大盛日本料理

營業中

休息中

泡菜鍋定食 （lunch set） @ 大盛日本料理呢個lunch set 係觀塘黎講算抵食，50幾蚊但份量算多。泡菜鍋微辣，用佢既湯黎拌飯非常唔錯。肉可以揀豬、牛或雞，隨你喜歡。蔬菜會比較多，感覺好似健康左。

:$29,青瓜超多,芒果卻很少兼切得好薄,幸好唔會好酸,鋪上面的蟹籽超多,可惜有渣的,所以沒有吃得太多.要彈是沙律醬,應該話沙律沙先啱,完全沒有味道,淡茂茂.刺身:$58,三文魚和三文魚腩,前者$40,後者多$18.$58,考慮過後還是吃三文魚腩.嘩,一吃不得了,三文魚超肥美,又夠魚味,油份多,仲要厚切.正呀!58元有8件唔算貴,只是我們只有二人每人分四件有點兒漏啦花之卷壽司33元,這個失望到不得了,三文魚味欠奉,只是切得厚厚的.飯又硬硬的,超級唔好食,下次可以不叫$29,海膽少量,紫菜太淋,飯又太硬,味道一般三文魚壽司2件$15,三文魚味好過花之戀壽司的,尚算食到魚味.帶子壽司2件$20,帶子超薄,帶子唔夠新鮮.雞泡魚干$31,燒得唔夠乾,唔加檸檬汁味道更好總括來說大盛的食物仲係未回復番以前水平,難怪七點幾還是一半人都冇.雖然食物唔算貴201元(85折後),也食得好飽,只是驚喜欠奉,又無乜衝動再去食啦!除非掛念三文魚腩刺身時會再去食的吖服務:由於人數少,所以待應相對比較多人,所以時不時都有人斟水和好快找到待應服務.

星期六要回公司OT，下班後就和同事找午餐，同事表示不想去太遠的地方，所以就到公司附近的大盛。因為已經是2點後，加上星期六，所以人不多，食物也快上枱。泡菜鍋定食($52+$5轉手打烏冬)每次都會叫這個，湯底微辣，份量很足。最初只有配白飯，現在加錢可轉手打烏冬或拉麵，我當然是轉了，味道沒變，有保持水準同事說另外2個鍋物也不錯，有機會可以再試試。

520日～咁岩又係星期五～係一個好好的藉口，出去同同事撐下枱腳，食番個lunch~Lunch set 除左鍋物，仲有魚生飯選，但因為我唔太好魚生飯的關係，緊係選左鍋物定食喇～一個鍋再跟埋飯包埋飲品，都係$52，觀塘黎計，都差不多喇～轉烏冬都係加$5，唔係唔轉下ma~😏😏唔知係咪食飯時間的關係，店員好心急想同我地落單，係咁問我地落得單未🙄🙄🙄等左陣上菜喇～一黎就俾錯左個飯我～等埋個烏冬先一次過食～😁一飲個湯～Wa！超重味精！可能個湯太重味，豬軟骨唔係好食到味😓烏冬是分開上的，可能為左方便任客人配不同主食，又可以快d上菜喇～烏冬無咩特別，但唔係彈彈果一種，如果同個鍋一齊煮，應該會淋哂🤔鍋物真係唔太好，但見到同事的魚生飯賣相都唔錯，我諗都可以一試的～

同同事出去食午餐，見間野幾多人等位，就試埋一份。點左穩陣既咖哩吉列豬扒飯，普普通通啦，d咖哩夠濃但唔算好好味，塊豬排炸得岩岩好但冇咩味道，比較可取係平囉，抵食日式午餐！

今日晚飯時段去咗觀塘嚟間大盛食， 入到嚟首先服務品質好好，餐廳乾淨位置舒服。 （坐低發現佢地擺放筷子嘅方法好特別👍🏻） 有兩份menu 一份野食一份飲品。 我地兩人叫咗 三文魚刺身， 螺肉， 魷魚壽司，熟蝦壽司，帶子壽司。 仲有炸年糕，一口牛肉粒。 推介三文魚刺身同一個平平無奇嘅炸年糕三文魚刺身真係無得頂， 厚身鮮甜！炸年糕有兩塊，一個係芝士年糕一個係芋頭年糕 ， 芋頭年糕比我想像中整得好味， 軟度適中，甜味恰當！ 另外青蘋果椰果冰幾好飲😍

唔記得呢個係咩魚，但口感非常嫩滑，燒得香口，仲有魚油流出。個汁鹹中帶甜，撈汁食飯無得輸，連我不喜歡食飯都可以清哂一碗，正！記得當時見到隔離兩枱都有人點，所以先跟風點一份，果然超好味！

大盛一直都係同朋友食lunch同dinner既好地方。價錢平，質量好，夠大份，唔怕d大胃王話唔夠飽。今次同fd黎食個lunch，吹下水咁。呢個係燒鯛魚腩飯，鯛魚生食就食得多，燒物就真係第一次食。鯛魚本身既魚味好夠，經燒煮之後味道更濃，魚皮燒得岩岩好，妳滑，而且唔會有魚腥味，因為係腩位，魚皮同魚肉之間既脂肪層非常香，配飯食真係一流。另外就係雞肉清湯鍋定食。好老實午餐價錢50蚊左右，有個鍋俾你食下，份量都幾大份，菜同肉比例有d失衡我又覺得可以接受。鍋入面有冬菇金菇同大量高麗菜，面就係雞肉，雖然話就話雞肉唔多，但係食到尾又撐到飽，差d連d雞都食唔哂。

大盛一向以魚生、壽司出名，不過今日點嘅雜錦魚生飯就有待改善。呢個飯樣OK，份量都好足，不過魚生就唔夠新鮮，海膽同三文魚籽都無咩味，大蝦味道都OK，但蝦膏就帶雪味。其實之前食晚飯都好味，但今個下晝就麻麻地。

大盛特選刺身拼盤 （$488，會員$366.8） 除左夜蒲料理外，大盛仲出左個大盛特選刺身拼盤，而位拼盤同樣限時販賣，只限晚上6點-10點！刺身拼盤分別有海膽1板、活赤貝2隻、三文魚4片、油金魚4片、劍魚4片、吞拿魚4片、八爪魚8片、甜蝦4隻、北寄貝8片、帶子4片，咁岩當時司令去到活赤貝賣晒，師傅就換左兩個大生蠔比司令！而司令再另外order左份三文魚刺身，師傅亦都放埋落去。上枱個時超大盤，雖然個盤的確大左啲，但刺身份量都算多，刺身都算厚切又鮮甜，價錢都唔算貴！岩晒喜歡刺身既朋友約埋三五知己一齊share食，同埋唔夠喉既話，可以再加多幾份刺身食！司令問過嫁喇，宜家只係得新蒲崗同觀塘既大盛先有得order 咋！鰻魚壽司（$49.6 一件）司令同屋企人一向係大盛既忠實fans，最近同屋企人又去大盛食，見到個menu唔同晒，先發現原來出左個期間限定夜蒲料理菜單，星期一至四六點後，星期五六日九點後，就有特定既料理有平😏！而且種類非常多，刺身、壽司、卷物同和食都有嫁！司令叫左好幾樣食物，推介鰻魚壽司，優惠完都要成50蚊一嚿壽司都咪話唔貴，但係佢一嚿鰻魚壽司等於要左佢半條鰻魚，食既時候十足十個土豪

早已聽聞觀塘大盛日本料理的壽司大份而且新鮮，與友人相約多次，可惜一直未能前往一試。好不容易相約成功，便滿心歡喜前往品嚐晚餐，結果沒想像中的出色，不過也值得一試。傍晚六時多前往大盛時，碰巧下雨， 出乎意料地不用等位，而且人流亦不算多。除散點Menu外，亦有二人餐可供選擇。當中，長壽司比較出名。點了鰻魚長壽司和火灸長壽司，食物質素頗佳。另外點了三文魚刺身，海鮮拉麵和八爪魚丸子。三文魚刺身十分新鮮而且厚厚的，物有所價! 海鮮拉麵味道一般，八爪魚丸子必定要襯熱吃，吃下去脆脆的，超贊!

中午想搵啲茶餐廳意外嘅午餐所以就黎到呢間日本料理lunch照燒雞扒拉麵雞扒燒得過喉 識落有啲燒焦的味道但肉質都尚算可以唔會太乾至於拉麵較普通一般即食拉麵 沒有特別麵質偏林 無彈性

食九點半宵夜時段 話就話低至半價 但就大部分都貴過半價 叫左牡丹蝦刺身 帶子刺身 同几款壽司 最令我哇然既係我從未貝過咁薄既帶子刺身同三文魚腩壽司 三文魚腩仲要瘀黑色的 同一個類似話得事既光頭叔叔投訴 佢話正常係咁!!!  令人氣結! 有被騙感覺！

到觀塘工廠區的 大盛日本料理 Otanri Japanese Restaurant，和男友共進午膳。看過餐牌，冰點了愛吃的蛋包飯，名為吉列豬扒蕃茄奄列飯。上菜速度很高，不用怎樣的等。食物質素僅屬一般：吉列豬扒炸得脆口，但稍嫌乾身；雞蛋煮得有點老；白飯太過乾硬，伴著茄汁吃也沒令白飯變得好吃起來。唯一可取之處是份量很大，白飯十分多，填飽肚子屬一流之選。男友揀了蒲燒鰻魚拉麵，冰吃了一點，麵條有嚼勁，軟硬適中，鰻魚質素亦不錯。是隔離飯香，還是此店麵食質素比起飯餐為高？環境方面，畢竟是工廠大廈內的餐廳，即使燈光調得較為昏暗，營造氣氛，但內裡座位密度以及人流，是食堂水平，請別抱太高期望。價錢方面，比一般工廠食堂稍高，兩個人，一人一客午餐 (送飲品，冰點了麵豉湯，男友則要熱咖啡) ，埋單約$120。要是下次再來，冰或許會一試其拉麵，或者，索性去其他餐廳？

知道大盛日本料理9點半後有半價，特登同屋企人等到9點半後入場，散叫本身有d貴，但係半價後就幾抵呀。食物質素其實都唔錯，比起區內不少放題好，其中最值得一讚既係金菇肥牛卷，非常多汁好嚼口，另外一味濃湯煮蜆都唔錯呀，相當入味而且有唔少蜆肉，壽司都唔錯呀，生蝦壽司真係好大條，不過相比下帆立貝就比較乾身，海鮮粥就較為晞，但海鮮也算足料，食落亦尚算可以。價錢來說人均消費大約$150，食得飽勁滿足呀，個人認為尚算合理吧。