，配上少辣的泡椒湯底比想像中的更出色，鱸魚較為大條，預先開邊烤香才放上鍋上，魚肉結實新鮮而且啖啖肉，湯底香辣惹味，把魚肉再提鮮，味道不錯勁辣牛丸 $48牛丸是自家製，份量多，把剁椒混在手打牛丸中，所以令彈牙的牛丸增添了香辣口感比較惹味但略嫌辣度不夠多手打鮮蝦滑 $78香滑鮮甜的手打蝦滑有一大堆，除了本身彈牙外，加入些許蟹籽加強了鮮味及口感豬大腸 $48預先清潔乾淨及切件，味道香而有咬口，喜歡豬大腸當然要點滷金錢展 $78滷水味香的金錢展，肉質鮮嫩，切成薄片令打

荃灣可以食到烤魚的地方不多，昨晚跟朋友聚會，來到鱟地坊的『川味雞烤魚大王』，一試四川風味烤魚。烤魚，可以選擇大，中，小辣的重慶麻辣/剁椒/泡椒，和完全不辣的酸菜口味。魚方面，除常見的鯇魚外，還可選擇海鱸魚和有2條鬍鬚的鉗魚， 我們選了在香港較為少見的（小辣）泡椒烤鱸魚，又點了些不同的火鍋配料。🎯酸辣泡椒烤海鱸魚（小辣） $248鱸魚比想像中大條，即點即烤，烤好熱辣辣放進泡椒湯鍋內，賣相吸引，入口魚皮帶點焦香，啖啖肉， 肉質滑溜細嫩。 此店在烤魚方面真的有一手，辣度親和，湯中有酸菜，大蔥絲，豆芽增加甜度，魚肉越煮越入味，中意食辣，可以煮耐d，魚肉吸滿泡椒味，酸酸辣辣，更惹味。🎯手打鮮蝦滑 $78鮮蝦滑上，放滿橙色的魚子，入口爽彈， 蝦味十足。🎯豬大腸 $48切開一件件的豬大腸滷水味充足，唯炆得不夠軟淋。🎯滷金錢展 $78薄切的金錢展用碗盛載，份量不少，入口煙韌牛味濃。🎯鮮蝦雲吞 $42一碟8 粒，每粒入面都有不少蝦粒，好夠味。🎯幼薯粉 $22煮得濃郁的湯汁，最適合放麵條吸味， 有粗/幼身選擇的薯粉很快熟，而且不易斷。🎯勁辣牛丸 $48自家製手打牛丸，牛丸包著很多紅色的辣椒碎，睇見都覺得火

第一次食外賣烤魚！最初以為會係錫紙盤...... 但年少無知既我地錯咗喇佢係俾個鋁盤! 而我地嗌咗2-3人份量，都好豐富。最重要係好好好好好食！配料有質素！羊肉同豬腩肉都好好味可一可再

.終於..終於..終於都覺得凍啦！終於可以瘋狂食雞煲、食烤魚😻最鍾意食完之後加啲湯又可以打邊爐，滿足晒我呢啲選擇困難症嘅人😆唔好睇佢呢間鋪仔細細，原來隔離仲有個鋪位可以坐㗎😎呢啲天氣特別多人所以有興趣嘅朋友記得早少少嚟或者book定位先😉🐟 重慶麻辣原條海鱸魚 $248條魚半煎炸到好香 魚皮好脆卜卜🤤海鱸魚肉質比較嫩滑，唔會太多細骨☺️因為我自己唔算好食得辣，所以就揀咗小辣，少少麻但唔係好辣又唔會遮蓋咗魚嘅鮮味！如果怕辣嘅朋友，可以撈起啲辣椒先再加湯打邊爐😚🐷 頂級豬腩片 $68雖然係豬腩肉但肥瘦均勻，冇雪味🍜 寛薯粉 $28唔夠飽嘅，叫個寛薯粉就啱哂，每條薯粉都掛滿啲湯😋

自疫情開始後已很少外出食雞煲，打邊爐，烤魚等。由於近日實在太掛念烤魚，於是與女友一同去荃灣一間都幾多人的食既烤魚店試下。呢間餐廳如果要walk in其實要碰運氣，因為平時多人多到坐到出鋪外，你想坐入面要講緣分或者等下，又或者出面都有另一個feel。叫左魽魚泡椒味，魚皮香口，肉質是實在的，湯底似青青地不過辣味慢慢感覺要散出來。食得辣既可以試麻辣。烤魚打邊爐必點既配料，本人覺得豆卜必點。食烤魚當然要配啤酒或涼茶。

天氣又開始凍啦，呢個時候最啱就係食火鍋黎暖下身🤪普通既火鍋當然滿足唔到我朋友，咁我就帶佢黎呢間荃灣烤魚店食烤魚，再打埋邊爐咯🤣呢次我地揀左個特別少少既味道，就係「泡椒魽魚」泡椒因為係綠色，所以睇落冇平時既辣椒咁有視覺效果，但其實食落都幾辣既，食落酸辣爽脆，如果鍾意酸辣既人一定要去試下！🤩鉗魚肉質嫩滑，比較少骨，係湯底度越耐越入味👍🏻個烤魚仲有少量芽菜、大白菜、蘿蔔、魔芋、薯仔、酸菜，都算多料烤魚食到咁上下，其實就可以打邊爐啦。呢度極度推薦「豆卜」，吸收曬湯底既味道超正呀！我地仲叫左「自制蓮藕餃」「幼紅薯粉」「蔬菜拼盤」「廣島蠔」，全部都大大份又新鮮！提提大家，呢度係冇水架，但餐牌可以揀既飲品都多，而且價錢都唔貴，我覺得都OK！

天氣轉涼，又係最啱食雞煲嘅季節。本來食開旺角一間雞煲的。但上次去過食覺得冇以前咁好，所以想發掘下有冇好食的。呢度係半隻雞ge 分量，我哋叫咗小辣。個煲一上枱嗰陣唔算好香，但係越煮越惹味。啲雞肉唔會鞋颯颯，雞皮亦唔會太肥，食落口肉好滑，好入味。煲入邊嘅醬好多，我哋食完啲雞都仲有好多醬，連湯都唔使加就可以直接打邊爐了。粟米我哋係一開始食完雞就掉入去，佢係屬於比較爽身嗰種，浸咗好耐佢都唔會軟，啱晒鍾意食爽口粟米嘅人。呢隻雞翼真係好推薦，一咬開入邊係滴晒肉汁。係真正嘅外脆內軟。外邊有啲孜然粉。好香。重口味人士表示孜然粉味可以再多啲🙈🙈🙈可能係我食過雞翼入邊最好食的。芋絲同呢個雞煲好夾，因為呢個雞煲嘅醬汁好多好濃。啲護士係完全索到雞汁嘅味。正新鮮魚卜好新鮮。洗得好乾淨上面冇血管冇血絲，叼落去撈埋雞煲醬一齊食，爽口。出邊好少有雞煲店有魚卜，所以黎呢度真係要嗌呢個火焰芝心丸個外層比較硬身，咬開入邊芝士會流出嚟，食嘅時候要小心熱同爆漿山根吸收晒湯汁 ,係我打邊爐必食的冬瓜切得夠薄 ,抵讚，容易淋，容易入味。最鍾意浸到軟身先食。個金菇整得好好，喺大陸麻辣燙嘅味，少少辣，香牛舌建議未加湯嘅時候就落，靠醬汁