好彩海鮮酒家

營業中

休息中

曾經是一間五星級的高質酒樓，也是我們一家人在九龍城的喜愛食府，然而，近年的食物質素和水準卻不斷下降，令人非常失望。尤其是有一次點心竟然變壞，這種情況實在不應該出現在一家高級酒家中。然而，價錢卻依然保持高昂，性價比實在不符。值得一提的是，仍然有幾位前線員工默默耕耘，他們的努力令人感動。但更令人遺憾的是，當他們接到客人的投訴時，除了道歉外也無法提供解決方案，背後的管理層似乎並沒有給予足夠的支援。特別要提到的是這裏的高級經理（相信是酒樓的話事人或股東），他的態度實在令人失望。每次見到他，不是黑口黑面就係當眾責罵員工，完全缺乏作為管理層的專業和應有的風範。這樣的舉止，對員工士氣和客人觀感都造成了極大的負面影響。此外，最近酒樓的冷氣壞了一個多星期，卻完全沒有緊急維修的安排，早上的熟客只好辛苦地用扇子降溫。這樣的情況相信會令一眾忠心的早茶客也逐漸心灰意冷，甚至離開這間酒樓。我非常理解現在香港的營商環境尤其是飲食業的困難，因此這篇評價並不是純粹為了投訴，而是希望自己多年來喜愛的酒樓能夠正視問題，渡過這段艱難的時期，不想見到它有關門的一天。同時也希望在此辛勞工作的員工，能夠繼續在這裏安穩工作，得到應有

要落九龍城買少少嘢，順便去揾間酒樓食吓lunch。於是去咗九龍城廣埸間好彩度飲吓茶。一入到去見到燈火通明，環境算乾淨，但係可能因為多人嘅關係，D座位好迫，坐得唔算舒服。嘢食方面，D點心唔錯，幾好食，尤其係個叉燒，外脆內軟，有濃厚嘅叉燒同酥皮味。略嫌佢個牛肉球有D老，難D咬爛。唯一失望嘅係佢嘅鮮茄雞絲飯，佢完全冇炒過個飯，就咁倒D茄汁等嘅食材落白飯到算。但係overall 真心抵食，食咗9樣嘢都係420蚊找數。

濫收茶錢，我女只得4歲，根本完全沒有飲過用過茶樓的茶或水，經理強要計我女茶位，搶錢！亦聽到隔離枱都有類似的事，大家不要去了，免得勞氣。經理更與收銀夾埋做了一場大龍鳳，簡直趕客。難怪大家北上，決定再不幫襯，豈又此理！

上年12月中嘅星期日，家中有長輩生日，我哋去咗九龍城好彩酒樓食晚餐，我哋大約8個人，叫咗隻約4斤重嘅長腳蟹，佢係凍食，感覺唔太新鮮，都係蒸蛋或者伊麵底會啱我哋口味，仲叫咗幾個小菜，例如帶子炒西蘭花，燒乳豬，咕嚕肉，蝦，雞，壽包等等，味道可以。食肆依家好難做，好多時只做到－輪生意，佢哋服務幾好，我哋切蛋糕幫我哋枱面收拾得乾乾淨淨，又主動幫忙影相，值得一讃。希望酒樓支持到九龍城廣場折為止啦。

前兩天，跟女朋友所有人及親友，一行六人，彩酒家食晚飯。點了一個套餐，及點了一些小炒來吃。在最初，我們都覺得，在現今這個社會環境，不要要求有太多的服務質素，畢竟，這個小小的酒家，服務員及經理也不多（大概六至七位）。所以，我們都沒有太多要求。但，就由一碟辣椒油去挑起一個事開端⋯⋯估不到，一間連鎖式嘅集團酒家，連辣椒油也沒有！？服務員只給我們說只有豆瓣醬，沒有辣椒油，要不要？在我們連番追問之下，都是同一個答案，真的奇怪，為什麼在其他酒家吃飯？會有辣椒油？而這裏連辣椒醬也沒有。接着，我們繼續吃飯，也點了幾支啤酒，我們吃到大約晚上9:30左右，服務員便催促我們要盡快離開（原來他們關門時間是10點）我們還有餸菜及啤酒未？我們便告訴服務員，我們真的吃不完啤酒也沒有喝完，可否退錢？其中一位服務員說：退啦，退啦！然後我們便大約等了5分鐘，也沒有人退錢給我們，我們便再去追問那位主任，他說：那個服務員已下班，我不知道！再然後，在收銀櫃檯傳出：快x啲退俾佢啦!我們聽到，真的無明火起！是你們剛剛說可以退錢，到最後也不負責任，連經理也不管！這是真實的事實，這個酒家，連茶餐廳都不如！😡😡😡😡😡😡😡

九龍城食肆林立，呢間酒樓雖然價錢唔算平，但點心卻出色。蝦餃、燒賣唔在講，包點、腸粉亦十分美味。早市嘅咸魚肉片餅同鳳瓜排骨飯用小砂鍋上，米飯粒粒分明，每次連飯焦都食埋。可惜服務質素非常一般，仲有個黑面神部長😅

短短兩個月内，揾食肥華和靚媽被逼做新冠肺炎強檢，達到四次之多，好彩肥華係退休人仕，而靚媽亦在公營機構工作，至有時間應酬衛生署，做呢啲極度擾民措施9月2O日大约11：2O肥華，靚媽俩人在東頭村双双被人撩完鼻窿及喉嚨後便拍拖步行到，九龍城廣場呢間酒楼飲茶兼食晏，點咗一碟午市特價嘅涼瓜炒班頭腩河，味道可以粉底份量亦夠，但魚就得細細件嘅4，5件肥華食得一件咁多，話係特價都覺得唔抵食，而隻糯米鷄啲糯米就篜得夠乾身，食落冇䊢口感覺但饀料質素略差，反而其他點心虎皮尖椒，咸水角，义燒酥卻有水準表現可以講係好食，而為此店取回一個好評，呢三款煎炸點心值得向顧客推薦

以前嘅同事聚舊嚟到呢度食午餐飲茶嗌咗一個168蚊嘅套餐雲吞雞蛋白瑤柱炒飯同埋一青菜三個人食其實又唔係話好飽又唔算唔夠食可能叫點心仲抵食叫做好啲雞湯飲兩啖但其實隻雞得四分一隻同埋四粒雲吞

今晚提早同朋友做冬，叫左圍餐食飯，食物碟碟夠曬大，足十人份量，食到要打包拎走，太飽！菜單包括：西洋菜陳腎豬展湯冰耳燉雪蓮星洲炒米椒鹽豆腐炸魷魚鬚頭抽煎焗老虎蝦黑椒薯角牛柳粒清蒸海斑上湯蒜子浸豆苗臘腸臘肉炒時菜一品脆燒雞連啤酒汽水12罐，$4000一圍！吾算話好抵食不過做節有房一定會有最低消費，一年一次大家一齊食飯開心冇乜所謂🥰Happy gathering with friend celebrate Winter Solstice Dinner 🎊

一行六人，去九龍城行街食午餐，我哋去咗位於九龍城廣場最底層的「好彩海鮮酒家」，平日午市時段都滿座，非常熱鬧，座位寛敞舒適，普通酒樓風格裝修，店員服務人數略為不夠，叫嘢食你要等等。 午餐我哋叫咗上湯龍蝦伊麵、半隻南乳燒雞、八籠蒸點心、兩個炸小食，埋單$8xx ,性價比高而且非常飽，每碟都份量十足，龍蝦新鮮喺魚缸撈出嚟，即叫即劏，南乳燒雞整得非常野味，炸白飯魚炸魷魚鬚，大大碟夠香脆。 性價比高，值得去食的酒家。

8號風球冇得周圍去，唯有係屋企附近嘆番個靚茶，今次就同屋企人一齊去九龍城飲茶，間酒家係起商場入邊㗎，絕對唔使驚俾雨揼親😆😆1, 瑤柱蛋白炒飯😌😌呢個炒飯真係好好味，啲飯炒得粒粒分明，仲有係真係有瑤柱，而且仲有超白滑嘅蛋白。唔使驚太乾，因為會有少少菜加埋一齊炒嘅。每次去親依家酒家飲茶，我哋都會嗌呢個飯㗎，可以一家人齊齊食，好溫馨，好好味😍😍2, 時令蔬菜🥬🥬新鮮菜心，啲菜心嚟到枱面係熱辣辣，而且食落口入邊，好清甜，好新鮮，健康之選😉😉3, 香脆咸水角😜😜有時都會嗌下其他嘢，今次就揀咗呢個鹹水角，嘩，熱辣辣，即刻炸出嚟咁，仲會熱親咀要小心啲食😝😝

我每個星期都嚟飲茶，算係老顧客。今次實係佛都有火，我5個人等咗一個鐘⋯疫情多過4人分檯，好普通，我叫得5人當然係想喺隔離枱啦⋯你搞錯嘢嗌咗我個號碼入咗嚟，睇住你入第二枱去連檯度都算，諗住你都係比第二張我啫，點知你比兩張分到勁開嘅四人枱我，做乜啫？點食呀？我唔介意分到咁遠食嘅話，我一早講我3人同2人啦⋯咁我見到隔離連枱埋緊單，已經即刻同個侍應講我哋要去果邊⋯點知到人走咗，我行咗埋去，再叫侍應轉枱，佢先走去問轉唔轉得⋯之後果大粒嘢話唔轉得，入緊人⋯我同佢理論，你無位做乜又叫人入嚟，你比兩張咁遠嘅枱我點食呀？我要咁遠就唔洗等咁耐啦⋯佢話出面仲有好多人等緊，叫我哋一係食一係出去再等過，個個咁轉仲得了嘅⋯自己搞錯，人哋爭取返，你仲大聲鬧人，仲叫人排過⋯你無嘢呀？

假期諗住想 hea 下, 唔想周圍去, 晚飯就是是但但係返住果區搵食, 平時來呢度飲茶既多, 晚飯就真係少之有少, 呢晚見佢澳洲龍蝦做特價, 於是乎就試下啦, 點完菜竟然要等 40分鐘先來第一樣 - 涼瓜雞煲, 以為邊食邊等, 好快會來埋個龍蝦, 結果前後等左成個鐘先來囉,  雖然兩樣菜既味道都好好, 但服務就完全欠奉, 等候中途都已經催過服務員, 但佢地既回應係等下啦, 無咁快架, 但呢晚唔係人多, 係好疏落, 等等下周圍望下, 原來個經理坐係後面果枱同朋友飲啤酒吹水玩手機, 樓面, 廚房既野完全唔理, 唔怪得連 D 服務員都係懶懶閒, 想生意好都幾難

無黎一陣子，除左又加價外，真係覺得愈黎愈難食。入面明明好多枱但又要卜左位去到都要繼續等。成日都覺得d杯杯碟碟好殘舊、少污糟咁。茶飲壽眉係ok既。點心都係嗌返成日食個d。個燒腩仔真係好失望！！第一排個脆皮唔脆、食落又覺得個味怪怪地、第二排就正常返，所以好無食竟然要睇彩數。牛肉腸粉又麻麻。鳳爪以前係ok的，今次竟然都一般、得d花生好食囉🤦🏻‍♀️最正常已經係蒸飯同蝦餃同菜苗餃。但跟餐個菜心又係老到無水份咁又無味。同埋呢間野買單要等一萬年，次次趕都係自己行出counter。

其實食過咁多次，都係覺得佢普普通通，只係因為有得泊車，所以先至嚟但係今日竟然有驚喜！叉燒檬粉，檬粉正正常常，叉燒竟然好林，好好食好入味！有驚喜！嗌左一客例牌燒腩仔，個皮好脆好好食！滿分！其他點心不過不失，但係乳鴿竟然非常之凍，應該係一早整好嘅，呢個就真係好失望啦，因為每一次黎親，乳鴿都係好好食嘅下午茶時段，一大碗粥都只係$10 ，菜乾粥同埋三色蛋粥都唔錯，美中不足嘅係佢自己胡椒粉，唔脆片加喺上面，少咗香港食粥嘅特色