寶哥火鍋味館 (已結業)

香港可以叫做火鍋之城，除咗市面上多火鍋餐廳，仲有因為個個都好鍾意打邊爐。只要天氣涼少少，次次同朋友出街食飯都係打邊爐，同A打完邊爐又同B打。今次去咗呢間性價比超高嘅打邊爐放題。有好多火鍋配料任你揀。幾咁多選擇，根本試唔晒。坐卡位，兩個人好鬆動，好舒適。叫咗個猴頭菇鯊魚骨湯，睇落正氣d仲有一份刺身，魚都幾新鮮。每樣點少少試下先，今次兩個人去食，點一份每人得一粒，上面係必食魚蛋，黑色係墨汁墨丸。都好彈牙，唔錯。木耳，連竹笙呢d比較高檔嘅食材都有任食。羊肉好香，唔羶。選擇太多乜都想試，但得兩個人只能夠乜都食少少，人多嚟食肯定仲正。仲有飲品任飲，啤酒，汽水，仲有甘蔗水。