天然豚骨拉麵專門店一蘭

營業中

休息中

下着毛毛雨忽然有點餓了就去試下位於銅鑼灣的一蘭拉麵店了 一入去就有職員幫手度體溫同附上消毒酒精仲問客人要唔要口罩套 服務都幾細心周度🌻最近有promotions 只有加佢WhatsApp 就可以送一杯細細的凍烏龍茶可以幫手解膩呢 另外仲有會送多三塊叉燒作為thanksgiving✨落單都幾方便 座位附近有晒指引圖文並茂 簡單明瞭今日都叫行左陣街所以就叫左個清爽少油但濃少少既硬身拉麵再追加左一個白飯可以放湯食😬個硬身拉麵煮得好有咬口 麵根條條分明 湯底加左少少辣又濃 唔會太單一又或者太咸叉燒算是半肥瘦 唔會太乾身但唔算太特別有特色飯是一個加分點 煙韌好咬 放湯後仲粒粒分明 吸左湯汁後食太正啦💕飯後飲杯凍烏龍茶可以清清口腔既味道 杯茶既茶味就唔算太濃 比較淡味

最近經過cwb想食拉麵加上因疫情又出唔到日本玩但又好掛住日本嘅獨立吧枱咁唯有食住日本過江龍一蘭拉麵頂住檔先因為起碼都要一年多啲先可以去旅行價錢大約比日本貴一倍 但唔流點排隊但佈局同日本一模一樣都係比張紙你圈 一碗麵$95再可加其他配料湯唔會好咸 麵質中等 唔會好硬 質量整體幾好食 唔錯 都值得一試味道同日本差唔多 但係比較有feel😂如果大食少少 好餓就建議加底一碗真係唔係好夠飽職員都有禮貌 坐得都幾舒服🙂🙂🙂

拉麵湯底濃郁，豬骨湯不錯，叉燒也挺肥的，難怪那麼多人去吃呢，我個人比較喜歡拉麵是硬身，這裏做到我的要求，湯底不會太鹹，一碗拉麵都夠飽了～香港吃到的拉麵和在日本東京吃到的差不多味道呢。

第一次食一蘭大約15年前喺日本，當時幾乎係驚為天人咁好味。第一次喺香港食係2013年佢開嘅時候，排左個幾鐘頭隊，之後喺日本再食過十次左右，每次都好多人，遊客比例越來越高，後期有八成都係亞洲遊客，旅遊時興奮超高聲交談，咁我就再冇去啦，怕嘈吵怕混亂😅近期不能外遊，突然想起一蘭，咁就中午去了。不用排隊，不過店內都幾多人。點了一碗最硬身嘅麵，加咗八塊叉燒，因為我好喜歡食日式叉燒。麵好快就嚟，飲兩啖湯，感覺冇以前咁好味。麵身就太軟，似乎煮麵時間掌握得麻麻，比較失望係叉燒，真係冇香味冇豬肉味😳過去20年日本拉麵平均水準提高了極多，極好嘅小店有好多，香港嘅一蘭似乎需要諗吓點進步。

拉麵首選，必定係一蘭。久違了去銅鑼灣，平時假日必排長龍嘅一蘭，我同老伴都想去碰下運氣！可能抗疫期間少了遊客，少了人出街食飯，一蘭都唔駛排長龍了！一入店就提供酒精消毒同回罩人袋，仲會安排隔開嘅座位，本來一蘭都已經一人一格感覺安心小小嘅！最近店內推出左Thankful Gift，每碗拉麵嘅叉燒感覺比以前多小小，如果點 「一蘭精選套餐」或加叉燒，叉燒增量至6片， 小童不高過於120cm 仲有免費小朋友嘅拉麵送呀，不過要查清楚呢個優惠至到幾時呀！真係好抵食！要支持下！我同老伴都跟自己喜好點了拉麵，我偏好🍜🌶🌶🌶辣辣辣同軟身拉麵，老伴就點左🍜🌶唔太辣同硬身拉麵！一蘭嘅豚骨湯香濃唔會太油膩，配紅紅嘅自家製辣粉，加埋薄而唔肥膩嘅叉燒真係一絕！讚！

📍#天然豚骨拉麵專門店一蘭 📍#ichiran .🇭🇰香港銅鑼灣謝斐道440號駱克大廈A座地下F-I舖🇭🇰Shop F-I, G/F, Lockhart House, Block A, 440 Jaffe Road, Causeway Bay, HK.人均消費: HKD111.味道: 👅👅👅👅賣相: 👀👀👀價格: 💰💰💰環境: 🌹🌹🌹服務: 👨🏻👨🏻性價比: ⭐️⭐️⭐️回頭率: 🔆🔆🔆.酒後的確會好想食嘢！🤣酒後最好就係食麵，仲要係濃湯嘅麵！除咗可以暖胃，仲可以醒酒，萬試萬靈🤣🤣🤣.⭐️#豚肉拉麵 HKD96另外食一蘭嘅好處，就係唔洗揀要咩湯底！雖然感覺有啲似味精湯，不過岩晒飲完酒嘅我哋！豚肉淡香可以！喜歡佢個麵質夠幼，硬度剛好！如果加麵底我都食得晒！.💯#半熟鹽味蛋 +HKD16好好味嘅半熟蛋！味道清香，唔會好似滷過咁蓋過蛋香，而且有少少咸味幾正！雖然切開一半會靚好多，但的確咁食好食好多👍🏻.啲人成日話一蘭唔好食，其實係香港拉麵嚟比較算係幾接近日本，好味過好多㗎啦👌🏻👌🏻.#mfoodjournal #instagfood #foodstagram #hkeats #hkfoodstagr

好耐無食過一蘭香港一蘭味道同喺日本食嘅完全無分別平時次次都要大排長龍難得最近仲唔洗點排隊當然要再食返餐豬骨湯味香濃，叫2嘅濃度就最合適一蘭有個好似係有得揀油膩度，怕拉麵好油嘅我一樣可以享受拉麵辛度仲可以自行調較，香辣惹味配埋加蛋加叉燒就一百分完美不過一蘭麵量唔算多，餓起上嚟要加麵先夠飽而且香港價錢真係比較貴，加蛋加叉再加一差唔到百三蚊埋單差唔多係日本嘅double但食到日本原味道，貴多少少都值得嘅

每年又到打小人日子，必定會去鵝頸橋“工作”，長時間置身人多煙多嘈雜不陷嘅環境，有得抖緊係搵個清靜地靜心一番啦。要冇人打擾，又舒適，又可以任坐幾粒鐘，最重要係顧客質素高，安安靜靜，一蘭係不二之選。坐低柯打咗一碗例麵，同上年先發現嘅加料一蘭精選套餐，有鹽味溫泉蛋，有叉燒，有可以浸到溶化嘅紫菜，同最有口感嘅黑木耳，唔駛再左度右加咩嘢料，今年送多隻鹽味溫泉蛋，滿足感又大幅提升。日式拉麵味道濃，油脂多，香滑可口，獨特風味，唔鍾意可以自己㨂少油少蒜少辣，不過咁清淡就唔啱我喇^o^

香港有好多日本拉麵都好有水準，已經食咗好多間，但係一蘭個豚骨湯底🍖，真係令人念念不忘。以前有個日本朋友教我，佢哋日本拉麵嘅豚骨湯，係充滿濃濃嘅骨膠原🧏🏻‍♀️，對身體好，通常佢哋都係成碗飲晒。嘻嘻，每次嚟我都會加叉燒，今日好肚餓😆，所以仲加多半份拉麵，另一樣，喜歡一蘭嘅原因，就係可以依據你個人口味，為你烹調一碗屬於你的拉麵，我今日嘅口味係：❤️🍜口味濃淡：濃味油膩度：普通蒜泥：1份蔥：有义燒：有 （再加4片叉燒）赤紅秘製醬汁：普通麵的硬度：硬加麵：半份豚骨湯底係拉麵的骨幹，一蘭嘅秘製豚骨湯熬製10幾個鐘，濃郁順口，叉燒柔滑不油膩。自家製嘅拉麵，彈牙美味，一直保持水準，香香嘅蔥蒜，把整個麵推上高峰。你睇吓我，次次嚟都成碗湯飲晒😆，個湯實在好濃郁，太好喝了，而且飲完一啲都唔會覺得口渴👍。香港一蘭嘅裝修同日本差唔多，每人一格，好啱而家疫情下，自己有自己嘅空間。

拉面 $95口味濃度 (Dashi-Seasoning Stock)：濃味(Strong)油膩度(Richness)：普通 (Medium)蒜泥(Garlic)：1份(Clove)蔥(Green Onion)：有(With)叉燒(Chashu-Sliced Pork)：有(With)赤紅秘製醬汁(Original Spicy Red Sauce)：2倍(Spicy)麵的硬度(Noodle Texture)：軟(Soft)這是我每次去別的口味，很多人都喜歡別拉面別硬身 但我還是最喜歡吃軟的 感覺好似可以掛上更多的湯汁和吸收了很多湯汁🥰 想起都流口水🤤 湯底非常濃郁 好濃既豬骨味😍 再配合佢既辣粉 更加惹味 令人一口接一口👍🏻 它的辣是停留在舌頭上 所以不難接受也不會覺得太辣😋！十分推薦的拉面🍜它的麵條是屬於幼身麵條😍

上個星期， 一家大細， 想搵間餐廳食飯。 因為肺炎期間， 一定要乾淨， 少人， 經濟…… 諗嚟諗去唔知去邊。結果 醒起一蘭拉麵…… 因為嗰到一人一格。十二點零鐘去到…… 平時排長龍， 但係當日唔使排隊 唔使等！ 啱曬我嘅要求，唔會人多密集！裏面嘅格局 一人一格好清晰……但係有樣嘢唔好就係，連屋企人都見唔到 好自閉 嘅感覺。 不過算啦！我叫咗佢哋嘅標準拉麵， 中辣。當然係加麵底，因為我鍾意食麵。基本上佢個麵好好味！ 麵有質感，麵仲吸曬湯嘅味道..... 我比較鍾意中辣! 唔知點解食完佢 碗麵飲番佢哋嘅指定 ，抬頭冰水 (任斟嗰隻) 特別覺得 啲水甘甜解渴!總括嚟講(肺炎期間)去呢個地方平靚正乾淨!!最重要係唔使等!

夜晚收工肚餓突然想食個拉麵，宵夜冇乜好選擇，只想到24小時營業嘅一蘭。喺大阪可以一晚食3個拉麵嘅我，竟然冇喺日本食過一蘭，試下香港呢間都無妨。呢度出名自修室設計，一個人食麵都唔尷尬又夠衞生。一蘭拉麵$98只有一款拉麵，冇得揀。只可揀麵質、湯底濃度、辣度、蔥花等等⋯塊叉燒薄到見唔到，食落似普通瘦肉。不過湯底味道濃郁，麵質硬度適中，個人喜愛加辣，味道不錯如果有半隻溏心蛋就好，呢度得一款麵，承惠$98，只有麵+塊叉燒感覺不太值。不過環境夠衞生，店員有禮，夜晚無其他選擇都可以來試下

每次去日本旅行，一蘭都是必吃的。時隔一年未有到訪銅鑼灣店，今日再訪。正值肺炎的時間，這些孤獨座位正合我意。一蘭拉麵久別重逢，這拉麵真可口！先呷一口湯，湯汁油亮，味道鮮美濃郁，加上秘制辣醬，帶一點辛口風味，既惹味又可口，加上麵條幼細滑溜，掛湯的力度十足，正呀！配料套餐套餐有叉燒四片、玉子、木耳、紫菜叉燒是薄切的，本身是無味麗，主要以瘦肉為主，帶少少爽口的肥肉，但索了湯汁後，味道鮮美。玉子半流心，稠厚的旦黃幾有旦香，加埋爽口的木耳和脆香紫菜，真是拉麵的好拍檔。簡單的拉麵晚餐令叫人滿足，在這微涼的曰子中，吃過拉麵，肚子暖暖的，是小確幸。

說到喜歡吃拉麵，如果在香港沒有來過這家，就不要跟人家說你喜歡吃拉麵了!這家和日本的質素一樣!湯底真的非常棒令你想一吃再吃!拉麵店有很多，但這家是令我造訪最多次的拉麵店!每一次吃質素都沒有偏差，值得一讚!

This ramen is famous in japan. Although it had launched in HK for times but this is my first time to having ramen in this place. The seat is isolate one by one, so you won’t feel weird when you’re solo eater. The ramen is pricy, the portion is small and the taste is average. Although I choose the lightness taste of soup, it still taste heavy. So I will suggest you choose the lightness level of soup