山本屋 (圍方)

營業中

休息中

叫咗個味噌味嘅親子烏冬唔特別，口感偏硬同淡味，湯底都可以。本身食完個烏冬，覺得都幾一般，同埋越坐越熱，然後覺得唔明點解有人排隊，跟住發現佢個食法係可以另外追加一個飯撈落去食，張枱嘅右上角有寫呢個食法，話係名古屋嘅食法。試完之後，好感度大增！佢個飯係免費嘅，個飯好香米味，加完飯落味噌湯之後，好食好多倍！！！！！以後都會叫小烏冬多飯 😋其他湯底暫時都未試過，有機會會再去試買鰹魚同咖喱湯底服務嚟講都可以嘅，但要提醒店員唔好收走個烏冬湯底，同埋追加個飯PS. Interestingly, It is found that title have to including udon even I pay for my dinner and the restaurant provide the rice for free. To OpenRice: For the rice, you can see there is a sticker mention it on the table. And it totally doesn’t make any sense to say the udon is

*餐廳空間比較狹窄，位置有限。明解職員入場要收好BB車以免阻位置。入場唔夠5秒，職員重覆提示係咩玩法，指令速度會快啲！*職員落錯單，顧客已回覆上錯單，另一位上菜職員未揸單對答囂張，沒有禮貌到一個點。跟單職員覆我哋會轉番俾你。攪清楚就得，落錯單，完全沒有歉意。*已完膳職員行埋黎：原來我哋未俾茶你哋，問我哋要唔要。但是入場時係帶位嗰個！入場感覺餐廳很忙，從事服務性行業辛苦。既然已選擇工作，請保持基本禮貌。

名古屋過江手工烏冬！主打三款湯底，分別係鰹魚清湯、咖哩湯，和味噌湯。今次試了蝦天婦羅煮烏冬配老店傳統味噌湯，味噌大有來頭，採用了岡崎八丁味噌，發酵了超過三年時間，味道濃稠，適合重口味者。蝦天婦羅香脆，手打烏冬彈牙，整體不錯。值得一提砂鍋的持溫力十分強，冬天食絕對適合，但係夏天食可能會流汗。-🔘 蝦天婦羅煮烏冬配味噌湯底 | hkd$108-🍽️ 食物 | Food: 4/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.

平日傍晚經過，見到餐廳內已坐滿食客，聲稱日本老店過江龍，好似幾吸引，同朋友排隊等位，好彩排左10分鐘左右就入到。🔸黑豚肉煮烏冬配老店傳統味噌湯底 $98咸左少少，味道普通，賣相都冇乜特別。🔸吉列豬扒煮烏冬配招牌咖喱湯底 $118豬扒都大塊，但肉質有啲乾。咖喱味道都係一般。埋單二百幾蚊，唔係話好貴，不過呢個味道就不太值。而且枱好細，座位之間都好迫，坐得唔係咁舒服，食完都想快啲走，性價比一般，唔明點解咁多人食。

我平時喺大圍附近返工放lunch嘅時候經過間舖，每次都好多人有十幾20個人排隊所以好想食，但奈何每次等候時間都要超過30分鐘，所以我就從來都冇食過，但係今次咁難得放假我又去開葵芳行街嗰時三點幾冇人排隊就梗係要即刻入去啦入到去環境雖然唔光猛，但係有有種好安靜令人舒暢嘅感覺，我打開咗個Menu睇到佢有唔同嘅烏冬湯底選擇，我就揀咗最傳統嘅麵豉湯而我朋友就揀咗濃嘅咖喱湯底。估唔到佢煮個烏冬大約要20至30分鐘，終於到了烏冬，佢哋係用一個鐵兜去裝住啲烏冬，而店員都好細心咁樣同我講話唔好掂到個鐵兜因為會灼傷我一咬落烏冬感覺到烏冬嘅面質同傳統烏冬並唔同好厚好似人手打咁，然後我就詢問店員。店員就帶咗我去睇個師傅手打烏冬，原來駐場有日本師傅喺度指導啲新員工，我極度推介俾大家，我會再嚟。

日本名古屋百年老店「山本屋」🇯🇵主打砂鍋烏冬🎎.招牌咖喱湯+芝士+美國安格斯牛肉煮烏冬🍜採用伊賀燒窯爐特製砂鍋🔥一開鍋蓋仲見到個湯滾緊🫧咖喱湯由多款香料混合鰹魚清湯製成🌿🐟再加入洋蔥🧅番茄🍅蔬菜🥬雞骨、豚骨燉煮🦴味道香濃辛香😋加上半熔芝士更加惹味🧀安格斯牛肉肉味濃郁🥩且有咬口😆配菜有大蔥、玉子同油揚😍.老店傳統味噌湯+蝦天婦羅煮烏冬🥢味噌湯係由自家發酵超過三年製成岡崎八丁味噌製成👩🏻‍🍳質感濃稠，味道豐厚🤤烏冬煙韌偏硬身，十分掛汁😗蝦天婦羅蝦肉彈牙🦐同樣配有大蔥、玉子同油揚🍳.天婦羅拼盤🍤有炸蝦、炸菇🍄‍🟫炸南瓜🎃炸蕃薯🍠炸到金黃薄脆，沾上天婦羅汁更佳☺️.炸雞皮餃子(3隻)🥟以雞皮包住餡料🐓雞皮炸到酥脆，同時又有彈性😝內餡軟嫩多汁👍🏻.柚子汁芝麻昆布漬🥗昆布清新爽口💦.冷豆腐🧆.山梨葡萄梳打🍇.靜岡蜜柑梳打🍊

吉列豬扒煮烏冬 $108Agu Pork Cutlet Nikomi Udon湯底:招牌咖喱 +$10Soup Base:Curry +$10好味指數 3/5 🍭🍭🍭{店舖是自家製烏冬 烏冬爽口 吉豬外脆內軟 味道很好 +$10可把湯底轉做咖喱 咖喱辣度🌶️1/5 咖喱味不算濃 湯底較稀 掛不上烏冬}黑豚肉煮烏冬 $98Agu Pork Nikomi Udon湯底:黃金鰹魚清湯Soup Base: Dashi Broth好味指數 3/5 🍭🍭🍭{豚肉很好味 脂肪不多 肉質很嫩 烏冬配鰹魚清湯 味道都不錯 湯底清甜 濃度適中}蝦天婦羅(2本) $33Shrimp Tempura(2pcs)好味指數 4/5 🍭🍭🍭🍭{非常好味既蝦天婦羅 外脆內較 炸皮好薄 蝦肉新鮮爽口}

這間日式烏冬店的餐牌相當簡單，只有三款湯底可供選擇，隨後可以搭配牛肉、豬肉或吉列豬扒（好似係）。湯底的味道十分濃郁，不過味噌湯底偏鹹，適合喜歡重口味的朋友。原本我打算點牛肉，但看到隔壁桌的吉列豬扒實在太誘人，於是決定跟風。果然不出所料，吉列豬扒香脆可口，肉質保持著豐富的肉汁，令人一試成主顧。而烏冬才是這裡的真正亮點。店內的手抓烏冬條條粗獷，形狀各異，口感煙韌彈牙，與湯底的搭配無比默契。這是我第一次到烏冬專門店用餐，整體體驗令人驚艷，絕對值得再來！

職員對食客極度無禮，以囂張之態度代人，本人請求職員幫忙拿一個杯，結果無人回覆，本人曾向三名職員發出請求，結果無一回應，因此此次用餐體驗極度差劣希望貴店可以作出改善

圍方有唔少餐廳，依間烏冬店話係日本名古屋嘅過江龍，1925年開店傳到依家第五代，選用日本小麥粉同埋全人手製作正宗嘅烏冬，睇落好似唔錯，而且店外都有人龍。湯底有老店傳統味噌、黃金鰹魚清湯同埋招牌咖哩三款，今次揀咗親子煮烏冬，亦即係雞肉同埋雞蛋，落單嗰時侍應會問嗰隻係生雞蛋o唔ok，烏冬唔係用普通碗裝住，而係用砂鍋上，所以一路食都好夠熱，烏冬算係彈牙，不過鰹魚湯底飲唔到鰹魚嘅鮮味，淨係得鹹味，當烏冬索咗啲湯就會越食越鹹，湯底有待改善。

跟老婆結了婚一年，一直也是十分幸福，但唯獨是少了一些外出拍拖的生活，漸漸地變成老夫老妻！今天為慶祝四十三個月相識紀念日，決定跟她在放工後一起看看電影，吃吃晚餐！地址我們揀了the wai，這裡有很多食肆，各式各樣的食肆你也找得到！不過，一直也想跟老婆吃以下的烏冬過江龍：山本屋，但有感人氣爆棚，經常性地很多人排隊，就放棄！但今天是星期二，發覺平日沒有太多人，就進去了！餐廳採取了香港車仔面的風格，預先用紙筆下單，有位時馬上有得吃烏冬！餐廳提供了濕紙巾和基本用具，可以接受！我們挑選了1）親子煮烏冬配老店傳統味贈$882）吉列豬扒烏冬配黃金鏗魚清湯$98連加一：$216等了20分鐘，店員先後把熱辣辣的烏冬呈上，這裡需要讚賞一下店員，會跟你查詢是否需要口水肩，也會不停在等待期間添水，實在不錯！我們一直等待這個本著匠心精神的烏冬，偷望到烏冬是門外師傅所手打的烏冬，然後它放進熱滾滾的熱湯內，就放上我們的枱子！這裡，不喜歡吃熱物的朋友要再想清楚來不來這裡吃，因為熱辣辣的食物需要攤凍10-15分鐘才能夠放進口裡！你可能說我不懂食物，但這是個人習慣！我是吃親子煮烏冬配老店傳統味贈！店員會先詢問你是否喜歡吹

期望越大失望越大係日本食過叉唔多嘅即製烏冬，好好食好難忘，本來都諗有一半好食我都已經覺得好好嘢！點知？真係一成都做唔到，我哋成班fd都覺得仲衰過食大陸刀削麵，個咖哩湯冇味㗎，牛肉得幾片，又唔係咩了靚嘅牛，咁做生意唔好打住日本招牌啦！我哋8點幾到，食食吓休息下傾兩句偈已經問碗麵係咪收得😡嘩！趕收工趕到咁唔好開啦，咁樣都夠薑收加一，冇下次

和朋友很久不見，在open rice上見到附近有間食烏冬嘅舖頭幾吸引，就相約咗喺呢度見面。平日晚上八點幾，都有人等位，心諗今次一定係食好西！我同朋友都一齊嗌咗咖喱湯底，麵嚟到飲咗啖湯先，個咖喱湯好淡味，食埋個烏冬，完全就係刀削麵咁。我嗌咗牛肉咖喱烏冬，108蚊，牛肉得好少。最差嘅都唔係呢樣，我哋食到九點左右，啲staff就好似望住你睇下幾時停手就過嚟收野。結果我同朋友放低咗30秒左右 就問我地要唔要全部人都勁趕收工咁。。。明明係閂10點如果你係100蚊內嘅，呢啲質素真係冇問題但係我哋埋單人頭差唔多$200 一個，真係好唔OK囉

星期四晚自己一個人早少少諗住食晚餐。就試吓依間手打烏冬。一日到去安排坐低之後冇人理，目測有六至七個員工企晒喺度傾偈，高談闊論！有啲就黐住幅牆郁都唔郁，有啲就溝𡁵女。咁唔好阻人啦。其實好簡單，我剔完我要食嘅嘢淨係想俾張單落order同埋攞杯水，都要等7至8分鐘。點咗個天婦羅蝦手打烏冬要麵豉湯底。追加牛肉同埋生蛋。埋單連服務費$141。成碗嘢係得個熱字，死咸味道唔吸引，烏冬就彈牙嘅。天婦羅蝦有兩隻，追加牛肉有幾片。總之唔會俾百幾蚊食碗咁嘅嘢啦下次，大把選擇。

第一次去新商場圍方，商場啲舖頭同平時都差唔多，之前上網睇好多人都食呢間過江龍手打烏冬，所以晚餐一於試吓佢。差唔多食飯晚時間6點已經開始排隊，都係採取人齊先可以入座嘅形式，不過就冇限用餐時間。等咗大約20分鐘就有位，裏面鋪面唔算好大，坐位都唔太多，但我哋兩大一BB車嘅情況下，門口姐姐都安排得唔錯。✨吉列豬扒烏冬，配招牌咖喱+$10睇啲人話個烏冬得幾條ja，但其實無講到咁誇張囉，普通烏冬嘅份量，同埋真係手打烏冬，食落好彈牙，唔係出街買d普通烏冬味道，可能配咖喱汁關係，食落都好飽，個咖喱汁就甜甜地，一啲都唔辣，我個人就覺得幾好食，個吉列豬扒就正常發揮囉，冇乜特別。✨蝦天婦羅煮烏冬，配老店傳統味噌呢個蝦天婦羅就賣相一般，有兩條，唔算大隻，不過就冇出邊食落咁多粉漿，但呢個湯底落個人就覺得好鹹，但我老公就話佢好鍾意個湯底，佢話味噌係要咁濃味先好食，所以都係個人嘅口味。✨日式炸豆腐都係一般普通炸豆腐，不過不失。另外要讚吓呢間餐廳嘅服務態度好好，因為兩樣食物製作都需時，佢哋都會不斷幫你fill水同埋問你要唔要圍裙怕汁醬彈到你身上，當你食完嘅時候又唔會話太要你趕住走，雖然出面好多人排緊隊😂而且係請勿靠等