小城知味 (德福廣場1期)

營業中

休息中

一向好中意有小菜既茶餐廳始終係中菜先歷久常新百試不厭但偶爾都會中伏！呢間小城滋味，7點已經坐滿人咁岩有一枱走左我先入到，坐低已經又要排隊套餐選擇不多，但可自己加配飯湯任君選擇首先半隻口水雞套餐老實講，見到口水雞熱上有d唔習慣，我唔知道正宗係冷盤定熱盤，只評好無食？ 熱上無左口水雞爽口既皮爽，更熱更麻，但食到一半左右就太咸，所以只有6分套餐加$20加湯加飯加豆漿，omg，全部都係暖，唔係熱既。唔合格都未計較我就黎食完晒菜飯先上呢個問題，三催四請再叫一份燒牛肉葱油面。面質粉，介乎煮唔熟同熟之間，係個牛好食d

同搵食兵團黎個開年飯🎉話明開年飯就唔係普通每人一個餐喇今次就試吓小菜，午餐真係比較少咁樣食但德福始終好多人等位🤷🏻‍♀️等左差唔多半個鐘有多先入到去咕嚕肉，甜酸適中，夠脆口呢個用嚟送飯係最適合不過但注意⚠️，飯係要加錢架💸瑤柱冬菇伴生菜一睇相，就知道醬汁比較多味道係唔錯嘅，冬菇都夠淋係食嘅時候可能要‘琼’下啲汁🤣金針雲耳蒸雞🐥都蒸得入味，滑身雞件都唔係太肥蒸出嚟唔算多油👍🏻🥕蘿蔔牛腩筋煲牛腩筋嘅份量都多同樣忟得入味蘿蔔夠甜，冇渣個汁撈飯都唔錯嘅如果你唔怕太油膩嘅話以午市小菜分量黎講，其實都算多，都好夠食，價錢抵只係當日太多人，啲侍應好忙碌最慘莫過於啲餸喺面前但你個飯🍚仍然未到😂最後仲有搵食兵團老細萬歲✌🏻呢個開年飯食得好滿足呀😜

響九龍灣返工，星期五下午同同事食飯，本來想去旁邊食泰國嘢，但 booking full 曬結果轉去旁邊呢間。點嘢嘅時候，menu 有寫住有蒸飯、羽衣甘藍菜肉餃、湯麵，9 個人睇完 menu，決定曬，點菜嘅時候侍應先話，冇蒸飯、冇菜肉餃。好，即轉，點完唔到一分鐘，響廚房出返嚟話：冇湯麵。等咗 10 分鐘，嘢食開始到，不過啲組合亂七八糟。叫口水雞菜飯嘅同事收到口水雞蔥油撈面；叫珍珠菜肉雲吞拼魚蛋米線嗰位就收到碗冇魚蛋嘅米線。同樓面反映，佢仲話：「我叫佢拎走幾隻雲吞先。」擾攘一輪，我叫嘅嘢終於嚟齊。牛筋腩蔥油拌麵個麵同撈汁（甚至腩汁）都淡而無味，生菜鯪魚球食到有碎骨，不過好在未有割親喉嚨。唯一可取嘅係個「夠薑薏米水」，啲薑嘅辣味幾出。一路食，身邊其他食客「唔該有冇乜」、「呢樣又冇吖」等嘅聲音此起彼落，我諗呢間餐廳不如直接改名做「伯母餐廳」比較好。

細佬入院後第二日，最終還是放棄了在私家醫院內進行手術，選擇了由醫生轉介，回到政府公立醫院，讓公立醫院醫生繼續跟進他右臂的病情。因為細佬不是亂花錢的人，就算保險可能會就他的手術跟住院費用作出賠償，但是他可能始終還是怕了醫院高昂的費用，寧願回到政府醫院，給公立醫生繼續跟進吧。我跟阿媽到了醫院，然後接了細佬出院，再一起坐上的士，直接前往九龍灣「德福廣場」。三人回到「德福廣場」，一起食完午飯過後，之後三人為將來要去的地方再作打算。不過，我現在真的不太喜歡，在午餐時段飲中茶，因為我真的受不了那些「茶樓三寶」，在中式茶樓真的很難食餐「安樂茶飯」。所以我只是坐在茶樓很短時間，就已經忍耐不住要離開茶樓，在「德福廣場」裡面另外找地方食飯。結果，我在「德福廣場」找了很久，才給我發現，西餐廳「茜X餐廳」旁邊另外開了兩間新餐廳，一間泰國菜餐廳「泰X廚子」，另一間就是粵菜跟上海菜的餐廳「小城知味」。現在「茜X餐廳」所在的位置，之前曾經經歷過翻新裝修，裝修後就變成了的這樣樣子。「茜X餐廳」面積好像比以前縮小了，騰出位置換成了，「泰X廚子」跟「小城知味」這兩間新食店出現。所以我一見到「小城知味」之後，立刻按捺不住想

最近朋友約睇戲，所以就去左九龍灣，睇戲前就要醫下肚，朋友介紹呢間食肆，估唔到咁好食，價錢又公道，仲有我至愛既豆漿同豆花供應環境光亮舒適，店員亦都好友善我地各自點餐，小菜加HKD20可轉套餐，包絲苗白飯，師傅靚湯及飲品，凍熱同價，最開心係豆漿都轉得呢個湯真係好得，用料十足，味道清甜，唔會油膩我揀左蘿蔔牛筋腩煲HKD68份量好多，一端上來已香氣四溢牛筋腩唔會韌，反而好腍但有好有咬口，蘿蔔好入味好好食，唔會苦，平時既我唔夠入味同太硬的白蘿蔔我都唔食架，但呢到我竟然食曬有小菜當然配白飯最好，飯唔會煮得太腍，但有口感，而且都幾大碗，其實我同店員講左小飯，不過都仲好多，我最終都食唔曬，有點浪費了而呢杯夠薑熱豆漿更係不可錯過好夠薑味最鍾意薑既香氣同埋微辣的味道暖心又暖胃最後加返個薑汁湯圓豆腐花HKD35一次過滿足我3個願望如果加埋豆漿就更加好呢，哈！加埋黃糖粉再攪一攪就食得，呢到既豆花仲係用木桶撞出黎湯圓餡無得揀，得芝麻餡，芝麻好香，湯圓軟糯煙韌豆花帶點薑味，口感幼滑朋友無介紹錯呢到既食物份量大，其實細食之人好似我咁，兩個人食都得，又或者另外加多個白飯同叫多杯野飲，都幾經濟！

下午茶時段經過德福試試呢間有下午茶餐的小城知味。酸辣豬扒湯米線有些失望 以為係酸辣湯底， 原來只係酸菜放面。豬扒大概有5, 6 件， 有兩條菜， 算有些誠意。一般的午餐或下午茶餐都是跟咖啡，奶茶。呢間除左這些外還有檸檬薏米水或者豆漿可選擇一片檸檬配上適當份量的薏米， 暖暖的， 最適合現在天氣飲呢！

原先唸住同黃兔到德福想食早餐，但去到已11:30多，應該無早餐了，於是唸住改食午餐。當行過這間餐廳門口，見到餐牌重有早餐食，竟然還做到12:00，第一次見呢（大鄉里）！而且都算多選擇，價錢合理又無加一！於是同黃兔衝左入去。天氣凍想食熱野關係，我同黃兔都點了有粥配腸粉的早餐，而且所有早餐都有餐飲的！皮蛋瘦肉粥粥是暖的，不熱皮蛋同瘦肉都好少，味道較清淡！鮮蝦紐紋腸粉賣相不錯！有三，四隻蝦仁，好味！菜乾豬骨粥粥也是暖的，不夠熱菜乾香味比較少，也是味道偏淡！淨紐紋腸粉食到紐紋腸粉比普通腸粉口感煙韌，似陳村粉！好食豆漿不太甜，口感滑，無渣！以30幾蚊價錢來說，算是抵食的！正所謂—分價錢－分貨嘛！

九灣真係好小去，去到更加唔會留喺度食果d工廠式食市，今晚俾人格梗留喺呢度搵食，本身已經唔係好Happy ，仲要俾我遇著間咁嘅超垃圾小菜店！菜單選擇小得可憐，設計只想局你食Sit！豪無選擇下揀咗個西蘭花炒蝦球同口水雞，個西蘭花一嚟就睇得出佢夠膽死係成碟白灼，d西蘭花同蝦球淡到想嘔！鹽都唔多粒，食淨見到隻碟油都冇滴，堅做得出果吓好嘢！另一味湯渣口水雞鞋過鞋踭，更加唔駛講有冇雞味！但講收錢一d都唔執輸，口水雞$108，西蘭花蝦球$78！全部單價唔係餐，連加一埋單二百幾蚊食垃圾！

第一騙：今日下午俾小城知味嘅餐牌吸引，所以膽粗粗第一次入內幫襯。第二騙：入到去見到有兩款餐牌，一個餐牌係全日供應嘅一人套餐，另一個就係特價下午茶餐，兩款餐牌都有一些相同的菜色，不同的是一人套餐可選擇一款小食，但兩個餐牌價錢相差一倍。我於是問侍應，兩款餐牌嘅主菜分量會否有分別，醫師應就答我一人套餐貴啲，份量當然會大啲啦。由於肚餓，我選擇了較貴嘅一人米線套餐，並點了蘿蔔小食，和加錢要一個湯圓甜品。小食好快上枱，係四舊白雪雪嘅蘿蔔同埋一Pat蒜蓉，食落完全冇味，難食，被餐牌片了！第三騙：米線終於上場，但環望四周，份量竟然和下午茶餐的份量一樣，味道當然亦一般啦。第四騙：食緊米線嘅時候，就請侍應盡快上埋個甜品，等到我幹掉碗米線一段時間後，侍應居然走來同我講話湯圓未融雪，問我會唔會改單。如果唔要呢個甜品，一人套餐和下午茶餐嘅分別就只有一個蘿蔔小食，而難食嘅蘿蔔計落居然要$8一舊，實在太唔合理，我實在接受唔到。我問侍應，由於兩個套餐嘅份量差不多，請佢想辦法將我點嘅餐變成下午茶餐，待應於是離開找經理。第五騙：經理到來解釋話為我落單的待應有就我問關於兩個套餐的份量嘅問題向佢查詢，佢有同待應講兩個份量差不

德福食下午茶都很多選擇，行嚟行去唔知食邊間。經過這間小店，服務員好主動及殷勤介紹下午茶餐牌，更特別推介小店出名栥飯。一心打算食粢飯的我，諗都唔諗，就入左餐廳。一坐低就即刻點「粢飯」，可惜服務員話粢飯賣晒，極度失望，有點兒似被騙了的感覺！唯有改食牛坑腩菜飯。「牛坑腩菜飯」菜飯有啲咸，仲咸過碗牛筋腩。牛坑腩內只有一塊牛筋，可惜是燒焦了的。內有2塊白蘿蔔，但是完全冇味。菜飯越食越咸，最後食到一半就放棄了。「珍珠雞」好普通，唔似自家製，似急凍批發買回來，蒸翻熱再上枱。「檸檬薏米水」好味，夠甜，檸檬大大片。「凍奶茶」正常。整體感覺，好鹹，可能這小店唔出名食我地點左的食物，我們今次冇口福。

近日好像與九龍灣結緣，幾乎每個星期都會來這裏一次，這天是因為想要的連身裙，只有德福廣場的分店才有新貨，所以放工後，便與好友血拼及吃飯。由於天氣變冷後，肚子經常大呼肚餓，所以，我們決定先開餐及shopping，而這次就決定到德福廣場平台的小城知味開餐。這裏的晚市套裝挺挺食，小菜價錢由HK$58-HK$98不等，加HK$15配絲苗白飯及師傅靚湯，若多加HK$20配絲苗白飯、師傅靚湯及飲品(如：咖啡、茶、檸檬薏米水或豆漿） 先來師傅靚湯，這天的靚湯是紅蘿蔔豬骨湯，它的味道超讚，水準拍得上媽媽煮的愛心靚湯，味道甜甜的，帶有肉香，喝後感覺非常滋潤。 鮮菠蘿咕嚕肉 咕嚕肉的份量挺多，足夠2人享用，雖然豬肉粒的肉質不算很嫰滑，個人認為炸得有點過火，但配上鮮菠蘿及甜椒等配料，口感變得非常豐富，甜甜酸酸的，令人越吃越開胃。 西蘭花炒蝦球 朋友點的是西蘭花炒蝦球，蝦球口感非常爽彈，挺夠鑊氣，不過，西蘭花偏向淋身，不夠爽脆。 拍蒜小雲吞 不知怎的，小雲吞煮得非常軟身，基本上以筷子輕輕一夾，雲吞皮就破了，吃時只好以小匙幫忙，不過，小雲吞的味道不錯，每一口都有香濃的蒜容香味，混合豬肉餡料，超級惹味。 即烚

德福商場，感覺就是一個比較大的屋村商場，商場很大，但主要應該都係做街坊生意，而平價既餐廳，正正就係街坊所需要的，不竟香港既「無飯」家庭，實在不少，而我自己，亦都係一份子。工作需要，這夜來到德福商場用餐，發現這間很有街坊feel既餐廳，決定一試。餐廳都算幾大，但「屋村」更大，人流更多，所以都要稍為等候，大約10分鐘吧，才能安排入座。打開餐牌，價錢公道，大約五十幾蚊有一個小菜，加$15可以跟飯和湯，再加$5就有埋飲品。冬天流流，相信好多人都鐘意食羊腩煲，食完一定夠哂暖身，細既售$108，大既售$188，都算幾抵食，有時去街市買材料都唔係平好多。生炒臘米飯配蛇羹 $78因為羊腩煲始終都係躁熱，而我因爲天氣既關係都病病地，所以就揀佐另一款冬日必食既菜式。覺得細細個既時候，屋企人好鐘意帶我同哥哥弟弟去九龍城食蛇羹，人大佐，真係少食佐好多，甚至忘記佐呢款菜式。蛇羹幾濃郁，食落真係好暖胃，仲配埋脆脆，真係好classic。而生炒糯米飯亦都夠哂足料，花生，臘味，蔥花，蛋絲，一應俱全，而糯米飯亦做得夠黏口，食落口感十足。高湯野菌浸時蔬 $45套餐既其中一款，菜既份量都幾多，而且個湯底無味精，清得黎好好味

當日早餐炒面+煎糯米雞～～炒面好乾！淡！唔好食..糯米雞太淋！似蒸咗好耐沙爹牛通+餐包+煎蛋～～個粉係ok ge👍🏽..但隻蛋煎到熟晒..死實實咁！似一早煎定...個提子餐包重厲害...可能隔夜..番叮後送到比客個底乾到有D硬....我以後不會再考慮在這裏吃早餐！要改進

天氣開始轉冷，筆者覺得火鍋、蛇羹及羊腩煲是冬天必吃三寶。入冬後已經食過N次，只欠蛇羹及羊腩煲。今晚老公接放工，在公司附近揾餐廳食飯，行到去德福平台發現換上新餐廳。其中 【小城知味】的名字好似似曾相識，在Openrice 找呀找才確定只此一家獨立經營的小餐廳。又係身體力行幫襯一下。不用等位直接入內，餐廳裝潢簡約，最搶眼就是頭上的特色吊燈。小菜抵食套餐，接近廿款小菜真豐富。價錢最平只是$48，加$15 可以有白飯、老火湯; 再豐富些，加$20可以有白飯、老火湯及餐飲。跟德福商場的食肆比較夠實惠。另外有冬天必吃蛇羹、臘味飯及羊腩煲，蛇羹及羊腩煲筆者兩樣都想食，不過深思後蛇羹都係到蛇舖食最正宗，最後揀左羊腩煲。首先呈上暖胃的老火湯【蓮藕眉豆豬骨湯】湯料足，味道濃郁，最重要飲完唔口渴。挑剔小公主對食物十分挑剔，意想不到她自己喝了一大碗，足以証明這個老火湯無得頂！【風沙單骨雞翼 $38】圖片有大量炸得香脆蒜頭，看起來惹味吸引。呈上的風沙單骨雞翼沒有圖片般多的炸蒜頭，唔知是否筆者下單時提問過雞翼是否適合小朋友，所以店方好心減去大量炸蒜頭。少了炸蒜頭口感失色了，不過雞翼炸得香口調味恰到好處，加上單骨非

最近見德福平台開左唔少新餐廳, 朋友話想試呢間中式餐廳好耐, 不過平日夜市都好多人排隊等位, 幾次都食唔成, 今次終於比我地食到lu haha~ 餐牌有幾款, 一個係晚市小菜套餐, 有十幾廿款常見既小菜套餐揀, 或者有冬日之選好似羊腩煲同生炒糯米飯等等, 主食有米線同泡飯既餐牌, 選擇都幾多, 小食又有唔少選擇, 想清清地有粥同豆漿, 我都揀唔到咩都想食! 對於成日出街食飯既我, 有住家湯係件好吸引既事, 套餐加$20 跟既湯飯飲品, 是日湯品係粉葛湯, 係我最中意飲的湯, 加哂分啦!!! 粉葛已經煲得軟稔入味, 仲有唔少豬骨同埋豆呢! 小菜我就當然揀我最愛既雞啦! 雞有3款選擇, 好少見有菜膽雞叫, 就叫左半隻試試佢! 半隻一百蚊有找都唔預佢好大隻, 點知原來一上枱係勁大盤, 我見隔離枱一家3口都係叫半隻。另外估唔到係有明火爐下面燒住, 所以成隻雞連埋啲湯熱辣辣更好食! 一夾發現超大舊!!! 見唔見到係啖啖肉!! 雞肉控見到都雙眼發光, 但最驚喜係雞既滑溜度! 本身雞肉鮮嫰唔嚡口, 加埋自身既雞油更滑, 可能因為有湯浸住, 滑身得黎又結實, 估唔到普通既雞肉都可以咁有質素!! 叫左