小城知味 (德福廣場1期)

營業中

休息中

晚飯間間排長龍，行遠少少呢間，可以直入。入坐後都覺得幾好坐的。餐牌有很多選擇，有成四至五十款，應有盡有。價錢呢，五十幾蚊至百幾蚊不等。豪食仲有雞燉翅同炒蟹，不過要成三百幾二人行，叫左兩餸：涼瓜炆倉魚 $89涼瓜唔苦的，量多新鮮。倉魚偏細條，唉...... 揾食艱難，好彩涼瓜搭夠。味道幾好，濃味得來唔會咸。魚湯淮山雜菌浸時蔬 $59魚湯都 ok 的，好飲過例水。多料，貨真價實，推！例湯同白飯竟然唔包，要另收 $15 一套。如果要飮埋野，就要二十元，咁又貴貴地喎。

晩餐叫左碟煎藕餅同蠔仔煎蛋，煎蛋好快10分鐘左右就到左，但煎藕餅等左成半個鐘都未到。叫個所謂阿頭追，佢求其話煎藕餅係要耐d，初時諗住算啦。又等多15分鐘，叫個新人追，新人真係有追。但5分鐘後，佢地先話唔夠材料整唔到。阿頭叫我地點其他。心諗痴線，埋單啦。走時我梗黑面，阿頭仲要問咩事。我話佢地好有問題，佢仲要大聲講有咩問題。😡呢間野味道普通，又要加一、飯又要另加$10、 要等、服務又差，真唔明點解有好評

係九龍灣住咗幾年，都冇乜喺德福食嘢，嗰日約咗喺九龍灣返工嘅朋友食lunch，於是就喺德福商場近近地食個便飯！依家百物騰貴，普通食一個lunch都已經要60$70，行行吓見到小城滋味嘅餐牌，竟然仲有50幾蚊嘅午餐，仲包一杯嘢飲添！於是就決定同朋友入去呢一間試吓，我揀咗一個雞翼肉操飯加咗一杯熱嘅薏米水！等左冇耐，嘢食就上齊喇！估唔到呢間小店俾咗一個好大嘅驚喜我，好難得食到咁好味嘅肉操！味道非常之好，雞翼都炸到博博趣！唯一嘅要改善飯有少少硬！

這天友人P兩口子相約到德福的特色影院看殺神3，有本牛喜愛的李維斯(雖然他已沒有在Sweet November及The Lake House中的英俊、在Matrix中的有型，但他是仍是那樣的情深..,)，即立刻答應。可惜特色影院，把人也搖得眼花，不甚吸引。既然來到德福，就吃完晚飯再打道吧！路過小城知味，就入內一試。簡單的餐廳裝修陳設，正好配合所供應的家常小菜。點了4餸2小食，加3碗例湯，3碗白飯，2杯飲品，1枝啤酒，四個人，還吃不完。小食唐揚雞塊 – 新鮮即炸，熱辣脆口，但粉漿不太平均，有些雞肉黐著一條脆漿，且有些過鹹小食蓮藕餅 –也是新鮮即炸，雖然肉不鞋不乾，但藕餅有些散開，也是有些過鹹薑蔥雞 – 雞皮簿肉滑，雞有雞味，調味道剛好，就是油多些薑蔥炒蟹 - 蟹很大隻，是新鮮蟹且實肉有膏，但也是有些過鹹鮮淮山上湯油麥菜 - 淮山份量不少，油麥菜相對不多，還有蕃茄，很清新的一道菜鮮菌娃娃菜黃花魚 - 黃花魚是浸熟的，魚肉滑，娃娃菜和菇吸收了魚湯的鮮味

今晚去德福睇戲🎥,殺神3...,完埸晚飯去了小城知味,來一個薑蔥炒蟹🦀,夠大隻有份量葱油雞🐔,葱油配合好,唐掦炸雞🐔,唔使點酱也可以,煎藕餅🐷,唔夠火喉,可以再煎乾身D ,淮山什菜🥬煲,正常,紹菜浸黄魚🐟,湯汁有D咸😆

之前係呢間食過午餐覺得好抵，今次試下晚餐先。夜晚7點幾我以為德福呢啲旺鋪都要等返陣位，但竟然可以即刻入，而家生意難做 😢一坐低店員會放低兩杯水同餐牌。仲推介「抵食二人餐」🤣但我地覺得果啲太名貴唔岩我地，所以都係食返普通小菜😂 啲小菜都唔平，七十幾蚊但得個菜，+$10有飯，+20有飯+湯+野飲，我地+左一個$20、一個$10飯，圍返起都八九十蚊位。例湯幾清甜，好多豬骨 👍🏻魚香茄子正呀！好濃味。蘿蔔豬軟骨仲正。蘿蔔夠林，肉都好嫩。兩個煲都岩晒送飯。鋪面好乾淨，侍應都好醒目！

11點幾想搵野食，食午餐又好似早左D，行到平台見到呢間餐廳早餐到12點，就入去試下。早餐選擇唔算少，中西式都有，落order前觀察，見好多人叫腸粉，當然要試下。蝦腸好快到，食落有少少凍，感覺好似整好左，黐住晒好難夾，但係蝦都算多。皮蛋粥正常，幾好食，唔會太稀，瘦肉&皮蛋都唔少。朋友叫左炒麵+叉燒腸，炒麵又係凍，2個人食左一半就放棄左，食唔落。叉燒腸等左好耐先到，應該即整，食落都唔錯，叉燒份量都多，好食過蝦腸。

平時行過經過都冇話想試呢間不過又係諗唔到食咩見佢價錢又唔貴就入嚟試試個下午茶呢度下午茶選擇都叫多嘅有中西式我自己一條友就叫左一個中式嘅下午茶就係腸粉加炒麵當然茶餐廳嘅質素又唔可以同粥店嘅比， 不過個人認為佢嘅炒麵做得唔錯。至少唔會食到一口油但係味道就冇話好香呀反而個腸粉就整得好滑，配上佢嗰啲鹹鹹甜甜嘅豉油係幾好食嘅呢個下午茶我都覺得佢合格嘅

我本來想食個快餐，冇諗過要我等左30分鐘啲嘢食都未，個湯同飯就嚟哂，我問個侍應追左3次，佢話要時間整，分明就係留咗單，因為我見到佢手上有張字條。結果終於嚟啦，整得太鹹又唔好食。如果食快餐我寧願食美心。

九龍灣商場裡的連鎖餐廳已經沒有興趣了，所以就到商場外的平台看到這家比較清靜而且很多選擇的小城知味來試試由於比較早到的緣故，所以選了比較寬敞的地方做，也不吵，算了兩人套餐再加個小份的羊腩煲.本來以為羊腩煲會比較普通，菜上來後發現它的味道和份量很對得起這個價錢，很多羊肉，還送了一大碟菜，有生菜和腐竹，足夠2個人吃如果住這邊的話，可以把這邊當食堂了

哩道嘅下午茶真係好抵食而且配搭多，叫左個雪菜米重可以加多個菠蘿豬扒包雖然好大食，但個菠蘿包真係可以試下，咸咸甜甜，菠蘿皮脆香，咬到入去件豬扒熱辣辣，幾過癮同行朋友叫左中式下午茶，炒麵加皺紋腸粉～炒麵唔會一口油，都叫爽啦，但味道唔太突出，反而皺紋腸好滑我食完又食～好耐無食過咁滑咁薄嘅腸粉啦，平日食個啲都係又鞋又厚又實，哩道嘅下午茶真心推介抵食、份量夠，質素好！我見好多人都係買外賣多，街坊生意，希望佢長做長有！

中午去咗德福食飯本身食開兩點通常冇乜人但係今日早咗一個鐘😭就人山人海😭😭😭周圍撲餐廳撲到小城滋味🧘‍♀️見門口冇人等趕趕地就殺入去午市有個一人套餐一款主食+一款小食+一杯飲品$60-80左右本身諗住快食都冇乜期望😛但係食落又覺得唔錯💆‍♀️張檯有啲逼😂😂😂我：煎牛肩+魚湯油菜+豆漿朋友：牛腩蔥油拌麵+肉餅+檸檬薏米水煎牛好味！💕（戒緊碳水可以走飯麵😍）微燶有淡淡牛香好正🥰份量充足慢慢食都已經飽飽地好鍾意小食類有菜😭😭😭仲有菇好健康嘅選擇！朋友嘅牛腩醬汁略嫌過甜但係勝在大大碗而且牛腩都幾好食😛有肥又有肉拌麵還好🖖肉餅手掌心大小思疑粉嘅份量多得滯肉味冇咁重但係都唔錯💓小結一下午市送餐神速！雖然六七十蚊唔算平但係有主食有小食有飲品算係咁係環境有啲逼快食就算服務員都幾有禮貌👍👍👍

同老婆遠度至德福廣場購物後晚飯，機緣巧合之下走到一間不曾相識嘅飯店 ——小城知味。裡面裝修清雅，侍應熱情殷勤。餐館提供多元化粵式小菜，包括煎魚及煲仔小菜等。我倆點了一個羊腩煲，半隻鹽焗雞，一杯檸檬薏米水。本想再叫一客糯米飯，但已經售罄。兩味餸除了份量充足之外，味道還出乎意料之外的鮮味，檸檬薏米水亦絕不欺場。我們在品嚐到美食之餘，亦得到侍應們殷勤的款待，令當晚嘅晚餐感覺特別愉快。有機會會再度光顧，試一下佢地好受歡迎嘅糯米飯至得。

正面食評係點黎？？？因為成餐飯只有不滿！！1）明明大把位，係要人坐到好迫，旁邊又要擺雜物，入去定出黎都撞到野，好討厭！！2）餐牌選擇少得好可憐，原本覺得食個小菜價錢ok，點知坐低認真睇先知係無飯跟！！要加$15先有飯有湯，即係要百幾蚊一個人先可以食得飽，簡直搶錢！！！3）等左差唔多半個鐘都唔上菜，叫侍應跟下，完全敷衍了事，塞返張單俾你，話整緊，眼尾都唔望下你！！！即係我兩個人食飯就唔係生意，唔係錢？？？對人地大枱就殷勤服侍！！！乜態度？？寫呢篇食評係要警惕大家，食小菜有好多更好地方，就算美心都好過呢間垃圾！！！

小城知味位於德福廣場一期外的平台，大約是向平台方向的中間出口一出就能見到。旁邊還有一間泰菜和一間西餐廳，不過最後都是選擇了食小菜。平實的裝修，菜式的味道卻有驚喜。 估計跟在旁的泰菜館廚房是互通的，因餐牌上也有一些泰國小點可以選擇。跟朋友點了一個晚市套餐，有三個小菜，在A,B,C項內選擇。最後點了香葱裡尋雞、黑松露翠肉瓜蝦球和茄香淮山魚湯浸時蔬。不過套餐沒有跟飯和湯，另加需要15蚊，我們就加了兩個，咁就30蚊。是日例湯是我最愛的赤小豆煲粉葛，足料又無味精，突然覺得加錢都值回票價。香葱裡尋雞 - 上枱時放得有少少亂，味道尚可。黑松露翠肉瓜蝦球 - 雖然黑松露味道不明顯，但翠肉瓜同蝦都炒得恰到好處。瓜爽，蝦鮮。茄香淮山魚湯浸時蔬 - 所謂茄香是蕃茄，時蔬即是油麥菜。魚湯非常濃郁，有點膠質的感覺，而且令湯內的食材也能沾到魚湯的味道。 不過如果當湯飲就太咸了，總不會兩全俱美。題外話，當日有枱外國遊客，因她們看不懂中文，要求英文菜牌，但餐廳沒有。 待應雖然英文不算好，但都盡力為她翻譯，及提供幫助。