川味雞烤魚大王 (隆亨商場)

營業中

休息中

今日約大學朋友食飯，就在附近找了一間重慶美食餐廳—川味雞烤魚大王試吓。餐廳乾淨舒適，牆壁掛滿餐廳特色美食圖片，方便大家選擇點菜。剁椒烤海鱸魚上菜時有很大的驚喜，大大條鱸魚浸在剁椒之中，配搭不同配料如芫荽、白菜、芽菜等五顏六色。烤盤佔了五分之一的桌面，十分震撼。一絲絲辣椒香伴隨炊煙裊裊昇起，魚肉鮮甜而厚實，外皮脆而肉質嫩滑，沾上辣湯汁，重慶風味湧現出來。茴味雞翼（4隻）雞翼剛炸好，肥美得像外皮快要被撐破裂開，外脆內軟，肉汁橫飛，CP值挺高，4隻只需36元。炸魚片頭 （8塊）魚片頭也是剛剛炸好，香味四處飄逸，將魚片頭沾滿濃濃的辣湯，享受着魚片頭和辣湯的風味。

我有幸品嚐了位於大圍區的川味雞烤魚大王。這間餐廳以其豐富多樣的火鍋食材和烤魚選擇聞名於地，為迎合越來越多人對於辣味的胃口，這次我和朋友約好來一場麻辣飯局。從大圍的新地標出發，我們很快便來到了餐廳。餐廳的裝潢風格平實且大眾化，給人一種親民的感覺。餐廳內還設有醬料自助區，供重口味愛好者有更多的選擇。我們入座後，服務員迅速遞上點餐紙和餐具。這裡的點餐紙上提供了多種款式的小食和主菜選擇，尤其是火鍋食材的種類非常豐富。經過一番考慮，我們選擇了重慶麻辣烤魚和泡椒烤魚等幾款口味，並根據個人喜好選擇了辣度，從BB辣到大辣，還點了一份不辣的酸菜烤魚。烤魚的份量十分豐盛，辣椒均勻地鋪在魚的表面，散發出誘人的香氣。魚的內部還搭配了薯仔、白蘿蔔、腐皮等配料，辣味融入其中，令人垂涎欲滴。首先，我們需要將魚煮個兩三分鐘，等水滾後將熱水倒在魚身上，這樣可以確保魚熟透且更加美味。魚肉非常鮮嫩，每一口都令人回味無窮，同時也帶來了一定的辣感，建議攜帶紙巾應對口水直流的情況。除了烤魚，我們還點了特級雪花肥牛，外觀看起來普通，但入口卻十分嫩滑，搭配剛剛食用的重慶烤魚湯底，味道更加濃郁。此外，酸菜也是烤魚的絕佳配搭。此外，烤魚

大圍屋村的街坊小店人流絡繹不絕 去那天剛好是轉冷雞煲 烤魚 小辣的酸辣烤魚 下單後馬上做先用烤爐把魚兩面烤熟 加香料提香魚肉這樣做 香味更入味魚肉水份更能保留再放酸辣湯煮沸 辣度不強 但能有少少鮮味另外加點雪花肥牛 脂肪比例平均爽口質地 切片厚度輕涮幾下已經可以新鮮魚肚 放鍋裏吸收酸辣味滑溜爽口質地都有 沒有魚腥味另外點埋打邊爐不能少的魚丸類涼拌麻醬粉皮 粉皮偏短和幼條 容易沾醬冰涼的感覺 味道偏甜 另外自己調辣醬配粉皮吃 更有層次感

🫶🏻招牌菜式：各款烤魚原條海爐魚 (自選重慶麻/泡椒酸辣/剁椒/不辣酸菜味)叫左—條海爐魚，份量好大，絕對夠二至三人食，而且爐魚肉質嫩滑，可以一梳梳咁夾住食。魚是開邊放在鍋內，會更加入味；配上小小辣既泡椒酸辣非常醒胃好好食。由於爐魚一條直骨，食既過程係唔需要怕啃到骨。🥟黑松露餃子—皮薄餡靚好足料，黑松露味超濃。🥤益力多沙冰益力多沙冰即叫即打，沙冰打得好溶，好juicy又酸酸地幾好飲，清甜解渴，岩晒火鍋時飲。下次去開大圍，不妨去隆亨商場試吓川味雞烤魚大王嘅烤魚啦

呢間川味雞烤魚大王出名烤魚同雞煲，本身同朋友黎想食烤魚，聞到隔離枱陣陣椰子雞香味好吸引🤩改變主意食椰子雞煲，天氣咁凍仲可以飲埋雞湯暖身。椰子雞煲(半隻) $188二個人叫半隻份量已經好足夠👍🏻湯底好足料有滿滿椰肉片同紅棗杞子，椰子味特別香濃，湯底滾起後店員放雞件入鍋。湯頭鮮甜美味，雞件肉質鮮嫩好滑，啖啖肉。特級雪花肥牛 $108雪花紋好靚，店員即時手切好新鮮👍🏻大大塊，滾幾秒就食得😋肉味香濃軟滑屬於高質量嘅牛。娃娃菜 $33蔬菜吸收哂雞湯精華 好鮮甜好入味餃子雙拼 $62自選二款餃子🥟揀咗粟米餃同香濃黑松露餃，粟米餃好鮮甜，黑松露餃同樣水準好高👍🏻皮薄餡靚，估唔到黑松露味道咁濃郁。柚子沙冰 $26大大杯，好抵飲～

一直都好想試下正宗嘅烤魚，聽朋友介紹過呢間好好食，趁今日過開大圍，一於試下啦！地點向隆亨商場都好易揾，我地去嘅時間係午飯，剛好有午市火鍋烤魚套餐。我地揀左重慶麻辣烤海爐魚，因為我本身唔太食辣，但又好想試，所以揀左BB辣試下。一黎到原條烤海爐魚上，勁大條！爐魚啲皮烤過後有少少脆口，魚嘅面頭鋪滿花椒同埋原隻辣椒！開火嘅時候已經飄黎陣陣香味，成條魚唔多骨，估唔到係噤香同噤滑！BB辣對我黎講就剛剛好，唔太辣又食到魚嘅鮮味！配菜方面我哋點左雪花肥牛，濶薯粉同田園雜菜！雪花肥牛配呢個重慶麻辣同樣出色，而濶薯粉同田園雜菜吸哂重慶麻辣烤魚嘅精華之後係非常之入味，好出色啊！平時唔食魚嘅我都覺得非常之一流，會再黎喔！

去了舊地方新翠邨探老朋友，之後老朋友帶領下，去了隔離邨隆亨食個晚飯再聚。此店是街舖，不是商場舖，店內約5，6張枱，門面不算太大，但有鋪天蓋地的明星宣傳，後來上網查看下，原來此店是該明星的家人開，不過最緊要食物好食。本來以為朋友介紹我食雞煲，但店長介紹如果喜歡食魚都有不錯的選擇，最後我們點了烤全條魚，酸菜和豆腐拌邊，熱騰騰邊煮邊食，魚的肉超多，2人食一條都已經好飽，魚非常新鮮，肉質嫰滑。小食點了熱氣香口的炸大腸，皮脆裡面嫰，味道不錯，沾上少許雞醬，甜甜辣辣，非常惹味。

各位新年快樂呀，新的一年第一餐大家食乜嘢呢？今次嚟到大圍食呢間烤魚專門店，呢間開咗差唔多八年，捱到而家其實都唔容易，所以希望大家都多多支持小店！新年嘅第一餐我會食得豐富啲，點了一個烤魚套餐，我同朋友都不食辣🤣點了酸菜魚，即叫即烤，等咗大概十幾分鐘上菜，烤完後放出嚟大概煮一陣已經可以食得！我食魚都好揀擇，喜歡食一啲唔多骨嘅魚，呢條魚骨係大骨，啱晒我😂呢條魚炸得好脆，而且魚質好滑，最緊要係唔多骨😂仲有叫咗海膽丸，蜂巢豆腐，同埋雜菜，份量已經好多非常飽雖然係小店，但係都坐得好闊落，而且環境好舒適

2023年嚟到尾聲決定同同事們嚟呢間試烤鱸魚番左3年幾都未嚟過呢間坐位好寬敞，坐得好舒服，枱與枱之間唔密集，唔會覺得坐得迫。3個人食午市套餐為左遷就唔食辣既同事揀左酸菜味既烤鱸魚，A揀左肥牛，B揀左蜂巢豆腐＆響鈴。再叫左兩款小食，3杯凍飲飲品$26勁大杯涼拌青瓜bb辣$32入面有花生醬，食落甜甜地，青瓜爽脆涼拌皮蛋bb辣$32呢個正係溏心架！肥牛都唔錯唔會太多肥膏蜂巢豆腐＆響鈴真係打邊爐或烤魚必備，吸晒d湯汁，無得輸。烤魚一上枱已經聞到好香，魚皮脆口，肉質新鮮厚實，好大條，用鐵盤好快已經滾起食得。入面除左酸菜仲有嫰豆腐、白蘿蔔片、大豆芽、大蔥、娃娃菜3個女士食完全唔使加飯或麵已經夠飽最凍果幾日嚟食一定好正，店員好親切會主動加湯唔使叫，3個人食左$470，好豐富既午餐。

雖然呢度出名雞煲同烤魚，但想快快食完返屋企，任性地揀左普通打邊爐，啲料又幾靚喎。蕃茄薯仔湯超濃，材料簡單，但因為有大量蕃茄，滾起比屋企煲更加濃蕃茄味。 必點響鈴索哂啲汁，味道清新感覺上冇咁邪惡。手切特級安格斯肥牛真材實料，厚切肉味濃，軟綿綿夠哂肥。 打邊爐最緊要就係碟牛，叫最靚呢款真係冇失望。粟米餃拼韭菜餃係自家製味道，菜肉比例岩岩好，肉餡清甜彈牙，滾耐左都唔會爛。墨魚滑拼蝦滑比想像中細，不過好夠鮮，食到粒粒蝦肉同墨魚，質感幼滑彈牙。厚切午餐肉真係終極厚切，應該真係成罐上，入哂味啖啖肉真係好爽。紅油豬耳好大碟，爽脆夠辣，食極都仲有，底下仲有木耳同拍青瓜，好抵食。

這幾天都是嚴寒天氣，身上穿了厚厚外套保暖。天氣冷胃口特別好，找美食更能補充身體熱量，意義重大。隔離屋的老陳，是相識多年的鄰舍，大家經常互相幫助。孤家寡人的他，周不時即食麵當一餐，有時我都會約他一起外出用膳。今午，大家都無飯開，我就約他行去隆享邨商場的~川味雞烤魚大王試下。店員推介~烤魚套餐($328)，我們選了海鱸魚，以酸菜烤配，配料：選雪花肥牛、蜂巢豆腐、米線。意想不到，烤魚是以長型盤呈上放在桌面上的電磁爐加熱。約5分鐘後，整盤烤魚已再滾起，原條鱸魚兩面已煎香平放，烤魚配內以的魚湯更有豆腐、大豆芽、酸菜、蘿蔔等一起淆製，香氣四溢。我們把肥牛及米線全放進盤內，弄來一碗又一碗~配料豐富的酸菜鱸魚肥牛湯米線。近親不如近鄰，多些關心身邊人甚至鄰舍，互助互愛。

天氣咁凍, 爸爸話不如去食雞煲, 有間近近地又好味, 我哋一於跟住爸爸去搵食😋呢個時間有午市套餐, 我哋要左半隻雞 + 肥牛 + 粗薯粉 + 響鈴, 再另外叫咗蝦餅同飯. 湯底揀咗椰子🥥, 因為小朋友都啱食👍呢度個哥哥好專業, 由開爐 / 放雞 / 到可以食得… 全程幫我地睇住, 超級好人👍👍食物方面, 個雞夠滑, 小陳不停話再要🫶🏻 個肥牛都唔錯🐄 粗薯粉吸晒啲雞湯所以好入味, 不過真係要煮耐少少先煙韌. 最驚喜係個蝦餅 🦐, 估唔到咁好食, 我哋個個都大讚👍👍👍 未黎得切影相已經冇咗大半碟🙈未走小陳已經話下次要再黎encore! 如果經開大圍站值得行去隆亨商場試下🫶🏻

又到周末，不用上班，是日寒冷天氣警告，最佳節目就是躲在被窩保暖，不理世事......忽然間，陽光入房兼被拍打弄醒，原來已是11點多，老婆下令要起床及外出用饍。梳洗後，老婆建議吃雞煲保暖，我們就決定去大圍試下川味雞烤魚大王這店子，從大圍站的圍方商場出發，再走出八爪魚天橋，步行約3分鐘就到隆享邨商場~川味雞烤魚大王。我們點了一隻雞選椰子湯底($328），再配木耳、腩片及米線。店員先把弄好的湯底(內有椰青水、椰子片、紅棗、南北杏和杞子等)連煲上，然後開爐待滾，跟着兩碟嫩滑黃油雞斬半呈上。原先我已在調味區取了豉油等配料，打算與滾熟雞件一起享用，但由於雞件經椰子湯底滾熟後已帶有椰子香味，不用任何配料正好品嚐雞肉鮮甜味美。我們把米線及木耳等一併下煲，一碗碗配料十足的椰子滑雞湯米線在寒冬下，除了能暖身果腹外，更帶有養身滋補效果。

今日一早同女友去左大圍，晏晝決定係附近食，OpenRice 附近見到呢間食烤魚，見好耐冇食就試下，餐廳唔難搵，因為去到已經差唔多3點，所以入面冇乜客，我哋叫左bb辣既烤魽魚（特大），要剁椒口味，加闊薯粉、萵苣、同黑毛猪肉片。個烤魚等左大約10分鐘左右就上枱，條魚已經炸到8、9成熟，所以只要開火滾一陣就基本食得，我當然迫不及待食左啲魚既邊位，好香口，炸得好脆，魚味都唔錯👍🏼， 平時食都係會叫鱸魚，今次第一次試魽魚，比想像中唔錯，魚都算大條，肉質都算鮮甜，又係得大骨，可以放心食，剁椒味都幾香，bb辣對我黎講啱啱好，整體唔錯，真心可一試😋 追加既闊薯粉、萵筍、同黑毛猪肉片就正常發揮，黑毛豬都算唔錯，西班牙豬係唔同啲，肉味濃郁，有咬口，如果份量多啲就更好。唯一美中不足，係個萵苣切得太大粒，搞到要煮勁耐，如果係切片或者切條就更貼心。

#大圍美食 人氣熱店🔥烤魚大王🐟辣得過癮🌶️好好食😋放假去咗圍方行下街🤣朋友介紹食烤魚天橋行過去都好近👍🏻好方便🔻剁椒海鱸魚魚肉嫩滑夠新鮮✨好好食🌶️指天椒辣得過癮🔥好惹味配料選擇非常多👍🏻必食推介⭐韭菜餃💚粒粒都漲卜卜餡料豐富😍墨魚滑🦐蝦滑好彈牙🙆🏻‍♀️大大杯凍檸茶好抵飲‼️坐位闊落好整潔老闆和伙記都好親切💖會同食客傾下計原來荃灣都有分店呢間好好食下次想再去食呢😋😋😋