影片
更多
2018-10-20
604 瀏覽
又到Happy Friday~想食豐富啲但到糧尾...最後決定去食大盛，價錢唔貴同埋選擇多，又可以食日本野已經第三次去依間食Lunch，可以訂枱(齊人先比入座) 鋪面好大，就算冇訂座都好快入得！同同事二話不說，一坐底就決定食壽司餐盛惠$66 (冇加一服務費架！)就可以自選5件壽司+是日卷物3件+烏冬+沙律+飲品，真係好豐富沙律都幾豐富同新鮮，沙律醬好足料，唔會食到尾就唔夠沙律醬是日卷物係我至愛嘅加州卷雖然卷外嘅蟹子唔算多，但青瓜爽脆，卷得好實唔會夾起就散開。腐皮卷比較甜，會遮蓋咗其他壽司嘅味道，留返最後先食會好啲~特別推薦蟹棒壽司~好大條蟹棒，一啖食落囗全部都係蟹棒上面有少許沙律醬調味，提升咗唔少鮮味，食完仲想叫多件！鰻魚壽司一般，可能因為切得太薄片，唔夠鰻魚汁，成件壽司都冇咩味..三文魚壽司唔係特別肥美，脂肪比例少，不過尚算新鮮同埋厚度啱啱好最後一件係蟹子軍艦，軍艦最重要係紫菜，但紫菜竟然唔脆！係放淋咗嘅紫菜，好失望蟹子比較少整體壽司一般，但以依個價錢有8件壽司，真係好抵！唔好睇少細細嘅烏冬，因為食完8件壽司都已經飽咗七成湯底幾濃，應該係豬骨味，掛係烏冬上夠曬味。烏冬唔會煮到太淋，仍
已經第三次去依間食Lunch，可以訂枱(齊人先比入座) 鋪面好大，就算冇訂座都好快入得！
同同事二話不說，一坐底就決定食壽司餐盛惠$66 (冇加一服務費架！)就可以自選5件壽司+是日卷物3件+烏冬+沙律+飲品，真係好豐富
沙律都幾豐富同新鮮，沙律醬好足料，唔會食到尾就唔夠沙律醬
是日卷物係我至愛嘅加州卷雖然卷外嘅蟹子唔算多，但青瓜爽脆，卷得好實唔會夾起就散開。
腐皮卷比較甜，會遮蓋咗其他壽司嘅味道，留返最後先食會好啲~
特別推薦蟹棒壽司~好大條蟹棒，一啖食落囗全部都係蟹棒上面有少許沙律醬調味，提升咗唔少鮮味，食完仲想叫多件！
鰻魚壽司一般，可能因為切得太薄片，唔夠鰻魚汁，成件壽司都冇咩味..
三文魚壽司唔係特別肥美，脂肪比例少，不過尚算新鮮同埋厚度啱啱好
最後一件係蟹子軍艦，軍艦最重要係紫菜，但紫菜竟然唔脆！係放淋咗嘅紫菜，好失望蟹子比較少
整體壽司一般，但以依個價錢有8件壽司，真係好抵！
唔好睇少細細嘅烏冬，因為食完8件壽司都已經飽咗七成湯底幾濃，應該係豬骨味，掛係烏冬上夠曬味。烏冬唔會煮到太淋，仍然彈牙爽滑~飽飽地都食完成碗！
食完成個餐真係好飽平平地又可以食壽司，真係糧尾恩物~張單係一星期內當優惠券用，可以減單據價錢嘅10%，即係引人食完又食
張貼
