富臨皇宮

營業中

休息中

2019年2月21日（星期四）好耐冇幫襯，大堂座無虛席，人聲鼎沸，有咁多人捧場，一望就知形勢好、氣場強！餐牌有好多特價套餐，餸菜碟頭大、份量足，十分抵食！報紙送贈券，有備而來梗係要叫甜梅菜蒸多寶魚啦！蒸魚上枱香噴噴、熱辣辣：魚肉鮮甜、蒸得啱啱好、點豉油就更鮮美。响屋企就無法蒸到咁靚嘅🐟！涼瓜肉碎煎蛋角涼瓜爽脆多汁抵讚👍肉餅肥瘦均勻、唔柴唔乾又有咬口，包埋蛋角食仲惹味、超級好送飯!兩人晚餐埋單唔駛190！酒樓高貨素出品、茶餐廳價錢！超級抵食

好多年無幫襯過富臨 因為覺得佢衛生好差N 年後 突然想試下睇下佢有無咩改善...完全令人失望首先 勁多人等位 兩點去到 成45 分鐘先有枱 咁多人排隊 唔通好好食？ 咁唸就錯晒一坐低 個阿姐就好悔氣咁執枱同掉d碗碟落黎望望周圍 得佢一個做 都明白佢應該做到好辛苦 我地無出聲望望d碗碟 污糟到我想重新洗過有野痴住 又油立立然後 叫野食....食物都可接受 但不算美味 個炸饅頭一食就feel 到佢d油有陣味食到3點幾 想加單叫個點心 有個阿姐拎左張單 另一個阿姐好大聲話 加咩單呀 無晒點心啦 最後原本個阿姐幫我地落左單 果然另一個係想趕客埋單既時候 我終於明白點解咁多人等位 原來係「平」！ 但咁污糟同咁既服務 免費都唔會再去了

星期日打包富臨外賣部點心返屋企食早餐，平時落去同人逼，要排隊，今天專登買返屋企慢慢食。蒸齋腸，沾上甜辣醬加上白芝麻，健康又好味。潮州蒸粉果，大大粒，皮好Q，餡飽滿。叉燒包大大粒，都系餡多，不錯

我是美孚店的常客，今天來飲茶見到很多黑衫經理非常醒目殷勤，一眼関七，又提點其他服務員做嘢，之前我覺得人手唔夠，但眼見多了服務員，態度亦積極了不少。此外，食物味道質素也提升了。讚！

年三十晚嘅團年飯，第一次幫襯呢間酒樓，每間酒樓都係食個幾款，不過呢間分店嘅服務好似好d！而且呢個餐好平，加埋一，2500蚊都唔洗。有乳豬拼素鵝、燕窩蟹肉羮、白灼蝦、蒸元貝、清蒸海上鮮⋯⋯仲有糯米飯！真係飽到上心口！祝大家新年快樂🎊🎊🎊🎊🎊

做冬既時候。屋企人話食盤菜。最後阿媽話同富臨個阿姐熟。所以叫左個盤菜番番做冬。自從3年前唔係香港住。都無再食過盤菜。富臨呢個盤菜都算幾足料。入面有豬腳。鮑魚。冬菇。仲有好多唔記得左 一班人叫黎試下都ok既 大家有興趣既都可以試下

阿媽突然話唔想煮飯，冇問題，咪去酒樓叫餸簡簡單單食餐囉，點知見佢promote冬日三實，好抵喎，$268有3樣野食，蛇羹仲話夠3至4人份量，所以就去試下啦點知邊行去枱，眼見10枱有8枱枱面都係呢3寳，同埋都好大碟，我地再叫個生炒骨同鵝掌花膠煲首先，蛇羹黎先，有薄脆同幾片菊花瓣，味道就唔好抱有太大期望，但個人覺得，咁既價錢算係有80分，到糯米飯，同樣份量十足，唔算炒臘味仲有蔥同花生，但糯米飯就比夠淋，冇咁淋會好好多，跟住個拼盤，有鴨胸，义燒，齋鴨卷同脆豆腐，樣樣都ok,有75分散叫既生炒骨，$68, 但份量真係好多，亦唔會肥膏同骨多過似，真係好抵食，不過同樣，唔好諗住色香味，味道佢係ok架最後花膠鵝掌煲，同樣份量好夠，有成6大隻冬菇，2隻鵝掌同有5，6舊花膠，味道可以我地5個人冇叫飯，埋單$543，真係好抵，我地仲食唔哂，總括黎講，好抵食既一餐家常便飯

全港九富臨本人只要美孚新村的兩個正價貨馬拉糕今天超水準48$的腐竹青菜對我當然不易讚譽太貴了春卷，值錢的地方就是用料實在一只只蝦仁蘿蔔絲酥餅超強-今日的特價午市蒜末蒸鮮蝦飯蝦甜美飯太油太硬了一點但抵吃失準的义燒硬不夠蜜糖因為又是午特價餐遂不知道是否將貨就價這麼大碟义燒配一窩湯米粉88$但這义燒今日不好吃就肯定又是特價粉絲溝炒米粉無好料老人家不大介意我俾5/10五十分啦⋯⋯夠飽和夠平如果以為平野我都話不好那未免太小看在下這牙刷食客一個干炒牛河色澤較佳少油牛肉林除了油水方面少以至不算最香滑現代人又喜少油少油少鹽一般不會十二分好吃所以這色味都上等的牛河附近公園拍到點水蜻蜓這是不是令人對美孚又加好感呢⋯⋯

幫襯幾次，每次都好難食，粗製濫造，有次點左套餐，完全係全家都食到媽媽聲，已叫屋企人唔好來，但唯一優點係就腳。又有一次試過埋單等左45分鐘，都唔知張單去左邊。人手不足，辛苦都明白，但質素實在太令人失望，每次試，每次都有失望無奈地離開，都唔太明白街坊生意可以做好D嗎，我吔係人亦可以幫襯其他酒樓啊。老實說，美孚多長者唔方便去其他地方但唔好蝦老人家唔識食啊，咁太過份了。其待有合乎標準的酒樓事關好吃的美孚人一定會幫襯。

家住美孚, 要吃中餐的話, 選擇並不多, 要不就要自己煮了.現在盛夏, 天氣炎熱, 免得過都不想動手, 買, 洗, 煮, 洗的過程, 身水身汗, 不化算, 所以也有責任要維持香港繁榮, 出街消費去也.富臨是常去的, 對它的評價並一向不高, 但也是無可奈何的選擇, 有時也會享用它的優惠菜色, 除了服務長期人手不足之外, 也可接受的.在這集團消費要懂得點菜, 否則會令人不快. 秘訣就是只可點一些它常常供應的菜色, 不要自作聰明叫一些偏門的菜. 否則後果自負.今晚一行四人, 一早訂了位, 1830到後, 給領往一張六人枱, 不錯, 可以看電視, 當晚客人不多, 服務人手充足.看菜單上也有很多優惠和特價菜, 當下點了: 片皮鴨半只 (特價是十八大元, 二至四人可以叫半只, 五人以上可以叫全只, 價錢廿八大元); 冬瓜盅; 斗門焗蝦; 生炒骨; 海味粉絲煲, 泰王蝦炒通菜.因為以前吃它特惠的木桶雞只需一元 份量和味道是不錯的, 所以這半只鴨賣十八元也不覺得會中伏. 不料就是老貓燒鬚.最先到的就是這縮水鴨, 一見當堂大吃一驚, 因為所謂半隻鴨只有幾片, 把這幾片鴨復合的話, 不足一隻成人手掌那麼大

早兩日去到美孚富臨皇宮飲下午茶，悉逢下午茶特價時段有特價乳鴿，咁我地一行四人，見咁抵，亦因我們喜歡吃原隻乳鴿，落單既時候已經註明要原隻上。咁跟住有個類似部長既女士應接過我們手上既單，我們已跟她重覆說了一定要原隻上，她便說，廚房大佬話，佢就講喇，廚房大佬曾經開過會，話：「就算斬咗都無得換，呢啲特價野黎架咋！」其實我地以往都幫櫬過幾次下午茶，我地每次都叫乳鴿，每次都註明要原隻上，但幾乎每次都斬開先送上黎，不過嗰幾次我地同佢講返，佢都會同我地換返，但係今次佢就竟然咁同我地講，話：「你地一係唔好叫啦咁多要求！」終於，黎到既時候，真係斬左！唉呢啲咁既服務態度，真係令到我地以後都唔會再幫櫬！

叫兩個點心等了半個鐘，叫了個龍躉蒸飯 9個字後催單兩次才發覺漏單，個菜苗餃皮蒸唔熟成 pat 鼻涕咁，基本上乜都無落肚就課金70大洋⋯ 服務態度很一般，個個好似唔憂做咁，開茶果位直頭好似有仇咁。

朋友早前向我說在報紙廣告上看見富臨有部隊鍋，反正一段時間沒有食，便去試一試！實物呈上，材料豐富，視覺效果不錯！擺位亦井井有條～深紅色的湯底，小試一口帶有甜而微辣的味道，感覺挺開胃的！八爪魚脹卜卜，食落富有彈性嚼勁，再吸收了甜辣的湯汁，口感層次頗為豐富！蝦肉肉質帶爽鮮，口感不俗！而且熟透程度較快，與朋友都毫不客氣食了不少！午餐肉厚度不過不失，煮沸得亦不粉稔，食落帶有丁點肉香！配上娃娃菜、白蘿蔔、薄片年糕及泡菜等的伴菜，可以豐富味蕾！隨鍋附送的一碟肥牛！猶記得在韓國食部隊鍋時，總會一併點上燒肉來個食慾大解放！肥牛賣相不俗，油脂分佈平均。放幾片到鍋裡涮，厚度適中，肉質嫩而不嚡。到酒樓用餐當然要飲番杯茶，剛好茶可以解除油膩，熱騰騰飲用亦令喉嚨頓時感覺舒服！

其實富臨皇宮最近推出的部隊鍋，大家都可能覺得是伏中之伏吧~ 中式酒樓竟然跨過界做韓菜，它敢推出，我敢試😂結果大家都愛上了，打算再吃多一回，怎料富臨說因為太多人點，做不到太多，下次早點再來吃😢現在分享上次部隊鍋感想~話說我這個無聊的人某天看見報紙一整頁賣富臨部隊鍋，當時我蠻好奇它的部隊鍋究竟與廣告所賣相符度有幾高，躍躍欲試，朋友都說我瘋了，好吃不吃吃富臨的，香港有很多韓國食店呢~ 不過她還是跟我一起試試看🙈一看見紅通通，色澤誘人的部隊鍋，我們異常驚訝，因為用料實在太豐富了，比報紙所賣的更足料😱而且擺放得非常用心，整齊地密鋪在鍋中。部隊鍋湯辣中帶甜，口感香醇，基本上怕辣的朋友也吃光光，所以任何人都能吃這~ 當然我不是標準，我本身就能吃辣，不吃辣的朋友就不同。煮得熱滾滾的部隊鍋讓人看了猛吞口水，忍不住想大快朵頤一番。蟹肉馬上放入嘴裡，帶有淡淡海水的鹹味，鮮度十足~ 蟹肉絲絲的纖維感細緻柔軟，一口一蟹超滿足。蟹膏豐盈鮮甜，對不起，我要吃光所有😂八爪魚新鮮肥大，香滑帶勁，頗具彈性，吸附微甜辣湯汁的美味，好吃得沒話說。蝦的熟度也掌握得宜，不僅肉質肥美，每一口明顯感受到海味的鮮，讓我忍不住把蝦頭的精

✿╮❤╭✿ ✿雜感女生 好味日記✿ ˚*•✰。富臨部隊煱．滋味紅色力量。✰•*˚ ✿✿舌尖上的美孚✿✿ ❤餓底飯聚❤ ❤ 天氣涼涼地 心思思又想食火鍋 但係食嚟食去都係打邊爐 朋友都諗住有啲新意 於是朋友拉咗我去酒樓度食部隊鍋 我心諗: 中式酒樓喎點會有韓國嘢食架??? 唔係應該去韓國店食嘅咩??? 點知今次係冇介紹錯 富臨酒家開始做一個部隊鍋的新菜式 一個鍋大大件，有蟹有魚有蝦有八爪魚 海鮮多羅羅：So many蝦兵蟹將 足夠四個人食都係168蚊咋 仲送埋個肥牛!!!!!!!! 宵夜真係平到呢!!!!!!!! 來得呢度食當然唔會淨係食部隊鍋 一定要試下係啲小菜 另一個好好食嘅就係【海參花菇鵝掌煲$98】 嗰啲鵝掌炆到軟軟香香 鵝掌同海參都係大大件 充滿膠質嘅口感，啖啖都是骨膠原 配埋細細粒嘅小棠菜，味道真係唔錯 【果皮蒸鮑魚$108】 我就鍾意果皮蒸鮑魚 叫細細隻彈彈牙 食得到鮑魚嘅香味 我最鍾意其實都係海鮮 所以部隊鍋裏頭的海鮮大部分都畀我食曬 味道又特別鮮甜喎 經過部隊鍋嘅甜辣醬煮完之後 除左右甜辣醬嘅嘢 仲有佢自己係本身嘅甜味 意想不到嘅鮮