影片
更多
2018-02-23
190 瀏覽
響九龍灣返工，星期五下午同同事食飯，本來想去旁邊食泰國嘢，但 booking full 曬結果轉去旁邊呢間。點嘢嘅時候，menu 有寫住有蒸飯、羽衣甘藍菜肉餃、湯麵，9 個人睇完 menu，決定曬，點菜嘅時候侍應先話，冇蒸飯、冇菜肉餃。好，即轉，點完唔到一分鐘，響廚房出返嚟話：冇湯麵。等咗 10 分鐘，嘢食開始到，不過啲組合亂七八糟。叫口水雞菜飯嘅同事收到口水雞蔥油撈面；叫珍珠菜肉雲吞拼魚蛋米線嗰位就收到碗冇魚蛋嘅米線。同樓面反映，佢仲話：「我叫佢拎走幾隻雲吞先。」擾攘一輪，我叫嘅嘢終於嚟齊。牛筋腩蔥油拌麵個麵同撈汁（甚至腩汁）都淡而無味，生菜鯪魚球食到有碎骨，不過好在未有割親喉嚨。唯一可取嘅係個「夠薑薏米水」，啲薑嘅辣味幾出。一路食，身邊其他食客「唔該有冇乜」、「呢樣又冇吖」等嘅聲音此起彼落，我諗呢間餐廳不如直接改名做「伯母餐廳」比較好。
點嘢嘅時候，menu 有寫住有蒸飯、羽衣甘藍菜肉餃、湯麵，9 個人睇完 menu，決定曬，點菜嘅時候侍應先話，冇蒸飯、冇菜肉餃。好，即轉，點完唔到一分鐘，響廚房出返嚟話：冇湯麵。
等咗 10 分鐘，嘢食開始到，不過啲組合亂七八糟。叫口水雞菜飯嘅同事收到口水雞蔥油撈面；叫珍珠菜肉雲吞拼魚蛋米線嗰位就收到碗冇魚蛋嘅米線。同樓面反映，佢仲話：「我叫佢拎走幾隻雲吞先。」
擾攘一輪，我叫嘅嘢終於嚟齊。
牛筋腩蔥油拌麵個麵同撈汁（甚至腩汁）都淡而無味，生菜鯪魚球食到有碎骨，不過好在未有割親喉嚨。唯一可取嘅係個「夠薑薏米水」，啲薑嘅辣味幾出。
一路食，身邊其他食客「唔該有冇乜」、「呢樣又冇吖」等嘅聲音此起彼落，我諗呢間餐廳不如直接改名做「伯母餐廳」比較好。
張貼
