寶哥火鍋味館 (已結業)

一踏入秋冬天 我嘅首選一定係打邊爐 今日約咗一個住佐敦嘅朋友食飯 佐敦有好多好嘢食 例如寶哥火鍋味館餐廳有三個套餐選擇 價錢分別係$198，$238和$288因為我同我個朋友都好鍾意食海鮮 所以我哋揀咗C餐$288 包左七款時令海鮮嘅拼盤 仲有紅酒白酒任飲套餐包咗八款刺身，封門牛柳，手打三寶丸及海鮮拼盤刺身拼盤中的和牛刺身不得不提 油花相當豐富 刺身級嘅牛肉好重牛味 入口即溶 非常好吃封門牛柳厚切肉片 食落相當有口感 肉質軟硬度適中 有豐富肉汁 高質素嘅牛肉海鮮方面整體非常新鮮而且清洗的乾淨 當中有聖子，海蝦，青口 ，生蠔，鮑魚，海蜆及帆立貝…… 蟶子肉厚肥美，鮑魚彈牙爽口 非常鮮甜湯底方面揀咗雪蓮果椰子湯底 又清又潤唔會蓋過食物嘅味道 又可以下下火全部海鮮嘅精華都落在鍋底之中 湯底變得鮮甜無比 我忍唔住都飲咗兩碗湯食哂套餐安排嘅食物之後 就可以任食火鍋配料自己點 種類非常多 連我最鍾意食嘅鵝腸，白鱔片都係任點任食㗎一下子我哋就叫到一枱都係嘢食 勝在每款嘢食嘅份量小小的 唔夠可以再點 咁樣可以減少浪費食物嘅情況出現呢度嘅火鍋配料選擇夠多 雖然係任食嘅價錢 但係食物嘅質素一啲都吾隨便 平時喺火鍋店食嘅鵝腸，白鱔片起碼八九十蚊一碟 呢度係任食 好快回本有美食相伴又點少得美酒呢 紅酒白酒任飲 啤酒汽水任飲 3小時任食火鍋放題 仲有靚靚海鮮拼盤及高質素刺身 好抵食…查看更多

一年四季都適合吃火鍋，尤其冬天！今晚來到佐敦的寶哥，知道有套餐放題，感覺幾抵令食，就跟男友來了。我們叫了B餐，除了點菜紙那些可以任點之外，還有刺身，海鮮等特別的食物。飲品不用點，全部自取。我最喜歡的是他們有自家煲涼茶，整壺熱熱的竹蔗茅根不會太甜B餐有個和牛刺身拼盤，除了牛還有甜蝦、希靈魚、八爪魚等，味道都清甜，作為火鍋前小吃很合適！本來想叫雞煲，但又想清潤一點，就叫了雪蓮果椰子鍋，清甜的湯又潤又能帶出食材的鮮味呢套餐的海鮮拼盤陣容鼎盛，海蝦、青口、大蜆、蠔和魚柳看起來都很新鮮！五款海鮮的肉都是厚厚的，相當飽滿肥美！蜆、蠔和魚都好鮮甜，蝦又爽口，質素甚高。接下來就是特級封門牛柳，雪花部分不會太多，分佈平均。煮熟後入口肉質嫩滑，牛味夠香，正呀如果可以再大碟點就好了！店家招牌自製三寶丸料量充足，十分爽口彈牙又有汁，真的好好咬啊我推介任食的本地牛坑腩！大大件肉量又多，初期已放到鍋中，到很後期才記得撈上來吃，但是肉質還是軟軟的，牛味還在。大太粒彈牙魚蛋也是必食之選，肥牛也不錯。響鈴送上來熱熱的又香脆，即食是最好的。男友自己一人吃了兩碟鯇魚片果然清湯能吃出食物的原汁原味。這裡的用料新鮮，味到都不錯，二百多元的套餐抵食…查看更多

臨近新年，我同老公兩個出咗去辦年貨，差唔多晚飯嘅時候，本來打算是但搵嘢食，但我見到呢一間火鍋，就行入去問佢有冇位，雖然係啱啱18:00，但我見到已經差唔多坐爆曬，竟然仲有枱，咁就梗係唔使講啦就入去食，一邊環境非常闊落，服務員都有禮貌，湯底我叫咗一個雪蓮果椰子湯，配料方面就叫左:特級美國肥牛、五香鮮牛肉、粟米、油麥菜、鵝腸、秘製杏汁白肺、午餐肉、招牌炸響鈴等等.......當然仲有佢嘅牛肉拼盤、魚生拼盤、海鮮拼盤，啤酒或者汽水都係任飲，用料新鮮，味道不錯👌🏻…查看更多

諗唔到食咩？打邊爐就最無敵喇～行過見到寶哥火鍋味館，門面幾吸引～好似好好味咁～我哋兩條邊爐友，諗都唔洗諗就入咗去喇～有兩層高～地方幾大，我哋兩個人，店員都比咗張幾大嘅枱我哋～寶哥有三個套餐～分別係A:五款精選刺身拼盤$198 B:日本和牛刺身拼盤$238C:加拿大A蚌及和牛刺身拼盤$288我哋㨂咗最平嗰個～A刺身有左口魚裙邊、吞拿魚柳、希靈魚、北寄貝、八瓜魚等等...有我最愛嘅左口魚裙邊～正啊湯底有多款選擇～我哋揀咗雞煲～雞煲唔係任食，反而我覺得咁樣好喎～因為如果雞煲任食的話，雞煲太好食，我哋都會叫多次～咁樣其實食雞煲都飽咗，變相食唔落之後打邊爐啲嘢～食完啲雞之後～我哋就加湯喇～而家先係瘋狂食嘅時間嘛～第一轉揀咗特級美國肥牛肉、招牌白鱔片、獅頭鵝腸、水魷魚、特級墨汁墨丸、招牌魚皮餃鮮蝦雲吞...肥牛鮮豔，牛味十足，細細塊唔會食到好飽～白鱔片睇落薄薄哋，但食落小骨有肉感～魷魚熟咗唔會縮水魚皮餃同雲吞都好好味～炸魚皮脆得嚟唔會有油膉味～響鈴係自家炸嘅(我估)～係唔同啲好味啲嘅～必試魚蛋好大粒好彈牙～果然係必試～以上都係我食完覺得好味，可以重點喪食～200蚊都唔洗一個又幾抵食～可以一試～…查看更多

天氣最近又凍番，又係打邊爐嘅好時間啦😊朋友介紹左係佐敦嘅呢間寶哥比我，話質素唔錯，而且價錢公道，所以我今次就黎試吓啦一係唔食，一食就要食好啲嘛！所以我地揀左每位$288呢款，有齊和牛、刺身、海鮮拼盤同汽水紅白酒任飲，極豐富先送上和牛，肉味重之餘，仲唔會韌，沾少少辣椒豉油一齊食，正之後當然唔少得海鮮拼盤啦，有青口、蝦、蜆、帶子等，款式又多又新鮮！睇見都興奮🥰除此之外，仲有刺身俾我哋任食😂啱晒我呢啲有選擇困難症，咁就可以咩都食啲啦咁多款之中，我特別鍾意食呢個自家製三寶丸，爽口又彈牙而朋友就鍾意佢個牛坑腩，軟腍重肉味，高質另外其他配料都非常多，而且佢地會按人頭比相應份量，咁就可以一次過叫多幾款啦😚飲品方面，紅白酒汽水啤酒都任飲，呢個價錢嚟講，性價比超高😝…查看更多

年尾流流，天寒地凍，又係打邊爐嘅好時候，今晚揀嘅係油蔴地長樂街嘅《寶哥火鍋》。$268三個小時火鍋任食放題，咁就梗係要去試吓喇!先嚟係隨套餐奉送嘅和牛拼五款刺身拼盤，有北寄貝、八爪魚、希靈魚、魷魚、生和牛。跟住就有呢五款特選海鮮，其他食材就由你任點任叫。呢度嘅湯底都有好多唔同嘅選擇，我哋今晚揀咗個清清哋嘅人參醉鷄窩。任食放題，梗係乜都叫啲試吓，咁唔覺唔覺就叫咗一大堆食物。打邊爐又點可以冇牛肉 ，今晚我哋去盡啲，一次過試曬本地牛坑腩、特級美國肥牛肉、五香鮮牛肉，各有特色，各有滋味，高下難分。平時打邊爐，啲丸就唔係我杯茶，不過呢度啲丸的確幾出色，蝦丸、鲮魚肉丸同墨魚丸。尤其係蝦丸，爽口彈牙之餘，食到粒粒鮮蝦肉，完勝街外一般貨色。喺飲品方面，除咗啤酒汽水任飲之外，仲有竹蔗茅根精同酸梅湯畀你選擇。打邊爐最重要係食材新鮮，呢度絕無將貨就價，食材夠鮮，款式亦多。如果戰鬥力夠强嘅話，畀200幾蚊，三小時不停飲不停食，認真超值。…查看更多

港式火鍋是不少香港人心目中的「恩物」，尤其是和一眾親朋戚友去聚會，可以把酒談心、聊聊彼此的近況，實在是一件不錯的事，熱熱鬧鬧，氣氛更為歡愉，但我這次只是和一位朋友去吃。寶哥火鍋味館位於佐敦長樂街，並不是我常到的地方，在一條小街的一角，也不算太難才發現到火鍋店。火鍋店的設計頗為特別，進去的時候還感到頗奇怪，為何會一個人都沒有呢？那層原來只是簡單的佈置，還有一些高級的紅酒，聖誕節已過了一個月，不知為何還有聖誕老人？🤣然後走到一樓，才是給客人用膳的部分，以火鍋店來說，環境算是十分簡單整潔了，但大部分的桌子都是大桌子，供給多人數的客人，另外還有數張二人桌。除了這邊外，其實還有另一邊的範圍是以卡位為主，所以整體環境算是寬敞。餐牌只有簡簡單單的兩頁，分別有牛肉、豬肉、海鮮、丸類等等，種類絕對稱不上是很多，算是「貴精不貴多」。我倒是覺得湯底的選擇會比較多的，但多數都是常見的湯底，最後點了個比較少見的「猴頭菇鯊魚骨湯」。最先來了一份刺身，有魷魚、北寄貝、螺肉等等，在溫度低的情況下，刺身的質素普遍都不會太差，我是這樣想的。手打三寶丸是餐廳送的，有墨丸、蝦丸和鯪魚丸，墨魚和蝦丸都軟稔，並沒有我想像中的爽口彈牙，但味道都很不錯，尤其是手打蝦丸，裡面真的有一隻隻新鮮的小蝦。海鮮拼盤也是餐廳贈送的，有蜆肉、青口、蠔和大蝦，蜆肉弄熟後會變得小，有很多人抗拒吃蠔，也許是因為它的腥味，如果蠔不新鮮便會有一陣腥味，而這裡的蠔就沒有，蝦和青口的味道也挺好。試了一份美國肥牛肉，份量不是很多，但條紋漂亮，便為牛肉加了分數。由於湯底本身並不是很濃味的種類，所以弄熟後更能突出牛肉的鮮味，牛肉跟手打丸的質感一樣是軟稔的，我覺得挺好。除了美國肥牛，我們也點了五香鮮牛肉，有很多火鍋店都會提供多於一款的牛肉，五香鮮牛肉的味道顯然較美國肥牛遜色，牛肉味沒那麼濃。想提提大家，這間火鍋店的職員很忙，並沒有太多的時間服務客人，有兩次火鍋的火沒了，都是我們自己叫職員加火的，另外缺乏湯底的時候，也是我們自己出去加湯的，食員都不知跑到哪兒去了…查看更多

呢間火鍋🍲店，11月嘅十強餐廳入面，一上榜已經進佔第三位，咁有氣勢，我梗係唔會錯過啦😝環境方面，唔同一般火鍋店，有啲中西合璧的感覺，十分旺場，座位坐得舒適，燈光效果唔錯😀餐廳供應三款火鍋🍲自選組合，價錢最貴都係$288，已經包埋紅、白酒🥂🍷任飲，仲有加拿大A蚌及和牛刺身拼盤，加埋7⃣️款時令海鮮併盤，真係聽到都興奮🥰嘆住紅、白酒🥂食新鮮刺身，真係另有一番風味，打邊爐都可以食得咁招積，唔怪得佢咁快就入咗十強餐廳啦😬湯底我地揀左「猴頭菇鯊魚骨湯」，真材實料冇花冇假，用料十足，我個人最鍾意猴頭菇嘅獨有香氣，用嚟打邊爐做湯底絕對冇得頂👍🏻第一個round做梗係要嘆下呢7⃣️款海鮮先啦，食海鮮最重要嘅就係新鮮，正所謂有圖有真相，冇得呃人㗎👆🏻靚牛、靚羊就當然唔少得，任飲任食，不過千祈唔好嘥野啊，浪費食物就唔好，最好食幾多叫幾多🤗我就最鍾意佢地嘅「自家製三寶丸」和「招牌白鱔片」，三寶丸爽口彈牙，鱔片啖啖肉，淖十零秒已經足夠，必試😋當然其他80多款火鍋🍲配料不能盡錄，口味各有不同，一定能夠滿足所有人嘅喜好，埋單人均消費唔使三百元，如果唔係薄利多銷，又點做得到啊，抵佢越做越旺😀…查看更多

天氣一凍有咩好得過同三五知己去打邊爐。其中一個朋友仔話位於佐敦長樂街嘅《寶哥火鍋味館》好唔錯，呢日我哋就嚟試下。揀咗個每位$238任飲任食三時小時套餐。先揀湯底，鮮人蔘醉雞湯。既有人蔘又有大大碟醉雞。有益又有酒香味，唔錯。揀完湯底去攞嘢飲，任飲嘅包括：啤酒、汽水、酸梅湯及竹蔗茅根。套餐入邊包左：日本和牛刺身拼盤、五款時令海鮮拼盤、美國Brandt特級封門柳、招牌自家製三寶丸及其他任點美食。日本和牛刺身拼盤 - 除咗和牛片外仲有北寄貝、魷魚、希靈魚……等，和牛刺身，口感嫩滑牛味濃郁；而其他各款刺身亦非常新鮮，味道鮮美。五款時令海鮮拼盤 - 各款海鮮都好新鮮、其中嘅蝦更加係蝦味濃郁，爽口彈牙。美國Brandt特級封門柳 - 牛味濃郁口感爽滑。招牌自家製三寶丸 - 分別係蝦丸、墨丸及鯪魚丸。蝦丸、墨丸爽口彈牙，蝦丸仲有一粒粒嘅蝦肉係入面，蝦味濃郁。鯪魚丸十分滑溜。三款丸都十分唔錯。任點任食都有好多選擇：本地牛坑腩炆得夠腍，牛肉味濃，稍為淥一下已經好好食。特級美國肥牛肉、五香鮮牛肉，味濃口感嫩滑。招牌白鱔片，肉質嫩滑。脆肉鯇魚腩，爽脆鮮味，各有特色。汕頭牛筋丸、必試魚蛋、鮮蝦雲吞、黃沙豬仔膶亦相當唔錯。鴨血、竹笙、木耳、黑栢葉，爽口之選。當然唔少得響鈴冰豆腐、腐竹、油墨菜、皇帝菜、娃娃菜、粟米，呢D咁新鮮嘅蔬菜素食啦。整體感覺，食物唔錯，任飲任食三小時，每人只係二百幾蚊，認真抵食。…查看更多

餐廳有2層，面積大，以卡位為主，寬敞舒適~ 食物款式多， 肉類，海鮮，蔬菜類應有盡有。 自調醬料❤️有蒜蓉，辣椒，葱任fill 湯底❤️雪蓮果椰子湯刺身拼盤❤️生牛肉，入口即溶，非常鮮味。八爪魚海水味重。 北寄貝有口感，希靈肉爽口~ 海鮮❤️生蠔飽滿，聖子size小但鮮甜，蝦彈牙。特級美國肥牛肉❤️雪花鮮明，厚薄平均。肥肉份量唔會太多👍丸類❤️用料新鮮，彈牙好味道~ 鱔片❤️薄切好快熟，非常彈牙爽口。 飲品❤️任飲，款式算多。 仲有一大窄竹蔗矛根可以拎，清熱解渴~…查看更多

自選組合 B $238和牛刺身拼盤希靈魚、八爪魚、左口魚、北寄貝、赤貝、墨魚… 全部都非常新鮮，絕對唔輸壽司店。美國特級封門柳牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。牛橫膈膜下面的一條柳，每隻牛只有一小條，供應量極少。口感軟腍，肉味濃厚。墨魚丸、鮮蝦丸、鯪魚球口感 Q 彈魚皮餃唔會淥到甩皮甩骨，包得紮實。餃皮煙韌有彈性。炸響鈴熱辣辣即叫即炸。其餘火鍋配料都好相當OK, 尤其係蔬菜，種類多，而且非常新鮮。…查看更多

天氣凍凍地，最好就係去打邊爐啦～ 朋友介紹佐敦嘅「寶哥火鍋」幾正，今晚就去試吓～ 我哋揀咗B組合$238一位，有好多款湯底可以選擇，我哋揀咗銀杏胡椒豬肚湯，湯底好足料，味道好香～和牛併五款精選刺身和牛充滿油份，味道好好～ 刺身有八爪魚、魷魚、北寄貝、象拔蚌、同希靈魚，各款嘅味道都唔錯～五款時令海鮮拼盤有蝦、帶子、蜆、龍躉片、同青口，款款都新鮮好味👍🏻美國特級封門柳未煮已經見到肉質好靚，果然味道好好，口感好好，充滿牛味😋招牌自家製三寶丸有蝦丸、墨魚丸、鯪魚球，三款都好鮮味，好彈牙，可惜冇得encore～其他配料都非常新鮮好味，美國肥牛、五香鮮牛肉、肉眼筋、冰豆腐、粟米、響鈴、炸魚皮、必試魚蛋、竹笙，款款都好好味👍🏻😋飲品係自助嘅，都有好多選擇，我哋就飲咗這茅根水，甜度適中，解渴一流👍🏻寶哥火鍋果然係唔錯😋 食物質素非常好，一班朋友去傾計聚會就啱晒啦👍🏻…查看更多

寶哥火鍋味館-冬日邊爐之選佐敦一向特色火鍋店林立，在寒冷的天氣下一定要到佐敦逛一逛，門面白底黑字，字體是以中國書法呈現，內裡柔和的燈光，椅子是梳化皮製的，可以舒舒服服地滾一滾！湯底非常有誠意，有招牌寶寶雞煲、猴頭菇鯊魚骨湯、海鮮冬陰功湯、銀杏胡椒豬肚湯。今次選了銀杏胡椒豬肚湯，好濃烈的胡椒香，內裡加入酸菜、枝竹，還有海量多的豬肚，爽口入味，湯底酸酸甜甜的。刺身類火鍋前有冰凍刺身，當中有希靈魚、北寄貝、左口魚、魷魚、象拔蚌和澳洲和牛刺身。海鮮類海蝦、青口、生蠔、脆魚鯇和蜆，生蠔非常鮮甜，脆魚鯇肉質鮮嫩有咬口。肉類美國特級天然封門柳、特級美國肥牛、東山羊肉片和木地牛坑腩，不得不提封門柳，是牛橫膈膜肌肉，一隻牛只有一條，非常罕有，肉味較重較濃烈，肉質又腍。蔬菜豆品類小有的皇帝菜、清甜的白蘿蔔、爽口的秀珍菇、冰豆腐、脆口的鮮炸響鈴。配料類丸類有台灣貢丸、汕頭牛筋丸、招牌魚蛋、特級墨魚丸、手打牛丸、魚腐。牛筋丸有咬口牛味重，貢丸濃味油分夠，魚蛋彈牙鮮味。飲品類餐廳有竹蔗茅根、酸梅湯、汽水和啤酒任飲，如果升級後還有任飲白酒和紅酒。…查看更多

天氣凍,最適合就是打邊爐。今天友人帶我來寶哥火鍋味館打邊爐。寶哥火鍋味館打邊爐是任飲任食。仲可以食三小時,可以慢慢食。湯底有十二款選擇, 每種湯底都想試試。最後我們揀了蕃茄牛坑腩湯底。湯底真的不錯,尤魚牛坑腩,都幾腍。食了好多塊牛坑腩。我們揀了B餐。店員先送來6款刺身:魷魚,希靈魚,北寄貝,赤貝等等。仲有5款海鮮:花甲,青口,大蝦,魚,帶子。店員及送來一碟靚牛,就是封門柳。封門柳就是牛橫隔膜肌肉，每隻牛只有一條，比較罕有。封門柳肉味重，濃郁。另外任食的牛有五香鮮牛肉和特級美國肥牛肉,都不錯。丸類,要點必試魚蛋,十分彈牙。招牌白鱔片,深海大八爪魚鬚,酥炸魚皮,豆腐都要試。菜唔少得我喜愛的唐生菜和皇帝菜。飲品有汽水,啤酒,竹蔗茅根等等, 選擇不少。…查看更多

呢幾日天氣凍咗，好想食啲熱嘢暖暖身，於是約咗朋友放工後去打邊爐，朋友話早兩日啱啱有個同事介紹咗一間係佐敦嘅火鍋店畀佢，話嗰度材料新鮮價錢又唔貴，咁今晚就去試吓先。火鍋店地點好近地鐵站，交通方便，座位舒服，空間寬敞。看到餐牌上有三款火鍋放題組合，我地就揀咗最經濟嘅A餐＄198／位，有5款精選刺身拼盤，加70多款火鍋配料任食、啤酒汽水任飲，聽到都覺得好抵。湯底選擇足足有十二款，款款都覺得唔錯，選擇困難症又發作喇，最後終於叫咗『銀杏胡椒豬肚湯』，貪佢有豬肚食，湯底又夠惹味。首先上枱嘅係刺身，北寄貝鮮甜，食落爽脆煠煠聲、而左口魚裙邊和魷魚就好有鮮味，完全唔腥，如果多幾片就更加正呀！火鍋配料選擇多，朋友係食肉獸，鮮牛肉和牛坑腩就一定唔少得，仲有平日火鍋店少見嘅豬仔蝴蝶腩都不能錯過。本地牛坑腩和豬仔蝴蝶腩都係大大塊，已炆熟，入味軟腍，放落湯整番熱就可以食，慳番好多煮嘅時間，頗細心。個人覺得蝴蝶腩不錯，有一片薄薄的筋膜，爽口得嚟又無脂肪，口感其實有點像牛腩，喜歡啖啖肉的朋友，不妨一試。五香鮮牛肉已預先調味，肉質嫩滑，而且軟腍有肉味。脆肉鯇魚腩，肉質爽脆，而招牌白鱔片，味道鮮甜，好美味，食多幾碟都值回票價啦！冰豆腐「索」晒湯汁，好入味；釀咗彈牙蝦膠嘅百花釀油條都算幾特別，唔係咁多店舖有；而卜卜脆嘅招牌炸響鈴和Q版生根都係新鮮貨，無油膉味，淖完後湯面亦唔會有一大層油浮面。朋友和我都喜歡皇帝菜嘅特有味道，所以吃火鍋經常都選這款菜，菜身嫩綠，絕對唔係菜頭菜尾，食落爽嫩無渣。飲品係自取嘅，枱面除咗放滿多款冰凍嘅啤酒汽水外，還有竹蔗水和酸梅湯，真係應有盡有，任君選擇，讚！今餐非常滿足，吃得飽飽，暖笠笠，果然是好介紹，火鍋食材新鮮，質素好，價錢大眾化，仲可以有3小時享用時間慢慢食，性價比高，以後吃火鍋可以多一個好去處了。…查看更多