大盛日本料理

營業中

休息中

最近想搵日本嘢食，觀塘行吓行吓比我遇到一間轉角大盛餐廳因為系大廈內餐廳，所以都要轉左秘道先搵到入口本人見到日本餐廳，胃口特別大，雖然一人前，都叫左兩個餐😂先來咖哩豬扒飯，咖哩味道很好，唔同一般現成咖哩，入口微甜，配上日文珍珠米，好快就將成個飯K.O 左另外叫多左個壽司🍣餐都抵食 $68 包8 件壽司，為返$8 件都好合理 ，味道唔差尚算新解水，一分錢一分貨啦，重有碗日式烏冬，加埋剛剛夠飽。服務還好，不過值得一讚係上菜速度快，配合返附近打工一族，短短既午飯時間P.S 銀行職員留意返出示員工證有折扣🤣

都有3年無黎過食，因為公司搬左去灣仔所以好耐無黎食，以前係觀塘返工基本一星期黎兩三次食 lunch因為又平又大，重可以有單回贈9折所以一定會去，今次同個同事過黎見客所以可以黎食lunch,見到佢地以前係到做D人換晒，因為有好多都未見過，真心覺得唔知係唔係換左人覺得佢地比以前有禮左好多唔同晒，()，唔知見佢今次改左午餐版，多左，豐富左好多價錢正常合理，我今次食番我以前最長葱三文魚碎飯唔知係唔係太耐無食我覺得佢份量好始多左咁，我同事就食左個义燒拉麵份量十足，佢話好好味，我地跟餐加12蚊有兩隻吉列炸蠔，整體嚟計都好味，我同事話下次會再黎食

觀塘揾食好多，想食日式野，大盛既其中一個選擇，留意返要揾到門口入有一定難度，因為佢本身個正門封左，要係傍邊通道轉入去。呢到地方夠曬大，唔洗點等位，裝修都幾有日式feel。咁就同同事選左佢既set menu 壽司定食價錢$68，任簡八樣sushi,都算滿足心大心細既人，而且可以重覆選擇，即刻你要八件三文魚也ok阿，除此之外再有烏冬同沙律。但我不得不說嗰烏冬真心唔掂，掂而無味，食一啖已經想放棄。壽司就正正常常，食完我係唔夠飽加左個雞軟骨竟然係最好食。

平時喺觀塘食嘢 特別係諗唔到食咩嘅時間就會食大盛。相比起放題二百幾蚊一個人任飲任食，更鍾意單點嘅日本料理，感覺單點嘅日本料理質素更加好。自己來講好鍾意食佢哋嘅壽司，三文魚壽司大大件，鰻魚壽司更加有成隻手咁長，而且味道好新鮮。同時間都好鍾意食佢哋嘅天婦羅，材料新鮮熱辣辣！另外佢哋嘅壽喜燒都好出色，湯底飲完都唔口乾，就知道真係真材實料。鍾意嘅話仲可以點一個壽喜燒嘅邊爐，可以單點配料，配上個湯底，都真係好好食

之前因為去過新浦岗食過覺得幾抵食同幾好味所以去試下觀塘店，6：30左右去到唔洗等位，入到去地好大位好多，可能新浦岗地方細所以要等位，我地4個人座低急不及待 order野食，我地叫左三文魚寿司超長同鰻魚寿司一樣咁長，好味重有其他寿司，在叫左個二人餐超高cp有刺身頭盤，4件寿司，天婦羅，牛肉煱，炒飯，重兩杯野飲餐牌任選 兩款，食完重有兩個雪糕(二人餐價錢都係288，如果兩個人食一定ok，整體都ok，下次在黎

首先想講下食物質素三文魚壽司：完全冇魚味，冇諗過伏得咁緊要帆立貝壽司：唔新鮮鰻魚壽司：賣相唔錯，但好唔好彩比我食到有曱甴！茶杯要客人開聲先比，茶係完全唔熱。每杯茶佢會放茶包，但好淡，水又唔滾，用茶包都可以完全冇茶味！用料可唔可以有誠意少少？Overall 服務態度真係好差，冇一個店員有笑容。Trainee 態度唔好，可以原諒，但有幾個staff見佢都做左好多年，態度都係咁差，真係唔怪得冇人幫襯。其實呢間餐廳我由2006年都開始幫襯，以前係好多人食，食物質素亦好好，諗唔到今時今日變到咁差，其他劣評真係冇呃人架！打呢篇食評係唔想大家浪費金錢去食！真係好伏！

星期五中午一行九個人喺觀塘都幾難搵位，不過我哋嘅經驗就係喺呢一間大盛，都可以搵到位，仲要係唔使分開坐嗰隻。呢一間已經唔係第一次食，不過都想讚一讚佢呢款午餐，就係牛肉壽喜燒定食，我就加多$6配烏冬。個鍋一拎出嚟，啲牛肉仲係一半生一半熟，非常理想🤤。你一個鍋裏面嘅材料好多，有日式魚蛋，大量小菜或者叫娃娃菜，牛肉超多，最重要梗係有隻生雞蛋。至於烏冬，質素大概就係超級市場$20幾包嘅正常烏冬，唔係非常突出。我有朋友係食定食嘅，佢哋都有讚啲米飯好靚，下次都可以試吓。呢度食個午餐60幾蚊包埋嘢飲都算幾抵，份量算大我都食唔哂，平時觀塘午餐可能上樓上餐廳，都可能需要$80食個西餐，所以呢度都幾化算。張單下面仲優惠，可以下次用嚟有10%回贈，下次再嚟試過。

大盛已經幫襯了二十年了，喜歡來這裏吃壽司🍣是食材新鮮，價錢超值，長長的三文魚非常吸引，最愛整條鰻魚的壽司滿足感爆分，比目魚入口即溶👍而且用餐時間不限時👍在觀塘吃飯是我的首選餐廳😋😋

今日中午，想吃日本菜，觀塘d餐廳吃飯越來越貴，近月尾想吃60-70蚊一個的日本菜，不容易。好彩！有大盛日本料理😊可以滿足日本菜慾望😁本人叫了一個自選壽司🍣配迷你鳥冬定食。夀司有10多款選擇，配上迷你鳥冬，送埋田園沙律，要麵鼓湯就沒有飲品。份量啱曬女士，又可以試到不同壽司，正👍🏻👍🏻同事叫了🐟生飯，不用多講，睇相都見到好豐富😍😍，跟埋麵鼓🥣另一同事就叫了高湯牛肉鍋，忘記影相😅扺食👌🏻👌🏻😁😁😁

今日同同事專門過黎食，之前一直都係食另一間分店，尼間環境好好多，地方又大，坐得舒服，店員的態度都比另一間好。我地今日點左5個餐，個個都唔一樣，好好味，佢地個午餐好多選擇，可以自選六件壽司再有加州卷，另外再配烏東，好滿足呀！我地叫左一個牛肉飯，勁多牛肉，勁多汁，不過不失。重有我最鐘意架鰻魚丼，勁正，好新鮮。由於大想食壽司，我地另外叫左三文魚壽司同鰻魚壽司，超驚喜，個三文魚同鰻魚都係勁大件，足足有一把間尺咁長，好扺食，個個食到捧住個肚走。

今日嘅晚餐去咗觀塘覓食，都係揀返我最愛嘅日式料理！上OpenRice睇嘅時候，搵到呢一間大盛日本料理，於是乎我哋就去咗啦！門口比較隱蔽，但入到去見到個裝修非常之靚，好似去咗日本咁，但可能比較近工業區，全晚嘅客人都比較稀疏，應該冇一半嘅入座率，我哋叫咗鯛魚薄片刺身，因為之前喺日本食過覺得好正，於是就叫黎試吓，但係事與願違，魚切得比較厚，肉質亦有少少梅，但當然唔可以同喺日本食嘅比較，所以都算係過得去！另外我哋叫咗鐵板牛舌，呢個鐵板牛舌嘅做法比較中式，如果你鍾意食中式嘅牛舌你就會好滿意啦。至於吉列拼盤就略嫌佢炸粉厚，但價錢比市面嘅平，如果鍾意食炸嘢嘅都可以一試！壽司方面我哋叫咗炸軟殼蟹卷，火炙鵝肝帶子壽司，火炙三文魚壽司，三文魚壽司同榮螺壽司，壽司其實就比較一半，唯一比較可取嘅係鵝肝帶子壽司，鵝肝味濃厚，帶子尚算新鮮，三文魚壽司就比較一般啦肉質比較梅，而且仲有一件係成件都係筋，食唔到！最後我哋叫咗個冷烏冬！

觀塘其實好多食肆可以揀🤣但係呢間我地成班同事一個月內已經食左3次🤣無他嘅，因為真係好正‼️價錢中等啦，質素對得住價錢🤤佢有好多唔同嘅套餐，丼飯、拉麵、沾麵、壽喜燒等等⋯⋯不過我最鍾意都係自選壽司定食🤤因為夠哂飽，又抵食🤣任選壽司五件+是日卷物三件+沙律+手打湯烏冬+湯/飲品都只係$66咋‼️圖中壽司🍣: (由左至右)#帶子/ #鯛魚/ #間八/ #白鳥貝/ #北寄貝🤤帶子鮮甜，呢個size嚟計都算厚肉鯛魚上面有少少蔥吊味👍🏻啲魚肉甜味出左嚟間八油脂都算多，魚油好甘香😍濃味而不膩白鳥貝爽口👍🏻味道偏淡北寄貝正正常常，爽口鮮甜🤤擺盤嘅次序有改善空間，濃味嘅壽司擺左係中間，無論由左定右開始食起都唔可以由淡食到濃🤔要自己執執位先得#沙律 啲菜幾新鮮👍🏻不過少醬會好啲 #手打湯烏冬 都幾煙韌😆但係我諗個湯底應該係豬骨湯，我唔太鍾意個味道 😅 #凍檸茶 個茶底好正‼️有茶香又順喉，去親都叫🤤其他午餐都抵食👍🏻溫馨提示：午市張單可以留返下次用，下次去食有得扣減返相當於舊單上10%嘅金額架‼️

放工係觀塘工廈附近 搵野食醒起呢間野本身想食刺身 三文魚飯 炒飯點知見到有刺身飯 即刻比佢吸引左價錢$168 鋪滿哂海膽 好吸引食落有少少腥味唔算太鮮甜 但不過不失熱茶refill得快

星期六中午和屋企人去食，見無咩人唔駛等位，店內一眼望晒但估唔到坐到二百人，環境不錯店內裝潢充滿日式風情，餐牌有好多選擇，而且價錢大眾化好吸引。我們點了一飯一麵包湯飲品加埋兩款小食都只係$140埋單，感覺上好抵。鰻魚飯定食 ($62)鰻魚肉比較薄身不夠肥美，鰻魚汁落得不多需叫侍應再添加，飯不是日本米，食完沒有滿足感。豬軟骨拉麵 ($60)豬軟骨軟身入味，湯和麵一起進食無咩味，因豬骨湯湯味不夠香濃，令碗麵失色了不少。吉列炸蝦 ($9)炸蝦細細隻，炸得不錯。吉列芝士蝦球 ($9)蝦球細粒，咬落無咩肉，一啖一口唔覺食左。檸檬水單片檸檬用碎冰，味道一般。麵豉湯湯內無配料，湯比較濃啱我好味。

最近天氣咁熱，所以都鍾意食反d凍野，前幾日同朋友去apm行街，行到攰諗住搵間餐廳坐低食下野，點知去到邊都勁多人，跟住諗返起以前喺觀塘返工食開呢間日本野就過嚟懷緬一下。自選五件壽司再加是日手卷，tl有8件，仲有個細沙律，同烏冬。首先食個沙律，配左芝麻醬嘅沙律係無敵嘅！呢個天氣食好開胃✌🏻壽司都好足料，吾錯！不過個烏冬湯底就麻麻地，冇乜味，最後我加咗落朋友個壽喜燒湯底就好味好多啦！相信好多人都好鐘意食壽喜燒湯底，不過就吾系間間都做到甘濃甘甜，呢間既湯底就正啦！超級濃，d菜同烏冬吸晒啲汁，真係食到停唔到！