北角有小福建之稱，想食傳統福建菜實會諗到北角。近排喺北角發現一間別具特色的日本餐廳——Kousen Irori Sumiyaki。 餐廳門面相當低調，日式庭園設計，有茅屋頂。裝潢非常有格調，一進餐廳就被中間的圍爐給吸引了。 炭燒圍爐用日本備長炭，溫度可高達900度，餐廳更請來曾任田舍家既日籍大廚主理。 前菜先試下魚肝，選用高貴器皿，魚肝十分新鮮，入口即融，加埋醋汁更滋味。 食完第一樣魚肝，已經引起我鍾意食海鮮既癮，呢個燒壕好大隻，原來係北海道空運到港，連殼上，食出原汁原味。 呢個珍寶雞翼，超級大隻，仲要隻隻都燒得剛剛好。 秋田縣鰻魚，係原條空運到港後，先劏開。先白燒後蒸再用圍爐燒，燒至外層焦脆。蒲燒汁同鰻魚真係好夾！ 大大個瓦煲上枱，呢個海雲土鍋飯面層鋪滿生海膽，焦飯採用日本珍珠米用瓦煲煮熟。食呢個飯一定要伴埋海膽，粒粒飯粒都有海膽汁，有陣陣飯香之餘又食飯海膽既鮮甜。 最後一定要食個飯後甜品先叫完美！日本甜品水信玄餅，晶瑩剔透如果凍，加上黃豆粉同黑糖蜂蜜漿，清甜可口。

雖然住觀塘區，但入新蒲崗既機會真係好少。今次黎新蒲崗搵朋友，順便一齊坐底食個飯，我地想搵個地方近得黎又舒適既餐廳坐，經過Le Sucre感覺唔錯 新開既餐廳menu選擇已經好多，我同朋友都唔知食咩好，最後都係問職員意見大大隻雞翼炸至黃金色，入口脆卜卜，沾黑松露醬一流！份量十足，兩個女仔食6隻都覺得有D多。沙律菜點綴剛好！主角冬陰公湯虎蝦意粉，鍾意食辣既朋友真係可以試下味道酸酸辣辣好開胃，湯底夠正，麵都唔錯！面頭仲有兩隻大大隻虎蝦飯後甜品好重要，有西式甜品同中式甜品揀，我鍾意食楊枝甘露，呢個芒果楊枝甘露好特別，似乎真沙冰，好綿滑，芒果肉又好多，啖啖肉 下次去新蒲崗可以再幫襯

一向都係Chibee fans，同朋友約食飯都會首選呢間，今次去到Chibee叫左3樣野其中一樣仲要係部隊鍋。。飽到呢。雖然係好味但部隊鍋下次可以多人先叫。先講炸雞，Chibee都開左一段時間，炸雞依然好食無退步到，每次必點。仲附送好幾樣source，可以同時試到好幾個味道既變化。之後個韓式牛肉粉絲幾香，粉絲咬口，牛肉味道重，推介。部隊鍋就超級足料，唔辣，多腸仔，超多午餐肉，不過下次至少3-4個人先好點。最後個芒果奶昔唔單止樣靚，味道不錯，相信會好飲過韓式罐裝汽水，果然無揀錯！有機會會再來。

新開的餐廳都覺得環境特好，和姐妹們下午茶又多了個好地方了！位於銅鑼灣鬧市逛完街後就能來這裡坐坐吃個甜品聊天 現點現做所以需時20分鐘，不過值得一等！厚厚的梳乎厘蛋香味濃郁，入口即化，相當鬆軟，配上雲呢嗱雪糕和水果，口感豐富又可口。如果真要我一個人吃一份，我真吃不完，所以可以和朋友一起分享一份。 沙律也很不錯，雖然沙律醬有點少，不過雞肉塊挺大塊且不會鞋，沙律菜也不少，這我一個人吃也絕對能吃完 這裡餐具和水都是要自助的，買完單後再自己取！

趁放假有時間可以入元朗覓食，一早做好功課，搵左幾間元朗特色小店，元朗鬼巴士都係其中一間，原本以為佢係一間小食店，原來只係一個小攤位，擺係豪大大門口。 係咪真係食左心思思，忘都忘不了呢 由於已經食完晚飯都已經好飽，所以無試佢個套餐，淨係單叫2串試下。個人覺得味道不及旺角果間長期排長龍既肥X，黃芥末並無特別嗆鼻，大腸都唔夠爽口。魷魚都一般，唔知係咪已經食飽先唔覺特別定真係一般，有點失望，並無網上講到咁好味

自從翡翠明珠翻新後，銅鑼灣多左個美食聚堂。今次就同朋友一齊去試下啲餐廳咩環境。 上海姥姥位置較顯眼，一上電梯便睇到，6點幾黎到已經滿座要排隊等位。不過等一陣就安排入座。 上海菜無人不曉應該屬小籠包啦，呢籠小籠湯包價錢有點貴，一個要10蚊。不過皮係人手自製都算值得，味道不錯，皮薄肉多，一咬下去湯汁噴出，所以吃的時候要小心，不過餡肉夠大，多料。 紅油抄手味道也相當不錯，一共有6顆。每一顆都很大顆，入口味道豐富，紅油汁酸酸甜甜到點微辣，所以不敢吃辣的朋友也能試試。 特別喜歡吃酒釀湯圓作為甜品，酒味道並不濃，反而桂花味道突出，每一口都帶香香的桂花味。

早排約咗舊同學聚聚舊，講起想食韓國菜，知道銅鑼灣Aura on Pennington有新開張嘅韓國餐廳就決定黎嘗嘗新。 坐低無耐仲諗緊食乜嘅時候，店員就送上食親韓國菜都唔少得嘅開胃菜送上，前菜當然唔少得Kimchi啦，仲有埋沙律添。 因為大家都屬於「食肉獸」，肉就當然唔少得！一黎就點咗個烤肉拼盤 - 牛肉、黑豚肉、雞肉 ($168)！份量方面都無令到我地失望，可以滿足得到4隻「食肉獸」對肉嘅渴望！三種肉再倒埋特製嘅醬汁落鐵板，陣陣「肉香」即刻湧出黎！ 朋友對於芝士情有獨鐘，所以亦都點咗店員極力推薦嘅芝士海鮮焗年糕($128）黎滿足一下呢位芝士迷。其實芝士拎去焗，再配埋新鮮嘅海鮮又真係好難會整得衰，但係呢道菜勝在芝士再加韓式辣醬個種風味，有少少辣之餘又有濃郁芝士味，滿足到芝士迷之餘又有煙煙韌韌嘅年糕滿足「口慾」，滋味又肚飽！ 講起「韓風」當然唔會MISS炸雞與啤酒啦，我地食住個勢ORDER左個韓式芝士炸雞！巨量嘅芝士鋪係炸雞之下…見到都流哂口水。食嘅時候需要出動到叉將芝士拉絲，卷到成舊炸雞都係芝士，簡直係「食肉獸」同埋「芝士迷」必點之選！但係食呢個記得要趁熱食，攤凍左之後芝士會比較難卷同埋炸雞嘅皮會略嫌軟身，係「相機食先」之後，店員都好貼心咁幫我地盤炸雞加返熱 #辛苦哂 最後亦都係我極力推介必點菜式 - 高麗人蔘雞湯($168)！！！堅係成隻雞上，人蔘味仲好出，厲害在於人蔘味好出之餘個湯仲依然好清，有家的味道，絕對要試！

同朋友約左喺佢公司附近食飯，佢推薦呢間專食burger 既快餐店。lunch時間一去到已經full full地，好彩仲有一張空檯，職員即時幫我地安排入座，服務唔錯。 見好多漢堡餐都係有牛，但我又唔食牛，於是揀左呢個豬絲既口味。雖然等嘢食等左好耐，不過都值既，好大一個包，女仔黎講真係會食唔曬，建議可以兩個女仔share食，每個包餐都有配薯條同酸瓜，漢堡味道好濃郁，特別係漢堡包皮好軟身，係我最喜歡既口感，薯條都係即時炸起，好香脆。另外，飲品要另加錢先有，罐裝汽水一律25蚊，有d貴。

近年有股海膽風潮襲港，許多餐廳都用海膽作招徠吸引不少顧客。但並不是每家餐廳的海膽主題食品都能合我口味。最近，我的吃貨朋友推薦一家位於石板街上的日本居酒屋S2 Kitchen 卻令我大開眼界。 門口的日式紅燈籠很顯眼，餐廳位置不難找。七點多來到，餐廳已經是滿座，還好我有先訂位了。 這算是餐廳的生招牌怎麼不試！十層的繽紛海膽杯真的讓人眼前一亮，師傅還用心地介紹這海膽杯正確吃法，先用小匙吃上面3層拼最上面燒過的白飯魚脆片，黑魚子和海膽溶為一體，配上脆片口感特別又鹹香。接著再吃下面幾層，吞拿魚茸、蟹肉、甜蝦還有三文魚，全是我喜歡吃的海鮮，入口鮮甜柔滑，果真是真材實料呀。 又一道海膽菜，沙律中加海膽也蠻特別的。相當健康的牛油果配上鮮嫩帆立貝和火箭菜，酸酸甜甜很開胃，特別一提的是帆立貝的口感很爽口清鮮。 S2一特色菜海膽火焰卷，在你面前直接點燃火焰熊熊，慢慢地卷物上沙律醬會溶化至微焦，等火焰慢慢熄滅就能品嚐了，賣相夠吸引。 創意十足的三文魚夾餅你是吃過嗎？在沒來S2 Kitchen 吃這道菜前，我還真沒想過脆餅也能和壽司一併。這真要一口吃下才夠爽快！ 就連雪糕也是海膽口味，這還是自家製的，入口奶香味濃郁，待融化後更散發鹹香， 味道不俗。

日日朝九晚六，返工返到好似世界末日咁。係要食下蛋糕甜下個胃先至得。今日又有同事生日，最開心除左生日果個，我都好開心架，又可以偷懶一陣啦。 生日可以食到個LUCULLUS birthday cake都算係唔錯既享受啦，至少唔係又食東X堂同美X西餅啦。 朱古力控真係不得不讚下呢個cake，外層散滿朱古力碎，蛋糕海綿好鬆軟綿密，入口即溶，加上美味忌廉，簡直一流 快樂既時光總是過得特別快，食完個蛋糕時間啱啱好，準時收工