無意間喺朗豪坊附近，發現咗一間泰國小餐廳，見入面似係泰國人開，就入去試試😋 一入餐廳，服務員真係泰國人。有禮又細心，一開始就有杯熱水俾我哋沖洗餐具。 餐廳入面好多熟客，大部份客人入嚟，都同服務員/老闆打招呼及問好，有啲客人仲講泰文。 味道方面，啱我口味，所有菜式都唔會太咸。相比其他泰式餐廳，往往食完都會超級口渴。 「泰式菠蘿炒飯」 第一次見食呢個炒飯，肉鬆同埋腰果會另碟上，餐廳都幾細心，知道可能有客人唔食腰果，或者唔食肉鬆。👍🏻 特別值得一讚係，廚師好認真處理食材，所有海鮮都處理乾淨，蝦腸有挑走，青口有清內臟…… 唔係間間餐廳都咁認真，的確抵讚👍🏻👍🏻👍🏻 臨走嗰陣，見到有泰式糕點外賣， $25有五件，都幾抵食，下次再幫襯先。😋

辛苦左一星期，又到開心星期五！ 朋友介紹，話油麻地間百老匯電影中心附近有間好有heart嘅餐廳，今晚決定帶老公去試一試。 間餐廳唔喺地面，要行樓梯上一樓。到咗門口，感覺幾特別。有別於其他餐廳，我有一種「唔造作，做自己」嘅 feel，挺舒服。 上網見到佢嘅食評，都話羊假好味，我哋就嗌咗一個試吓。另外仲有叫咗鱸魚。 「香草燒法式紐西蘭羊架 配燒汁、薄荷膏、薯菜」 的確幾好味，網民冇介紹錯👍🏻 羊架唔會燒到好燶，有時喺其他餐廳食，都會燒到乾噌噌，仲要好細支，一啲都唔抵食。呢度唔同，有兩支羊架，正常size，而且煮得好juicy，味道都醃得好啱我口味。連我老公不太好羊肉，佢都話幾好食😋 「海鹽燒是日精選海洋魚扒 配薯菜」 我哋當日嘅「是日精選海洋魚扒」係鱸魚。煎得幾甘香，皮有少少脆脆的。我哋冇叫薯菜，改咗意粉。（加$8，就可以將薯菜改為珍珠米/意粉） 朋友介紹依間餐廳有live band，睇返場內告示，原來星期六先有，晚上7:30。下次揀星期六過嚟聽吓。支持本地音樂。💪🏻🎵🎶

今晚喺油麻地食完飯，周圍逛逛。 因為好多年冇去廟街，打算入去感受一下香港嘅本土文化，順便重拾一下以前嘅回憶。點知行行吓，俾我哋發現有間似曾相識嘅糖水店 ⋯⋯ 原來係澳門好出名嘅 「鵞記」。同行嘅朋友跟我好有默契咁，二話不說，就入咗去幫襯了。🤭 「鵞記渣咋」 一入到去，當然要 order 碗招牌 「鵞記渣咋」😋 足料👍🏻 大大碗👍🏻 仲有香濃椰絲膏👍🏻 食完第一啖，澳門嘅回憶即刻返晒嚟 ⋯⋯ 澳門，很想念你哦！幾時先可以變返正常日子呢？🧡💛💚💙💜🖤❤️🥹

之前食過大埔嘅分店，非常滿足，上次食得好開心。今次為咗幫朋友慶祝生日，近佢返工，就試吓旺角嘅分店。 上次食過紅蝦刺身，大大隻，勁新鮮，必食推介👍🏻👍🏻👍🏻🦐 Salad bar 有冷盤，我喜愛凍青口、凍螺，無碎殼，又無沙😋 見到有翅又有花膠，女士最愛🥰 海鮮粥幾好味，尾聲食到好飽，都忍唔住口食晒佢😆 今次仲有梅酒，大埔嗰間冇，cheers 🍶 驚喜位係，估唔到餐廳會放部爆谷機，見到都開心🥳 咁啱朋友係爆谷控，佢勁開心🍿😋 下次有機會嘅話，試埋其他分店先😋 螺

一見到個飯，呆咗😳 肉燥又少，飯又少咗。 唔係嘛，係咪囉咗隔離食剩嗰碟過嚟呀？ 定係好唔掂，就嚟要執笠？ 見到真係有啲嬲嬲哋。 以前食過，就係知佢大份抵食，先至去幫襯。 我明白疫情經濟差，生意難做，但其他餐廳都冇咁誇張。 係咪唔夠人手呀？廚房做到發晒癲？發晒脾氣？幫手趕客？ 定係廚房仲未食飯，肚餓得滯，畢咗幾啖食？ 我都唔知淨係依間有咁嘅情況，還是間間分店都係咁樣。 下次上food court食都冇咁嬲。😤 唉⋯ 好失望嘅一餐。☹️

好耐冇食日本放題，咪就係因為疫情囉🥲 趁暑假，帶埋小朋友今晚開開心心放縱一下。🥳 「滿屋」喺大埔都開咗一段日子，但遲遲都未有機會入去試吓，今晚要食得盡興。一開始，我哋就已經order滿枱食物了。小朋友好開心，話好似去咗日本一樣😆（幾歲嘅小朋友，好有童真👦🏻） 作為女士，一見到有花膠，第一時間已經吸引咗我😍 好少日本放題有花膠，重要係大塊，唔係薄薄一、兩片，我即刻加晒分👍🏻👍🏻 一路食，一路覺得自己愈食愈靚😆👱🏻‍♀️✨✨ 另外值得一讚係服務員💁‍♂️👍🏻 入面有個暖男哥哥，有禮又細心。我小朋友想要唔凍嘅朱朱力奶，佢主動幫我哋搵。好感動🥹👍🏻👍🏻 香港近年四周都充斥怨氣，已經好少餐廳會有咁殷勤嘅服務員👍🏻👍🏻 食物方面，除咗花膠同刺身令我哋好滿足之外，炒牛肉粒都好惹味，爸爸不停 re-order😋 而家冇得去旅行，今晚食得好開心，幻想已經飛咗去日本了 ✈️🇯🇵😎 下次攪生日飯，一定要再嚟🥳😋

週末出咗荃灣海濱漫步，行行吓發現呢間古典英倫餐廳。而家冇得去旅行，一見到啲外國味濃厚嘅地方都會特別鍾情。🇬🇧 💕 望望 menu，見有個 “Breakfast Fantasy”, 就入去試吓佢有幾Fantasy先。🤭 餐廳環境寬敞，樓底高，室內設計同傢俬選擇都睇到老闆有品味。 “Breakfast Fantasy” $138 呢個早餐真係好夢幻，見到流晒口水之餘，營養價值又高，有晒彩虹咁多隻色，營養均衡不特止，仲要好美味。驚喜位係，佢竟然有紅寶石（紅石榴），好少餐廳會用呢種水果。加埋 新鮮菠蘿 & parma ham ，非常有誠意👍🏻👍🏻 「香烤美國豬胺架配大啡菇、野菌忌廉汁」$178 有驚喜！👍🏻😋 出面好少地方食豬胺架會咁juicy，軟綿綿又好味。 食完呢餐好滿足，心情靚靚，下次去開荃灣海濱嘅朋友，記得入嚟試吓。😊👍🏻👍🏻

上網見到做推廣，覺得都幾抵食，相片又吸引，於是約埋閨蜜去Element嘆下午茶，兼且行街街shopping。😊🥂☕️
餐廳環境舒適、優雅。我哋坐卡位，沙發都幾舒服。服務員服務態度殷勤又有禮，仲主動幫我哋拍照。值得一讚👍🏻
飲食方面，完全冇令我哋失望，精緻又好味。「蘿蔔絲酥」，鬆脆好味。我最鍾意嘅甜點係「杏仁豆腐」，香得來又滑嘟嘟 😋
下次有機會試吓食晚飯，見其他網民對佢嘅食評都唔差👍🏻

Happy hour, 三五知己聚一聚。有朋友介紹試新餐廳，尖沙咀超方便👍🏻 仲要係食海鮮，正👍🏻😋🐟🦐🦑🐙🦞🦀 一到門口，就見到一大隻龍蝦迎接我哋。班朋友即刻話要同佢合照🦞📸 難得限聚令放寬，大家都打算食豪啲，order 咗隻船 — 「海神珍珠號」🚢 睇相，見佢好「招積」，真人仲巴閉，閃爆全場✨✨ 大家一見到即刻好興奮😆 生蠔好新鮮！佢有兩款酒調醬汁，幾特別👍🏻 「蟹肉醬汁鮑魚配魚子杯」我覺得幾好味😋 依隻船一定要試吓👍🏻👍🏻✨😋 今次同行有個小朋友，我哋 order 咗個「卡邦尼意粉」俾佢，佢話好好味，自己一個食晒👦🏻👍🏻 依間餐廳嘅侍應服務態度好好，有禮貌又細心，值得一讚👍🏻 尖沙咀真係地點好方便，下次會再encore happy hour🍻🍹🥃🍸🥳

上次食過燒鵝同埋燒腩仔味道不錯，今次encore 燒腩仔，再試埋「金鐘罩叉燒」。 「霹靂火燒腩」 火腩仔係爸爸和公公至愛，送酒佳餚👍🏻 火腩皮燒到脆卜卜，肉質唔會好似其他燒味店又鞋又咸。所以今次 encore。 「金鐘罩叉燒」 個名好有氣勢😆 叉燒半肥瘦，有入口即融嘅感覺。加埋又香又甜嘅蜜汁，好開胃，仔仔追食。 市道不景，最近經常叫外賣，打算盡點綿力振興經濟，但往往都有點點失望，遇到好多伏。我明白小店要生存，迫於無奈將貨就價，所以每次中伏，自己都唔會太擺上心。今次外賣經驗好感動，遇到逆境，燒味店冇偷工減料，依然保持水準，的確值得一讚👍🏻