寶哥火鍋味館 (已結業)

最近天氣開始凍，立即心思思想食打下邊爐之前係OpenRice 留意到寶哥呢間食材幾吸引但又唔太貴已經好想試點知仲俾我同事留意到團購有優惠！立即冇唸買左同家人食第二次生日慶祝飯雖然之前已經知有咩湯底😂但到實質要揀真係好難揀定咩到好想試所以最後俾左幾個選擇俾我家人揀食物就大部分都tick左叫出面揀完飲料（有竹蔗馬碲汁）湯就黎了等湯滾既同時，黎左既唔係小食俾我地hea🙈而係魚生併盤冇幾耐，其他單點都黎啦海鮮真係幾大份同新鮮！完全係私房菜既供應呢個鮮豬肉眼根真係難得見到平時火鍋即使放題同單點都係十間有九間都冇口感係似似地牛根甘但就唔係成條膠多數，個人覺得有膠有彈牙感覺，舊舊唔同佢地處理左再落火鍋度滾真係好好味好回本🙈😂要講一講既係，從果晚打去訂位（我食飯時間打去的）到用餐同走時，職員都好熱情對待而並冇因為我地係團購黎食而有所「馬夫」🙈用餐時職員更多番巡場去留意每檯有咩需要真係好難得！滿足😁

踏入10月中期，秋意漸濃又係火鍋好時光。近年來都興起半任食火鍋套餐，而今晚嘅寶哥都唔例外，做緊3款價格嘅套餐，我們就揀左$288,餐內先包和牛，海鮮刺身拼盆。海鮮靓牛火鍋拼盆，豬肉眼根，招牌三寶丸，多款任點火鍋配料，無限任飲涼茶，汽水，啤酒同紅白酒。先到係5款刺身，同和牛刺身，海鮮質素較普通，但和牛刺身確實不錯，眼看油紋平均分佈，但也略帶咬口，肉味鮮明。接住送上簡單醬芥配料。海鮮盆有鮮海蝦，鮑魚，蠔，韓國黃金貝，龍蠆腩，刀貝。當中最感滿意係生蠔同黃金貝，新鮮度無9都有8，鮮味十足。招牌三寶丸蝦丸，墨丸同鯪魚丸。靓牛係美國特級封口牛柳，開始食都太食到牛柳嘅特別，後來追加次級牛，再作比較可明顯食出前者較嫩滑，牛肉香亦更突出。湯底揀左比較清潤嘅椰子湯。可以平衡反食火鍋嘅熱氣感。之後點嘅配料都好多，鮮炸芋頭又粉又香，鴨血同鱔片都係當中推介，但脆肉鯇師傅切得太厚，所以食落感覺會偏膩。最後都囋反杯紅酒

與一班好友相約飯局，要位置交通方便、價錢大衆化、地點就腳，由於老友們有些收工收得晏，最後好友找到團購，位置在佐敦寶哥火鍋，簡直舉腳贊成唔使煩長樂街鄰近地鐵、巴士🚌，非常方便還記得多年前，寶哥這店新開之時，一入門口，地下有個酒窖，當時滿佈紅白餐酒樣樣齊，還有很多名酒佳釀，見到都已很雀躍，但今次事隔多年，嚟到發現那個角落日久失修，酒架上靚酒唔見晒，只淨一些封塵已久的小角色有時候概念和現實，實在是兩碼子的事由於是團購，他們要我們訂枱超過一半人數才可入座。這裡也有特價推廣，有平有貴，最貴的都只是$288/ 再加一，其實和我們團購都只是相差三幾十，所以見有很多食客沒有訂位即時入座。還有紅白餐酒任飲⋯⋯非酒精類也有很多選擇: 酸梅湯、竹庶水、罐裝啤酒、可樂⋯⋯刺身、海鮮、有菜有肉樣樣齊⋯⋯可是三寶丸，三種都麻麻地，腥味蝦丸、鬆散的魚丸，唯獨是墨魚丸好少少入座齊人後有精美魚生剌身拼盤，內有象拔蚌、墨、北寄貝⋯⋯海鮮拼盤，有蝦、花甲、蟶子、鮑魚仔、龍躉⋯⋯當中，蝦和花甲都很新鮮由於團購關係，食店附送Haagen Dazs 雪糕每人一杯每人連埋加一，只是需$290 ，任食任飲，由8:30-11:00pm

今日約左幾位舊同事一齊食飯，其中一位朋友話有朋友介紹刺身火鍋，所以決定約在火鍋店等！入到去地下是買酒的～上樓上～我地揀左$238既價錢～先簡單自己調醬料～湯底雪蓮子椰子湯拼猴頭菇鯊魚骨湯！好快店員為我地送上刺身～和牛刺身太耐冇食～一片大片既和牛刺身海鮮盤～有蝦，蠔，青囗， 龍躉片，帶子等～招牌三寶丸，新鮮自家打出，一口丸入囗彈牙～特級美國牛小排， 油脂比例較少，牛肉味濃～黑豚肉亦不錯～自助飲品區有汽水，啤酒，自制竹蔗茅根～刺身和牛，海鮮新鮮份量足，火鍋食物配料多～就湯底選擇都已經比較多，冇介紹錯～下次又可以帶埋班識食同事黎～

今日同家人去左佐敦做身體檢查，做完又到食飯時間，上網揾下見到有間火鍋近近地，價錢又平，就試下啦！樓下有得泊車，好方便，地方好大，坐位闊落。我地點左個$238套餐，本來想點$288包飲紅酒既，配料都多d，但屋企人唔飲得。好快上左盤刺身，和牛刺身好重本，入口即溶！赤身好爽，帶子亦鮮甜，最估唔到係用即磨芥辣，幾重本！湯底點了猴頭菇鯊魚骨湯拼雪蓮果椰子湯，冇咁熱氣！海鮮拼盤份量十足，青口好大隻，龍躉片好重膠質，海蝦同蠔都好大隻！雲吞水餃細細粒，可以試多幾種唔同口味，仲有竹笙，黑柏葉任食！估唔到鱔片都有，老媽子最愛！美國安格斯牛小排，牛味重！炸魚皮亦好脆！啤酒、汽水、竹䉀水根任飲最尾仲有杯哈根達斯雪糕$238有咁多款食物，地點仲要喺佐敦，真係好抵食！

食火鍋最緊要係咩？當然唔係肥佬滔講個爐甘簡單啦，當然係食物夠新鮮，張檯要夠大，個火要夠猛，湯底要夠惹味。寶哥火鍋味館做得到！一坐低就已經整盤刺身你嘆，我中意食北極貝同吞拿魚，其它我唔感興趣所以無食。識食當然選清湯底，任點任食當然要放開肚皮察一餐，我點左肥牛，黃沙豬潤，午餐肉，烷魚片，牛坑腩，羊肉，黑豚肉，蟹柳，芝士腸，豆扑，牛丸，雲吞，貢丸，魚皮，芋頭，芫西，秋葵。樣樣新鮮，樣樣好味，還有竹庶水任飲，汽水任飲，啤酒任飲，好滿足，有機會一定再黎。

今日一行8個人，收工齊齊約左想打邊爐，其中一個朋友建議食寶哥，去到環境都唔錯，我地坐係另一邊廳地方大，而且圓枱夠坐晒8個人一坐低，枱面已經放好了醬油配料我地揀左兩個煲，第一個係猴頭菇鯊魚骨湯另外一個叫左雞煲食先，之後都係如常加湯轉做火鍋係打邊爐之前我地食左盆刺身先北寄貝同希靈魚都好爽口開始食左雞煲先，雞件都好大件，好多肉然後火鍋配料都開始黎到，欣賞將食物排得好好，唔會一大堆放到勁亂我自己真係好鍾意食鴨血打邊爐又點少得食牛呢，牛肉都唔錯，唔會好多筋白鱔片我地翻點左幾次響鈴好好味！通常我只會煮一下就食，口感有脆同埋有湯汁！

上次同媽咪黎食完寶哥，覺得質素唔錯，地方又夠大，多人坐都唔會迫，今次又帶埋屋企人再黎多次encore!價錢依舊不變，$238任飲配料任食。變嘅係今次多左好多食客幫襯，六點幾已經坐左幾張大枱！老人家愛養生，喜歡點健康的湯底，就點左個鯊魚骨猴頭菇湯拼雪蓮椰子湯，仲可以當湯咁飲夠哂清甜。今次人多的關係，刺身同海鮮都大盤啲又靚啲！仲有龍躉，個皮厚身好補呀！自家丸子細細粒，唔使怕太多食唔哂，very good!飲品就有汽水啤酒，同埋竹蔗茅根水。 竹蔗茅根唔太甜，老人家好鐘意。食飽飽仲有每人一杯士多啤梨味哈根大師做甜品！

有朋友相約去佐敦的寶哥火鍋味館食晚餐，朋友喜歡那兒有任飲任食三小時的火鍋，朋友們可以邊食邊吹水，不用趕時間急住食，也有三種價錢選擇，豐儉由人，朋友一提食火鍋，一定來呢間，是常客了，火鍋店位於樓上一樓和二樓，地下是酒鋪。任飲有啤酒和汽水，我就比較喜歡自家製的竹蔗茅根水，健康飲品，也可清清熱氣！香濃沙嗲湯底夠濃郁又惹味。刺身有呑拿魚、魷魚、希靈魚、八爪魚、北寄貝等，用冰底墊住的刺身好新鮮，味道鮮美！70多款火鍋配料任食，材料新鮮，我特別喜歡招牌白鱔片、脆肉鯇魚片和黃沙豬仔潤好爽口，鮮蝦雲吞和鳳城水餃皮薄滑，餡料有爽口鮮蝦。必試魚蛋超彈牙，新鮮豬紅和紐西蘭鴨血好滑。招牌響鈴豆味香，吸收了沙嗲湯好惹味！其他配料也不錯！

講起任食火鍋 大多數人都係去旺角，荃灣。貪地點方便就腳， 但由於商戶鬥價錢平少不免要坐得迫夾一點，自然就嘈吵一點。 今次去佐敦長樂街，地點方便就近地鐵站。 店內光猛寬敞 ，沒有嘈雜聲還有一點格調。 任食火鍋分abc餐有不同海鮮配搭， 我選擇了b餐。先嚟一個刺身拼盤，第一次嘗試到和牛刺身 再嚟一個海鮮拼盤 ，有我鍾意食嘅大帶子。 火鍋湯底 ，我選了鯊魚骨湯， 比想像中偏淡一點。 牛肉有三款，肥牛薄薄的很容易入口。 還有很特別嘅油炸鬼釀墨魚滑， 其實我不太懂式呢度菜， 唔知淥幾耐先可以錄熟啲墨魚滑， 所以淥淋咗少少。 下次再試時要搵到個拿捏位置。 還有稻庭烏冬 又滑又彈牙。

朋友聚餐當然要打邊爐🍲！今次呢間寶哥就豐富啦，賣點係有刺身、全日七款新鮮嘅海鮮、手工三寶丸、啤酒任飲，仲可以加錢有紅白酒任飲！啱晒酒鬼呀！刺身好大份，海鮮唔錯，配料方面不過不失，推介韮菜餃、黑木耳、鯇魚同薯粉。整體來講係抵食，但質素唔算高，可一試。

香港人 一年四季都鍾情打邊爐 圍埋一齊烚下烚下今晚朋友就帶我去左寶哥火鍋味館  打邊爐寶哥 樓高三層 地下係二樓 & 三樓就係打邊爐既地方擺設同裝修帶點日式放題既風格就算得我同朋友2個人 枱面也很大 放到好多食物唔怕要迫埋一齊 食得唔舒服飲品有罐裝啤酒汽水同自家煲嘅竹遮水唔似出邊甜 清清地 打邊爐冇咁熱氣第一道上嘅就係刺身 有吞拿魚 北寄貝 象拔蚌 左口魚 魷魚等等 為晚餐揭開了美好序幕湯底有好多選擇 不過鴛鴦 還是我地既至愛鴛鴦湯底即係沙嗲同清湯沙嗲湯底十分濃厚濃郁 食得出有花生味而且就算加左幾次湯 依然濃郁的 味道都無減到 讚清湯絕對不是清水/雞湯ONLY 有加入其他蔬菜的食材方面 選擇都有幾多款 而且都好新鮮ALL YOU CAN EAT 價錢但係屬單點質素首先要推薦的絕對係係牛坑腩 肥瘦剛好 入口鬆軟 又無騷味特別推介係雲吞 餃子 魚皮餃 size 剛好係細細粒 而且非常新鮮另一款係魚旦 非常彈牙 我同朋友都食左好多粒而且每碟份量岩岩好 細細碟 咁就可以食下其他東西 而且又唔會浪費食物白鱔非常新鮮 彈牙 冇泥味醬汁方面還原基本 提供火鍋鼓油 生蒜 辣椒同蔥其實平時我都淨係落呢幾

佐敦呢頭有多間火鍋店，由於今日實在係交通上花費太多力氣，決定與好絲打食間好D的火鍋，散一散身上的鬱悶頹氣！刺身拼盤@有七款刺身包括赤貝、北寄貝、希靈魚、墨魚、吞拿魚、八爪魚同埋牛肉片，第一次食牛肉刺身，半冰狀態更有咬口，咀嚼中食出牛香，好原汁原味，同淥熟食有另一番滋味，但係當然係對牛肉有信心先敢啦🤗特選海鮮@有海蝦、蚌、蠔、元貝同魚，海鮮都好新鮮，海蝦好大隻彈牙，生蠔淥完都幾大隻，最鍾意隻蚌，蚌肉好飽滿爽口🤤特級美國肥牛&東山羊肉片@打邊爐當然唔少得肉啦！肥牛嘅油脂分佈平均，唔係一片肉黐住一片脂肪嗰種，食到已經食指大動，輕輕淥一淥，牛味好香，好味～ 羊肉片羶味好夠，鍾意羊羶味嘅朋友唔可以錯過墨魚丸、鯪魚丸、牛肉丸@大小唔會太大，食得出真材實料，爽甜多汁，無好粉實嘅感覺秘製杏汁白肺@好少見到打邊爐有豬肺，好有特色，雖然杏汁味唔重，但係食得好過癮脆肉鯇魚腩、鮮鯇魚卜@脆肉鯇肉質非常結實，連帶點韌性嘅脆鯇魚皮食，好爽脆😍同鯇魚片比，腩位嘅骨都偏大，數量亦唔多，食得好痛快，好爽！由於魚卜本身無乜味道，平時都係用薑蔥爆炒，打邊爐比較少見，但係材料本身夠新鮮，食到有魚嘅鮮味，外層滑溜溜，內裡爽脆蔬

朋友們都鍾意周圍尋獲美食，今次又比佢地搵到間抵食邊爐，而且環境好，坐得好舒服樓下見到已經覺得吸引，價錢仲好優惠tim，我地就order左B餐呢度係B餐既拼盤，刺身拼盤新鮮又好味，海鮮拼盤有5款海鮮，見到都流口水，招牌三寶丸粒粒都爽口彈牙，安格斯牛肥瘦啱啱好除左以上B餐拼盤，其它食物都係任叫，選擇好多，每樣都想試試，就每樣都叫左d任叫既食物都係擺放整齊，見到都食慾大增釀油炸鬼，索晒湯汁既油炸鬼特別好味炸響鈴同魚皮打邊爐必備，兩款都好脆口，響鈴仲係即刻炸起既tim羊肉片，食肉朋友表示唔會好蘇，好好味菜既份量好多而且新鮮，有清洗乾淨

今晚同爸爸出去佐敦食火鍋，之前都食過呢間火鍋感覺質素唔錯，依家新出左幾個套餐，就決定帶爸爸嚟試吓！因為爸爸都係海鮮愛好者佢哋火鍋有分三個套餐，同爸爸想食餐好嘅，所以就要左最貴嘅C餐，有份刺身拼盤、7款特選海鮮、安格斯牛小排、招牌三寶、白酒紅酒任飲！講下個刺身拼盤先，竟然有和牛刺身，嚇咗一下，我真係唔係好敢食生牛。。最後都係滾一滾，入口即化，正！刺身都係新鮮！七款海鮮都好有睇頭，有鮑魚、帆立貝、海蝦、生蠔、刀貝、龍躉腩、帶子，味道都好鮮甜！招牌三寶丸係墨魚丸、牛丸、鯪魚丸。細細粒但食落真材實料，無乜粉嘅感覺，夠多汁彈牙！安格斯牛小排牛味濃、肥瘦適中、帶筋，食落有嚼勁。任食嘅配料都唔差！有我最愛嘅白鱔片，好新鮮，encore左幾次都係覺得咁正！另一最愛係野豬肉眼根，白雪雪可能唔知咩嚟，呢個係寶啊！滿滿的膠原，肉汁豐富，食落又滑又爽口！出面真係無邊間任食火鍋店有呢個！肉眼根位雖然比較膩，但真係膩死都值！其他配料都好食，蔬菜都好新鮮啊！掛住講配料都唔記得講個湯底，湯底有好多款選擇，揀咗鯊魚骨猴頭菇湯底，真係落足料又無味精，食完一啲都唔口渴就知~爸爸食得好開心，係咁大讚啲海鮮新鮮，我自己就最滿意