川味雞烤魚大王 (大河道)

營業中

休息中

今次喺荃灣食烤魚大王，簡左原條海鱸魚加泡椒湯底，$248咋 勁抵， 因為朋友唔係好食得辣所以我哋揀咗小辣， 酸味同辣味平衡得好好😋會愈食愈辣，如果唔係好食得辣嘅朋友可以滾咗陣湯底之後就將辣椒夾出嚟~原條嘅海鱸魚係切半，然之後上盤嘅~令到我哋食嘅時候唔使將條魚返嚟反去~而且更加每到魚肉更易吸到湯底既味道~餐廳好細心呀! 海鱸魚亦都處理得好好唔會有腥味~亦都將魚鱗刮得好仔細架!自製韭菜餃42韭菜味十足，而且係原條餃菜手切💕唔係用攪拌機打碎嘅， 而且韭菜餃餃皮唔會太過厚同粉😘韭菜餃絕對係配合酸辣湯嘅首選餃類黑毛豬腩肉片$68豬腩肉既肥瘦好均勻，唔會淨係得肥肉咁唔健康☺️而且嚟到都唔會凍冰冰❗解凍解得好好，食落口冇冰鮮嘅味道~蜂巢豆腐33 個人就好鍾意打邊爐食蜂巢豆腐~因為覺得最索到啲湯~好juicy好好味☺️幼薯粉22打邊爐成日都覺得唔飽~一定要嗌薯粉呀😋呢度嘅薯粉就算唔係煮得好耐都唔會太硬架，好好食~

香港人好鐘意打邊爐 食雞煲 不論春夏秋冬😂最近涼涼地 雞煲癮又發作😂😂呢間小店 有魚煲有雞煲我地都係投入雞煲既懷抱雞煲既醬汁 唔算好杰身 但都絕對夠味啲雞份量都幾足+滑 我地叫左半隻但配菜可以再多少少 啲青椒索晒啲汁 好正😋好欣賞佢個煲 係唔會痴底咖👍🏻👍🏻👍🏻👍🏻👍🏻叫左2個小食雞翼 + 金菇雞翼👍🏻👍🏻👍🏻👍🏻炸得好香 真係外脆內軟既感覺咬落仲會爆油 正😋金菇好有重慶既感覺雖然望落去好油 但食落 一啲都唔會油膩亦唔好俾佢既顏色嚇親 唔會辣好耐無食過咁特色既涼菜鮮魚卜洗得好乾淨 加上好新鮮食落好爽口火炙芝心丸咬落會爆芝心 唔可以太熱食😂😂真係會辣親咀芋絲 生根用黎索味一流粟米係較為爽口果款我地一食完雞 就落粟米等到最後先食 都仲爽口冬瓜最鐘意打邊爐食雞煲落冬瓜 感覺好清熱加上切得好薄身 好快就好淋 吸晒啲汁🥳🥳🥳牛舌真係要讚一讚 爽口得黎又軟身👍🏻煮耐左都唔會un 但煮完之後會縮細左 如果可以大粒少少會更好第一次見食雞煲既地方有凍奶茶飲😍😍朋友叫左90後既jolly shandy 😂😂好懷舊

冬天一到，辣辣地既烤魚真係都是數一數二的聚餐首選!荃灣有條街知巷聞既辣魚街, 今日就試其中一間~有好多款魚同唔同既辣度可以簡，可選辣度，由不辣到大辣都有! 我地最後簡左重慶麻辣烤魚，選左大條魽魚，無咁多骨，食起上黎啖啖肉D!麻，辣，鲜中辣其實都好易入味，好多辣椒，麻味突出，辣味有後勁~而且魚質嫩滑，湯底濃郁既味道入曬條魚到，烤魚都烤得十分香口!必備: 薯粉煙煙韌韌, 而且曲既幼條版, 更加可以吸到湯汁!唐生菜打邊爐點可以無菜食~ 食到辣辣地又浸下湯汁繼續食!

踏入秋天 🍂🍂夜晚涼涼地 最想食既更系暖笠笠嘅打邊爐 搵到間系荃灣 街坊都食既川味打邊爐 裝修簡簡單單 座位唔算太多 夜晚時段食最好book左位先😊😊唔止堂食 ， 外賣都得 藥膳雞煲 🐣 冬天前提早 補補先湯料有 北芪、黨參、當歸、紅棗、圓肉、准山 等等 .... 藥材味吾會好重 反而飲到紅棗同圓肉嘅甜甜地 ，雞肉煮得岩岩好 好滑 😋 黑毛豬腩肉片 薄薄一片 幾分鐘食得半肥瘦 岩岩好 吾會過肥 又吾會瘦到柴 ！！雜錦蔬菜🥬有娃娃菜 ，生菜 ，油麥菜 🥬🥬夠新鮮 洗得又乾淨 ~~打邊爐點可以冇菜

今日嚟到荃灣諗緊有咩食嘅時候就見到呢間入面都有好多客人一於入來試一試佢！我們今日點了泡椒烤原條海鱸魚🐟(酸辣)店員好好提醒咗我哋如果怕辣嘅話就嗌小辣，所以我和朋友揀咗酸辣嘅烤魚🙈等咗一陣呢條片上台啦！條魚真係好大條😍入面好多配料係個烤魚入面，例如有蘿蔔，薯仔，芽菜同酸菜！而魚呢係喺香煎過兩面既，魚嘅質感咬落去非常嫩滑😍唔會鞋！而且魚皮卜卜脆口感非常之好😍😍我地仲嗌左個新鮮雜菜同埋寬薯粉去配合酸菜魚份量好多！薯粉煲左一段時間之後呢索晒所有魚汁非常之惹味鮮甜！再配埋嘢飲，真係捧住個肚走大滿足🦦

最近天氣轉涼，最適合與朋友去食雞煲或烤魚了。荃灣有多間食雞煲或烤魚的餐廳，但想一次滿足兩個願望，一定要選擇來川味雞烤魚大王了。同時間食雞煲及烤魚。一次滿足兩個願望，當然是要雞煲和烤魚了，點了椰子雞煲：有香濃椰子味，還有龍眼肉和紅棗，，湯滾起落雞件，焗一陣就可以食了，雞很嫩滑，湯底非常好飲，我們飲晒。烤魚點了原條魽魚（泡椒小辣）：整條魽魚先煎香再上盤，再配上酸菜、薯仔等配料，魽魚魚質鮮甜又嫩滑，而且魚骨不多，每口都是肉。

疫情關係少咗出街食飯，最近就約左朋友去左荃灣食野，我朋友就非常鍾意食辣，所以佢就介紹左呢間專食烤魚嘅舖頭食晚餐，餐廳除咗食烤魚之外仲可以叫埋雞煲，就算係烤魚都有好多款口味選擇，實有一款岩自己口味_香麻辣烤魚-小半條 $208餐廳非常細心，有清楚列明每一個適合嘅份量，我地就叫左小半條魚，份量已經夠兩個人食，烤魚最緊要係魚肉，食落口，感覺十分嫩滑，加上吸哂惹味湯底，鮮味更加突出_火鍋邊爐配料食完烤魚仲可以用埋湯底打埋邊爐，餐廳提供多款火鍋配料選擇，有肉類、丸類、蔬菜類以致粉面都有很多選擇，今次就主要叫蔬菜同粉麵，如有冬瓜、娃娃菜、油麥菜、蘿蔔、寬薯粉等，每款都可以吸哂湯汁精華，非常惹味蔬菜類配料每份 $33特別推介蘿蔔，清甜多汁_唔想食咁多火鍋配料都唔緊要，餐廳都有唔少小食比大家選擇茴味雞翼 $28@4隻麻辣手撕雞 $78手撕雞雞肉食落唔會太過難咬，吸收左麻辣汁後更香口，而且冇骨，食落方便，大家下次嚟到不妨試下_打邊爐又點可以唔叫嘢飲呢，酒類汽水呢度非常多選擇，今次就叫咗蘋果酒同凍檸茶，爽口，配打邊爐一流

荃灣出名多嘢食，最近朋友心血來潮話想食烤魚，上網見到好多人推介呢間位於荃灣嘅烤魚店，除咗食烤魚之外仲可以叫雞煲，能夠滿足晒唔同人嘅需要，今次就試咗烤魚順便打埋邊爐，地方位置唔算好多但坐得都幾舒服😌_🐟香麻辣烤魚-小半條 $208本身以為份量唔會太多，但烤魚嘅份量都足夠兩個人食😚湯底非常惹味，魚嘅肉質都係偏滑，朋友就好怕食魚好多骨，呢條魚全部都係大骨所以食落比較方便_火鍋邊爐配料食完烤魚就係梗係唔好嘥咗個湯底直接打邊爐啦，餐廳提供多款火鍋配料選擇，由肉類、丸類、蔬菜類以致粉面也有很多選擇，今次就主要叫咗啲吸湯嘅蔬菜類冬瓜、娃娃菜、油麥菜、蘿蔔、寬薯粉蔬菜類配料每份 $33特別推介蘿蔔，食落去好清甜唔會過厚_除此之外餐廳亦有提供不少小食選擇今次就試咗其中兩款包括茴味雞翼 $28@4隻麻辣手撕雞 $78兩款味道都唔錯，手撕雞雞肉食落唔會太過鞋，吸收左麻辣汁後更香口，大家下次嚟到不妨試下_打邊爐又點可以唔叫嘢飲呢，今次就叫咗蘋果酒同凍檸茶，餐廳都有提供好多唔同飲品👏🏻

秋風起又想打邊爐又想食烤魚，所以一次嗌晒兩樣唔使煩😆雞呢就食左椰子雞煲，魚就係小辣既剁椒味。唔知係咪小辣既原因呢就咁夾啲剁椒食都唔太辣咁，食到最後都唔係好辣。同埋d薯粉係好闊果隻，但小小失望係佢唔煙韌。食食下魚飲番個椰子雞湯覺得好鮮甜，幾乎飲晒咁制☺️

今晚和朋友去這店吃晚飯。本來想吃著名的烤魚，但因朋友想吃雞，便選了椰子雞煲。椰子雞煲湯底鮮甜，又香又美味，內有補身的紅棗和子等。我們兩個人叫了半隻雞，份量很足夠兩人吃。雞新鮮，肉質幼滑香甜。配料選擇很多，不乏低脂有營食材。鮮魚卜彈牙富膠質。豆卜吸滿湯汁好好味。幼薯粉有特色，是绿色健康食物，低卡，增加纖維易消化。娃娃菜淋甜。萵荀清爽好味。前菜涼拌海蜇彈牙。吃完椰子雞煲，頓然感覺身体也暖和起來，氣血運行也暢順了。下次找多兩個朋友再來吃烤魚雞煲。吃得滿意，每個人约200元，物有所值。

全家都係魚怪的我非常鍾意食魚，無魚不歡， 天氣轉涼，又係時候出動找烤魚食， 來到大河道幾出名下的川味雞烤魚大王。座低諗都唔洗諗就叫左酸菜烤魚（原條海爐魚）因為我朋友鍾意酸菜，我地另外叫左生菜，兩人咁樣其實都好夠飽，因為烤魚底下有好多配菜，包括，大豆芽，豆腐，蘿蔔， 酸菜， 香茜， 京蔥，娃娃菜咁。條魚烤得好香，放係湯上等佢煲滾吸收一下酸菜湯的味道好吸引，魚肉夠哂滑溜，海爐魚唔多骨，食起上來好方便，大大件魚肉放入口，真係好滋味， 好喜歡佢地配菜有豆腐，因吸收左d湯又滑好正。

記得第一次去食烤魚係喺深圳，又滑又好食，而家係香港都可以食到高質烤魚！🔺剁椒味烤魚 / $238簡左大半條、小辣，發現岩岩好，辣得黎唔會蓋過食物本身嘅鮮味，如果用譚仔辣度等於小辣。魚肉好滑，魚皮有烤過，食落好脆口，而且有好多酸菜娃娃菜薯仔吸哂d汁，好好食！呢個價錢有咁大條魚~抵 🤣🔺麻辣手撕雞 / $78肉質好嫩滑，手撕雞一條條幼細，係幾好食。不過如果可以再加啲日本胡麻醬同加辣應該會令成個菜更加香口！🔺茴味雞翼 4隻 / $28外皮香脆，煎得好香，入面又唔會太乾，係個唔錯既小食~🔺涼拌海蜇 / $38 海蜇同青瓜都好爽口，唯一美中不足就係唔夠辣同香，同埋稍為淡咗啲。

又黎食辣野了😁烤魚係川菜其中一種特色美食，原條魚經過烤製後放係用左多種香料熬製嘅湯底上，令本身烤到焦香嘅烤魚吸收惹味湯底，湯底仲可以加配料打邊爐，又麻又辣又惹味！🤤同埋經過咁樣烹調嘅烤魚一啲腥味都冇，就算食唔到魚腥嘅朋友都食到架🤤◾️重慶原條海鱸魚 • $248湯底有4重選擇，有麻辣、酸辣、剁椒、酸菜，我今次揀左小麻辣口味，原條鱸魚對半切再烤，可以更入味，鱸魚烤得焦香，魚骨並唔多，啱晒我呢啲唔係好識食魚骨嘅人🤤湯底有多種香料令人愈食愈上癮🤤◾️肉丸雙拼 $48可以自由選擇，我要左勁辣牛丸同墨魚咀丸，勁辣牛丸幾彈牙，有少許辣。◾️黑毛豬肉片 • $48豬肉片都幾新鮮，煮耐左都唔會好韌◾️響鈴 • $32點黎吸湯底的😁超正◾️幼薯粉 • $22煮煮下有啲斷左以為會好腍，點知都幾滑又Q彈

川式烤魚專門店，有麻辣、泡椒、剁椒及酸菜醬料作湯底，魚的種類以致辣度都是任君選擇。初次體驗，先小試牛刀來個小辣。重慶麻辣烤海鱸魚 (小辣 | $248)• 湯底味濃香辣、充滿川式醬料的惹味，配料極多，幾乎舖滿整盆烤魚之上。• 海鱸魚肉因為經過香烤處理，外皮會帶點焦香，吸收湯底後會有點像炸魚皮的口感。• 魚肉偏向結實有咬口，同樣充滿湯底香料的惹味，同時不帶半點腥味。• 魚骨較多，進食時要謹慎一點。黑毛豬肉片 ($48)• 肉味香濃，脂肪含量偏少，如果喜歡油脂感的話可選擇腩肉片。• 浸泡愈久豬片吸收麻辣的程度就愈高，變得十分香口，但肉質又不會因此變韌。幼薯粉 ($22)• 非常推薦喜歡吃麻辣粉麵的朋友選擇一份幼薯粉。• 湯底的味道很容易便依附在每條薯粉之間，加上薯粉獨有的煙韌口感，吃起來很滋味！

上次同媽咪食完烤魚，老豆無得食，話唔公平喎，做女明嘅， 知你係魚痴，就帶你來有烤魚大王之稱的川味雞。來到店面積唔太大，但冷氣充足因為已經熱天好熱，如果冇強勁的冷氣就冇咁爽，當然喜歡一路飲啤酒一路食煙一路食烤魚的人都可以座出面露天枱幾豪邁都唔怕影響人。酸菜烤魚～原條海鱸魚 ， 嘩送來時有驚喜好大條烤得好香， 湯底下有好多配菜， 羅白，大豆芽， 京蔥，芫荽，酸菜， 條魚肉質好滑， 用湯慢煮吸收哂d 酸菜湯，另有一番滋味。另外難得有個靚湯底我當然唔會放過再叫碟特級雪花肥牛來食啦， 滾一滾夠哂正， 老豆鍾意的鮮蝦雲吞就緊係唔少得啦！雲吞豬肉和蝦的比例剛好，一咬落去先係爽的蝦，再來係豬肉的香。最後緊係要叫我最愛響鈴啦！呢個湯底唔辣有酸酸的味道用響鈴來掛湯食一流，唔驚辣爆咀。食得烤魚火煱記得唔飲啤酒都叫返d 涼茶飲下，如果唔係好熱氣架， 我就好細心咁叫左支竹庶茅根比老豆飲，而我就飲雪梨海底椰咁就潤返哂啦！