富臨皇宮

今日中午去咗美孚想飲個茶，點知中咗伏！環境麻麻，坐入啲仲有陣味，冷氣又唔夠，食到成身汗🥵。好彩夜晚食大閘蟹放題補返數！揚州炒飯算係咁啦，料都足，炒得都夠乾身，唔會濕濕立立，叫做收貨👍。蘿蔔糕正常味道，唔會太林，又唔會一夾就散，不過不失囉🤷‍♀️。叉燒腸粉都係普通嘢，唔會太厚皮，但又唔係特別滑，冇乜驚喜😒。椒鹽魷魚（取消咗）等鬼咁耐都唔嚟，催佢哋又唔睬你，服務態度真係差到爆！最後嬲嬲地取消咗，唔食都罷！😡夜晚去咗另一間食大閘蟹放題，嘩！真係兩個世界！🤩清蒸大閘蟹原汁原味，夠晒鮮甜，膏又多，正！😋花雕大閘蟹有淡淡花雕酒香，滲入蟹肉，食落更加惹味！正到dum春！🤤鹽焗大閘蟹重口味嘅朋友必試！鹹香夠晒，送酒一流！🍻金陵片皮鴨皮脆肉嫩，雖然唔係厚切，但放題嚟講都算係咁啦，包埋醬汁同京蔥，好味！🦆回味欖角骨呢個真係要讚！少少似蜜椒牛柳，但又多咗份欖角嘅鹹香，好惹味，必食推介！👍總結：飲茶就咪搞咁多嘢啦，食大閘蟹放題就啱晒！抵食又好味！下次一定encore！🥳…查看更多

黎到美孚呢邊做完野就搵地方食lunch,同朋友想飲茶，美孚都有幾間酒樓，見到有富臨就去食啦不過比較失望。第一，冷氣唔夠，坐得比較入發覺坐坐下越食越熱，唔夠冷氣。第二，坐得入有少少環境既味道。食物方面，整體不過不失，揚州炒飯，蘿蔔糕，叉燒腸粉，燒賣。揚洲炒飯，算係足料，而且算係炒得唔錯，可以接受，唔會太乾。蘿蔔乾，正常味道，食落唔會太林同唔會易散。叉燒腸，正常，唔會算太厚皮。燒賣，味道正常。不過等左好耐都未有椒鹽魷魚未黎，叫侍應跟，服務態度唔好，催左一次唔黎再催想睇單，睇你會唔會無單，朋友唔太識用qr code ,再問侍應但服務態度差又唔解決問題。最後係走左出去同職員講取消個魷魚。。。。總結。。。不再幫襯了。…查看更多

平日晚飯時間，叫左一圍餐單。全場只有3成客人，無咩冷氣，食到出晒汗，但茶水阿姐幾好招呼，幫我地將啤酒換幾支汽水，仲有得揀忌廉同coke zero.野食方面上菜都算幾快，食物熱辣辣，味道都唔錯，唔算太咸。乳豬燒得幾好，皮好脆。蝦球伊麵啲蝦都算好大隻。條魚蒸得岩岩好，幾滑。…查看更多

大閘蟹季又來了🦀食個放題放縱下自己！另有片皮鴨、小籠包、小菜同甜品小菜水準比預期有驚喜唔會因為放題就Hea整🙂‍↕️但套餐包埋嘅炸饅頭同撈麵就有啲飽🫢🦀兩小時任食大閘蟹🦀-清蒸大閘蟹：鮮味最突出-花雕大閘蟹：淡淡花雕酒香-鹽焗大閘蟹：重口味鹹香！🦀片皮鴨·小菜任食🦀-金陵片皮鴨：皮夠脆，有薄薄一層鴨肉，但放題嚟講可以接受-柚子蜜蝦球：醬汁酸甜脆卜卜-豉油皇鵝腸：香口之選，調味幾好-欖菜炒四季豆：正常發揮-淮香椒鹽豆腐：外脆內軟熱辣辣-回味欖角骨：少少似蜜椒牛柳嘅朋友，好食，最鍾意係呢道菜！🦀任食甜品有驚喜🦀-養顏紅棗糕·楊枝甘露·芋頭西米露好少可覺得酒樓甜品有驚喜我覺得拍得住糖水舖水準😎✨🦀大閘蟹套餐🦀-蟹粉三重奏撈-多士·炸饅頭·撈麵-黑魚子·鮑魚·叉燒·溏心蛋·話梅紅茄前菜幾開胃，鮑魚唔錯澱粉質太多，較有飽肚感…查看更多

一年一度食大閘蟹季節又嚟喇，平時鐘意食大閘蟹，緊係搵間任食就最正，今晚去呢間酒家有大閘蟹放題餐，除左有無限追加大閘蟹、仲有金陵片皮鴨，多款小菜、主食、甜品，飲品任飲。最正係每人入場會送一份珍味定食，包括黑魚子、和味鮑魚、蜜汁叉燒同溏心蛋拼話梅紅茄，開胃又足料。大閘蟹部分超吸引，任食三款：清蒸大閘蟹、花雕蒸大閘蟹同鹽焗大閘蟹，每隻蟹蟹膏飽滿，肉質鮮甜鮮美，尤其係花雕蒸蟹，酒香滲入蟹肉；鹽焗蟹外皮帶有微微鹹香，保留蟹肉鮮嫩質感，真係食上癮！另外，仲有出名嘅金陵片皮鴨，皮脆肉嫩，配埋醬料超match！蟹粉湯小籠包、柚子蜜蝦球、回味欖角骨等多款小菜都好有驚喜。配菜方面，我特別鐘意豉油皇鵝腸同欖菜炒四季豆，新鮮爽脆。其他例如涼拌貓耳朵同手拍青瓜，係開胃小食。最後甜品超多選擇，薑茶芋圓、楊枝甘露、香麻流沙包等等，任你揀，完美畫龍點睛。…查看更多