居食屋「和民」 (皇室堡)

營業中

休息中

三隻馬騮游完水，唔想淨食壽司太生冷，所以去居酒屋！有熱食又多選擇！ 呢間新開，裝修新淨，難得星期六都唔使等位，而且店員仲好好比咗間圓型套房比我哋（可能避免我哋3隻馬騮嘈親人） 間房好有私隱，但要叫人就好難，因為店員行來行去都未必在意我哋間房，所以有個呼叫器，可惜係壞嘅！ 大家都唔太肚餓，小朋友又多，所以叫個二人套餐就夠！食物好快到！$358歡聚套餐 季節前菜：日式煮物，蒟蒻彈牙，荀件爽口！但蘿蔔澀口！ 薄切鮭魚刺身：特別嘅用洋蔥檸檬汁淋面，鮭魚唔肥唔腥，捲埋紅蔥絲一齊食，有啲特別風味，好味過普通刺身！ 特盛芝士凱撒沙律：芝士粉好多，麵包粒好大粒，乾身爽脆，羅馬菜太老，沙律汁唔多，所以沙律較乾身！ 日本南瓜蕃薯天婦：天婦羅中最喜歡蕃薯同南瓜，呢間炸漿唔厚，炸得香脆，南瓜蕃薯夠甜，炸得透！好好味！ 小牛肉壽喜燒：連鍋上，湯底甜，蔬菜款式多，不過我唔鍾意黃芽白！豆腐金菇索晒湯，牛肉半肥瘦唔硬！加埋雞蛋好滑！好味！ 九州豚骨湯拉麵：湯底唔夠熱，豬骨味濃，拉麵粗身有咬口！木耳絲有咬口，雞蛋半熟索晒湯！叉燒較老！ 抹茶雪榚：一早𢳂好雪到實晒，好硬好難𢳂！抹茶味唔濃！呍呢嗱雪榚：無乜呍呢嗱味！

和民今晚好失望，等得耐都算，仲要叫乜無乜，我係因為個和民沙律先去食，點知等完入到去無得賣，都算！繼續係叫乜無乜，叫鰻魚玉子又係無，叫芝士年糕cheese少，無乜味，一凍好硬，要高速食。叫左個cheese漢堡串就好d，入面幾有咬口，肉餅質地咁，但同樣無乜cheese味既？？泡菜牛肉石頭飯，牛肉得肉碎，份量少到傻左，有少量飯焦，泡菜味算濃，但成個飯將價就貨的細，味道普通。綠茶白玉雪糕同樣普通，紅豆算軟綿，雪糕好無聊，普通來貨，茶味不足，白玉無味但正常質地，冰凍但無期望可言。太多客，人手不足，叫了的巨峰梳打等到賣單都未到……

一講起食飯，阿妹就話要食日本野，一時間咩都諗唔到，就你突然醒起好耐都無食既和民，所以我地就去左銅鑼灣既和民，去到就即刻有位，好開心之餘，亦不忙細看有咩新菜式登場，之後就點了數款 包括有入口即溶既和牛壽喜燒日式火鍋 份量比想像中多，和風湯底帶微甜，是我最鍾意既味道！另外牛肉亦切得厚薄適中，肉汁豐富，輕輕在湯中燙過數秒就已經充滿濃厚肉香，加上幼滑的嫩豆腐及其他新鮮配菜之下，就完全是完美的境界，食到我同阿妹都話超讚！而水準極高的和風牛小排丼就更是一流，絕不是吉野家的級別能夠比美，肉質晶瑩之餘，口感更是柔軟而有彈性，每咬一口都能促使口腔充滿新鮮濃烈的肉香，加上當中還留有大量的水分，吃在口中尤感享受，正體來講水準高左好多，可以再食！

來和民我必叫蒜香一口牛，雖未係入口即溶，但呢個價錢食到呢個quality好ok! 今次依舊蒜香飄逸，牛肉好好味！三文魚刺身都幾肥美新鮮，大蝦天婦羅炸得外脆內軟，炸漿吾太多，所以口感吾錯，亦可以保持大蝦的肉汁。喬麥麵有點'孩',口感只屬平平。

同一班朋友出黎食飯,朋友建議去和民因為好耐冇食過,而且天氣凍凍地,大家都好想再食下佢個牛肉鍋牛肉鍋用壽喜燒黎做湯底,吸收哂鍋內既精華,甜甜地牛肉一黎到係生既,再慢慢係鍋內煮熟佢入面都幾豐富架,當然唔少得好嫩既牛肉仲有啲菜,芋絲,冬菇,仲有雞蛋牛肉鍋燒烏冬又係牛肉鍋,同樣好食烏冬彈牙,一路用個爐熱住佢,熱辣辣,冬天食就最岩石鍋汁燒豚肉飯有啲泡菜係上面,再配埋豚肉泡菜較辣,唔係太食到豚肉的味道,感覺都被泡菜味蓋過左唔太岩口味,所以覺得味道一般,較失望

同朋友諗住食個晚飯之後返工,想食日本野.就揀左呢間~等左15分鐘就入得,由於我買左個蛋糕諗住帶返工慶祝,侍應好好,見我拎住都會主動問使唔使雪住. 之後開餐啦~估唔到個海鮮什錦串燒好好味,  最抵讚係佢個鰻魚串燒同帶子串燒,熱辣辣~又肥厚又JUICY.  另外,個冷麵質感好好,爽口! 唔會好似一patpat咁.食埋個軟殼蟹壽司,這個一般,包得比較鬆散~最後嗌左個饅魚壽司做宵夜 整體黎講...都好好味！只不過可能抽煙系統唔係咁好..大煙左少少

今日星期二，不用等位，但入到去都full左8成，本身被安排坐近廚房位，由於open kitchen 既關係，d串燒味全部飄曬出尼。或者有人會覺得香噴噴，不過要我聞足一餐飯就麻麻地了，所以叫左侍應安排另一邊。侍應們禮貌都好好，幸好入面還有位置就往裡面坐。當我們決定下單時，侍應突然跪下 ！！！和民給我印象未算很高級，真的不用下跪太誇張了👀 日式鰻魚出汁蛋好正！熱辣辣，d蛋吸曬鰻魚既味，超好吃  壽司盛油甘魚：比想像好吃，沒有根，口感軟熟，啖啖魚香味八爪魚：生的  不是平常死實實的，也很好吃赤蝦，三文魚都是大概9分 可惜，件帶子不新鮮，帶有腥味   豚肉露荀正！燒到d肉香噴噴夾埋清甜露荀一口一塊   四寶雞串(雞頸肉，雞皮，七里香，雞軟骨)首先，本人甚愛食肥野。但依兩串完全唔掂，只是堆沒有處理得宜的雞垃圾！！！仲要成$20一串本來諗緊佢第一塊咁似雞皮，可能串燒次序唔跟餐目，但食食下唔對路，塊塊都肥，頭兩粒都可以叫燒香左，但果種肥得個油字，同平時燒雞皮既香脆唔同，後面果兩粒更差，先不要說沒有台灣七里香味，第四粒連基本串燒味都無，只有鹽同肥油，係就係有軟骨，但軟骨亦不是被正常鬆化

男朋友話想食和民好幾日啦，趁大家星期六都放假就黎食約好食完飯去睇電影，於是就早點過黎銅鑼灣6點幾黎到，我地先去買左戯飛先買完就黎和民，新裝修感覺特別舒適呢個鐘數無咩人，於是我地就自己入餐廳就搵位我地搵左個卡座，位置寬闊，且燈光又夠光特別想介紹呢個黑椒雞翼好香脆，香脆得黎又幾大塊，雖然係黑椒雞翼，但又唔會因爲黑椒而嗆喉反而陣陣黑椒香味，雞翼肉質都好嫩滑烤魷魚，原只魷魚完整擺好，一看都見到魷魚不算小，切等份方便我地進食魷魚烤得剛剛好，入口香得黎又幾有咬感

我自己一直以來都係和民既粉絲。價錢OK之餘而且仲有好多款式揀添!!!今晚我同幾個我既知心好友去銅鑼灣分店食啦!!!叫了幾款我地最愛既食物。一路聽住輕快既音樂,個肚就一路係咁打鼓…..第一碟上黎既係鰻魚壽司,分量都不小啊!!微溫既壽司卷上鋪左大大塊既鰻魚, 再淋上鰻魚汁,食落口味道均勻,啲飯完全吸收哂鰻魚汁同鰻魚既香味,甘香甜美, 值得推介。鰻魚壽司當然唔能夠咁快就滿足到我個胃啦~之後就到牛肉壽喜燒,睇住熱氣騰騰既鍋裡面既食物慢慢變熟,再打隻生雞蛋落個鍋到,有種幸福既感覺湧上來。好想食哂佢地落肚令自己個肚繼續延續呢種幸福既感覺!!!!熟透既牛肉吸收左壽喜燒既精華,肉質鮮甜無比。蔬菜都唔例外, 好甜好滑好好味~~食完再飲埋啲湯,大滿足!!!

放工同同事經過和民，就入去食個飯！我叫左個石鍋三文魚炒飯。上枱個陣個鍋卡滋卡滋地響,炒飯鋪上三文魚刺身同沙律醬,攪拌既時候三文魚碰到熱辣辣既石鍋頓時變熟。食之前再放上另上既三文魚子,每粒飯都好飽滿,熟既三文魚因為即熟既關係好多汁軟滑,再配粒粒三文魚子令到呢個炒飯既色香味配合得好好。我同事叫左一個滑蛋吉列豬柳丼,蛋汁滲入每粒飯中,吉列豬柳厚身多汁而且好鬆化。友人大為喜愛,一口氣KO哂,幸好我搶到幾口同一塊豬柳！下次一定再黎食！

看著維園食午餐, 你們說爽不爽?和民售賣的清酒是由自己專屬酒廠釀製, 藍色及粉紅色的瓶身做的很漂亮, 有甘甜而帶有獨特稻米酒香的, 也有辛辣淡麗的酒香, 百貨應百客 ~酥炸軟殼蟹壽司卷軟殼蟹的口感讓人吸引, 酥炸的蟹件很乾脆, 咬下去會有汁液流出, 拼上壽司卷內的青瓜絲、生菜, 還有醋飯及滿佈飯面的蟹子, 層次豐富也不帶任何油膩 ~海鮮串燒盛合有鰻魚、帆立貝、多春魚和大蝦, 適當的燒烤, 沒有太焦或不討好的味道, 只因燒烤的 open kitchen 是用了特製的燒肉台, 把串燒明火燒製, 快速把海產的肉質收縮, 肉汁保留 ~海老天婦羅大盛竹製小秋千上放著兩隻爽甜海蝦外, 還有石斑塊、冬菇、蕃薯片、南瓜片和青椒, 全部是炸得香脆不膩口, 炸皮也不會太厚身, 沒有粉多肉少的令人氣餒口感 ~舒適自在的用餐環境, 引入自然光在餐廳內, 心情也因此而放輕鬆吧 !本篇完 ~

畢業後的第一份工雖只做了兩年，但工時長要和同事朝夕相對，那陣子真是見他們多過見家人，幸運的遇上不少有趣又能幹的，為沉悶忙碌的生活添上一些色彩；和他們當中好幾個關係也不錯，這天和其中一個合得來的同伴吃飯寒暄，交流近況。自家製京風冷豆腐 $38一客兩小件的豆腐份量迷你，上面以青蔥和薑末作點綴提味；豆腐質感軟中帶挺，用筷子輕輕地也能成功夾起，豆味濃郁，配上鰹魚汁(另有岩鹽一同伴上)不失為一個不錯的開胃前菜，但以此份量來說定價好像進取了一些。自家製鰻魚厚燒玉子 $68一客六件的玉子燒熱辣辣，夾開一件見它仍在冒煙，厚厚的玉子味道帶甜，內裡蛋液剛熟凝結，滑滑的滿蛋香，加上肥美的鰻魚和鰻魚汁，是水準之上。鮭魚牛油果卷 $68在菜單上的圖片看起來挺美味就點了，誰知中了一個大伏；一客六件的卷物看上去正正常常，但夾一件放入口臉色立即一沈：天究竟發生什麼事！？那些飯粒好像放在雪櫃裡好多日，又乾又硬的好可怕，卷中間只有很少的青瓜和醃漬物在內，加上舖在上面的牛油果和三文魚也切得很薄沒太大的味道，無論怎麼吃都只有：「好難食」三個字在腦海內漂浮。特選壽司盛合 $88有過剛才嚇人的經驗後，對於此的期望絕對降至零，戰戰

去JP睇戲前想搵野食, 行過見到皇室堡間和民既格局好似同之前食開既唔同而且價錢ok, 所以就入去試下朋友係愛蠔之人, 見刑有焗蠔就即刻叫有牛油同芝士兩隻味, 都好似幾吸引最後我地揀佐牛油味食入口好多汁好香口, 唔會焗到太乾身, 保留到蠔鮮味! 鹿兒島縣和牛壽喜燒，聽見個名都已經好想食牛肉肥瘦適中，入口又嫩滑，配合滑蛋同微甜湯底又開胃又易入口！但加飯彧者鳥冬要加錢, 所以唔係好夠飽另外鰻魚厚燒玉子真係必食!!,厚燒玉子包住肥厚鰻魚, 仲有熱辣辣蛋汁流出每一啖都充滿鰻魚香味同燒蛋流, 好滿足！ 極上壽司拼盤就有少少失望，唔算好新鮮, 味道比較普通, 同係元氣食到既差不多始終百幾蛟貨仔，唔可以要求太多總結黎講都算幾好味, 而且有好多野未試, 所以應該會再黎~

係皇室堡搵飯食，上到4樓，x壽司同和民都要等位。由於肚餓中，所以邊間有位就食邊間。本身都唔係和民既fans, 耐唔時先食一次半次。但今次再黎，望極個餐牌好似都唔係好多款野食，印象中以前係好多款式野食既。可能多左d 串燒啦，但如果食串燒我就唔揀係度食啦..........牛肉窩加左烏冬，仲有兩隻雞蛋壽喜燒湯底味不錯，入面都係有菜，粉絲，豆腐，菇，大蔥。牛肉份量都好足，係肥左少少呢個卷物初初黎既第一碟d 米係唔熟既，硬硬的，米芯熟唔透。初初以為係因為火灸過既關係，但再食多舊之後就確定係唔熟。其實都幾難整壽司d 飯係唔熟既第二碟黎d 飯係微暖既，入面包住黃蘿蔔絲同青瓜絲，味道普普通通。由於都無咩野想食，食完呢兩樣野就算了，感覺上唔係好抵食。

HAPPY FRIDAY...前排睇openrice 呢間野排名都幾高就去試下, 趁happy friday同2個女仔去試下呢間日本野*instagram好多人介紹嘅洋風三重奏，賣相好靚好精美見到三文魚同菜以為係沙律黎、點知一切開全部都係洋蔥同牛油果、咁岩呢2樣我同朋友都唔鐘意食, 結果咬2啖就放底左、但如果喜歡食洋蔥既朋友應該幾鍾意。*厚燒玉子，好香好滑, 鰻魚肥美多汁,加埋惹味燒汁，咬落去D汁咇出黎,好juicy!*牛油烤廣島蠔，佢係全晚最滿意既菜式。好新鮮好大隻好夠味!!仲有淡淡牛油香味, 但又唔會好淛我地原先想再叫多轉, 不過太飽叫唔到!