好彩海鮮酒家

營業中

休息中

本身住係九龍城,之前都有去呢處飲茶,不過不失啦.今日再到好彩.先講服務,D服務真係...好似比錢受氣.再講D食品,真係我一生人中,飲茶飲到好好好難食,我唔明好多間好彩D點心好多,九龍城個間好少野食唔在講.D食品真係好差,我第一次食蔔白糕居然入面有一塊一塊蔔白,D腸粉好似石頭,D人就一直SALE要唔要豆花,白痴,一早就叫人食豆花,反而其他好彩就OK喔...今日食左4個點心要$130各位食家....好老實講...如果要飲茶,我希望大家不如想清楚先.

我是這裡的常客經常在這酒家飲茶以光顧了六七年多我看過以下文章有時真是言過其實需然有很多地方要改進，但並不是一文不值如半月前我看到一個公關小姐對客人說話大聲了一點明天來以不見了她，聽侍應說她給經理看見了以解雇了她酒家裝修後初期”這裡的點心”確實有點參差不齊!但經了數月以有所改進飽點很鬆軟素粉果食時很清爽排骨也夠豆豉味腸粉最好很滑點心的質量以有明顯進步燒味很好味，用新鮮雞”鵝服務以有很大改善但略為欠缺侍應人手有代改善

昨晚是我媽媽生我約埋家人去好彩吃晚飯經家人商議後叫了一個全包宴菜單如下:有乳豬拼盤龍鬚鳳尾蝦玉環瑤柱脯翡翠炒珊瑚花枝片紅燒雞絲翅蒸石斑玉掌扣海參燒雞一隻炒飯干燒伊麵甜品迷你壽包生果拼盤乳豬拼盤"有燒肉,燒鵝,叉燒油,豉油雞,海折燒肉好脆皮"豉油雞有口感不是雪藏貨"燒鵝有鵝味"但叉燒肥了一點"海折好爽口"炸鳳尾蝦好脆口好香其他都幾好原本是蒸石斑但出來的是"東星斑"我問侍應有冇攪錯侍應說"原來經理聽到我說是我媽媽生日將石斑轉了東星斑"玉掌海參好入味"燒雞好脆皮,是新鮮貨炒飯伊麵一般糖水淡了一點但合老人家食不會太甜到壽包了本來是迷你壽包原來經理亦轉了大壽桃12個這晚我媽媽非常開心服務這樣細心我們以後會多來

我都未見過一間服務咁差既酒樓架，影衰哂其他酒樓同分行啊!!!話說尋日同屋企人一早打算去喝茶，點知出門時有朋友叫話要去九龍城喝茶，咁咪一齊囉，我地先去等位，因為驚住唔知要等幾耐，點知一去到就有位啦，我地叫左7人位，咁佢俾張細檯俾我地wor，我地問過男服務生，可唔可以轉旁邊張大檯俾我地，佢話要問下先，之後佢走黎話可以轉俾我地，因為落雨冇客黎，咁我地已經要自己轉檯，又冇人幫我地手，咁是但啦，唔計黎d野啦。跟住我地食住等其他人啦，因為等一陣其他人都未黎，其他有個阿姐過黎問，哩幾個位冇人坐架，我地話"係啊"，個阿姐咀妙妙咁收左d冇人坐既位~~~點知食到一半，有個女服務生好冇禮貌同好惡咁走過來話我地...女服務生﹕你地又話有8個人先轉張大檯俾你地咋，到而家你地都係得4個人，其他人冇得坐啦，係你地話有8個人我先轉俾你咋，而你地又唔係.......我媽咪﹕我地都唔知其他人咁遲架..女服務生﹕你地又話有8個人先轉張大檯俾你地咋，到而家你地都係得4個人...之後我地叫佢改8個茶位女服務生冇聲出!!!大佬話，我問過你地d人架，係你地俾我地轉架，搞d掂走黎鬧我地，有冇搞錯話啊!!!!而且冇啦啦走過黎講d咁既話

坦白說,好彩食物的水準的確唔錯,而且價錢OK. 但很可能就是這原因生意無憂,令到服務越來越差.首先,早早訂座並不等於一定有位;本人已經不止一次看見門口的知客讓熟客打尖. 另外,就如今晚,一早訂座但被安排坐在轉彎角的加台;反而排在我們後另一walk-in客(沒有訂位)的座位比我們還好. 侍應也不足夠,想叫兩碗白飯也叫了三個不同的侍應再要催兩次才有.至於態度,普通的侍應還可以,但著西裝為我們寫菜的那位經理表現得很串,那種態度就像嫌棄我們只叫幾個餸...我們這晚四人吃了四百多元;雖然以酒樓來說不算貴,但遇著這麼差的服務就很令人掃興.

今朝同個女睇完醫生就嚟呢間洒樓飲茶,本來想去馥苑,但好多人等位,個女又話肚餓,所以嚟呢間,坐低先叫碗蝦球伊麵比個女填飽個肚然後食药,跟住我同老公就叫左燒買王,但同普通燒買無乜分別,竟然收特點,潮州粉果,牛肉腸,义燒飽及一碗發財蠔士粥,食物真係好普通,碟腸粉蒸到'林',晒埋單又係好彩睇下單,竟然又收多我一碟黑椒雞柳炒烏冬,成$68,加埋一七＋多元,唔知係唔係博Ｄ人會喺新年比得梳爽Ｄ!奉勸各位埋單時記得check單呀!p.s.Ｄ枱好迫,又係嚴重缺人,冲水,落單,收碟,都要舉手舉好耐先有人應!

同朋友去飲茶,食得唔係太開心!皆因俾個阿姐激親!坐低叫左個阿姐開壺茶,好耐都未嚟,於是叫另一個阿姐,問佢可唔可以幫我跟一跟..點知個阿姐居然話:”我收左工,唔好搵我!”就算收左工,第一:都唔使渴番我轉頭!第二:可以同個同事講叫佢跟進呢!正想找經理算脹,有個四眼既侍應幫番我,同我跟番壺茶!但係我對呢度既服務已經好失望..食物方面,坦白講,唔係太差,但係已經食唔番個海皇醬炒烏冬..燒鴨檬唔錯!但係就算好食都要有好服務先得!

又是一大班人食飯，大家唔想麻煩，索性點了一個12人的石斑海鮮餐。雖然是12人套餐，但每碟份量很大，十分足夠我們14人享用。乳豬併盤-其中乳豬及燒腩肉皮脆肉嫩，而我鍾意食的叉燒比較肥，肉質顏色較深黑。籠仔荷葉蒸蝦-大大隻蝦，蝦肉夠爽，不過一定不是原隻籠仔蒸，一點荷香味也沒有。一班兩味的翡翠炒球及陳皮蒸頭腩，我較欣賞炒腩球，西蘭花翡綠爽口、魚肉結實。蒸頭腩味道尚可，幸好陳皮份量適量，不會蓋過魚的味道。竹花膠海皇翅-所謂的花膠及魚翅份量不少，每一碗都可分一杯羹。炸蟹鉗-平時飲宴我好少食的，今次先試了少少，出乎意料的好食，外層炸得香脆，裡面蟹膠彈牙，好有蟹的鮮味。燒雞的雞肉好嫩，就算雞胸肉也不鞋口，還有瑤柱脯後，大家已8成飽了。最後甜品及果盤，甜品是紫米露，淡而無味，一定是溝水的。相反果盤過份的甜，浸過糖水也不出奇。而服務方面也不是以下食友們講到咁差的，還可以合格。

食物質素普通都算，一分錢一分貨呢個道理我都明。禮貌欠奉至係最大問題！我和家人去飲茶，臨走時，只係問負責埋單嘅女侍應攞番張單，該女侍應回答：「泊車定咩呀？」我答：「我想睇番d點心價錢。我攞番我張單啦！」女侍應木口木面答：「冇wor，冇得攞！唔可以攞！冇！你睇就得，攞就唔得！」我心中不其然昇起怒火！家陣咩事呀？我只係攞番張單啫！咩事得罪佢呀？正步出酒家，見到經理，向佢投訴該女侍應嘅惡劣態度，佢問都冇問發生咩事，就求其答：「我會跟進事件。」但最令我感到嬲怒嘅係，喺我同經理講嘢時，個女侍應對我藐咀藐舌！網友們，你哋冇睇錯，係藐咀藐舌！好離譜！一路走一路轉頭睇吓個經理有冇「跟進」，只係見到個女侍應笑晒口繼續做嘢！我真係未見過服務咁差嘅酒家！

好彩太子分店服務之差, 令人咋舌. 竊聞其上環店的服務也不好. 今天到其九龍城分店喫下午茶, 且看又如何.果然, 承習其集團之風格, 發揚其貫徹之傳統, 這裡的服務也叫人婉惜, 慨嘆. 加水沖茶免叫. 伙計只顧收拾客人走了的, 而尚有客人的卻不加予理會. 有的跟熟客交流談天, 有的和小bb玩. 要點菜的我, 走到老遠, 才在路中攔下一位伙計點菜. 客人比伙計殷勤.下午茶的平價點心將貨就價, 份量就如正價的一開二, 但也無可厚非. 始終一天好彩能保其食物質素, 總有其支持者.

朋友早收工,剛剛要到九龍城攞野,我們就約在九龍城食late lunch.行經九龍城廣場,現正進行裝修, 裡面非常亂,且光線不夠,但想起在中學時代常常和同學坐小巴'落城'食, 對這個廣場總有幾分好感,於是就決定在唯一光猛d,在底層既好彩酒樓食...三點幾未夠四點,好在仲有茶飲...由門口行入茶樓,沿途冇支客,冇人理你,他們只顧做自己野. 原來呢間野係自己搞掂....呢個時段都仲有客入黎,生意都算不錯...終於有人開位,開茶,但感覺上d waiter 乜禮貌都冇,面黑黑,匆匆掉低野就走...我們是但點了幾款好普通既點心:牛孖筋(落了超多蒜頭,好難食,90%冇掂過)牛肉(唔知點解好似起左個'穀'咁)鮮竹卷(冇乜肉,而且汁好'傑')干正(都ok)叉燒飽(ok)炒了碟干炒肉片河, 河粉唔夠干,有d似濕炒,仲要係加豉油撈果隻...食剩2個叉燒飽,剛剛諗住每人一個,finish埋佢,有伙計問'仲要唔要架? 朋友答,你話呢?　我心諗,呢樣係最似樣，冇理由唔要丫．食食下伙計在拉抬,四圍拉剩我們一張抬, 好驚呀!有時d野唔好食唔緊要，服務可以搭夠．但係呢間野在九龍城獨市唔優米,所以完全唔識改善,唔知乜係客

可能係附近茶樓少, 競爭少, 所以佢價錢唔吸引, 上次禮拜日飲下午茶, 樣樣點心竟然一律12蚊, 你話雪園級數, 咁就無問題...但以一個cheap cheap 地商場入面一間裝修樓底低, 招呼一般(一入去問你幾位, 個伙計原來問完就算, 佢自己走入廁所, 唔通招呼你入廁所?), 食物水準僅及格地方, 絕對唔值. 但茶客依然多, 可見巿場大, 供應少的悲哀.

有晚黎左呢度晚飯...食左好多野: 賽螃蟹..荵粒炒牛肉...炒耦片...靈芝菇炒西蘭花...瓦撐雞...仲有幾味唔記得左.....樣樣小菜都炒到好好味....食到唔停得口...尤其果個瓦撐雞.....係個侍應姐姐推介架... 以瓦煲上...好香.....好好味...值得一去再去....

十隻手指有長短, 一個飲食集團都未必間間有水準......呢間就係個隻勒!上個禮拜響度飲茶, D密質質(傳菜阿姐都到行唔到!), 冷氣唔夠, 人手又唔夠(D阿姐成手茶壺仲要被人截住落單!), 點心都係大路個隻, 但價錢就唔算大路(美心咁上下啦!), 大部份都OK, 最樣衰就係面頭整粒青豆燒賣, 唔覺有蝦, 肥豬肉就大把, 夠膽賣廿幾蚊一籠, 7仔點心好過?!