天然豚骨拉麵專門店一蘭

營業中

休息中

個日係銅鑼灣放工放得夜，成十點幾十一點都未食晚飯，頹頹地想食個拉麫就返屋企啦！諗起附近個間一蘭，就一個箭步衝入去醫肚～～～估唔到咁夜既時間都仲有咁多人食嘢，都要等幾個位先到我啊～一坐企叫咗個拉麫唔辣既，朋友見到有個配料套餐，咩都有，有叉燒、蛋、紫菜同黑木耳，都算貴架，$65，但又好似對比逐樣點又感覺好抵咁，都唔諗得咁多啦，個一刻餓到諗唔到嘢記得我餓到連湯都飲埋，個一刻覺得雖然一蘭好貴但好好食，要努力返工飛去日本再食過

一蘭拉麵好出名,但成日因為好多人排隊同埋唔知有咩特別,所以都無去到。今日諗唔到食咩就同朋友試下。人又唔算太多,可以揀麵嘅軟硬度同湯濃度等等。不過其實一個麵淨係配兩塊叉燒,其他餸要額外加配,就唔係好抵啦。拉麵都算上得幾快,個湯係幾濃幾好味嘅,個麵都比起出面嘅彈牙,不過其他餸菜就唔覺有咩特別啦。係店員都幾有禮貌,不過坐位其實可以整得舒服啲。

天然豚骨拉麵 這就是一蘭創業以來一直賣的拉麵，配料有叉燒和一些蒜泥葱花，麵上加有赤紅秘製醬汁。湯的濃度和油膩度可自定，所以配料都可加減，麵的硬度亦可調校，不過店家亦有提供建議最佳配搭。豚骨湯底顔色奶白，頗香濃，而且較少豬的臊味。加上店家十分重視的赤紅秘製醬汁（包含唐辛子和多種香料），令湯底層次及味道豐富很多。麵用了博多細麵，屬於圓麵口感，會較彈牙。只有兩片的叉燒感覺頗薄，但並會老或不乾身。反正一蘭本身注重湯底和拉麵的配合，這叉燒並不是主角，亦不能搶了主角的風頭😝把湯喝完後會現出「這一滴是我們最大的喜悅」的字句，感謝顧客的支持。其實這裡的性價比有點低，但絕對是他的味道而來😉

相信大家都食過呢間咁出名嘅拉面舖本身無諗住食，5點幾經過見好少人，唔洗排隊，就入左去食🤗入到去坐嘅位就一格格，好似同自己食飯咁其實佢就唔算太多選擇，都係揀下面嘅硬度葱花個啲我就揀哂最普通嘅，得蒜泥揀左多蒜泥🙊因為個人好鍾意食蒜泥 所以自己私心叫左多蒜泥🤫😆其實佢個湯都好好飲，但我就嫌有啲油，飲少少係ok嘅但多就會肥👹叉燒都同樣啦，雖然好好食，啲肉好淋，但食得多會肥🤫🤧總體而言，日本拉麵黎講佢幾好食，但就略嫌有少少貴咁

深夜食乜宵夜，就食下很久沒有吃的一蘭啊其實同以前吃的沒分別，不過可能而家嘴刁叼已經覺得沒有特別，只不過，因為貪心，我再追加一碟叉燒，叉燒其實薄了很多，一小薄片义燒。

本身住係港島區，一蘭初初開業時已經經常大排長龍，每次去到條龍都會繞過一圈，見到都唔想排隊所以，所以開業幾年後才有機會嘗試，今晚晚上十點去食，不用排隊，第一次去一人坐位既拉麵鋪，感覺好孤單，可以想顧客專心享受拉麵吧，但我是同朋友一齊黎的，所以感覺怪怪的，而且傾計好唔方便！好吧，講講碗拉麵吧，得兩塊薄薄的叉燒，真的值這價錢嗎？麵底亦唔見有特別，湯底開用粉開的吧，完全沒有食到用新鮮材料熬湯底的味道，唔難食，但唔值呢個價錢！最後，食完要排隊埋單，係我前面果兩位內地人，食了五百！好野

儘管食過好多間日本拉麵舖，但一蘭偏偏係我最愛。 行開銅鑼灣，又和友人去食一蘭拉麵，雖然佢得一款拉麵，但足以令我成日都想去食。佢有貼心一人座位，就算一個人去食都唔會尷尬，座位設計令人好有安全感。佢專屬辣椒粉令成碗面增色不少，我食開加2份辣椒，唔會好辣之餘又令湯底更加有層次感

新舖侍應居然稱未齊人拒絕我坐係裡面嘆住冷氣等朋友，要求我係30度高溫之下企門口？堅嬲嬲地，走去舊舖搏一搏，不幸地同樣被彈﹗您地都痴筋，好巴閉咩，我最多行去商場企住等，起碼有冷氣！朋友終於到達，再折返等位。拍住開孖舖那麼巴閉？兩個舖位拍住做，恭喜晒，真有信心。地方比以前更大更多空間，不用日曬雨淋，可以坐係室內嘆住冷氣等位咯。順便去廁所參觀一下，竟有電動廁所洗腸仔洗菊花，真係超高科技呢！就連音響設備都一應俱全，可以叫埋碗拉麵入黎慢慢嘆添喎，不過最衰無電視。度度點什麼拉麵先，其實由始至終都係獨孤一味叉燒豬骨湯拉麵，食客只可以挑麵的乾硬度、湯底濃淡度、要否添加調味或配菜、要辣還是不辣。如果有機會一定挑戰十倍辣，好期待啊！原來一蘭有出即食拉麵連湯粉喎，可以買返屋企送禮自用都好。幫襯多次落單後拉麵不到 5 分鐘就會送到，罕有地 10 分鐘已過還未有得食，餓死寶寶咩﹗可能因為全院滿座，突然踢晒腳掛。獨獨晚餐過海拉您個麵，先來 6  倍辣，再來 8 倍辣，最後才 10 倍辣吧！雖然有朋友仔稱一蘭好難食不喜歡，但我堅覺得好適合我口味喎！吉日吉時到，係挑戰 10 倍辣既時候喇﹗波子汽水，扮下童真飲汽水，甜

每次到日本旅遊都會在當地試一蘭拉麵，因為最近都沒有機會到日本，於是為了一解肚皮的相思之苦，決定到銅鑼灣。雖然有了兩間店，但每次來都要排隊，真是好惱人。這次在晚上11點後來，幸好人數不多，等了一會便可以入內。香港店的環境及裝潢也跟日本店差不多。不過至於價錢，香港店比日本略貴，也不知從何時開始，吃拉麵也要加一。每次到一蘭，都要先填表，當然面的硬度要選軟身，另外還要選加蒜、湯底濃淡度、蔥量。填好基本的麵和湯的選項，這裡的基本麵餐是不包半熟蛋的，要另外order。其實一蘭的麵份量比較場，所以一定也要order替玉。

之前到日本大阪旅遊的時候，初試了當地的24小時一蘭拉面，回來後一直心有所思想試一下香港的一蘭到底和日本的有何區別，以前一直因為旅客人多，排隊等太久的源故，這次終於捉到一個機會在不用等很久的情況下試吃了一把。無可否認，味道保持和日本的水準差不多，環境裝潢也繼承了日本本店的風格，至於價錢，香港店比日本略為貴1/4，地處香港中心銅鑼灣還是可以接受的。

日本一蘭相信好多人都食過, 香港反而未必每位朋友都來過, 由於之前大排長龍, 所以沒有來, 宜加熱潮過了, 就來試試!入到去其實全部野都同日本見嘅一樣, 但我意外佢地原來只有一款選擇, 即係無得選擇!當然面嘅硬度, 蒜味, 湯底濃淡, 蔥量, 辣度依然可以選加多隻半熟蛋要16蚊, 在日本一蘭果隻蛋係超好味, 香港果然失色了, 但這裡會幫你去蛋殼, 也很細心主角來了, 味道很好, 跟日本吃的一樣, 但肉只有兩片, 經常聽到人話好細碗, 果然是真的吃幾口就吃完了, 最後埋單$122, 我覺得很不值, 試一次好了!

晚上時段，銅鑼灣餐廳排滿人，女朋友話：不如食一蘭，好，就決定食一蘭。在日本食過一蘭，但香港就未嘗試過，今次就試下質素如何。行近一蘭已經最小10人排隊在店外，排左15分鐘左右，就可以入店，點知入到店。起碼仲有10個人排隊，再等多陣，終於可以入場。入到去，每人一個位置，好快已經上左招牌拉麵，湯底濃厚，麵質適中，好多蔥，我最愛好快，15分鐘已經不停食，食哂意猶未盡，但已經7分飽，同女朋友再下一城食甜品。

上次來到銅鑼灣一蘭，排隊半小時，中途走了。今次半夜再來，不用排隊，立即入座。麵，$95，我喜歡軟身；湯，好好味，其他店舖日本麵、牛腩麵，我都不會喝湯，一蘭除外，真係好好味；叉燒，兩塊，一般；加麵，半份$16，一份$19，至今仍未明白。

近兩三年，香港排隊食一蘭的人越來越少，每次想搵人陪我食一蘭，朋友都會話「一蘭！？又貴又唔特別喎」😭知己難求，我其實係一個食上癮既人。🥺🥺💕兩個人食，最鍾意加替玉加醋加蛋，加飯加肉。我的拉麵選擇：濃味湯底、清淡油膩、½蒜泥、有蔥、3倍辣、普通麵。另外再叫碟燒豚肉，因為拉麵的叉燒食兩淡就食完了，邊個叫我係食肉獸👹無肉不歡～㊙️至於加麵定加飯呢，我會投加飯一票！ 我成日凝住加替玉後鹼水味會重左咁，同埋拉麵的軟硬度唔係次次一樣。白飯就再熱辣辣D，當泡飯食，感覺似食酸菜飯湯配白飯！香辣豬骨湯撈飯先岩啊。鹹湯送甜飯～飽肚滿足感。💯

每次經過銅鑼灣一蘭的門口，人龍總是長長的。每當想排隊的時候，總會受不了門外的一股熱熱的空氣令我放棄。這天是星期六晚上，門外人流不算太多，肚子不算太餓，因此決定鼓起勇氣排隊。幸好，在門外只是排了十五至廿分鐘左右，終於被安排入店內！但只是入店內排隊 在店內排隊時 店員已遞上落單紙給我們order 最終再多等廿分鐘，終於被安排入座。 座位是好像圖書館自修室一樣的落單不到五分鐘，已經有得食了 第一次食到一蘭的拉麵🍜，湯底濃濃的，配上較幼的拉麵條，十分好食。可惜是拉麵份量不多，男生一定要追加多一份拉麵才夠飽