寶哥火鍋味館 (已結業)

難得約到我家姐食飯，緊係要帶佢食好西..話說我地今次黎食佢地既特長3小時高級火鍋放題，3小時火鍋放題...其實真係有排食，同埋...可以食好多野呀!!!先黎6款升級版刺身再黎佢地自家製既三寶，我最中意佢地個蝦，真係夠哂爽口彈牙~再黎7款特選海鮮...唔洗講都知有幾鮮甜味美~清清地靚牛拼盤日本稻庭烏冬而且佢地啤酒汽水可以任飲，又坐得舒服，黎多幾次都仲得呀~不過有樣野唔好，就係黎既份量係跟人頭，所以落單果陣邊D想要多D可以同靚仔靚囡佢地講想要多D。