小城知味 (德福廣場1期)

🔸蜜糖燒汁薯仔牛柳粒 $89🔸雜菌瓜粒滑雞湯飯 $75🔸懷舊紅豆冰 $10-尋晚同老公去咗九龍灣嘅小城知味食晚飯，喺德福廣場地點方便，乾淨企理，坐得舒服，啱晒放工後想輕鬆食餐飯嘅人。我哋叫咗個蜜糖燒汁薯仔牛柳粒套餐，$89包晒前菜、菜、湯、甜品，性價比真係高。牛柳粒煎得啱啱好，外脆內嫩，燒汁甜甜地又唔膩，薯仔吸晒汁好入味。湯係清甜嘅老火湯，飲落暖笠笠。老公叫咗雜菌瓜粒滑雞湯飯，雞肉滑溜，湯底清香，飯吸晒湯汁好有味。最後加咗杯懷舊紅豆冰，冰涼解渴，紅豆煮得綿綿地，好有童年回憶。整體嚟講，食物水準唔錯，價錢合理，服務又有禮，下次會再嚟試其他菜式！…查看更多

❣️性價比爆燈九龍灣小城知味定食套餐❣️九龍灣小城知味個知味定食set真係抵食到癲😍$79有齊主食、前菜、時蔬、白飯、甜品同飲品😝知味蔥油雞配白飯，雞肉鮮嫩！配埋蔥油超級惹味🥰甜品居然係熱辣辣嘅蛋撻！凍豆漿夠冰涼，凍檸檬薏米水仲有美白功效😆呢個價錢喺而家香港真係買少見少😜朋友個柱侯牛腩米線仲誇張，啲牛腩淋得嚟又唔散，個湯飲到見底😋厚切午餐肉煎蛋菠蘿包真心無得輸，菠蘿包皮甜甜脆卜卜！超級邪惡😆…查看更多

九龍灣區內人氣小店，主打多款性價比高嘅中式小菜，豬牛雞海鮮，粉麵飯，套餐包前菜、菜、湯、甜品，店內環境唔大但座落舒適，難怪多人幫襯。定食可自行選擇主菜，私心推介風味炸豬柳，外脆內嫩，大大塊，啖啖肉，醬汁分開上，十分貼心。原盅燉湯有住家Feel，冇味精，超健康、仲有菜同蛋撻甜品，好開心。另外要咗燒汁薯仔牛柳粒，相對嚟計單點冇咁抵食，但怕浪費所以都唔爭在啦。牛柳一口一粒，嫩滑多汁，完全唔嚡，老少咸宜。醬菜心份量十足，菜心新鮮，醬料勁多，早知唔專登加配要醬油夢王蛋台式肉燥鹵蛋飯🤣 醬汁多過飯都係第一次，好佛系，男仔一定夠飽。整體感覺唔錯，夠親民，經過絕對會回訪。…查看更多

德福都真係好多嘢食，不過唔知點解成日都會返嚟，可能因為坐得比較舒服，價錢亦都相當抵食，食物質素亦都絕對對得住呢個價錢！今日收工之後諗住快快脆食個晚飯先返屋企，畢竟而家橫風橫雨，喺德福食就最方便。呢度$79就已經有一個套餐，包含主食，前菜，菜，湯同甜品，我就要左口水雞，辣度剛剛好，夠濃味，雞都都夠嫩滑，另外唔使加錢都可以轉菜飯，同埋原盅燉湯，飲得出冇味精，好有家嘅感覺，yummy！最後都要多咗一個小菜，就係魚湯魚腐浸四寶時蔬，超級健康又暖胃。…查看更多

九龍灣返工嘅朋友有福了！搵到間性價比超高嘅小店，lunch time唔使再食頹飯啦！呢間小城知味個餐牌選擇夠多！🥰🍽️ 醬油流心蛋知味大廚醬撈烏冬配上海雲吞：呢個撈烏冬絕對係MVP！個醬汁甜甜鹹鹹好開胃，撈埋隻流心蛋，蛋汁包裹住每條烏冬，口感滑嘟嘟，超邪惡！旁邊嘅上海雲吞都足料，一啖一滿足。🍽️ 潮式香煎牙帶魚：非常有屋企飯嘅感覺，牙帶魚煎到外皮金黃香脆，魚肉依然保持到嫩滑，配埋佢哋個秘製大廚醬，送飯一流！🍽️ 椒鹽雞中翼：即叫即炸，熱辣辣上枱！雞翼炸得啱啱好，外脆內juicy，椒鹽味夠晒惹味，做小食真係冇得輸！嘢飲方面，杯火龍果芒果特飲顔色勁靚，夠晒IG-able，味道都好清新，可以解膩。✨ …查看更多