山本屋 (圍方)

營業中

休息中

回頭度🍪6.5/10｜人均消費💰~$80-130-🤍親子丼烏冬 $88烏冬麵質幾特別 幾煙靭😋雞肉都尚算嫩滑 加埋蛋花正🍳腐皮都好索湯😍但黃金鰹魚清湯有啲似普通冇咩魚味 似就咁清湯多啲🥲不過超級熱辣辣 加分🔥但就真係貴咗啲 同排得有啲耐味道🌕🌕🌕🌗🌑-🤍炸紫菜雞柳（+$38）幾香口 都ok好食味道🌕🌕🌕🌗🌑-整體味道🌕🌕🌕🌗🌑抵食🌕🌕🌕🌑🌑

明治四十開業，歷經百年傳承第五代名古屋名物，引頸以待的烏龍麵，以及自家發酵的味噌湯底。糕糕糕🐖(1) 蝦天婦羅煮烏冬老店傳統味噌大有來頭。選用超過三年自教發酵的赤味噌與白味噌，獨特的香味、豐厚的口味，烏龍麵亦能吸收滿滿的湯汁。（相信牛肉煮烏龍麵會令湯汁更甜。生烏龍麵放入伊賀燒砂鍋燉煮，在上枱時會詢問烏龍麵的喜愛口感，可以蓋上蓋子靜候多兩分鐘。（2） 燒地雞手羽嗯⋯you know what? You know的味道。味噌湯底香醇而不刺鼻，但咖喱湯底貌似更吸引。（隔離飯香(˶‾᷄ ⁻̫ ‾᷅˵)至於所提及的「烏龍麵」而不是「烏冬」，它的彈滑程度有別於一貫呈圓形的烏冬，口感不盡相同。

老實講，今時今日咁嘅香港，價錢咁貴，仲要咁樣嘅服務態度，真係嚇死人咁！我同屋企人三個人入去進食，店員態度麻麻： 你出去排吓隊先啦。（心諗，可能係我聽唔順耳啫，佢應該係態度差啫。）可以入座嘅時候，一直以來都冇乜事，去到上烏冬嘅時候，我諗住焗佢一陣，等烏東淋啲，過咗1分鐘，店員無端端自己走過嚟拎走咗我個烏冬蓋，有一堆湯就飛到喺張枱，我個白色叉電器，同埋我個座位附近！ 當其時我的確係幾嬲，因為我着白色衫，我問佢有冇搞錯啊，我有叫你攞走個蓋咩？但係個店員望咗我一眼就咁走咗。（店員係金色長頭髮，戴眼鏡，應該有178 cm高，比較瘦的男仔生。）之後有個女嘅侍應，（估計係店長），比較有經驗，都係淨係俾咗兩張紙巾我，但係由始至終一句對唔住都冇講過！當埋單的時候，正常人都比客人行咗出嚟先，先執枱！但係啲店員好似冇嘢做咁，一窩蜂兩個人走嚟執一張四人枱，阻住我行出嚟，由於已經驚咗佢哋，整污糟嗰件白色衫，我真係唔敢郁！講返食物質素，其實啲烏冬，焗咗一分鐘，真係好硬，唔好食，呢個價錢（人均130左右），喺圍芳食，係唔係就係啲食物質素比較差呢？ 上菜速度亦都好耐，由個小食至到上烏冬個時間，都差唔多二十幾30分鐘！

呢間日本烏冬店剛剛開業時, 排隊等候人龍非常誇張， 一直未有機會試過。 剛巧今午經過呢間店，見唔使排隊就入去試一試。點餐紙上有6款煮手切烏冬可選擇，我要了吉列豬扒煮烏冬, 配上老店傳統味噌做湯底。 等 …….. 咗二十分鐘終於煮烏冬用原個沙窩熱辣辣上枱，喝上一口味噌湯，非常濃稠偏鹹，但配上烏冬一起食味道剛好。手切烏冬是師傅店內即製，烏冬麵條實淨。 豬扒較為薄身, 質地鬆軟，炸得非常酥脆。可能食之前對呢間百年老店有些期望，食完後唔係唔好食，但又真係覺得無乜特別° 相比起拉麵， 我都係比較喜歡吃拉麵更多。

好幾次去圍方見到勁多人排隊～係日本師傅手打烏冬今次終於少人啲決定排30分鐘內已經入到去😍 湯底有三款選擇：老店傅統味噌／招牌咖喱／黃金鰹魚清湯可以選擇烏冬 軟／硬度美國安格斯牛肉煮烏冬配老店傳統味噌湯$108熱辣辣砂鍋上枱🤤勁濃味！好濃郁！好正😋 濃度好似沾麵咁好掛湯烏冬上面會有蔥，腐皮同埋生雞蛋烏冬爽彈煙靭👍 如果想軟稔可以蓋上鍋蓋焗2分鐘再食牛肉正正常常 蝦天婦羅煮烏冬配招牌咖喱湯$108起初以為呢個會好濃厚點知原來比起味噌淡但都好重咖哩味😍天婦羅再點咖哩湯都幾夾再加埋烏冬勁正😋😋 小貼士：可以係食完烏冬問職員拎白飯，再加落湯成為拌飯，勁正❤️❤️❤️ 山本屋大圍車公廟路18號圍方5樓527號舖#Foodie_aki #yum_yum #大圍美食#圍方美食 #山本屋 #日式美食#美國安格斯牛肉 #烏冬 #老店傳統味噌湯#牛肉烏冬 #味噌湯 #蝦天婦羅#招牌咖喱湯 #蝦天婦羅烏冬 #咖喱湯#手打烏冬

平日下午經過，見終於唔駛排隊入去食左，可惜好失望，直頭覺得個湯有燶底味。問下隔離食客好吾好食，佢都話幾失望下，隔兩日見朋友社交平台打卡山本屋，我又問好唔好食，佢都話唔好食。好彩我吾駛排隊⋯⋯平時都唔留言，唔係麻麻地，係難食。

看每天都好多人排隊，就去試試，真的不好吃，咸得不得了，最後我都沒吃完，價格還不便宜排隊那麼長，真的特別不值。不知道為什麼那麼多人排隊⋯⋯大家不用去排隊了，絕對後悔的一家店

記得上次去The Wai嘅山本屋適逢啱啱開幕，好多人排隊，排到打🐍餅😵‍💫見狀即刻走人無食到😅今次咁啱去The Wai睇戲就睇下多唔多人順便食埋😁本着‘’日本名古屋過江龍人氣手打烏冬‘’幕名而來的，今次幾好過咗熱潮唔洗等位就食到😉我同朋友各自都點咗鯛魚湯底烏冬，配菜我就點咗炸蝦天婦羅🦐🍤，朋友就點咗炸豬扒🐷，咁就可以開心share食啦！😉炸蝦天婦羅係ok嘅，但豬扒就偏乾略兼唔夠juicy, 我哋都覺得炸豬扒麻麻地，鯛魚湯底偏淡，烏冬我哋都揀咗焗耐少少係ok嘅，食完會覺得可能配咖哩湯底會好食d!如果以唔洗等位嚟講係可以試下，走嘅時間都見到數人排隊等候。

假期後的平日晚上，沒有記錯是 4 月2 日晚上，從來沒有來 大圍圍方吃晚飯，因為朋友有興趣想試 商場內其中一間咖啡，所以來了這個商場。商場Food Directory 好似好多食肆選擇，但又唔係我本人想食的東西。到唔記得是 L4 定L5, 見有2 間食肆平排，左邊是呢個日式，主打手打烏冬，而約7:30 晚上，都排隊排2 條隊。 而隔離台灣食肆反而冇乜人排隊！ 抱住緊係日式呢個穩陣啲，終於排隊吃烏冬。排到差唔多8:10 左右入到座位（其實在你排隊時已經有一位男店員比定筆🖊️同食物紙你揀吃什麼烏冬 配料。我哋3 人不其然都係揀左呢度主打： 烏冬配味增湯味，分別是：-1. 吉列炸豬扒配味增湯味 + $58 要左小食 天婦羅什錦 （有2 件炸蝦🍤、南瓜🎃、番薯🍠、冬菇各1 件）烏冬來是一砂煲，炸豬扒另上，而店員會問你「想烏冬淋喲定爽啲？」我答淋啲，店員建議「可以不開煲蓋焗多1 -2 分鐘」Okay 呢個係可以加店員分的，👍🏻而另外兩位朋友叫了： 親子蛋烏冬 配味增味。其實我哋3 個都係同一種湯味道，親子蛋烏冬入面除了都係有一隻未熟的雞蛋🍳，而仲有雞肉。而我地3 個都覺得主打 味增湯味湯太鹹太「

日本日本過江龍手打烏冬，新商場餐廳新開業嘅時候，記得人龍好長，亦有人話要等超過一個鐘先有得食。最近平日晚市6:30左右去到，雖然有人排隊等候，但人龍未算好長，等大約10至15分鐘已經可以入內。喺等候期間，店員會派發餐單可以先選擇食物，餐廳嘅餐牌非常簡單，主打唔同嘅烏冬，款式唔算好多。第一碗烏冬，揀咗美國安格斯牛肉煮烏冬老點傳統味噌湯底。每一碗烏冬上面都有附加腐皮同埋生雞蛋。店員都會細心喺落單前問一問有冇特別嘢唔食。傳統味噌湯底非常濃郁，但牛肉雖然餐牌上寫嘅係安格斯牛，但同一般肥牛分別不大。第二碗烏冬就點了親子煮烏冬，配黃金鰹魚清湯。鰹魚清湯湯底味道雖然清，但鰹魚味道未算突出，有一點普通。烏冬熱辣辣上枱，算係煙韌有咬口。建議唔使排隊嘅時候可以試一試，但人龍非常長嘅時候就唔建議排隊。

我其中一間期待已久、一直想試的餐廳，是在大圍圍方的山本屋😍這間原自日本名古屋的百年老店，主打日式手打烏冬🍜今次在傍晚時段到訪，完全不用排隊，可以直接入內大快朵頤😋環境🌴典型日式餐廳設計：牆上有長型的銅色壁畫，柱上掛上不同的木牌餐單，加上木系的傢俬，予人一種數十年前昭和時代的懷舊感覺🎌食物🍱烏冬的口感、湯底的配合，兩者是非常重要的元素：前者口感尚算彈牙，可以接受；但後者的表現令人失望，非常可惜😔1. 日式炸豆腐🌯（$28）🔸豆腐上桌時呈金黃色，皮香脆熱辣辣；內裡香滑2. 美國安格斯牛肉煮烏冬🥩（$108）🔸湯底是黃金鰹魚清湯：據餐廳所述，加入燒飛魚乾、片口鰯乾等製成，味道鮮甜層次分明。但當日的清湯，味道只是比清水稍為有味，鰹魚味不足，完全感受不到鮮甜而有層次的感覺🙈🔸手打烏冬麵條則令整個餐贏回不少分數，口感稍硬，不會很淋；加上一隻生雞蛋，令烏冬變得更幼滑🤤🔸安格斯牛肉、腐皮、蔥花等作為配菜，正常發揮👍🏻3. 吉列豬扒煮烏冬（$108）🔸老店傳統味噌湯底，用發酵超過3年製成的味噌，再以特製砂鍋烹調，上桌時熱辣辣。不過當日的湯底味道偏鹹，令味蕾因濃烈的鹹味而未能品嘗到其他食物的味道🫣🔸腐皮吸

大圍圍方都開了一段時間，最近終於有機會去逛逛。山本屋 是來自名古屋的燉烏龍麵店，剛開業就吸引不少人去食。隔了一段時間，人流還是頗多。我們星期六晚市都大概要排15分鐘。排隊期間店員會給點單紙大家下單，坐低後也要等一陣才上餐。🍲親子煮烏冬 (HKD 88) 一共有三個湯底可以選擇，選了重口味兼招牌的味噌湯底。另外還有黃金鰹魚清湯、招牌咖喱，可按自己口味來選。鍋蓋一打開就有超香的味道撲鼻，還看到湯底在沸騰。湯底非常濃稠，鹹香十足又不會難以入口。手打烏冬是每日新鮮製造，口感非常嚼勁。而且是使用砂鍋燉煮﹐所以在吃時仍然保持著一定的溫度。若是喜歡吃腍身點可以叫店員不要先揭蓋，焗一下再吃。每款烏冬本身就有蔥、流心蛋和腐皮，店員會問需不需要走掉。我這款會有雞肉，都幾嫩滑，份量都幾多的喔。🍲五目煮烏冬 (HKD 78)朋友說不想吃肉就點了這個，也不錯。

啱啱圍方開果陣經過幾次見到排哂隊，見到有手打烏冬，好吸引就想試下。就搵次6點上嚟排隊食，點知6點半入座想食吉列豬扒點知個staff話賣哂，我就食安格斯啦。食完，湯底係入味，烏冬就一般，咁之前係日本食手打都偏硬，諗住試下囉，平時都係，唔啱下次唔好食。之後女朋友碗烏冬上咗碗凍既烏冬，一鍋鍋出都可以係凍，問下個staff之後死口話無上錯平時係咁。。。都算啦！點知突然隔離無啦啦嚟咗兩碗吉列豬扒我咪問翻個staff點解佢哋有，點知個Staff話突然有咪有囉🤨…本身碗野牛肉少都算，定位已經係偏貴，咁嘅價真係交足智商稅。之後幾個friend都試完比劣皮，說好香港故事？真係想食碗野都受氣既，難怪啲人會返上大陸啦😂😂

今晚嚟圍方買嘢順便響附近食飯😋烏東用鍋熱辣辣送到客人面前，店員會話你知，如果想烏東腍啲就唔開蓋焗耐少少，如果想食煙韌啲嘅就可以而家開蓋，幾細心😊🔸吉列豬扒煮烏冬 $108 (招牌咖喱+$10，芝士$15)我揀咗咖哩湯底另加芝士🧀見到有幾條芝士碎，但唔多😅可能已經溶咗響湯，但食落又無乜芝士味。不過都幾咸，炸豬扒新鮮炸起，鬆化香脆👍🏻🔸黑豚肉煮烏東配黃金鰹魚湯 $98 鰹魚湯帶甜，每鍋烏東都有少量腐皮同雞蛋。🔸手羽先(3隻) $48雞翼用甜醬油燒，咸咸甜甜幾好味。🔸炸紫菜雞柳 (5件) $38即叫即炸好香脆，雞肉仲好juicy😋讚嘅地方係鍋可以保持到食物嘅溫度，但餐廳環境比較細，出面又好多人排隊，都唔會坐得好耐。嚟圍方行街諗唔到食咩，餐廳又咁啱唔洗掛隊都可以一試。🐾貓奴足跡🐾🌐山本屋 (圍方) (大圍)📍大圍車公廟路18號圍方5樓527號舖

圍方開幕之後，上youtube都見好多youtuber介紹有d咩食肆吸引，呢間係其中一間，講到係手打烏冬過江龍好出名咁，終於等到人潮散咁d黎試下。我地分別試左2款口味，蝦天婦羅及吉列豬排，湯底試左傳統味噌同埋黃金鏗魚湯。湯底其實都幾濃郁，不過食到一半已覺得有d太濃有d咸，蝦天婦羅不過不失，反而個吉列豬排炸得不錯，另外叫了一碟小食炸豆腐，炸得都不錯，不是太厚粉。但如果真係要排長龍再去食就未必了，試過便算。