大盛日本料理

營業中

休息中

呢日好想食日本野，就揀左係公司距離大約10分鐘步程既大盛，呢度有樣好，只要拎住呢度7日內食過既單據再黎食，就可以按單據上面既九折減番今次食既單，即係吸引你一星期食兩次咁解🤣呢度lunch set 都算多選擇有自選壽司餐鍋物、咖哩、丼飯人氣推介、魚生飯面食今次揀左鍋物，泡菜牛肉鍋本身個餐配飯，或者你可以加六蚊配烏冬或者拉麵🍜。個泡菜唔會好辣，牛肉唔會太熟，你見張相都仲有紅紅地，所以牛肉唔會太老，岩岩好。我好中意呢度既烏冬，夠彈牙，咁樣都只係64蚊，係觀塘黎講，以呢個質素算抵食喇

觀塘對我來說是充滿工業特色的一處地方，與美食據點不多，但近因隨租金關係成為不少創業群進註，更帶動不少飲食新動力，而今日我要為大家介紹的是一間日式料理名為 大盛日本料理- 由於是一人的午餐，我只點了炸蝦及叉燒拉麵。吉列炸蝦兩隻兩隻吉列炸蝦只需9蚊，相信未必每間日本餐廳都做到，價廉之餘亦保持中等水準，除此還有其他吉列海鮮選擇。叉燒拉麵（豬骨湯）味道屬中等之作，拉麵沒有特別出色的地方，主要在價錢與味道之間能取得平衡，拉麵加炸蝦再加凍飲，只售$67，係較為平民的日式餐廳。

好耐無黎大盛食LUNCH了，可能今日係星期一的關係，似乎不算很多人喔!佢地個Menu一如以往都係咁多選擇，但就改左個版面設計，好似比以往更偏向日本風格!價錢亦好似稍稍作了調整...同以前一樣，次次我都會叫壽司定食 $66呢款定食包左3件是日卷物，壽司任選5件，沙律同手打湯烏冬今日係星期一，會有3件炸蝦反卷，另外5款不同的壽司我分別揀左: 玉子壽司，蒲燒鰻魚壽司，三文魚壽司，蟹籽軍艦同芝士蟹籽軍艦每次食完大盛都可以滿載而歸，食得好飽呀! 

早排嚟食過午餐,  見到佢有個壽司套餐好似好多嘢好抵食咁, 於是今日嚟試下係咪咁抵食~唔知點解2個人要等位, 但4個人就唔駛等位囉~ 上次嚟食都係一張4人枱搭2個2人坐, 但今次竟然唔比, 好彩最後佢係比張2人枱我, 如果唔係真係白等~呢個壽司套餐對選擇障礙症的人係一大挑戰, 因為有23款壽司比你選, 要選5件, 當然可以重覆, 但真係諗到頭爆, 除咗自選壽司5件外, 仲有是日卷物、沙律、烏冬同飲品/麵豉湯, 真係哂豐富~ 壽司套餐沙律 -> 有粟米、車厘茄、青瓜、沙律菜, 再配酸酸地的沙律汁, 估佢唔到味道都唔錯, 而且啲料都算新鮮, 唔似放咗好耐~是日卷物 -> 已經編排好每日係咩卷物, 而是日卷物係炸軟殼蟹卷, 絕對嚟得合時, 炸軟殼蟹係我至愛, 仲要係有3舊, 頭同尾都凸出咗舊軟殼蟹, 夠哂大件, 不過已經凍咗同林咗, 差少少~自選壽司 -> 選咗白鳥貝、虎蝦、間八、鯛魚、象拔蚌, 雖然係細舊啲, 真係一口壽司, 但有5件比你, 算係咁啦~ 總之佢唔係放到暖哂同腥就已經唔錯~湯烏冬 -> 有1片鳴門卷, 小小海帶, 一啖食得哂的烏冬, 雖然話係手

周日與友人在觀塘聚會後，要找地方吃飯。自從觀塘變身成商貿區後，區內多了白領上班，連帶開了很多特色餐廳，為上班族帶來不少選擇。到了周日，商貿區其實並沒有減少，原因是自從apm開業之後，觀塘同時也變身成一個購物區，所以其實周日也不缺人流。這次去年位於工廠區與商貿區交界的大盛日本料理，地點位於觀塘道，步行前住最方便的方法應該是由裕民坊過天穚前住，落地後再步行一陣便可達到。雖然餐廳位於工廠大廈的地廠，但內裡的裝潢卻沒一點工廠味，跟其他的日式餐廳沒兩樣，而且更有吧枱，可以看到廚師們工作。這次點了壽司、魚生飯及手卷等，食物的味道不錯，而且份量甚多，足以提升性價比﹗正因如此，周日晚上的食客數量不少，可見除了工廠區或商貿區的工友外，觀塘街坊或到觀塘shopping的朋友，似符也是支持客呢﹗ 

雖然官塘係好多餐廳,無論中菜泰菜日菜都有好多,我揀呢間其實因為我食左好多次,而且係開左好耐,價錢親民,仲重要食物質素都唔錯,如果要百幾蚊落樓,呢間係不二之選。前菜係蘆薈蟹籽沙律,青瓜新鮮,蘆薈多汁泡菜牛肉鍋,賣相係無,不過勝在牛多泡菜多,湯底有d spicy ,入面仲會有芋絲,所以都幾飽肚壽司都幾抵,因為初初餐廳特色係長壽司,咁多年都係冇變過,呢個燒三文魚好正,面頭有陣炭火味添。都靈魚份量相比起其他size細d。留意返menu都係咁既size最後係刺生拼盤,鮑魚係熟既,帶陣好香既豉油味。帶子就配黑松露醬,不過味道唔係好夾 ,總恬都算抵食。

好多時去開觀塘就會諗起呢間日式餐廳，d野食幾大碟，價錢又不高，算係幾抵食下。蟹籽沙律呢碟小食沙律必點呀！一睇相就知非食不可！！蟹籽多到一個點呀！！未食過一間蟹籽多過佢，一入口啖啖都係蟹籽！！爽！！海鮮鍋 分量相當足，入面有唔同種類嘅海鮮，例如帆立貝，青口，魚等等....個湯都好鮮甜。雜錦天婦羅 有炸蝦天婦羅，番薯天婦羅，南瓜天婦羅等..... 最特別係有多春魚天婦羅！！最後黎多碟日式炒飯，大大碟，幾個人share啱啱好！

觀塘都係我常搵食嘅地方～～大盛都食過好幾次～不過有咗放題就真係好小再去食嚕～因為佢地嘅價錢唔係平～～但質素係唔差～佢地方真係幾大～唔洗迫真絕對真～今次同哥哥去食～有架BB車～佢地比咗六人枱我地～我地得四個人～不過唔洗點等位～～佢地有分激安時間入座～會平啲～服務員態度幾ok不過熟食上菜太快，刺身反而後上……就有啲唔好～食嘅～我最愛 蟹子沙律，刺身幾新鮮～但最想食嘅三文魚腩刺身無晒……肥牛鍋同鰻魚炒飯太甜好怪～可能要叫小甜😂😂不過食物份量算大～價錢唔記得所以影埋張單～～

一大班人想近近地係公司附近食野既話，我地會揀大盛，貪佢位多，同埋出示員工證有9折✌✌我通常都會叫豬軟骨拉麵，佢價錢平，又大碗，湯底夠味，不過豬軟骨既水準同份量就唔係次次一樣，要睇運氣😂有時佢既豬軟骨煮得夠淋，痴住既豬肉又唔鞋，仲會俾3-4大舊，好抵食。但如果嗰日你運唔好/師傅心情差，啲豬肉就會好鞋，而且有時係冇軟骨😂😂同埋得1-2細舊…不過佢既溏心蛋都好好食，蛋白浸得入味，蛋黃超溏心，夾埋岩岩好~只可惜得半隻，同埋配料有好多芽茶+粟米粒大盛有樣抵就係凍飲都唔洗加錢

這裡曾是我的飯堂，後來食物質素下降便捨棄了，今日經過再來回味一番，豈料有驚喜！吉列炸蠔 $44別以為這價錢便給你下流貨色，炸粉不太厚，還吃到啖啖的生蠔。芥辣八爪魚軍艦$25大推介！壽司是一口的份量，八爪魚與飯的份量剛好，不會飯太多而魚生太少的感覺。口內充斥著八爪魚與飯的味道，十分夾。辣味三文魚軍艦$21又是另一大推介！三文魚豪不吝嗇的鋪在飯上，比起連鎖壽司店的更有心！煙三文魚壽司$20 這個相對下失望了，沒煙三文魚的味道，像是普通三文魚，普通沒特別。火炙胡麻帶子卷 $34帶子size在這價錢算合理。一口吃完一件。剛剛好，正！木魚露筍天蝦卷$34這款不過不失，炸粉略嫌太厚，味道略嫌不夠，普普通通~ 醬燒三文魚腩加州卷$34 賣相不錯，味道還好，沒太大驚喜，普通。北海丼$128這款一上枱很吸睛！大大碗滿到快瀉了！吞拿魚腩蓉很好吃！帶子大大隻香甜多汁。三文魚每一件都很新鮮很可口！這碗吃得很滋味每一啖都吃得得滿足！紫菜是脆口的不是軟軟霉霉的那種，推介！飲品醉生夢死$38賣相挺好成jar飲，酒精味不夠重，甜味太多太甜了。今次有好幾款壽司都讓我們有驚喜，不錯不錯。原來星期一至四有二人餐的優惠，下次

呢間大盛已經食左N次每次經過觀塘都會去食， 主要原因是呢個價錢呢個質素真係冇得頂仲有無論你幾時食都唔洗等位！！ 如果想再抵d，只要激安時間入座就可以用激安價！服務員的態度亦非常好，會馬上幫你落單同定期fill 水上菜速度亦非常快，不過有點太快😅⋯⋯食物方面，我非常推介豆腐野菜沙律，非常新鮮，配上芝麻醬十分美味。 另外，一定要點醬燒三文魚腩壽司，入口即溶！ 一定要試仲有唔洗去元朗都食到特長壽司， 鰻魚壽司是不可錯過的。呢間大盛仲有燒烤，火鍋，炸物，炒飯，多種不同選擇，非常適合多人聚會😋

係網上外賣平台 見到呢間日本野 睇相好似幾好味所以lunch叫左個牛肉壽喜燒飯黎試下送到黎賣相ok——————————————————-—但食完之後就勁肚痛—————————————————-——1點食完 3點就開始搞肚痛！肚到夜晚8 9 點都肚緊一定係呢間野食物唔乾淨！———————————————————-唔會再幫襯！！！———————————————————-———————————————————-

好n年前响觀塘做時有嚟過食晚飯, 而家再返嚟觀塘做, 見佢仲企得無咁勁, 於是嚟試下個lunch, 味道唔係好, 但以日木嘢嚟講, 佢叫做夠平, 如果以一分錢一分貨嚟講, 咁其實係可以接受~ 叉燒拉麵睇menu張相d叉燒係好大塊好靚, 但見到真身真係比佢嚇親, 雖然有4塊, 但塊塊都細細塊, 而且又肥, 色水又差, 我本身見到肥係唔食, 但如果對住呢4塊叉燒都係咁做, 其實同食淨麵係冇分別, 唯有當睇唔到有肥膏咁食哂落肚~唯一好處係夠多粟米, 同埋個湯唔重味精, 夠哂淡口~至於果只咁嘅蛋, 真係見到都唔開胃, 又整得差, 顏色又難睇~ 熱檸茶冇色冇味, 算吧~原來拎住張單响7日內再幫襯有9折, 相信佢唔係靠呢個噱頭, 都唔會咁旺場囉~

十年前我係觀塘番工o既時候，好多時都約朋友係呢間餐廳食晏，實在近互相o既工作地方，且午餐又經濟實惠。恰巧有朋友剛轉職係觀塘，我又休假中，當然再次踏足大盛了。餐牌當然唔同晒，但價錢就貴左好多了。係觀塘地方食實惠o既日本菜o既餐廳實在不多，尤其宜家好多寫字樓都由中環移師至觀塘一帶，故中午時間揾食實不容易。幾經挑選，我揀左燒鯛魚腩飯，我又唔食魚生，其他定食都係見慣見熟o既日本餐廳必備菜式，如三文魚、鯖魚等，反而鯛魚令我產生好奇同期待。鯛魚腩只有三件，每一件大概薯餅一半份量，鯛魚肉質好滑，同平時食開粟米魚塊果類，完全唔同。食唔到鯛魚腩o既任何肥膏，食落啖啖魚肉。燒汁唔算多，好幾惹味，少少甜甜地。飯o既份量都唔多，大概平時飯碗o既一半多少少。整體燒鯛魚腩飯雖好味，但份量唔夠飽。奶茶比較苦澀，冇茶餐廳咁滑，當然係日本餐廳唔可以要求咁多了。值得下次再黎過

每逢星期五中午都會同同事出去食飯，今次揀咗呢一間日式料理。點左一個鰻魚飯定食， 比我預期中鰻魚較大，食我去冇骨，唔錯。 而且燒汁足夠亦唔會太鹹。另外亦都叫咗一個壽司定食 ，定食中有件捲物係指定嘅，其餘五件壽司可自選。選擇好多跟餐包一個沙律同細烏冬 ，沙律冇乜特別， 烏冬我就覺得麻麻無咩味。另外又叫咗一個泡菜豚肉鍋， 呢一個鍋好濃泡菜味 ，入面肉嘅份量適中，鍋內仲有啲菜，豆腐，金針菇但食落有啲辣。最後，一個係咖哩豬扒定食，咖哩唔辣 而豬扒炸得幾脆，肉質又唔會好鞋 ， 整體嚟講都唔錯