好彩海鮮酒家

營業中

休息中

我成日都嚟九龍城廣場飲茶，因為樓上嗰間裝修所以就到樓下一試，真係一試難忘，永不食用！入到去因為我哋有兩個小朋友都要BB櫈，帶我地入座嘅同左佢講佢冇理到，之後再同其他員工講都冇人理，之後帶位嗰個又返嚟再同佢講，黑晒面咁先攞兩張櫈過嚟！服務真係差，平時冇諗過入嚟食嘅其中一個原因皮蛋瘦肉粥：超多油，好稀奶皇包：奶黃味道不夠香鳳爪：普通過得去棉花雞：雪藏味重，冬菇魚肚不入味排骨：肉質好硬，超級難食燒賣：口感過得去但係冇香味整體來說他們的點心完全唔好味，樓上雖然係貴但係真係一分錢一分貨，但係啲夾普通飲餐茶一啲都唔平，點解唔食好啲！

喺假日嘅下午一家人想搵個地方嘆茶，揀咗九龍城廣場間好彩，因為知道餐廳坐得比較寬敞，可以坐得耐少少。我地大概1點半到達，等咗幾分鐘就可以入座啦，今次等位人數相對平日少。三個人點咗8碟點心，啱啱好食得曬，又唔會太飽或者肚餓。咁多點心入面比較鍾意蘿蔔糕。蘿蔔糕一共有四件，每一件唔算好大嚿。 蘿蔔糕唔算太油膩，而且唔會一夾起就成嚿散曬。另外叫咗粉果，一共有三件。雖然餡料充足，但係一夾起個皮就散咗，搞到啲餡跌曬出嚟，非常狼狽。叉燒包嘅水準都ok。如果要食得飽嘅，可以點呢一類包類嘅點心。另外點咗個比較特別啲嘅薄撐，煎得非常薄，睇得出師傅用過心機去煮。唔會太鹹或者甜，亦都唔會太油膩。切食六份左右，值得一試。最後點咗一碗粥，大概係兩個人嘅份量。粥嘅味道可以接受，但係餡料好似唔係好多，下次可能會改叫皮蛋瘦肉粥。今次飲茶以桂花糕作為甜品。桂花糕嘅味道好香，女士們就最鍾意食。酒樓環境夠寬敞寧靜，食物質素都合格，最唔好嘅就係啲職員質素真係好麻麻，個個都黑口黑面，少咁啲笑容真係會影響食客嘅心情。

小䱽有幸到九龍城分行出差，經理和一眾同事和我，後親臨九龍城廣場的好彩海鮮酒家享用午膳。點選招牌的燒鵝瀨，也有不同的精緻點心。「好彩」的質素不下於利苑、翠園等高檔次酒家，包括我們點的燒鵝皮脆肉嫩、瀨粉也充滿米香！

九龍城宜家飲茶冇乜幾間選擇了🤔🤔所以今日去到九龍城廣場最低層嘅好彩試下飲下午茶😎以為冇乜人，估吾到都要等一陣位！入到去坐低，明明一早已經問飲咩茶，結果開茶同拎小孩凳又要等！😫😫d侍應做事速度同態度可以有待改進😔😔之後order完點心，又再等左一段時間！好在黎到d點心係熱辣辣出唒煙😏😏點心味道都吾錯，整體而言，係ok嘅，佢有好幾款孖寶餐係幾扺食！我地三個人食左百幾蚊都已經好飽了😀😀

呢間酒樓只可以用一個差字黎形容。話說當日公司請食飯，中午去到呢間酒樓食。先上點心，味道麻麻地，但都算可以入到口。跟著黎左兩個炒飯同一個伊麵，味道淡而無味，啲飯仲有啲旱。雖然話就話係公司請，唔係自己俾錢，但講真啲咁普通嘅菜式都可以整得咁難食，都算世間罕有。跟著個重點黎喇。我同事食食下飯，突然吐左啲野出黎。喺碟飯度竟然搵到一塊匙羹碎片。望下佢條脷已經割損左，有血滴出黎。我心諗，有無搞X錯。萬人唔小心吞左咪腸穿肚爛，死得人架喎…離X哂譜! 我當時第一個反應就係要Call食環署，但因為當時人唔想搞大件事所以放佢一馬。咁就叫左部長黎睇，我預左佢一定係攞走件證件銷屍滅跡，事前我已經影左相。等左一大輪，部長笑笑口走出黎，話免茶錢免碟飯嘅錢。我心諗，駛乜你免我錢(況且唔係我比錢)，你唔單止連一句基本道歉嘅說話都無，個樣一啲歉意都無，就咁免碟飯錢就算數? 你係人唔係? 呢間咁嘅鬼打酒樓真係衰到無朋友，永世唔會再幫襯。完!

話說今日帶住一家10幾人去飲早茶！早上8點幾就去到9點入座！食到中午12點幾！點解呢？因為服務質素實在差到想反枱！畫完單寫埋枱號落單！都可以落漏晒d單既！想問下你地d服務員係咪無紙巾去廁所，攞d落單紙去抹屎忽？？前後共落6張單！只同我入左3張！仲要落漏野！另外果3張不翼而飛！！問你地點解仲未有野上，仲要大大聲話： 未落單，無收到錢想點呀？我都想問你想點呀！叫左咁多野10幾個人坐係度等食！點知最後同我講無落單，一句道歉認錯都無，仲借口多多話，借口1:人手唔夠。（你地內部問題關我咩事，等咁耐無野食，我已經無即時催已經體諒左你地人手少！如果再唔催係咪要等到晚市先知原來你地無幫我入單？）借口2:佢唔係做落單既唔關佢事！（唔關你事你走來同我吵咩野？搵個關事既同我講囉）總之以後唔會幫襯。

等了個半小時先有位，入內看幾次已看到有枱是空着的而擺好位，問服務員他們不理睬。如果是預留訂枱的不是應該告知嗎？！帶着老人家這樣等...下次一定不會再來！這樣的服務態度非常差！

My aunts are doing morning exercise at kln city park And tell me to tea break fast with the groupTogether The restaurant they like is Ho Chou This is a good idea because Chinese like Luck very 💪 much Near Lunar new year According to all aunties are good cooks So what they recommend I have to go Here is the Lucky egg yolk sweet flowing bunLooking lovely I think it's too sweet but also good when it's really hot eggplants and pork ribs on steam rice vegetables dumpingsThe most wonderful and creati

今日下午我們去咗九龍城廣場嘅「好彩海鮮酒家」飲下午茶！一去到嗰陣見到他們重新裝修後嘅店內環境比以前光亮，感覺都幾舒服！我們叫咗九製陳皮叉燒酥嘅外層焗得非常酥脆，食落有淡淡嘅陳皮香味，味道好夾，唔會覺得怪怪咁！特級鮮蝦腸粉嘅腸粉好軟滑，而且蝦肉嘅份量都幾多！潮汕特式炒米粉炒得好乾身，材料相當豐富！羅漢蒸粉果嘅餃極之晶瑩剔透，可以清楚睇到色彩鮮艷嘅餡料，味道好清新！翡翠菜苗餃嘅餃皮亦都係超晶瑩薄身，菜苗相當青嫩！蜜汁叉燒包嘅包質非常香滑軟熟，蜜汁嘅味道好香甜，叉燒嘅肉質亦好鬆軟！特級蝦餃皇嘅餃皮好煙煙韌韌，蝦肉好爽甜彈牙！醬皇蒸鳳爪燜得好腍好入味，醬汁嘅味道唔會過鹹！養顏藥膳鳳爪嘅藥膳湯底味道好清香甘甜！家鄉千層糕第一啖咬落去就食到有鹹蛋蓉，糖冬瓜粒同瓜子，層次感都幾特別，味道好香甜！

話說今晚去好彩叫左全隻片皮鴨食，其實隻鴨都幾大隻，個著住西裝的侍應片完鴨皮之後就挪走隻仲有好多肉連骨既鴨，我地以為佢地挪入廚房切，點知到埋單都未出現，埋單個時我地問翻，之後個個西裝侍應竟然好惡咁話問過我地唔要的，我真係覺得不可思議，我發誓佢完全無問過我地囖！其實我地唔係真係咁在意隻鴨去左邊，係個條粉腸既態度令我們好嬲，發誓以後唔再去呢間野食飯

10點同屋企人去飲茶，開頭啲點心都好快到，11點再俾單，等到11:45分都未有點心到，想搵個人問都冇，直行直過好似睇你唔到咁，之後又話要再等。由於趕住走所以同佢講取消埋單，等勁耐張單都未埋到，跟住啲點心突然又黎晒，同個部長講叫左唔要，佢態度好差，話"岀左黎冇得唔要，趕時間咪俾個盒你裝走囉" 咁都算喇！問佢張單有未，又話等等啦，第二個人負責。最後埋單冇俾小費，仲要黑口黑面！未試過飲茶飲到咁嬲，真係唔會再幫襯！！

成日同屋企人來食。今日來到，間野食物質表下降之外。點左個大富豪海鮮炒飯。求其到不得了。同我地之前點左一個肉絲炒麵的湯一模一樣。其實太多人，如果做唔到好的食物質表，就唔好出。真系經過今次都唔知來唔來好。

本人第一次寫食評，但真心覺得好嬲囉。。。尋晚至今颱風妮妲侵襲香港，但至今午已下掛3号風球了，就一心同媽咪嚟飲下午茶（我們是這十多年來常客），你好野👍👍👍。。。坐底先知冇下午茶，完全冇人通知，全部正價。。。貴到爆，打算叫碟賽螃蟹海皇伊麵，第一细碟過平時，第二DLi 個師傅自動幫我走賽螃蟹！？，咁狠勁嘅個廚房？？😡😡😡叫三個點心兩樣小點冇？係咪打風只做貴價點心呀？？原因話冇點心師傅，但你又識開門，又識收正價？？我好似去左挾檔。。。黑店囉！！🔥🔥🔥火都嚟！！以後真係唔嚟。。。無良食肆，挾得就挾！！食物質素仲要大不如前，冇本事收到呢個價錢囉！超級失望！！

今日下午我們去咗九龍城廣場嘅「好彩海鮮酒家」飲下午茶！我們叫咗特級蝦餃皇、翡翠菜苗餃、碧綠帶子餃、香茜魚茸腸粉、蜜汁叉燒包同潮式奶皇水晶包！特級蝦餃皇嘅餃皮好煙煙韌韌，蝦肉相當爽甜彈牙！翡翠菜苗餃嘅餃皮超級晶瑩剔透，可以清楚睇到入面嘅餡料，味道非常惹味！碧綠帶子餃嘅餃皮亦都係好晶瑩煙韌，帶子肉相當鮮甜嫩滑！香茜魚茸腸粉嘅腸粉好軟滑，魚茸嘅肉質好鮮味軟滑！蜜汁叉燒包嘅叉燒肉質好鬆化，味道好香甜，包質相當香滑鬆軟！潮式奶皇水晶包嘅水晶皮極之薄身，而且非常煙韌，奶皇相當軟滑，味道超香濃！

媽媽節當然就媽媽去飲茶！其實呢間茶樓我地成日都去！今日叫左新嘗試， 沙爹牛肉炒河兜亂，整得好食過好多潮洲餐廳，沙爹味香濃,牛肉嫩滑，入面仲有D波蘿同青椒，河粉又夠滑身，真係好好食紅薑酥皮叉燒酥，紅薑不太夾珍珠雞~內裡蛋黃好香，肉碎足排骨底下芋頭先係主角，入哂肉汁味馬蹄眉豆糕，根本就係馬蹄糕加眉豆帶子餃，皮好煙un