寶哥火鍋味館 (已結業)

今晚去左朋友乾爺的店打邊邊 😋地下嗰層好多靚酒， 一樓比食客打邊爐， 野飲任飲， 有酸梅湯、竹蔗茅根、汽水等等，仲有個餐係紅白酒任飲的。見猴頭菇鯊魚骨湯特色啲就要呢個湯底！健脾胃又含豐富骨膠原～先上左刺身，希靈魚好新鮮 好爽； 甜蝦、墨魚都鮮甜、好驚喜有左口魚裙邊，魚脂豐膄🤤 海鮮拼盤中的大蝦好爽甜、生蠔肥美、帶子好大隻仲有碟靚牛牛味濃， 脂肪比例平均，另點了百花釀油條、墨丸好鮮又彈牙好 surprise !🤩🤩 響鈴同午餐肉都是火鍋必點，仲有罕見的杏汁豬肺都有得打，好潤肺啱晒而家乾燥的秋冬～ 最後原來加左西洋菜 可以令個湯底昂華到極致，超甜！ 大家可以早啲落令個湯甜啲～

最近秋意涼涼，不禁令人想起正是打邊爐的好日子，所以今日終於一家大細，嚟到呢間叫做寶哥火鍋味館好好品嚐一番。呢度嘅特別之處係佢足足有3小時既特長火鍋放題，而且係啤酒汽水任飲，價錢都非常大眾化。呢間餐廳嘅裝修尚算幾新淨，座位亦算舒適，夠晒光猛。未食火鍋之前，佢會送上一份刺身拼盤俾你品嚐，刺身賣相機精美而且亦好新鮮，同日式餐廳食到既質素可說巾幗不讓鬚眉。刺身有北寄貝、八爪魚、魷魚、甜蝦、左口魚同埋生牛肉，估唔到生牛肉都可以做刺身，而且口感都幾特別。飲品方便除咗有汽水啤酒之外，仲有祝庶汁同酸梅湯等。火鍋湯底方面可以說係非常多，而湯底送黎時感覺非常香， 我們選擇的是蕃茄牛坑腩湯底，口感帶酸甜，簡直刺激味蕾之後送上手打嘅三寶丸，手打墨魚丸、手打蝦丸及手打牛丸，夠晒爽口彈牙新鮮嘅海鮮拼盤送上黎真係「嘩」一聲 因為真係大大隻，望落去非常新鮮，大蝦非常大隻而海鮮包括有：串燒大蝦、鮑魚、聖子及魚片之後係餐廳既套餐送埋既靚牛拼盤，一碟靚牛呈現眼前，而且充滿平均既油花，未食已經流晒口水，放入又熱又滾既湯底輕輕拖幾拖就食得，牛味極豐富，而且有咬口、入口大滿足。食完套餐預設嘅食材，可以正式踏入任食任點嘅時段，不論

香港可以叫做火鍋之城，除咗市面上多火鍋餐廳，仲有因為個個都好鍾意打邊爐。只要天氣涼少少，次次同朋友出街食飯都係打邊爐，同A打完邊爐又同B打。今次去咗呢間性價比超高嘅打邊爐放題。有好多火鍋配料任你揀。幾咁多選擇，根本試唔晒。坐卡位，兩個人好鬆動，好舒適。叫咗個猴頭菇鯊魚骨湯，睇落正氣d仲有一份刺身，魚都幾新鮮。每樣點少少試下先，今次兩個人去食，點一份每人得一粒，上面係必食魚蛋，黑色係墨汁墨丸。都好彈牙，唔錯。木耳，連竹笙呢d比較高檔嘅食材都有任食。羊肉好香，唔羶。選擇太多乜都想試，但得兩個人只能夠乜都食少少，人多嚟食肯定仲正。仲有飲品任飲，啤酒，汽水，仲有甘蔗水。

難得約到我家姐食飯，緊係要帶佢食好西..話說我地今次黎食佢地既特長3小時高級火鍋放題，3小時火鍋放題...其實真係有排食，同埋...可以食好多野呀!!!先黎6款升級版刺身再黎佢地自家製既三寶，我最中意佢地個蝦，真係夠哂爽口彈牙~再黎7款特選海鮮...唔洗講都知有幾鮮甜味美~清清地靚牛拼盤日本稻庭烏冬而且佢地啤酒汽水可以任飲，又坐得舒服，黎多幾次都仲得呀~不過有樣野唔好，就係黎既份量係跟人頭，所以落單果陣邊D想要多D可以同靚仔靚囡佢地講想要多D。

又係時候要去滾一滾咁先至開心，講緊當然係去食火鍋啦，最啱約埋幾個人可以慢慢坐住食開餐，品嚐各款特色食材又可以飲番杯，只不過最緊要都係食材新鮮咁先食得開心又滿足，就今次去左呢度開飯咁位置地點相當方便當然先揀咗火鍋套餐組合有三款供應，我地點左中間有刺身拼盤、海鮮、靚牛同招牌三寶丸，再加埋有任飲任食70多款配料點都夠你食，點埋湯底就食得，先來有刺身拼盤有和牛、甜蝦、赤身等食落啖啖鮮味輪到火鍋出來，火鍋配料亦逐一遞上，已包括生猛海鮮同靚靚牛肉，識食就梗係食海鮮先，生蠔肥美多汁，帆立貝大隻又鮮甜，海蝦肉質夠爽彈，一句講晒夠晒鮮跟住係品嚐美味牛肉除左附送靚牛肉外，都點埋其餘3款一同享用，食落當然各有不同，不過鐘意食嘅牛我來講食得特別滋味，其後有招牌三寶丸真材實料口感十足酥炸魚皮卜卜脆，招牌炸響鈴夠鬆化必吃之選，因為係即叫即做熱辣辣，百花釀油條亦一樣咁好味記得食埋呢度D丸子同餃食落有驚喜，又瘋狂食左一輪係時候食番啖稻庭烏冬吸收湯汁精華食得開心又滿足的一餐。

從網上美食介紹得知「寶哥火鍋味館」， 咁啱見到網上有團購券， 就買咗同媽咪試下！😏 餐廳樓下係酒窖，賣各式各樣的酒類飲品， 而上層係火鍋專區，裝修簡約企理， 店內設有不少卡座位，寬敞舒適。😌 主售3個級別嘅火鍋任食放題， 有3個價位：$188，$238，$288， 我地揀左最豐富嘅C餐，$288/位， 可享3小時火鍋放題， 6款刺身，7款特選海鮮，牛肉，招牌三寶丸、日本稻庭烏冬， 最重要係紅白酒、啤酒🍺、汽水任飲， 真係好抵喎！👏🏻👏🏻 食火鍋之前， 可以食左刺身先～ 時令刺身有9款之多，😳 有加拿大象拔蚌、和牛刺身、日本甜蝦、赤身魚肉、日本刺身墨魚、日本帶子、希靈魚、北寄貝、赤貝， 款款都好新鮮， 尤其係象拔蚌鮮甜爽脆，👍🏾 小編平時都唔敢食和牛刺身， 不過呢度嘅和牛色澤鮮豔，粉嫩色嘅顏色睇得出幾新鮮，薄薄一片放入口即溶化～😌 赤身魚肉入口軟腍脂香， 北寄貝和赤貝新鮮爽彈， 整體來說，完全拍得上日本餐廳的水準！😋 湯底有11個可選擇，款式都算多， 比較特別的有猴頭菇鯊魚骨湯、銀杏胡椒豬肚湯、正宗潮州湯， 唔想齋打邊爐，可以揀寶寶雞煲， 食完雞煲再打邊爐，一舉兩得！😏 湯底我哋

和2個男性好友飯聚，最好選任食的自助餐至店後雖然未能即時安排入座，但體貼的侍應姐姐叫我們隨意拿飲料喝入座後我們選了３個套餐中的中價套餐，跟餐的刺身說不上突出，反而有點雪味，不太合我意。手打四寶丸是全晚第二好吃的，肉汁瞬間爆出的滋味叫人讚不絕口！安格斯牛肉是全晚最好吃的，可惜每人只有４片，後續任吹的美國雪花肥牛完全被比下去。。。海鮮盤的大花甲及龍躉件亦非常鮮甜。鵝腸清潔做得不錯，亦吃得出新鮮的味道。其他火鍋配料沒啥特別。全晚評分有7.5/10，其中0.5分是給那任食的３小時　（截單後隨意坐多久也行）

開始進入秋冬天，會喜歡吃熱辣辣的食物，所以火鍋就最適合我，在舒適的環境下可以慢慢地享受美食，真的很寫意！昨天，我和屋企人去佐敦的寶哥火鍋打邊爐，這間是朋友介紹，她吃過幾次，覺得食材新鮮，保持水準 ;  她說寶哥火鍋味館由火鍋界猛人寶哥親自主理，每日都用新鮮食材及城中靚料，所以我們決定來這裏品嚐下火鍋放題，原來真的很美味呀！進入餐廳，擺放了多款酒類飲料，上一層到樓上是用餐區，裝修簡約時尚，地方整潔，近牆位置設有大大個魚缸，水質清澈，多條魚在水裡游來游去，生猛海鮮。店裡設有多張卡位，座位之間不會擠迫，感覺舒適。寶哥火鍋味館由火鍋餐牌上有3款套餐，價錢分別是 $188、$238 及 $288，食物有所不同，任君選擇。而且是特長3小時高級火鍋放題，太吸引啦！我點了 $288 套餐，特長3小時高級火鍋放題 + 6款升級版刺身 + 7款特選海鮮 + 靚牛拼盤 + 日本稻庭烏冬 + 紅白酒任飮 + 任飲啤酒汽水。多款特式火鍋選擇，有招牌寶寶雞煲、猴頭菇鯊魚骨湯、海鮮冬陰功湯、銀杏胡椒豬肚湯。新鮮靚料 : 美國特級天然封門柳、特級美國肥牛、牛小排等不同部位靚牛。70多款任食配料 : 本地牛坑腩、本地黑

秋風起就想打邊爐，係Openrice book 枱有 25 Asiamile，每人3百蚊有任食火鍋、紅白酒任飲、海鮮拼盤、刺生拼盤餐廳地方算大，大量有卡位坐得舒舒服服，最適合邊打邊爐邊傾計有生蒜、蔥和辣椒紅白酒、啤酒、汽水任飲紅白酒容易入口十二款湯底多選擇，火鍋配料多雪蓮果椰子湯清潤，唔油膩，好適合秋冬海鮮拼盤海鮮拼盤只上一次，按人數有鮑魚、生蠔、大青口、蝦！我最怕食到海鮮有沙，海鮮處理好光浄，沒有一粒沙，海鮮鮮味彈牙牛肉 肉質帶鮮紅有油花而且脂肪同肉平均野豬肉眼跟少有火煱店有豬肉眼跟，用蹄跟打邊爐，唔肥而且充滿骨膠原羊肉片羊肉沒有羶味，肥瘦適中手打丸、雲吞、水餃、墨魚丸、魚皮餃手打丸、雲吞、水餃、墨魚丸、魚皮餃都新鮮，唔會有雪味鱔片、魚標、脆肉鯇魚腩、脆肉鯇魚片魚選擇算多，有齊鱔片、魚標、脆肉鯇魚腩、脆肉鯇魚片，味道新鮮無腥味其他火鍋配料種類多，每人 $288 都幾抵食

寶哥打邊鑪😋今日黎到佐敦既寶哥火鍋私房菜，地點都幾方便，唔算難搵。一入到去環境好靚呀，燈光好開明，一行入去有好多四至六人枱，再行入少少，有幾張好大嘅圓枱，啱晒成班人10幾個一齊去打邊爐。我哋叫咗個高級啲嘅餐，一開始送咗刺身拼盤俾我哋，有吞拿魚、帶子、蜆、肥牛刺身！之後仲送咗個海鮮拼盤俾我哋啊，又有加拿大象拔蚌、海蝦、又有蜆、青口、帆立貝。我哋開始打邊爐啦，打邊爐最緊要梗係個湯底啦，我哋叫咗一邊係椰子雞湯，一邊係蕃茄粟米湯，兩邊都好鮮甜呀。當然要叫啲肉類食啦，叫咗本地手切肥牛、美國特級天然牛柳、黑毛豬，好多選擇呀。仲叫咗響鈴，係即炸架，熱辣辣脆卜卜。招牌三寶丸，都好煙銀呀！飲品方便都好多選擇，我哋當然要叫咗清熱解渴嘅竹謝茅根～寶哥，適合一班朋友嚟打邊爐聚下舊～

老公生日同左佢去佐敦食寶哥火鍋館，朋友早前去過評價五錯，火鍋館的位置方便，地鐵站行過去約5分鐘，大大個紅色招牌，我地今次坐1樓，地方闊落，仲有沙發式的卡位~套餐分為3個不同既價錢，因為老公生日所以決定食好d，最後選擇左C餐特長3小時高級火鍋放題，包括6款升級版刺身 +7款特選海鮮 + 靚牛拼盤 +日本稻庭烏冬 + 任飲啤酒汽水，仲有 紅白酒任飲添~ 呢度係半任食的，火鍋配料可能任食、飲品包括紅、白酒都可以任飲，呢度每日都以當日的新鮮食材供應俾客人~ 湯底有多過10款的選擇，我地選擇雪蓮果椰子沙，湯底味道清甜~ 6款升級版刺身有和牛刺身、加拿大象拔蚌日本吞拿魚、希靈魚、甜蝦 7款特選海鮮新鮮海蝦、扇貝、生蠔、黃金貝、蟶子、帶子、魚，款款新鮮，最愛生蠔、扇貝又大又肥美，海蝦、大蜆、蟶子爽口彈牙~ 招牌三寶丸都是新鮮手打的，粒粒爽滑~ 牛肉拼盤的牛肉牛味濃郁，肉質幼嫩~其他火鍋配料任食，有肉、蔬菜、餃類、丸類，比較特別的有百花釀油條、杏汁白肺、皇帝菜、黑栢葉~食足3個小時，非常滿足，價錢親民抵食~

呢間餐廳野飲任飲的, 好少會有任飲其實通常都係一渣渣計錢~或只係有汽水個d任飲!醬料方面呢, 就唔算太多,主要都係用於醬油上既, 無其他醬料嫁啦.呢到係有酒飲, 白酒黎講算係易入口, 清甜, 水果味.紅酒就濃小小, 有d重既味道, 送牛肉不錯的.刺身算係新鮮, 帶小小鮮甜,如果細心D睇,仲有牛肉刺身tim,不過未必個個敢食, 因為肉類生食, 一定要處理得好好.海鮮黎講都係偏新鮮的, 有d有小小沙同腥腥地, 但絕大部分都係新鮮好味的,唔知係唔係即場開俾我地食, 鮑魚比較好食, 細細隻好彈牙~講到牛必試既係右下角牛坑腩, 口感有小小似台式五香牛肉,口感好軟, 入口就鬆鬆地既肉絲口感. 牛肉味濃, 必點!另外必試既係中間上面既大大粒魚蛋, 真係超蛋牙, 魚蛋黎講數一數二好食就係呢間主要係口感爽口, 肉都新鮮, 因為唔新鮮既肉唔會有呢d魚味咁濃.又係必定點!整體黎講價錢唔算太貴 味道都好食

近年流行半任食邊爐，價錢以位計，包刺身，海鮮盤，高質牛，以上各一份，然後點菜紙上既食材任點任食，飲品任飲~對於呢個半任食邊爐模式香港人都好受落，於是就愈開愈多，但有質素的不多，今次我地一行四人就去左食質素唔錯既寶哥~三個套餐選擇價錢相差唔大，我地揀左最貴既餐都只係$288另加一服務費，仲額外有紅白酒任飲，價錢相當化算~首先來刺身拼盤，色澤光鮮質素不俗~湯底我地揀左椰子湯，order時睇錯係椰子雞湯，淨椰子無雞，清甜潤喉~清清地都幾好~大大盤海鮮拼盤，全部都好新鮮~游水蝦最鮮甜彈牙，帆立貝大隻又鮮，蚬肉肥鮮甜無沙~仲有鮑魚添，驚喜~和牛，軟嫩鮮味~呢個油條入面釀墨魚滑都幾好味，值得試試~手切牛味道濃~日本豆腐超滑，打邊爐好少見，我地都追加左兩次，必食呀~芋頭剛炸起，我地都忍唔住直接食，熱辣辣脆卜卜，好粉又好香響鈴都係打邊爐必食吧~嘩 好豐富~仲有友人最愛食既魚~早d來無咁多人可以邊睇電視邊食，真係唔錯~

平日吃火鍋放題嫌時間有限，不夠盡興，這天就來到寶哥火鍋味館，試試特長3小時高級火鍋放題。餐廳由火鍋界猛人寶哥親自主理，每日都日出而作，以新鮮食材及為大家搜羅城中靚料。湯底選擇極多，包括: 特色潮卅湯、猴頭菇鯊魚骨湯、海鮮冬陰功湯、銀杏胡椒豬肚湯、招牌寶寶雞煲、香茜皮旦魚骨腩湯等，而我點了蕃茄牛腩湯，湯頭清甜，帶有蕃茄及牛肉香味。套餐包括6款升級版刺身 + 7款特選海鮮 + 靚牛拼盤 + 日本稻庭烏冬。升級版刺身有八爪魚、赤身、響縲、北寄貝、日本帶子、日本甜蝦等，個人最愛日本帶子，厚身鮮甜，八爪魚口感煙韌，甜蝦蝦身白裡透紅，入口粘粘的，味道甜美。特選海鮮每一款都非常吸引，包括鮑魚、龍躉腩、帶子、青口、生蠔、海蝦等等，海蝦超級彈牙，生蠔肥美，鮮味十足，帶子大大隻，非常爽甜。另外，餐廳仲有70多款任食配料選擇，例如: 本地牛坑腩、本地黑柏葉、甘香為大本地牛峰 、百花鹽油條、汕頭牛筋丸、魚腐。必食特級墨汁墨丸，丸丸內放有墨魚粒粒，口感爽彈，而手打牛丸亦係推介配料之一，入口軟滑，牛肉味濃。而放題時段，所有飲品、酸梅湯、竹庶茅根水、啤酒、紅白酒都係任飲。

近排涼涼地又有火鍋癮起，係佐敦尋找下好味抵食火鍋店，見到呢間寶哥價錢又唔算貴又有刺身拼籃所以就決定一試喇一坐低，已經有醬料預備好放枱面，職員話飲品就係自助既，都有好多選擇，倒如汽水、蔗汁，啤酒都有，選擇度有別其他只係罐裝飲品。環境都幾企理，座位都算舒服率先黎既係刺身拼盤，有大約5款魚生，不過最令小妹覺得特別既係有牛肉刺身因為小妹未試過牛肉刺身，所以睇到都有D唔夠膽放入口，不過小妹聽朋友講個口感都唔錯，都好似食緊魚生咁叫了猴頭菇鯊魚骨湯，一開始唔係好濃中式湯既味，但有一陣陣菇香味再加少少湯配料飲落都幾清甜。呢到有牛、豬同羊肉，羊肉唔係好多火鍋店都有提供，所以呢到肉類都多選擇仲有3寶丸，每人1粒就無得再添加。老實講，呢幾粒丸的確幾彈牙如果可以添加就最好呢到仲有按人頭提供的海鮮拼盤，都有鮑魚、蠔、聖子仔、蜆、海蝦，同樣一樣一件但海鮮又的確幾Fresh現場都仲有好多特色配料既，所以呢到既放題火鍋都算唔錯