影片
更多
2020-07-13
453 瀏覽
小城知味今日中午路經九龍灣，隨意找找地鐵站附近的食肆，想不到有意外收穫。首先，在中午繁忙時間，難得服務員也肯抽空主動介紹有乜好食，更難得嘅係，座位冷氣風口嘅提醒，同埋餐具嘅衛生都照顧周到，加分加分！入正題講吓有乜好食先，先係套餐附設嘅小食，我哋揀咗爆汁京葱豬肉餡餅，啲肉汁真係爆出嚟㗎，有圖為證！細嚐之下肉汁嘅味道，食得出並非用調味料堆砌嘅假肉味，而係新鮮嘅豬肉肉汁加上少量嘅調味，打肉起膠做出嚟嘅味道！然後就係主菜，蠔油花膠北菇撈麵。先講份量，五大隻花菇，肉厚爽口感覺已經回本啦，再加上三件花膠，當然唔係頂級嘅門蟮花膠，但係呢個$68嘅價錢，阿媽都會話抵！花膠嘅口感唔會過分嘅泡浸同埋炆煮導致懶pat pat，亦唔會硬到似嚼香口膠咁，輕輕用門牙就能夠咬開。小城知味嘅花膠做到恰到好處，軟硬適中，又有少少膠質亦都有爽滑嘅感覺，幾好幾好。而個麵，表現中上，做到兩個基本撈麵嘅條件，第一，看看碗底沒有多餘水份，就知道師傅唔會浸到啲面淋曬，晾乾水都係功夫嚟㗎。第二，係麵條掛汁嘅能力，呢個就同花膠呢質地有關嘞。最後，飲埋個西瓜汁，透心涼咁又再返工啦！呢個愉快嘅午餐話咁快就過咗！
今日中午路經九龍灣，隨意找找地鐵站附近的食肆，想不到有意外收穫。
首先，在中午繁忙時間，難得服務員也肯抽空主動介紹有乜好食，更難得嘅係，座位冷氣風口嘅提醒，同埋餐具嘅衛生都照顧周到，加分加分！
入正題講吓有乜好食先，先係套餐附設嘅小食，我哋揀咗爆汁京葱豬肉餡餅，啲肉汁真係爆出嚟㗎，有圖為證！細嚐之下肉汁嘅味道，食得出並非用調味料堆砌嘅假肉味，而係新鮮嘅豬肉肉汁加上少量嘅調味，打肉起膠做出嚟嘅味道！
然後就係主菜，蠔油花膠北菇撈麵。先講份量，五大隻花菇，肉厚爽口感覺已經回本啦，再加上三件花膠，當然唔係頂級嘅門蟮花膠，但係呢個$68嘅價錢，阿媽都會話抵！花膠嘅口感唔會過分嘅泡浸同埋炆煮導致懶pat pat，亦唔會硬到似嚼香口膠咁，輕輕用門牙就能夠咬開。小城知味嘅花膠做到恰到好處，軟硬適中，又有少少膠質亦都有爽滑嘅感覺，幾好幾好。而個麵，表現中上，做到兩個基本撈麵嘅條件，第一，看看碗底沒有多餘水份，就知道師傅唔會浸到啲面淋曬，晾乾水都係功夫嚟㗎。第二，係麵條掛汁嘅能力，呢個就同花膠呢質地有關嘞。
最後，飲埋個西瓜汁，透心涼咁又再返工啦！呢個愉快嘅午餐話咁快就過咗！

蠔油花膠北菇撈麵
$68
12 瀏覽
0 讚好
0 留言
爆汁豬肉餡餅
22 瀏覽
0 讚好
0 留言
原盅西瓜汁
20 瀏覽
0 讚好
0 留言
腐皮卷
15 瀏覽
0 讚好
0 留言
是日蒸魚
11 瀏覽
0 讚好
0 留言
張貼
