小城知味 (德福廣場1期)

德福都真係好多嘢食，不過唔知點解成日都會返嚟，可能因為坐得比較舒服，價錢亦都相當抵食，食物質素亦都絕對對得住呢個價錢！今日收工之後諗住快快脆食個晚飯先返屋企，畢竟而家橫風橫雨，喺德福食就最方便。呢度$79就已經有一個套餐，包含主食，前菜，菜，湯同甜品，我就要左口水雞，辣度剛剛好，夠濃味，雞都都夠嫩滑，另外唔使加錢都可以轉菜飯，同埋原盅燉湯，飲得出冇味精，好有家嘅感覺，yummy！最後都要多咗一個小菜，就係魚湯魚腐浸四寶時蔬，超級健康又暖胃。…查看更多

九龍灣返工嘅朋友有福了！搵到間性價比超高嘅小店，lunch time唔使再食頹飯啦！呢間小城知味個餐牌選擇夠多！🥰🍽️ 醬油流心蛋知味大廚醬撈烏冬配上海雲吞：呢個撈烏冬絕對係MVP！個醬汁甜甜鹹鹹好開胃，撈埋隻流心蛋，蛋汁包裹住每條烏冬，口感滑嘟嘟，超邪惡！旁邊嘅上海雲吞都足料，一啖一滿足。🍽️ 潮式香煎牙帶魚：非常有屋企飯嘅感覺，牙帶魚煎到外皮金黃香脆，魚肉依然保持到嫩滑，配埋佢哋個秘製大廚醬，送飯一流！🍽️ 椒鹽雞中翼：即叫即炸，熱辣辣上枱！雞翼炸得啱啱好，外脆內juicy，椒鹽味夠晒惹味，做小食真係冇得輸！嘢飲方面，杯火龍果芒果特飲顔色勁靚，夠晒IG-able，味道都好清新，可以解膩。✨ …查看更多

呢度晚市客飯套餐真係抵到爛！試咗兩個套餐，分別係菠蘿咕嚕肉$72同沙薑雞$79，有齊前菜、菜、湯、主菜同埋甜品，真係好難搵到咁抵食嘅選擇！首先講吓菠蘿咕嚕肉，咕嚕肉炸得外脆內嫩，酸酸甜甜嘅醬汁好開胃，配埋啲菠蘿，更加清新。份量都唔少，絕對夠飽。配菜方面，啲菜都幾新鮮，炒得都唔錯。原盅燉湯味道清甜，飲得出係真材實料。最後嘅蛋撻，外皮鬆脆，蛋漿滑溜。至於沙薑雞，雞肉嫩滑，沙薑味香濃，送飯一流。配菜同湯都同菠蘿咕嚕肉套餐差唔多，都係咁好食。整體嚟講，呢兩個客飯套餐都非常抵食，食物質素唔錯，份量又夠，絕對係一個高質又經濟嘅選擇！下次經過一定會再幫襯！…查看更多

今日去左德福行街，見到呢間小城知味咁多人等位，決定入去試下 先知佢原來係咁抵食蒜香椒鹽豬柳 $65呢個豬柳超高質，外脆內軟熱辣辣，十分惹味小城沙薑雞 （半隻） $48加配沙薑雞好抵食，雞肉好嫰滑，沙薑味都好足瑤柱鮮冬菇水餃煲 $26水餃煲好豐富，爐上好吸引，菜都好多清清地幾好台式鹽酥雞 （6件） $15鹽酥雞大大件，外脆內juicy大廚醬夢王蛋撈飯 $10呢個撈飯好入味，個蛋勁正，撈飯好一流清湯淨河粉 $10河粉好滑大大碗美。白牛 $10雪碧加雲呢拿雪糕，懷舊得黎好好飲…查看更多

小城滋味．超高CP值港式套餐講開德福廣場食飯，好多人都諗起連鎖店我朋友講，「小城滋味」就係佢飯堂，套餐包括：小菜+燉湯+油菜+甜品，唔洗100蚊1位非常抵食！晚市套餐真心抵到難以置信！一個餐有齊主菜、白飯（可轉菜飯）、原盅燉湯、油菜同甜品，仲要唔求其，出品都睇得出有心機，同朋友今晚食飯就去呢度。我同朋友今次試咗兩個套餐，再加個小食share。第一個揀咗「柱侯牛腩」，一上枱就聞到好香柱侯味！牛腩份量唔少，煮得夠淋又入味，仲有啲筋位啱晒鐘意咬口嘅人。醬汁濃郁但唔會死鹹，送飯真係一流。我轉咗菜飯，菜飯唔係得幾條菜碎咁簡單，係真係有油香同菜粒，好有誠意。第二個餐要咗「菠蘿咕嚕肉」，即叫即炒，咬落仲係脆嘅！酸甜汁調得剛剛好，唔會得個酸字，咕嚕肉肥瘦適中，外脆內軟，夾埋新鮮菠蘿同青紅椒一齊食，好開胃。朋友話呢個水準拍得住啲專做粵菜嘅酒樓。兩個餐跟嘅「原盅燉湯」絕對係驚喜！唔係例湯，真係原盅燉足火候。係姬松茸燉瘦肉，湯色好清但飲落好甜，冇落味精，作為湯怪，表示滿意！跟餐嘅菜都唔馬虎，係一碟完整嘅菜心，灼得翠綠，清甜好食。我哋追加咗個「花雕醉雞中翼」，一客有四隻，酒香味好出，浸得入味，雞肉滑溜，作為前菜好醒胃。最後甜品係意想不到嘅「紅豆蛋撻」！細細個，撻皮鬆化，入面係滑溜嘅燉蛋再加紅豆，唔會太甜餐廳：小城滋味地址：德福廣場1期平台P8A號舖…查看更多

呢日出街玩了一整天又餓又攰，入左呢間幾多人食ge小城知味填飽肚肚🤤餐廳環境好雅緻，服務都好細心，菜式上都主打小菜、家常菜等套餐，好迎合到家庭來用餐🤗🤗我地嗌左一個柑桔檸檬蒸倉魚，即叫即蒸火喉時間控制得好好，超嫩滑💖醬油流心蛋知味大廚醬撈烏冬，大大碗好豐富肉燥醬，再有一碗菜芯水餃～非常大滿足！🩷每個套餐都有涼菜，好開胃，而小食花雕醉雞中翼、雲耳拍青瓜都係調味得好出色好好味😋💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡柑桔檸檬蒸倉魚檸檬薏米水（凍）醬油流心蛋知味大廚醬撈烏冬凍奶茶花雕醉雞中翼雲耳拍青瓜💛💛💛💛💛💛💛💛…查看更多

上星期去德福廣場行街，之後去咗平台嘅「小城知味✨」食晚飯，絕對係平靚正，餐廳以中式小菜為主，套餐由$69起，套餐包括主菜、白飯、原盅燉湯及油菜，性價比非常高。另外亦都有好多單點小菜選擇，款款夠鑊氣，好好味。除咗中式套餐，仲有台式便當、湯米線，小食等等，讓人滿足不同口味的需求🍱。中式小菜方面，我最喜歡「菠蘿咕嚕肉🍍」，口感出色，外脆內嫩，菠蘿、三色椒和洋蔥既搭配，讓甜酸味道達到平衡，配上香噴噴的白飯，好味又滿足。再配搭一碗原盅燉湯，真材實料非常好味。另外，「滋味炸豬柳🐖」的豬柳炸至金黃酥脆，大小適中，每一口都充滿肉汁，鬆軟好味，味道相當出色。自台式食品方面，「鹽酥雞配炸醬撈烏冬🍜」亦都非常推薦，台式鹽酥雞外脆內嫩，加上適量的鹽，味道很吸引。而滷肉炸醬撈烏冬，層次和味道都非常豐富，吃完讓人倍感滿足！「小城知味」不僅食物美味，環境也相當舒適，服務亦非常貼心，令人滿足。…查看更多

放假帶小朋友梗係要食好啲啦😁朋友介紹㗎呢一間啲套餐又平又抵又經濟，仲有湯飲品同埋甜品👍真係好抵食㗎❤️三個套餐裏面都會有上湯白菜， 前菜甜品，如果唔選擇加十蚊滷肉飯，其實可以加三蚊轉菜飯㗎😁菜飯仲好味清清甜甜又爽口又有營養😎😎 今次嘅小菜係海帶絲清清爽爽好開胃喎😋而甜品呢係黑芝麻糕濃濃嘅黑芝麻味㗎👍而上湯白菜呢😅我嫌佢淡咗少少😅啲菜好清爽好新鮮👍🐮蜜糖燒汁薯仔牛柳粒套餐，牛柳粒咬下時外層微脆，內裡竟保持著粉嫩肉色。薯仔塊有驚喜係外皮焦香內裡綿密完美吸附了甜中帶鹹的醬汁😋😋🐷菠蘿咕嚕肉套餐，咬下每粒咕嚕肉都薄脆不油與新鮮菠蘿塊同炒果肉爆汁餸飯絕配👍🐷原味炸豬柳配滋味大厨酱，麵包糠下的豬柳，炸到脆卜卜咬下肉汁緩緩滲出，添咗附贈的「大廚醬」更加滋味🥰小食陣容同樣精彩花雕醉雞浸在琥珀色酒液中，雞皮如絲綢般滑嫩，酒香悠長卻不嗆喉，冰鎮後更顯層次👍👍炸香芋蕃薯丸，外殼酥脆得驚人，咬開後紫黃雙色內餡纏綿交織，芋香與蕃薯甜味在舌尖跳雙人舞咖哩雞肉串有4串架燒。香脆帶微微咖哩味，好嘢味可口，食唔停呀😁套餐加十蚊換有飲品美。白牛 （七喜街雲呢拿雪糕）🍦 雪糕好香滑 佢想七喜別有一番風味型。黑牛（朱古力雪糕加可樂）🍦 黑牛就大人細路都鍾意啦😍最驚豔是🍋檸檬薏米水，杯底沉澱著飽滿薏仁，檸片與冰糖調出清爽韻味好清新😍十蚊加配的醬油夢黃蛋台式肉燥滷肉飯同燉湯woo的平實又溫暖醬色的肉末與全隻溏心蛋用筷子輕戳，橙黃色的蛋液緩緩滲入飯粒間隙，滷肉貼近港人口味的碎肉形式滷汁份量剛好，足夠拌勻整碗飯而不至於過鹹。十元加誠意之作💯滋味燉湯，這盅湯的溫度維持得好好，飲落清甜😍小城滋味德福廣場1期平台P8A號舖…查看更多

去咗旅行成個星期食咗好耐西餐，番到香港想轉下口味食中式小菜，就黎左德福平台呢間小城知味試下。舖頭幾受歡迎，平日晚市都好旺場，睇黎深得街坊們既喜愛。餐牌好多選擇，$70左右又有飯又有湯，仲可以優惠價錢加配小食，都相當抵食。因為想自由配搭 ，就揀左識食自由選餐牌，小菜/小食/湯/飯自由選擇。主菜揀咗韭黃炒蛋，好多韭黃，口感豐富。口水雞半隻都係加$48 就食到，雞肉嫩滑，醬汁惹味。揀左大廚醬夢王蛋撈飯。上枱幾有驚喜，原來係糖心蛋肉燥飯。賣相好吸引，好香，調味適中，唔會太鹹，單食已經好好食。另外中式靚湯都係加$10，原盅上，落足科，好有誠意。叫埋個小食醉雞翼，好有酒香。野飲既選擇都好多，有懷舊紅豆冰/黑牛呢啲特色品。今餐食得好滿足☺️…查看更多

今次同朋友去九龍灣德福廣場小城知味下午茶兩個人$141食到超滿足菜肉雲吞拼貢丸湯粉（菜底）$39 湯底清甜唔會死咸雲吞細細粒，有兩粒皮薄餡靚，菜肉比例剛好貢丸彈牙有肉香，菜底份量以下午茶嚟講都OK下午茶餐有兩個小食一口香蔥豬肉餡餅芝麻酥皮腸仔卷個餐真係幾抵🍚帶子福建炒飯 $89（+$20升級金牛size） 炒飯底乾身有鑊氣有帶子仲有蝦仁、雞肉同雜菜芡汁唔會太稠檸檬薏米水（熱）薏米煲到超軟淋，檸檬清香解膩性價比超高！街坊價錢但質素唔馬虎以下午茶價錢嚟講算係咁但係留意返係要需要+1的…查看更多

這間小城知味的晚餐選擇都頗多，價錢平民。他們的定食幾抵食，有主菜，時蔬，白飯，例湯及甜品。夜晚仲可以將例湯免費升級為原盅燉湯，今晚是海底椰燉雞，十分足料，清甜滋潤，無味精。主菜是蜜糖燒汁薯仔牛柳粒，醬汁惹味，很好送飯。薯仔煎得香口，牛柳粒夠淋身。白飯都可以加錢升級。另外點了一份好適合夏天消暑的雜菌瓜粒滑雞湯飯，份量大碗。清甜舒胃的冬瓜湯底配上大量雜菌，冬瓜粒及滑雞，好飽肚。滑雞份量都頗多，肉質嫩滑。仲有餐飲包，十分飽肚。…查看更多

九龍灣德福平台原來有呢間小店食家常小菜，夜晚set可以自行搭配小菜，最平加多$28可以多一個餸🤠🔸咕嚕魚塊醬汁酸酸甜甜開胃，魚柳外層炸得酥脆，仲有菠蘿同彩椒👻🔸 燒汁薯仔牛柳粒薯仔同牛柳粒都果醬滿滿嘅燒汁，最啱送飯🔸瑤柱粉絲雜菜煲想清淡少少嘅都可以試呢個粉絲煲，粉絲都幾多～🔸夢王蛋撈飯呢度除咗白飯仲有肉燥飯，上面仲有個溏心蛋添🤭🍴小城知味📍九龍灣偉業街33號德福廣場1期平台P8A號舖…查看更多

最近因為搬屋，所以自己下廚相對比較少🥹，但又想食一些家的感覺的食物，餐廳的套餐有跟上例湯，所以就進店試試😘（5⭐️最高）柱侯牛腩+例湯 （5⭐️）柱侯牛腩燉煮得極為入味，牛腩軟嫩而不失嚼勁😗，柱侯醬的濃郁香氣與陳皮的回甘完美融合，湯汁滲入河粉後更添層次感😋。搭配的例湯看似清淡，但熬煮得當，帶有老火湯的醇厚，可能是豬骨或雞腳湯底，與重口味的牛腩形成絕佳平衡🤩。 蜜糖燒汁薯仔牛柳粒配醬油溏心蛋台式肉燥飯 （5⭐️）這道菜結合了港式與台式風味，薯仔外脆內軟，牛柳粒嫩滑多汁，黑椒蜜汁甜辣交織，鑊氣十足😝。肉燥飯的鹹香與溏心蛋的流心蛋黃相得益彰，醬油滷蛋入味卻不死鹹😉，整體口感豐富，但稍嫌醬汁略多，若米飯能更粒粒分明會更完美。 上海咸肉菜飯 （5⭐️）這款承載老上海回憶的菜飯，鹹肉油脂滲入米粒，搭配炒至微焦的青菜☺️，香氣撲鼻。米飯軟硬適中，豬油的加持讓每一口都充滿懷舊風味🥹，若鹹肉比例稍減，或能更突顯青菜的鮮甜。…查看更多

餐廳好受區內外街坊歡迎，午市套餐定價親民，有定食套餐、客飯、湯粉麵，連蒸魚都有，選擇豐富店員服務親切，用餐體驗好好🎈雜菌瓜粒滑雞湯飯夏日期間限定，消暑啱晒可以要求白飯分開上，慢慢食都唔會浸淋晒雞肉好嫩滑而且調味做得唔錯，好有鮮味配料亦俾得好足，瓜粒、雜菌滿滿一碗，食餸都有7成飽，性價比頗高🎈殺豬湯米線清清哋嘅選擇，裡面有3款配料，仲有蔬菜好貼心🥬豬扒香口唔油膩豬肚軟腍無肥膏，加上爽彈貢丸，成個感覺好豐富…查看更多

好友約我去位於九龍灣偉業街33號德福廣場一期平台P8A號舖的<小城知味E.C.Eatery>食晚飯，環境舒適，裝修簡潔，食客擠擁，十分熱鬧。我哋點咗：🥢柑桔檸檬蒸倉魚+飲品（凍檸檬茶）$75：倉魚蒸得好火喉，骨肉分離，魚肉嫩滑，柑桔檸檬酸酸甜甜好味。🥢蔥油雞定食：前菜、時菜、燉湯、白飯、甜品 $79：份量十足，蔥油雞的雞肉滑嫩，伴碟的花生軟綿好食，送飯一流。原裝燉湯的材料份量足夠又好飲。🥢拍蒜青瓜 $28：酸酸甜甜，好清爽又開胃。…查看更多