川味雞烤魚大王 (大河道)

營業中

休息中

天氣開始涼啦 好想食熱辣辣滾滾下既烤魚竟然喺荃灣比我遇到呢間小店係用電磁爐滾住食既烤魚 好岩我嘴型因為我本身唔係好鍾意食太滑溜既魚水一滾就可以食得 一開始係好滑嫩既魚質如果鍾意食滑嘅朋友可以早啲熄火我就鍾意彈牙有口感啲 所以就煮到最後因為同行嘅朋友唔食得辣今次叫咗酸菜唔辣嘅味道 酸菜份量好多雖然唔啦但係都好惹味有少少豆腐芽菜黃芽白做配料另外亦可以加錢配其他打邊爐配料湯底鮮甜 唔會太濃 整體感覺不錯另外仲點左一份涼拌青瓜醬汁好惹味濃郁 清新可口

男人的浪漫 幾次經過呢間烤魚雞煲小店，都有人排隊，可能因為荃灣能夠食到烤魚嘅地方並唔多，終於有機會試吓，鋪面唔大，餐廳環境都幾開揚，除咗烤魚之外，仲有雞煲同唔少川味小吃，例如泡椒鳳爪 ($48)涼拌皮蛋($38)，價錢仲好貼地，就算唔食魚都有更多唔同既選擇重慶麻辣雞煲($158)，望落火紅火紅，實際上不算太辣，必須一讚雞肉很滑嫩，用上正宗四川香料、花椒、香葉等，辣味有層次不死咸，十分惹味配菜方面，作為芫茜關注組成員，芫茜餃食得出手工製，爆多芫茜漲卜卜，強烈推薦最愛嘅闊身紅薯粉，煙韌Q彈，索晒香濃嘅麻辣雞汁，畫上完美句號—————————————————川味雞烤魚大王 (大河道) (荃灣)荃灣大河道91號天保大廈地下F1號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #lunch #dinner #foodstagram

呢排秋風起，天氣有少少涼，小編個邊爐癮又起啦😂又係時候極返餐先得！呢排見好多雞煲 邊爐 烤魚嘅post, 引死人啦！最後我哋揀左呢間「川味雞」麻辣雞煲$158啲雞都幾滑架！辣度亦都控制得岩岩好😋特級雪花肥牛(細)$108雖然份量唔算太多，但少食多滋味！都好有牛味😂豬大腸$48洗得好算好乾淨！亦都冇腥味😊食落都煙韌！鮮魚卜$48亦係唔會腥！食得出都好新鮮🤤響鈴$38炸到脆卜卜！新鮮滾熱辣👍幼薯粉$22當然要叫個薯粉黎吸下味 吸下啲精華！😋

呢度嘅烤魚食超過10次以上㗎喇佢點解咁好食令我回味無窮😁😁不過如果想試嘅話，最好就打去訂位因為經常都好full如果係晚飯時間去嘅話🙈我當晚大約6:20去到已經好多人好彩都有坐落咗一陣就坐滿晒啦重慶麻辣烤魚 （爐魚）$258烤魚裏面會有配菜、芽菜、蘿蔔、薯仔，所以如果細食嘅人其實叫一個烤魚已經足夠，口水雞 例牌 $68一般食落口雞肉比較淋，平時鍾意食口感比較有彈性嘅雞肉，有機會係因為雞件比較肥嘅關係蒜蓉炒時菜 $58掛住食唔記得咗影相，因為我平時鍾意食菜所以每一次我都會叫菜嘅

個魚真係好臭 魚腥味，咁多辣椒配料同酸菜都蓋唔過本身條魚既腥味，可想然之條魚冰左幾耐。食烤魚都無諗過係新鮮魚，但正常咁多香料同辣椒一定可以蓋過個唔新鮮既味，但條魚係臭到辣椒都蓋唔過，可能係我地咁啱好彩攞左條臭既魚啦☠️個牛丸同墨魚嘴丸完全冇特別，但要$52，得8粒野飲仲貴過7仔唔係手沖，無言，整體印象係又貴又唔好食☠️人手仲要不足，因為佢分兩邊既，另一邊係叫天不能叫地不聞，要過隔離先有人應你☠️仲要等左成個鐘先入座，失望，no next time.

🚁🚁🚁🚁🚁🚁🚁🚁🚁🚁🚁好耐無食烤魚，結果又幫大家試伏🙂——————————————————🔻重慶麻辣烤魚 原條烤鱸魚 $258賣相好惹味🙂調味料睇落好豐富但原來咩都係假🥲無錯條魚係烤過 但得個皮有味叫小辣 湯汁就得個咸字 完全唔辣 味道單一而且煮咩都唔入味難食過清湯🤢——————————————————環境迫，污糟，侍應分身乏術，叫極都無人應機無下次👎🏻by C **#sissyfoodie

細妹成日同朋友去食烤魚，話好好食，每次都冇叫我去，今次終於約咗我一齊去品嚐，好彩有訂位店鋪細細，一陣就座無虛席。一坐低，即刻嗌咗個小食，涼拌川辣味魚皮，魚皮爽口彈牙，加上店家秘製醬汁，十分醒胃我哋好貪心見到有重慶麻辣雞煲，要咗半只，雞肉軟滑而不嚡口，加上各樣配菜同吃，衹是越吃越麻，越吃越辣實在過癮。要咗一盆原條魽魚泡椒烤魚味，魚肉嫩滑鮮甜，加有大量鹹酸菜，酸酸甜甜越食越開胃。 我哋叫多一份紅薯闊粉，放入烤魚內同吃，粉條吸收了湯汁的精華，順滑中帶點煙韌，非常非常之好食，再配上一杯冰凍嘅啤酒，真係人間美味。

有冇人好似我咁間唔中都會好想食雞煲烤魚😻就算天氣幾熱，都會突然間好想食😋 今日黃雨 天氣涼返少少所以就想去食雞煲，去咗公司附近呢一間川味雞 烤魚大王重慶麻辣雞煲（半隻）小辣$158雖然見到每一台都差唔多係叫烤魚，但係今日我哋都想試吓雞煲😍 醬汁非常濃郁味道香辣惹味雞件嫩滑非常入味 兩個人半隻啱啱好 食完加入清湯打邊爐 墨魚滑蝦滑雙拼$82墨魚🦑同 蝦🦐滑都非常彈牙，軟硬適中有嚼勁新鮮豬紅$38口感滑嫩口味清甜，價錢實惠但係營養價值好高鮮蝦水餃🥟$52皮薄餡多 木耳口感脆配上鮮蝦豬肉，非常鮮甜生力青啤$28

朋友住荃灣，他推介此店的雞煲及烤魚。上次試過雞煲覺得滿意，今日轉轉口味來個烤魚吧。朋友家鄉在湖南，她推介我試此店馳名的酸辣泡椒烤魚。魚有海鱸魚，鯇魚，魽魚等選擇。預定還可揀沙巴龍躉。鱸魚和鯇魚食得多，今天新嘗試來條魽魚。原條魽魚大大條開邊好多肉，烤完放在配料豐富的湯汁內，好吸引。烤魚香，不腥，油脂膠質豐富，肉嫩細緻又甘甜，好吃有營養。泡椒湯汁鮮甜酸辣令人胃口大開，愈吃愈過癮，配料如黃芽白和荳芽鮮甜美味。除了主打魽魚，我們還叫了其他配料打邊爐，善用美味的湯汁。手打鮮蝦滑爽滑彈牙，推介。蔬菜藍，山根，幼薯粉等都美味。吃完烤魚邊爐除了滿足口腹之欲，亦有助驅除身體濕氣。滿足! 推介你來享受這川式美食-酸辣泡椒烤魚。叫多幾個人來，還可試多些邊爐配料呢!

今晚開飯嚟到荃灣大河道川味雞烤魚大王，由於自己太愛酸菜烤魚那個味道， 耐唔耐都會嚟這店開飯🍽餐前小食: 叫了兩款正宗重慶 美食 ，紅油肚絲，紅油抄手，吃辣後開胃醒神，食慾大增。酸菜烤原條魽魚(少骨中辣)， 鍋內加入大量嘅酸菜，蘿蔔，芽菜，芫茜， 大蔥。 煎後的魽魚又滑有嫩， 筷子都捨不得停下來，話咁快條魽魚連骨都"梅"完後，加湯慢煮闊薯粉和幼薯粉， 薯粉質感煙煙靭靭，吸晒d湯汁先至最正😋完美組合， 今晚好滿足😊

好耐都冇食烤魚，今次就搵到荃灣有間食烤魚。餐廳唔大，座位唔多，但坐得舒服。叫左原條海鱸魚，配重慶麻辣口味嘅湯底。打邊爐配料選擇好多，叫左油麥菜、草菇、鮮准山、萵筍、紅薯寬粉、自制蓮藕餃。等左一陣，烤魚同其他配菜都全部送到。海鱸魚係成條開半上爐，好大條！魚肉嫩滑得嚟唔多骨。雖然叫左重慶麻辣湯底，但驚太辣就揀左小辣，煲耐左湯底又唔算好辣，辣度適中。配料嚟講，蔬菜類幾新鮮。紅薯寬粉同個濃味湯底幾夾。自制蓮藕餃好似食唔到蓮藕粒，似豬肉餃。

今次嚟到荃灣試一試呢度特色嘅川味雞烤魚大王。 原來呢度唔單止烤魚亦都有雞煲食。不過老闆娘就推介重慶麻辣烤魽魚，咁就即管試一試係咪真係咁好食啦。 由於我哋兩個都唔食得太辣所以嗌咗個小小辣。 條魚一開始已經烤熟咗，擺咗喺一鍋好多辣椒嘅重慶麻辣煲度慢慢煲熱佢。 配菜方面由於見到一條魚都好大條，我哋就叫咗生菜、豆卜同埋米線就算啦。 條魚第一啖食落去其實已經有好香嘅烤魚味。重點係佢肉質竟然唔會好乾， 配佢個重慶麻辣湯底真係好入味好鮮甜。 同埋老闆娘介紹嘅魽魚都真係啖啖肉又少骨，2人行一定夠食。配菜方面，豆卜同生菜加咗落去之後亦都好入曬啲重慶麻辣味。 由於我哋係慢慢食就發覺一路煲得耐就越嚟越辣，同時亦都越嚟越入味。 最後放啲米線落去就成為一個重慶麻辣米線， 強烈建議一定要加米線試。 有機會我都會返嚟試下其他嘅烤魚。

聽朋友講依間川味雞烤魚大王佢既烤魚味道唔錯今晚放工就一於黎試下餐廳唔算好大好快已經坐滿人建議黎之前可以訂定位嗌左原條海鱸魚店員推介重慶麻辣口味唔算太食得辣所以揀左BB辣烤魚好快就送上魚肉都幾嫩滑唔算好多骨原條海鱸魚好大條兩個人絕對夠食雖然揀左BB辣但個湯底愈煮會愈辣再嗌左油麥菜金菇鮮准山萵筍蔬菜整體黎講幾新鮮配埋紅薯寬粉同個湯底好夾比較失色係自制蓮藕餃餃皮無咩咬口同埋餡料無咩蓮藕味整體食物水準唔錯，可以一試

之前去過大圍食佢嘅烤魚，今日就嚟到荃灣分店，本身係想食麻辣雞煲，但係朋友喉嚨有啲唔舒服唔食得辣，所以我哋轉戰醉雞煲餐廳唔算好大，入邊大約有10張枱左右，門口有啲座位，俾啲食煙嘅食客坐食物種類都係以下魚同雞報為主，與又唔同嘅選擇，雞煲都有唔同嘅味道，唔辣嘅可以揀椰子雞，藥膳雞煲或者醉雞煲最後我哋叫咗一個醉雞煲，超大隻雞，原隻雞上，自然會先上湯底，再喺面前將原隻雞放入去也煲雞件嘅份量非常之多，餐廳亦都有提供調味配料，可以自己調調味料點雞肉食

今日放工落荃灣食酸菜魚，魚我食得多。。。酸菜魚除左響大陸食過一次外就無咩食過，所以新鮮感滿分，let’s go!坐低大家肚餓先叫兩款小食雞翼同紅油豬耳！雞翼真係我人生食得最多的野之一，估唔到呢間主打酸菜魚的鋪頭整雞翼都有一手，咬開外皮爆juicy 外脆內軟，一絕！推薦😍😍😍紅油豬耳係開胃菜式，辣味適中食落香口，豬耳咬落爽口，唔錯唔錯主角出場，泡椒小辣酸菜魚，因為大家唔想食太辣無左魚的鮮味第一次食先挑戰小辣，魚身煎香左再放湯加埋唔少配菜一齊煮，香噴噴呀🤤🤤🤤，加左兩條支竹同兩碟菜慢慢浸湯食，好過癮！食下食下辣味出來加上食到熱熱地叫左三支啤酒，一邊食一邊飲都幾嘆！不過要讚的係湯底應該無加太多味精，食到尾尾都唔覺會有好口渴的感覺等冬天的時候將會係我地再見之時🤣4個人大約每人$180，抵食呀