天然豚骨拉麵專門店一蘭

營業中

休息中

有成年幾兩年冇食過一蘭lu🍜估唔到今次再嚟食，竟然係喺早餐時間😂今次去咗銅鑼灣呢間開24⏰嘅一蘭食早餐朝早嘅時間冇乜人，得小貓三四隻，任你坐咁滯🤗不過事關啱啱起身嘅關係，胃口冇咁好，所以一碗係絕對食唔晒嘅🤭今次點餐嘅時候加埋辣粉🌶，不過個人覺得好似唔加好食d，因為啲辣粉會覆蓋左豬骨湯味，下次都係食返原汁原味好啲😋

#天然豚骨拉麵專門店一蘭 (銅鑼灣)一蘭就似係日本既譚仔，令有有種食癮。偶然會諗起偶然會想食。而且想食果種感覺會一直令你心癢癢。最欣賞佢個湯底，濃厚嘅豬骨味，配上佢自家製嘅麵條，簡簡單單已經好好食。而且好有特色，唔知點解會令人記得佢嘅味道豚肉切得比較薄身帶小小油脂香，嫩而帶肉香。其實每次食一蘭都唔同味😂因為次次剔紙仔揀嘅配搭都唔一樣，都唔記得咗上次揀咩😂 但個人覺得濃湯是必須的，亦都唔好加咁多倍唐辛子因為會影響左豬骨湯嘅味道，建議三至四倍就好啦！

如果你問我，年輕人有咩驅使你排咁長隊都要食一蘭，係太得閒定無野做呀？ 係食上癮呀！唔知點解一蘭不經不覺成為左我生活一部分，開心食一蘭，唔開心食一蘭，過一段時間總會諗起一蘭，今日又過黎銅鑼灣排隊解下毒啦。今日晚上黎到一蘭，人唔算多，唔洗排到出門口，十五分鐘左右就入得啦。拉麵都係嗰款架啦，$95 係有少少貴，不過好味都無計啦。我叫左個濃味1份蒜嘅拉麵，麵要硬身，至於赤紅秘製醬汁當然要啦，仲要多多添！麵黎到，嗯～就係呢種香味，麵係我要嘅硬身，身落比較爽口。湯底認真夠濃，加埋赤紅秘製醬汁，微微嘅辣，真係令人飲唔停呀！叉燒好軟腍，薄薄一片，好味！總括而言，一蘭真係保持到水準，每次食都係咁一致咁好味！

今日去食完一蘭，覺得比岩岩開果時差左好多，特別係半熟鹽味蛋，本身由流心蛋變到宜家個蛋心係熟蛋，不過佢個湯都無變過同之前一樣咁濃味，油膩都係正正常常，叉燒都係一般般，麵幼而彈牙，落單都好方便排隊時就寫定紙，一入座就交紙，5分鐘內就上麵，價錢都係拉麵當中算中等價位。

今日冇約人食飯嘅關係，自己一個兒，嚟呢到晚餐。 銅鑼灣分店，我成日都覺得好奇怪，點解會有兩個入口，一個入口好多人排，另一個入口又冇乜人排隊。 初時 見到咁多人排，都想放棄。但行前，見到另一個入口冇咩人 就入去。 拉麵好好食，麵質好，口感好好，個湯底又好濃郁，叫咗個中辣，令到成個湯底好入味。加咗隻蛋，冇乜特別，我覺得蛋價錢有啲貴，要加麵好過。 個豚肉都切得好薄，好有口感。 唔使排隊嘅話，等唔使5 分鐘就有得食。快靚正！😍

黎到好似自修室嘅拉麵店，感覺好奇怪，一人一個箱。1至2個人一齊食都ok，3人以上傾偈就唔方便啦！但佢麻雀雖小，五臟俱全。自己可以加水，有得掛袋，後面仲有紙巾拎，有咩事就㩒鐘——叫人！由於只有一款麵，所以好快圈好就可以落單。天然豬骨拉麵$95麵有香濃嘅蛋味，比較幼身。平時豬骨湯會比較油，「油膩度」揀左「普通」，上面嘅油脂係可以接受嘅程度。叉燒上面有少少脂肪，食落唔油仲有少少咬口。一蘭精選套餐$65麵上枱時只有兩片叉燒、湯同麵。我哋兩個人想有多啲「質感」就叫多左哩個套餐share。加左黑木耳，爽爽哋咬落多左層次開心啲😂

食咗一蘭咁多年，兩間分店嘅水準都超好，一直都維持到！今日去銅鑼灣分店下午茶時間星期日唔多人，一入去就有得食啦！平時我都唔會食蔥，但食一蘭冇辦法一定唔可以走蔥，因為佢啲蔥都好味個人，通常食得辣嘅朋友，都建議要四倍辣以上，因為一蘭最出色就係佢嘅辣，湯底簡直係一流！我見通常話一蘭唔好食嘅朋友，都係唔太食得辣，每次去都係叫最普通嘅兩倍辣 ！以前一蘭有一個豚肉燒係超級好味，配埋七味粉加湯一齊食落口，直頭係人間美食！不過依家已經轉左煮法，用燉煮方法嚟整，就遜色咗啲啦！我每次食麵，都認為要加紫菜先至好味，加埋一杯凍嘅水，簡直係一蘭最佳配搭期待佢可以開更加多嘅分店！堂食永遠係好味過外賣，因為一蘭嘅忠實fans，當然已經試過晒佢所有面啦！始終都係食唔到堂色嘅味道！呢個就係佢一直以來嘅秘訣

今天跟朋友行銅鑼灣，不知不覺已到了深宵的時間，正當尋找美食之際，搵到這間日本出名的拉麵店，人流不算太多於是前去醫肚。餐廳完全照着日本的店舖來營運，座位是自修室方式設計的。客人可以根據自己的口味點叫即煮的拉麵，非常有着日本人專業性格的特色。今次加了豚肉作為小食，味道偏鹹，但肉質不錯。再加了流心旦，質素跟日本吃的一樣非常高質。在香港餐廳能夠感受到那份日本人對食物製作的專業，非常開心。餐廳經營時間亦合適夜貓子，下次必定再來。餐廳內的洗手間亦跟足日本風格非常有趣。

一蘭是眾多香港人都聽過的著名拉麵店，先是在日本發揚光大，在日本各地都開了分店，然後又在五年前在香港開了分店，而位置當然也是在旺區尖沙咀和銅鑼灣，直至五年後的今天，依舊會有人龍。在網上看到有不少人說一蘭的質素大不如前，但男朋友跟我一樣是個大吃貨，在銅鑼灣吃完正餐後，仍惦念著他最愛吃的日式拉麵，所以「被」一起去吃。雖然說是非繁忙時段去到，還是要等位，也不是等了很久，等到大概10分鐘就到我們。一蘭之所以賺這麼多錢，大概有其中一個原因是它年中無休，即使是新年期間仍然是照常營業的，和日本的一樣，也是24小時營業。拉麵大多有兩種分別，一種是就這樣下單，不能自由選擇麵底、油等等的份量，就這樣點完，廚房便弄了，另一種則像一蘭一樣，可自行選擇配料的多少。看自己偏好哪一種吧，好像也沒有分哪一種才是正宗的。而在如此有名的食店，當然亦有跟其他食店的不同之處，以落單的程序來說，平常在餐廳大多是叫店員幫我們下單，而在這裡則是圈好選項後，按桌面上的按鈕，之後便會有職員替客人弄拉麵。還記得之前到大阪也有到一蘭吃拉麵，日本跟香港在店裡的間隔方面也有分別，日本跟香港一樣是用木板作間隔，確保每位客人的私隱度。而日本則多了另

我真係好鐘意食一蘭，因為佢既湯底好濃，食完個麵仲要落埋個飯落去當泡飯食先係最正！我最愛佢有得customize自己既拉麵，葱呀蒜呀，麵既硬度，湯底既濃度都有得簡，咁唔洗怕唔岩食。另外大完記得試下單嗌隻蛋食，咸咸地好好味的。

上個月去完日本，一直返到香港都好想食拉麵，見放假就出左去食。真係好麻麻地，麵質麻麻，味道又麻麻地，肉又無特別🥺🥺🥺好失望。之前仲見話好多人去排隊，以為食得過，原來都係伏伏地🥺

夜晚9點幾先得閒食飯，見到一蘭24小時營業，所以特登入去朝聖。入到去一人一格，毒坐位。一坐低就有店員企喺個位前面收單。成間店淨係得一款拉麵，可以揀口味，油膩度，辣味等等。因為個人唔太鐘意濃味，所以叫左淡味清淡少辣。碗拉麵份量唔多，食幾啖啲麵已經食哂，叉燒幾入味但係得兩塊，如果份量多啲會開心啲。埋單105蚊，如果想一個人毒食都算唔錯嘅選擇，但係份量唔多，可能要加底。

一蘭係香港嘅分店一直都有好多粉絲支持，所以門口不乏人去排隊。好彩呢間舖都算大，所以唔算等左好耐就可以入座。呢度我比較欣賞嘅係環境，個種自閉食拉麵嘅感覺好似去左日本咁。服務態度都算幾好，而且上菜速度都幾快，整體感覺唔錯嘅。可惜佢埋單加一啲毫子係向上進位，雖然最多只係俾多9毫子，但咁樣做令到顧客好唔舒服😡因為佢太唔老實了！個拉麵我揀左普通濃度、清淡嘅油、仲有四倍辣！佢最出色其實係個湯同辣粉。相反拉麵同個叉燒就好一般，冇乜特別。個拉麵份量比較少，同我同行嘅女性朋友一個要叫個飯，令一個再加多左一份麵🤣先至夠飽。我估如果一個男仔嚟食嘅話，應該覺得更加空虛。

一蘭係日本🇯🇵食過，香港🇭🇰都係第一次食。日本食完覺得中規中距，不過不失，但又未去到心目中咁高分，所以返到香港都想再試試佢咩料子。 其實本身想加辣，不過喉嚨有啲唔舒服，所以下次先啦(⁎⁍̴̛ᴗ⁍̴̛⁎) 麵身呢我偏好軟身啲，個人喜好ONLY。湯底唔算好濃郁關係，唔係好咸，啱哂我呢啲不算重口味嘅。 豚肉同麵量份量都唔算多，女仔食完要飲幾啖水先有飽意，男仔應該要食兩碗哈哈哈！ 整體同日本好相似，無咩大分別，平時唔駛排隊都可以去速食下，要排隊就免了。

今晚夜了收工，打算簡單吃個晚飯，食碗麵就可以，便去了銅鑼灣的一蘭拉面。今晚去到已經九點，所以無需排隊。食一蘭不用選擇菜式，不用傷腦筋日😂只要選擇面的硬度，湯底辣度，或者需不需要加配料。我幾乎全部揀普通，辣度揀3，今次食一蘭，覺得湯底麵底和以前食的味道很接近，品質控制得很好👍🏼👍🏼，但是叉燒就略為細快了少少😌。一欄的湯底很夠味有濃郁的豬骨味😋，辣粉是特製的，很開胃，拉麵是的幼身的，很彈牙爽口。雖然只有面和兩塊小叉燒但是也食得很飽，因為湯底很濃郁😍