山本屋 (圍方)

營業中

休息中

放工之後這裏已經排起人龍，等了半個鐘左右才進去，店面不大，但是人氣很旺，還有日本師傅現場做烏冬，很有意思～～打卡大圍新商場圍方的日本名古屋百年手打烏冬老店 山本屋 吉列豬扒煮烏冬 豬扒外酥裏嫩 脆脆的口感 鮮嫩多汁 湯底選的鰹魚清湯 較為鮮甜蝦天婦羅煮烏冬 烏冬勁道 配老店傳統味增湯 湯底濃郁 稍微有點鹹三品菇盛類 日式炸豆腐 都非常不錯 排隊很長 要預留多一些時間哦～山本屋 (圍方) (大圍)大圍車公廟路18號圍方5樓527號舖

圍方開咗一段時間，入面有吾同食市，網上睇呢間鳥冬店評價不錯，決定一試，晚市不可取票，要排隊同人齊人先入得，排隊會俾定點餐紙。 1. 黑豚肉煮鳥冬（老店傳統味噌），味噌湯同香港食到吾同味，另外幾重味道，我覺得一般。黑豚肉無咩特別。2. ⁠吉列豬扒煮鳥冬(招牌咖喱)，咖喱湯底都係一般，但比味噌湯好。吉列豬扒，炸得吾夠脆，薄扒，有啲失望。3. ⁠炸雞皮餃子（3隻），比較少見，味道可以。4. ⁠燒地雞手羽（3本），有少少似芝麻雞翼，味道正常 5. ⁠天婦羅拼盤，有南瓜、蕃薯、冬菇同2隻蝦，吾係好夠熱，不過幾好！6. ⁠檸檬茶味氣泡酒，完成失望，只係一罐罐。整體黎講值唔一試，烏冬用瓦煲上，有口感啲，即拎走蓋，稔少少可以焗多陣。吾洗排隊我會再試！

開聖誕party 肯定食唔少熱氣野加暢飲啦😝瞓醒不如來一碗用熱鍋盛載嘅湯烏冬啦呷一口湯 再吃上手打烏冬煙煙韌韌好舒服呀～～餐廳位於圍坊 店內大約2-30個座位閒日嚟到都幾滿座可見受歡迎程度入座後可以畫紙仔揀食物烏冬一共有3款湯底：鰹魚清湯、老店傳統味噌、招牌咖哩我同阿媽揀左鰹魚清湯及老店傳統味噌鰹魚鮮甜清晰味噌湯濃得嚟帶甜 好順喉2款都係會忍唔住係咁飲烏冬係手打 口感煙煙韌韌 好滑身！配料有蛋、蔥、腐皮等唔夠可以再另加吉列豬扒、炸物、雞翼都好味炸得香脆鬆軟 推介👍🏻👍🏻👍🏻不論烏冬、湯底、餸菜都做得好食係會令人想再回訪的。🔸親子煮烏冬（$88）🔸吉列豬扒煮烏冬（$108）🔸日式炸豆腐（$28）🔸三品菇類盛（$28）🔸燒地雞手羽（$48/3本）🔸靜岡蜜柑梳打（$36）🔸完熟水蜜桃梳打（$36）

一直見到IG好多人都有推介，趁着今日閒日同友人過嚟試試。平日下午的關係不用排隊，可直接入去。先安排我們坐一張二人細枱，後邊有個餐櫃頂着我怕不舒服，我眼見四周都有空枱，所以我就直接問是否一定要坐呢一張？其中一位職員就話: 唔係呀，隨便坐都得。然後我就選了一張四人枱坐，另一位職員即刻出聲: 呢張枱仲未抹㗎！坐呢一張啦。揮手示意，我們坐另一張細的二人枱。我真係唔明白，又唔係爆場，點解一定要人哋坐咁逼夾咁細嘅枱？？最後我觀察到一個人入座嗰啲佢就安排四人座比嗰啲人坐，係咪我得罪咗佢哋？🤣。圖片可見，由於我追加咗一份雞翼，將餐枱根本好勉強容納餐具飲品及烏冬，感覺俾人耍到氹氹轉。忍唔住要寫comment，真係一吐氣。食物質素一般，沒有想像中驚喜感，不過不失試過一次就夠。炸蝦天婦羅烏冬，你唔問佢佢都唔會俾個汁你點，另外，吉列豬扒烏冬同樣一樣，你唔問開口問佢佢唔會俾沙律醬你點，要自己開口問先有。我真係唔明白點解可以咁多人會排隊過嚟食🤣🤣最後想補充一句：譚仔的姐姐態度都好過呢度好多

今日難得經過圍方，滿心歡喜去試這間過江龍手打烏冬店。點知一肚氣，我打邊爐自己煮既烏冬都好食過佢，仲要排完隊後再等20分鐘，百幾蚊份量細甚至難食，後悔無睇留言浪費寶貴時間。仲要遇到有人打尖，但店員話係老闆家人，所以叫我再等下一張。重點係難食，自己煮仲好味。尤其是天婦羅蝦，是分碟上，但皮是淋，湯得個咸字，麵無彈口，真係手打？丸龜都好食過這間店，但只是幾廿蚊。真係交智商稅，沒有下次。難怪門口少左開幕時既人龍。

今次已經係第二次食，同上次情況一樣，晚市好早就已經排哂長龍，但兩人嘅話會比較快入到（大概十二分鐘）。烏冬選擇方式主要係先揀湯，再揀配料。試過味噌同咖哩湯都幾唔錯，個人黎講口味唔會太重唔會太淡，岩岩好，佢始終係沙鍋上，味道一定係偏濃。烏冬上菜時間的確係要耐少少，不過佢店面都有貼住需時最少20分鐘，實際上菜時間都係差唔多。員工上完菜之後都會問客人個烏冬想淋啲定爽啲，分別在於佢會唔會即時幫你收走個鍋蓋。個湯夠濃夠香，烏冬彈牙口感唔錯，啲餸都合格，主角都係湯同烏冬。而啲蔥同腐皮藉住啲湯，都變得好好食。惟獨是整碗烏冬份量唔算好多，可能叫埋飲品就岩岩好。整體黎講，係一間值得一試嘅湯烏冬店，味道係有保證，但以佢平均一百蚊一碗嘅價錢黎講，就算唔上係性價比嘅選擇。主要扣分位係個收銀員工，略肥戴眼鏡嘅姐姐，收錢嘅時候一句招呼都冇，過程完全冇對話，只有板著臉，收完錢就走左去，一句簡單嘅多謝都冇，差啲以為自己去左茶記食飯。

蝦天婦羅煮烏冬配老店傳統味噌 $108烏冬口感一樣煙韌有彈性，傳統味噌湯底係清湯，味道溫和，濃而不膩，相對清一啲。蝦天婦羅炸衣夠薄身，香脆不油膩，點了味噌湯再食，也不錯。美國安格斯牛肉煮烏冬配黃金鰹魚清湯 $108烏冬煙韌彈牙，而且好掛湯，浸透咗味道更濃。湯底嘅麵豉味濃郁厚身。薄切牛肉唔會鞋身，加上鮮味十足嘅湯底，係唔錯嘅配搭。炸地雞手羽 （3本） 另+$48燒雞翼好出色，外皮酥脆，而中間嘅雞肉仍然香嫩有肉汁。

大圍新開間烏冬店，諗住同男朋友一齊去試下，講到話百年老店，又係日本開過嚟，我同男朋友都幾鍾意食烏冬就諗住入去試下。首先，排隊要排成粒鐘。喺出邊排隊可以透過玻璃窗望入去，啲顧客食完離開之後，隔咗10分鐘先有店員去執檯，明知出邊排晒長龍，都唔快快手執好檯安排顧客入座。其次，上菜速度慢。我觀察到佢哋係8個鍋8個鍋咁出，出完一輪又要等多15分鐘，然後都係跟住客人落單時間煮，咁啱我同我男朋友張單就係第9同第10張，所以又要等多一輪，點知個店員漏咗我男朋友張單，足足等咗45分鐘先有得食。有時真係覺得呢件事好反智，明白用砂鍋煮係需時耐啲，但佢可以同時煮嘅數量亦都太少了吧，怪唔得要排咁耐隊。最後講返啲食物質素，網上啲youtuber吹到幾好食幾好食，可能個人口味唔同啦。我哋嗌咗味增黑豚肉煮烏冬、咖哩吉列豬扒煮烏冬同埋燒地雞手羽，個雞翼的確幾好食，幾juicy，皮脆肉嫩，但係烏冬真係令我大跌眼鏡，烏冬手打係幾煙靭，但係一啲都唔掛汁，齋食烏冬就係原汁原味嘅麵粉味，令到成碗烏冬食落唔和諧，咖哩汁又太淡，冇乜咖哩味，真係唔會再幫襯。

🇯🇵名古屋百年烏冬老店🤤雖然TST 開左新分店，不過當日1900去到仍然排長龍*美國安格斯牛肉煮烏冬 (老店傳統味噌湯) $108*吉列豬扒烏冬 (招牌咖喱湯) $118*日式炸豆腐 $28*天婦羅拼盤 $582款湯底都好濃郁，咖喱初時會比較稀，唔知點解越食越稠所以個人鐘意味噌多啲😝烏冬粗扁身，口感比一般更Q彈煙韌加上原個砂鍋燉煮🍲 更容易吸滿湯汁就算浸耐左都仍然keep 彈性👍🏾配料同小食方面，炸物外層夠鬆脆炸豆腐幾唔錯，夠滑又有豆香味天婦羅炸蝦亦無網上大眾講到咁超級厚粉，我覺得可以接受😗反而吉列豬扒肉質厚實偏乾，如果juicy啲更加好

今天去了圍方的山本屋吃烏冬。他們的烏冬主打以傳統古早味的方式烹調的，每次都看到長龍排隊。當排到進去的時候，因為還沒剔除完選擇，服務員的態度不好(主要服務員沒有說明入坐前要先剔好，以為給排隊的我們先看看菜單）， 還很自豪地說他們的烏冬入座後才叫最少也要等20分鐘才上桌嫁，（入坐後發現有張貼告示在牆壁）。等了真的大約有20分鐘後，烏冬來了，它的外觀很好看，服務員問你烏冬是要爽口還是軟身，（ 只不過是開蓋食先定唔開蓋食先），我喜歡軟身所以我焗咗一段時間才開蓋食，但無論哪種，烏冬都沒有太大的差別， 烏冬的麵條中心也是硬的，湯的味道偏鹹，係超鹹，有著濃郁的味精風味。 總括來說好睇唔好食 ，只此一次，不會再上當了。心急人也不要去。PS： 問服務員什麼是親子烏冬,他知吾以對地回覆係*乜嘢都有*老公再問佢即係有啲乜嘢材料?牛，豬，雞？佢亦都重複即係*乜嘢都有* 最後唯有選擇 ‘’牛肉“” 同 “”豬肉 “”同‘’天婦羅‘烏冬🤣🤣🤣

【山本屋】是日本名古屋的百年烏冬老店，首間海外分店選址大圍圍方，開張後每日大排長龍，我哋好鍾意食烏冬，當然要去朝聖一番。😍山本屋主打砂鍋燉煮的新鮮製造手工烏冬並配上獨特湯底，我哋品嚐了美國安格斯牛肉煮烏冬、蝦天婦羅煮烏冬、和風沙律、天婦羅拼盤、日式炸豆腐、燒地雞手羽、靜岡抹茶可樂和完熟水蜜桃梳打。😍熱騰騰嘅砂鍋盛上美味的烏冬，令人驚喜。美國安格斯牛肉煮烏冬，美國安格斯牛肉鮮美軟嫩多汁。蝦天婦羅煮烏冬的炸蝦的外層酥脆，內部保持蝦肉的鮮嫩彈牙。配上招牌味噌湯底，美味非常風味獨特。😋其他小吃也非常有水準！其中的日式炸豆腐外酥內滑，令人食唔停口！😋仲有一款靜岡抹茶可樂又幾特別，它結合了傳統的日本抹茶和汽水的清新帶有濃郁的抹茶風味，同時帶有微妙的甜味和氣泡的口感。非常清新好飲！😋

山本屋🍙📍 香港大圍車公廟路18號圍方5樓527號舖 （港鐵大圍站C出口，步行約4分鐘）♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎上個星期，因為星期日要返工既關係🥺，所以冇得周圍去😩。小編放工後，就試左呢間之前想食好耐既百年烏冬店🍜👀。呢間烏冬店主打每日即做新鮮手打烏冬，而烏冬係砂鍋煮既，都幾特別🙆🏻‍♀️。不過湯底要視乎口味，烏冬口感屬於偏硬，同平時食開既，會有少少唔同🤏。🌟美國安格斯牛肉煮烏冬 $108配黃金鰹魚清湯，個人認為湯底都ok 既，但唔係勁有驚喜😂，但個牛既肉汁都可以吸引到係個湯底裏面。🌟吉列豬扒煮烏冬 $108配老店傳統味噌湯，個人認為個湯底比較咸，可以食唔慣😅，但個豬扒都唔錯既，夠晒大塊，烏冬就偏硬既。🌟燒地雞手羽 / 3隻 $48個雞翼都整得幾好食😋，推介👍🏻。整體推介指數：❤️❤️❤️🤍🤍♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎

唔洗去到名古屋都有得食嘅日本地道烏冬專門店山本屋落戶大圍圍方。呢間真係我在香港食過的烏冬界天花板！日本師傅坐鎮，手打出Q彈無敵的烏冬，有三款湯底可供選擇，包括老店傳統味噌湯，鰹魚湯，咖喱湯。餐廳提供圍裙，食嘅時候晤洗驚整污糟衫褲。原鍋已經配搭溫泉蛋、腐皮同蔥，另外可以揀選六款唔同配料，親子、黑豚、蝦天婦羅、五目、安格斯、吉列豬。招牌咖哩湯底配美國安格斯牛肉煮手打烏冬砂鍋烏冬出場很有氣勢，非常新鮮又保持溫度，如果想冧啲可以焗多2分鐘，開蓋熱氣騰騰，烏冬煙韌，Q彈爽滑。仲可以免費追加日本米飯，勁抵食！安格斯牛肉份量十足！肉質嫩滑充滿牛肉香甜嘅味道。另外仲有好多小食可供選擇！尤其喜歡蟹棒天婦羅，炸粉好薄，蟹棒高質好有份量，咬落有質感，啖啖肉的口感，外脆內軟。山本屋特製沙律勁大份，胡麻味沙律醬扮沙律菜，上面鋪滿炸雞，口感層次豐富。日式炸豆腐同燒雞翼都好推薦食，充滿芝麻香味嘅雞翼同香口嘅炸豆腐食完更滿足。值得一提嘅系，餐廳提供多款日本特色嘢飲，原枝玻璃樽呈上，唔洗飛日本都可以食得咁地道真系太開心啦！📍山本屋 (大圍)大圍車公廟路18號圍方5樓527號舖

今次繼新開張後重臨舊地，俾多次機會試下此店今次到達時間為11:50，剛剛入滿座所以都要排隊。相比新開張，排隊人數明顯減少。明白商店想做d生意，但在排隊安排上，都建議參考番日本排隊入座的方法，（即跟排隊次序入座，避免先叫排較後的兩位入座）。既然餐廳標榜日本文化，以日本經營方式運作，包括食材、師傅、裝修….，何不學足全套呢。食物方面：中規中矩。今次比上次新開張供應穩定，烏冬既質地還欠小麥味，其他的都算合格總結： 一間性價比吾算高既餐廳，要排隊的可免則免。

與友閒逛圍方，經過山本屋，平時墟冚嘅場面變得冷清，只係見得幾個人排隊…… 諗住冇走雞，機會難逢，梗係要入內試吓菜啦！首次光顧嘅我哋，點咗四樣嘢，包括：黑豚肉煮烏冬配黃金鰹魚清湯、美國安格斯牛肉煮烏冬配老店傳統味噌湯、冷豆腐，以及蝦天婦羅。柯打上碟速度算快，小食冇乜大驚喜；咬咗一啖蝦天婦羅之後，我倆滿頭黑人問號外，並即從心底打咗個突兼皺眉頭，因為用料明顯唔新鮮，致直接影響咗菜式嘅味道。更甚嘅係，烏冬個芯完全唔熟，硬如石頭，哽到個胃嗌救命(幸好肺冇被塞住)，兩兜嘢最後都食剩大半，勁嘥！埋單嗰陣，我坦然表達對此店有啲失望。講真，呢個商場除咗雪糕之外，都冇乜咩值得推薦。