影片
更多
2018-01-13
154 瀏覽
第一騙：今日下午俾小城知味嘅餐牌吸引，所以膽粗粗第一次入內幫襯。第二騙：入到去見到有兩款餐牌，一個餐牌係全日供應嘅一人套餐，另一個就係特價下午茶餐，兩款餐牌都有一些相同的菜色，不同的是一人套餐可選擇一款小食，但兩個餐牌價錢相差一倍。我於是問侍應，兩款餐牌嘅主菜分量會否有分別，醫師應就答我一人套餐貴啲，份量當然會大啲啦。由於肚餓，我選擇了較貴嘅一人米線套餐，並點了蘿蔔小食，和加錢要一個湯圓甜品。小食好快上枱，係四舊白雪雪嘅蘿蔔同埋一Pat蒜蓉，食落完全冇味，難食，被餐牌片了！第三騙：米線終於上場，但環望四周，份量竟然和下午茶餐的份量一樣，味道當然亦一般啦。第四騙：食緊米線嘅時候，就請侍應盡快上埋個甜品，等到我幹掉碗米線一段時間後，侍應居然走來同我講話湯圓未融雪，問我會唔會改單。如果唔要呢個甜品，一人套餐和下午茶餐嘅分別就只有一個蘿蔔小食，而難食嘅蘿蔔計落居然要$8一舊，實在太唔合理，我實在接受唔到。我問侍應，由於兩個套餐嘅份量差不多，請佢想辦法將我點嘅餐變成下午茶餐，待應於是離開找經理。第五騙：經理到來解釋話為我落單的待應有就我問關於兩個套餐的份量嘅問題向佢查詢，佢有同待應講兩個份量差不
第二騙：入到去見到有兩款餐牌，一個餐牌係全日供應嘅一人套餐，另一個就係特價下午茶餐，兩款餐牌都有一些相同的菜色，不同的是一人套餐可選擇一款小食，但兩個餐牌價錢相差一倍。我於是問侍應，兩款餐牌嘅主菜分量會否有分別，醫師應就答我一人套餐貴啲，份量當然會大啲啦。由於肚餓，我選擇了較貴嘅一人米線套餐，並點了蘿蔔小食，和加錢要一個湯圓甜品。小食好快上枱，係四舊白雪雪嘅蘿蔔同埋一Pat蒜蓉，食落完全冇味，難食，被餐牌片了！
第三騙：米線終於上場，但環望四周，份量竟然和下午茶餐的份量一樣，味道當然亦一般啦。
第四騙：食緊米線嘅時候，就請侍應盡快上埋個甜品，等到我幹掉碗米線一段時間後，侍應居然走來同我講話湯圓未融雪，問我會唔會改單。如果唔要呢個甜品，一人套餐和下午茶餐嘅分別就只有一個蘿蔔小食，而難食嘅蘿蔔計落居然要$8一舊，實在太唔合理，我實在接受唔到。我問侍應，由於兩個套餐嘅份量差不多，請佢想辦法將我點嘅餐變成下午茶餐，待應於是離開找經理。
第五騙：經理到來解釋話為我落單的待應有就我問關於兩個套餐的份量嘅問題向佢查詢，佢有同待應講兩個份量差不多。大佬呀，唔通我同侍應落單之前，阿侍應已經係一個先知，知道我會一早問你呢個問題，而走去問你咩？我驚你跟住又話落左單就改唔到單，又話可以送我甜品或者飲品，剛剛侍應先話湯圓未融雪，而家又話湯圓已經準備好，真係信你嗰個先奇。
老實講，我覺得個侍應係態度良好的，但個經理當啲客低能，仲要不斷講大話，就真係好差。食物唔好食已經算，餐廳高層服務態度仲係咁差，唔好教壞啲細架啦，個經理真係非常唔掂！
經過呢五騙，我一定會叫我身邊所有朋友唔好幫襯小城知味！
張貼