川味雞烤魚大王 (隆亨商場) (已結業)

各位新年快樂呀，新的一年第一餐大家食乜嘢呢？今次嚟到大圍食呢間烤魚專門店，呢間開咗差唔多八年，捱到而家其實都唔容易，所以希望大家都多多支持小店！新年嘅第一餐我會食得豐富啲，點了一個烤魚套餐，我同朋友都不食辣🤣點了酸菜魚，即叫即烤，等咗大概十幾分鐘上菜，烤完後放出嚟大概煮一陣已經可以食得！我食魚都好揀擇，喜歡食一啲唔多骨嘅魚，呢條魚骨係大骨，啱晒我😂呢條魚炸得好脆，而且魚質好滑，最緊要係唔多骨😂仲有叫咗海膽丸，蜂巢豆腐，同埋雜菜，份量已經好多非常飽雖然係小店，但係都坐得好闊落，而且環境好舒適