大盛日本料理

營業中

休息中

工作日的中午在观塘吃的一顿日式简餐，这家店地段挺好的，就在主干道沿线，装修的很不错，充满了浓浓的日式风情。店面在香港来说算是很大的了，中午餐点也不太用排队。入座后点了一份鳗鱼饭加甜薯，分量刚刚好够吃，鳗鱼做的挺不错。上菜时间也挺快的，性价比颇高，价格比核心商业区便宜不少。服务态度也很好，综合而言不错的餐厅。

呢間食店以往我都經常帮襯，但今日有朋友生日，食飯慶祝，所以再去幫襯。點知有二位女侍應唔知是否新來做，我老公叫其中一位落單，我老公坐最入個位叫住小小野食先，女侍應就在最前既位落單，行都唔行入去，之後要我老公大叫食乜野？之後我對佢講：你可不可以行過去落單。之後佢就黑面，落完單我見到佢同另一位侍應講我地。跟住見到有『小強』由高處爬緊落黎我地背面，正常都唔繼續坐。當時我地想要求轉位，咁咪轉左去另一邊坐。我再叫另一位女侍應攞碗給我們，因我地8人，佢只比5個碗比我地，之後佢又黑面，真係有D頂唔順，我想炳佢。所以我地食左小小野就埋單走，新年有呢D對代，我唔會再來幫襯，比錢食野，侍應仲係咁，勁差。冇得救😓😓

🍚食物:👎🏻「清酒煮蜆$74」蜆份量很多，酒味適中，但有幾粒蜆係有沙。👎🏻「洋風烤辣肉芝士薄餅$39」係用泡菜味既辣肉，二者之間不夾很奇怪，加上太多辣油好油膩。👍🏻「三文魚刺生壽司」消夜時間食都新鮮，但切到一些厚一些薄，價錢都算便宜。👌🏻環境:夜晚去燈光偏暗，環境很大很多座位。座位也坐得舒服，洗手間衛生就一般。👎🏻服務:侍應態度一般，近關舖時間半個鐘前會不停收碟抹枱等，會開大個燈光掃地，當時大約夜晚10點光顧，不建議消夜時間光顧。

定期心裡就會想食下日本野諗起平時食晏有食過嘅大盛，未食過晚市，就去試試！大盛以地舖黎講佔地算好大，有點似飯堂，唔怕無位。今晚二人都肚餓，叫了不少食物首先來到嘅係鍋燒烏冬-$78份量很多，除了炸蝦天符羅之外，其他海鮮都有兩件或以上。而且比我地預料嘅種類還要多，有魚有蝦等等，海鮮都新鮮好食，八十蚊不用係幾驚喜。醬燒三文魚腩加州卷$38-勁好食！三文魚少少肥，有油脂香，個汁甜甜地超級match! 食唔停口！再叫了個吉列拼盤$46有蠔有蝦有帶子，每樣有兩件，炸完都仍然有汁有香味，唔會乾爭爭，不錯不錯！食日本野睇魚生嘅質素就知餐廳嘅水準海膽吞拿魚蓉丼$146個碗大約一個女仔手掌咁大，好驚海膽會好伏好腥，但大盛嘅海膽係食到有d甜味，唔會好腥，份量都唔少，抵讚！吞拿魚蓉份量都多，有少少魚香，夾住紫菜食好滿足，衣個價錢係合理抵食嘅！最後叫了個帶子壽司-$34都幾鮮甜，唔算好大隻，唔使特別揀。同行人士係會員，埋單有95折，共$360好滿足，係幾抵！

估吾到午餐時間，全場都滿座，而且餐廳外面仲有食客排隊，好彩有朋友提早取票等位朋友說大盛是附近工作的人的食堂，因為大家都覺得質素高，份量大，價錢合理，而且如果能出示銀行工作證，還可打折！所以一到午餐時間，基本上都是座無虛席佢推介我食壽司餐$66自選5件壽司🍣（蟹肉棒壽司+浦燒鰻魚壽司+帶子壽司+象拔蚌壽司+海膽赤蝦壽司）是日卷物（3件） 炸蝦反卷手打湯烏冬餐前沙律🥗+熱奶茶☕️整體來說，都真係好味！壽司好新鮮！特別是帶子壽司+象拔蚌壽司而烏冬都好彈牙，但略嫌有點淡味！最後我地另追加燒三文魚骨小食，只需要$15，已經有6片！完成沒腥味，不過燒得有d乾！

平時都有黎開大盛食~真係好鍾意佢個長三文魚壽司~又新鮮又夠長~今日黎到見到有新野~$48有花膠仔火鍋，MENU上既相得碟花膠同肥牛，諗住$48咁平就試下啦~一上檯真的有SURPRISE到~原來唔止兩款花膠同肥牛料，仲有好多配菜喎~同吉吉家既邊爐差唔多~而呢個價位黎講都唔會話要求會俾d靚花膠架喇~口感唔漿既但有d口咁!算唔錯啦,肥牛都冇雪味!唔錯唔錯!$48食個火鍋媽咪都係咁話抵~物超所值丫!再黎就係壽司啦~仍然不失水準!新鮮好味!長長既三文魚依舊肥美鮮甜，焦糖帆立貝壽司D焦糖脆卜卜甜甜地~配埋鮮味既帆立貝~正!媽咪每次黎必點既芥末八爪魚壽司都好出色，芥末味道唔會好搶，仍舊食得到八爪魚既鮮味!壽司醮點少許豉油同wasabi，真係回味無窮!總括黎講我鍾意呢度環境舒適坐得舒服，服務態度唔錯~食物出色!抵佢多年黎都係我心目中觀塘區日式餐廳no.1~不過建議7點前入座如果唔係有排等位! 

今日係12月31日 同朋友去咗大盛食壽司🍣以前一直有食開 三文魚刺身一向肥美厚切但現在去食已經有縮水狀態價錢比以前更貴了 但食品質素卻下降了性價比一般以前的海鮮拉麵有大大條鰻魚 現在只有一兩隻海鮮總括而言不會再去了

第一次來到大盛日本料理，是同事提議來這裏聚餐的。大盛雖然是地舖，但一點兒也不好找，全因為他門口沒有招牌。來到他的門口，我也猶豫了一陣子，是一間完全沒有招牌的日式料理。大盛鋪子裏裝修平實，但錯的地方尚算闊落，侍應也算有禮貌。看過Menu後，我們要了兩個特大鰻魚壽司，長長的萬裕來到桌面，真是完全吸睛，鰻魚足足有一對筷子的長度，而且魚身也挺好的，海鮮豆腐烏冬，湯濃味美，大大碗分量十足。特長三文魚壽司及蟹子帶子壽司，比起刺身壽司我更喜歡火炙壽司，壽司驚過火炙加工後，尤其是比較較肥美的魚生，魚味更香更濃更滑

又到Happy Friday~想食豐富啲但到糧尾...最後決定去食大盛，價錢唔貴同埋選擇多，又可以食日本野已經第三次去依間食Lunch，可以訂枱(齊人先比入座) 鋪面好大，就算冇訂座都好快入得！同同事二話不說，一坐底就決定食壽司餐盛惠$66 (冇加一服務費架！)就可以自選5件壽司+是日卷物3件+烏冬+沙律+飲品，真係好豐富沙律都幾豐富同新鮮，沙律醬好足料，唔會食到尾就唔夠沙律醬是日卷物係我至愛嘅加州卷雖然卷外嘅蟹子唔算多，但青瓜爽脆，卷得好實唔會夾起就散開。腐皮卷比較甜，會遮蓋咗其他壽司嘅味道，留返最後先食會好啲~特別推薦蟹棒壽司~好大條蟹棒，一啖食落囗全部都係蟹棒上面有少許沙律醬調味，提升咗唔少鮮味，食完仲想叫多件！鰻魚壽司一般，可能因為切得太薄片，唔夠鰻魚汁，成件壽司都冇咩味..三文魚壽司唔係特別肥美，脂肪比例少，不過尚算新鮮同埋厚度啱啱好最後一件係蟹子軍艦，軍艦最重要係紫菜，但紫菜竟然唔脆！係放淋咗嘅紫菜，好失望蟹子比較少整體壽司一般，但以依個價錢有8件壽司，真係好抵！唔好睇少細細嘅烏冬，因為食完8件壽司都已經飽咗七成湯底幾濃，應該係豬骨味，掛係烏冬上夠曬味。烏冬唔會煮到太淋，仍

近年觀塘越來越多野食, 以往間中都食吓嘅大盛已經好耐無黎過！還記得以前食個壽司烏冬餐只需要五十幾蚊🙂 轉眼年幾, 相同份量嘅餐, 價錢已經去到 $66 🙈 仍然係追唔到通脹嘅一羣😔好啦😊 試吓加價後有咩分別先。。。選擇無變亦無多到, 仍然都係呢廿幾件壽司可以揀, 同埋星期一至六送嘅卷物都無變😂 LKVQW 會係乜？ 哈哈, 就係我自選嘅壽司☺ 壽司唔算太新鮮, 感覺真係好普通😶個餐仲有烏冬同埋沙律送, 不過亦唔突出跟餐送罐裝汽水☺ 唔係用機器斟個啲杯裝汽水，感覺好很多😎 年幾前覺得佢即使食物普通, 但價錢算相宜。但今次再食, 睇怕都可以一年後先再試了😅

星期日，同朋友喺觀塘做完運動去搵食，2點半，見到呢個日式料理店仲未打烊，望下餐牌，價錢都合理，所以就試下~環境都OK，地方好大，坐得都幾舒服~ 仲有日文歌聽，依家好多餐廳，不論中西日韓都一律播韓文歌...北海丼估唔到咁足料... 大量的三文魚，三文魚籽，仲有4張紫菜，以呢個價錢，平時食到嘅都係飯多過魚生...而且仲好細心咁俾左另一隻碗，可以將D魚生搬走先 咖哩豬扒定食豬扒份量都唔算細，炸得幾香脆，咖哩汁好香，送白飯一流鰻魚飯定食好抵食嘅鰻魚定食，有沙律同粟米，好健康~鰻魚肉都唔算薄，魚肉都幾軟滑而無魚骨，最鐘意個汁，味道香濃，米飯沾滿蒲燒汁，非常入味。中華冷麵好大碟，朋友想食得清d少d，點知係咁大碟，不過唔知點解等左好耐先黎....好彩麵係屬於幼細類，冷麵爽口彈牙，微酸的醬汁令人愈吃愈開胃。

呢間d壽司大大件 有成8吋長 夜晚7點都已經有宵夜價😍😍 - $36.8 鰻魚壽司 1件 真係好肥美 有厚度架 一定要食‼️ - $24 三文魚壽司 1客2件 正常 三文魚唔算好新鮮 唔算厚 不過睇在長度上都抵食 腩位應該正D😛 - $25 火炙長三文魚壽司 1客2件 好食‼️ 擁有半肥瘦叉燒口感😂 不過燒耐d會再香口d - $27.8 醬燒三文魚腩加州卷 4件 真係好香 上面果嚿腩仔😂 下面無咩特別 如果厚d會開心啲 - $12.8 免治雞肉棒 正常 無咩特品 - 其實整體上 其他嘢食都唔貴 食得飽 2個人埋單加完一都係百幾蚊一人 仲有52蚊up飯麵同料理鍋物食‼️ 未到好好好出眾 但整體性價比幾高😋 抵食 📍大盛日本料理 新蒲崗寧遠街3-23號越秀廣場G25-27號地下

以前在觀塘工作，大盛大大間又抵食，都幾常來。不過晚市真係未試過，久違地來到了觀塘，就約了舊同事來食。晚市沒有優惠套餐提供，所以就單點了食物。日式炒烏冬（雞肉） $60以前午市必點之一，因為炒得香同好味道。今次一見餐牌就點左。但來到個賣相完全唔同，無左個鐵板，多左塊大紫菜墊底。麵嘅份量細左好多，但食完都未至於會餓。味道OK GE,配料同麵比例差不多1：1，所以都係唔多。食到最後先食個紫菜，變到好軟好難咬開，如有下次應該食左紫菜先。汁燒鯛魚腩飯 $65偏細碗，3塊魚，加了麻醬嘅少量沙律菜同粟米，味道普通，價錢來說唔太吸引。晚市應該無下次了。

返工係觀塘工廠區附近，公司同事帶我一齊黎呢到食飯～lunch時段好多人，12點半去到等位等左大概10-15分鐘，好彩佢入面有好多位，可以坐好多人～去到見好多人都係嗌左啲鍋食，心諗應該會幾好食，所以我就叫左個「泡菜牛肉鍋」配飯，佢仲有得揀配麵/烏冬～個湯底有泡菜所以酸酸地，辣辣地好開胃～除左牛肉之後仲有金菇，小白菜同埋一塊🍥牛肉份量都ok～係薄既肥牛，有小小燒烤醬既味～幾好食。但個白飯就唔多掂，好乾好硬😑搞到一定要加湯食，等d飯林d～套餐有嘢飲，而且每次消費完憑單一個星期內再幫襯可以有discount，都幾抵～

放假同肥髀去食晚飯，佢最愛日本菜🇯🇵，無訂位去到呢度，店內地方大，桌椅唔迫，燈光較暗，加了好多日本🇯🇵式裝飾！被安排坐下時！枱面放咗餐牌，食物款式都幾多蟹籽沙律（$36）勁大碗，蟹籽多到好似唔使錢咁，蟹籽脹卜卜鹹香，青瓜絲爽脆又長，可以好似食麵咁，沙律醬剛好包裹青瓜絲，蟹柳唔多，蟹籽勁多，食晒啲青瓜都仲淨好多蟹籽芥辣八爪魚（$38）大大碗，八爪魚有啲老，好在醬汁夠芥末攻鼻，加上菜粒，好味雞翼4隻（$36）燒得皮脆肉嫩，皮灑上海鹽，簡單好味金黃蟹籽軍艦（$16）紫菜脆，蟹籽脹卜卜落得多，鹹香好味，配埋爽脆子薑，好味！芝士煙肉焗蠔（$40）店員聲稱月蠔幾新鮮唔腥，焗完半熟，芝士半溶，煙肉鹹香，好味南瓜拼蕃薯天婦羅（$38）雖然只有6件，但每件都好大件，炸漿頗厚，唔夠輕身，南瓜甜，蕃薯粉糯，但沾汁又太淡！一般！蒜片鐵板牛柳粒（$75）呢個賣相本來不錯，牛柳粒又大粒又幾多，但肥髀食幾粒都話好韌，而我食幾粒雖然唔韌，不過肉粒嘅肉汁流晒出來，感覺解凍太急，肉質霉咗，鎖唔住啲汁！啲汁/水將外面嘅鹽都沖走了，結果肉質唔啱，味道又淡，差！鐵板牛舌（$62）其實唔似鐵板，似汁煮牛舌，同想像中有出入，牛舌片