影片
開飯介紹
以新鮮食材和多元化的日本料理見稱，提供多款壽司、刺身、串燒及其他經典日式美食，滿足不同食客需求。無論是家庭聚餐、朋友相聚還是特別日子慶祝都能帶給客人愉快的用餐體驗。
繼續閱讀
營業時間
今日營業
11:30 - 16:00
18:00 - 22:30
星期一至日
11:30 - 16:00
18:00 - 22:30
以上資料只供參考, 請與餐廳確認詳情
有關獎賞計劃
食評 (366)
喺附近返工，但係冇食過呢間嘢，本着冒險精神，以為唔好食，結果發現，好食！ 有驚喜！ 環境方面，由於我6:00就入場，冇乜人，比較靜！ 可以慢慢食，之後都有其他客人嚟光顧，佢另一邊係做中菜，所以到七點幾，就有啲嘈吵，可以接受嘅！ 侍應都好有禮貌，見到有其他客人，唔知係咪熟客，個老婆婆，唔知嗌乜嘢好，個女侍應都好窩心，好有禮貌幫佢落單！ 可能我哋做光顧，客人唔算多，上菜速度都好快！ 黑松露炒飯，雖然用嘅飯係隔夜飯，不過都係日本珍珠米，食落都好好食，個飯炒得好香！ 唯一美中不足嘅係：唔係用隔夜飯，所以啲飯腍咗啲！ 之後嚟咗兩個套餐，啲壽司都好幾好食！ 極尚壽司- 嗰件鰻魚壽司，真係冇得頂，出邊食嗰啲鰻魚，軟腍腍！佢呢間啲鰻魚，厚身，有咬感，睇你鍾唔鍾意啦，我個人嚟講就好鍾意！ 刺身方面，平時食放題刺身，都用冰珍珠，老實講，啲刺身凍冰冰一啲都唔好食！ 佢呢間啲刺身，溫度啱啱好，室溫再涼少少，亦都好厚身，冇偷工減料，個人感覺都好鮮！火炙胡麻帶子卷，諗住40幾蚊，應該好細件，結果好大件，件帶子亦都好厚！ 跟餐有兩杯嘢飲，荔枝冰茶（如果冇記錯個名），溫馨提示，一啲都唔甜，有荔枝味，不過因為唔甜， 相對味道一般（為咗健康，唔好飲咁多甜嘢，可以接受！ ） 兩個人，食咗咁多嘢，其實有啲飽到上心口🤣！ 應該會下次再嚟幫襯過！
繼續閱讀
星期日返完教會團契一行11人去大盛，有步兵💂搵位先，攞到大枱同細枱，QR code落order,叫咗壽喜燒牛加$6轉拉面🍜餐飲凍啡少甜多奶不用加錢，total$75,等咗10分鐘有嘢食，壽喜燒牛既牛過熟太韌，小朋友👧🏻鐘意食面，凍啡正。用返一星期內既單可減10%，可簽卡埋單
繼續閱讀
今日天氣寒冷，決定去大盛暖暖胃，點了一份泡菜湯牛肉窩，價格為69元。湯底味道偏鹹，泡菜味不算突出，整體來說比較普通。配菜方面，蔬菜種類算多，但份量偏少，感覺有點不夠滿足。湯內只有一小塊豆腐和少量芋絲，略嫌單薄。牛肉方面，只有幾片肥牛，而且肥瘦比例不太理想，肉質也一般。唯一值得讚賞的是，飯的分量足夠，而且附送一杯熱飲，在寒冷天氣下確實暖胃。總體而言，這份泡菜湯牛肉窩性價比不高。雖然價格不算貴，但牛肉和配菜的份量都太少，未能滿足食慾。味道方面也只屬中等，偏鹹的湯底並非人人受落。如果追求份量十足、味道濃郁的泡菜湯牛肉窩，大盛可能並非理想之選。建議餐廳可以考慮增加牛肉和配菜的份量，或調整湯底的味道，以提升整體的用餐體驗。下次可能會考慮嘗試其他餐廳或菜式。
繼續閱讀
扺食，性價比高！以前呢度剩係得食日本菜，但係而家佢哋有一半嘅座位變咗係食潮州嘢嘅，餐廳地方本身都大，所以都仲有好多位俾你揀。好鍾意食佢哋嗰日本set lunch，當然以呢個價錢絕對唔會要求好高嘅質素，但真係覺得性價比高。Set lunch 包5件自選壽司，都有好多選擇。另外再包3件指定卷物，我嗰日食嘅就係軟殼蟹。除此之外，仲提供麵豉湯、蒸蛋、湯烏冬，免費餐飲，凍飲都唔使加一蚊👍🏻仲要冇加一，此外江湖傳聞如果比錢時，提供證明自己係銀行職員，可有額外九折👏🏻。
繼續閱讀
餐廳啲嘢食都其實幾平喎，你諗吓條三文魚壽司啲三文魚又長又厚非常之正，跟住個蟹粥又係啦，啲蟹係原隻上嘅同埋用咗好耐嘅時間去咬咗啲粥，啲粥就非常之綿，同埋蟹粥嘅蟹裏面真係有肉㗎喎，然後蟹粥上面仲有啲三文魚子添，食落非常之暖胃啊，喺食咗咁多刺身同埋生冷嘢之後，飲返碗暖笠笠嘅粥非常之正，然後啲侍應又非常之熱情同埋友善，不過呢最特別嘅地方係佢仲有串燒，啲串燒都非常之足料，仲好大嚿添，我覺得一定要食嘅，除咗呢個蟹粥之外，仲要一定食嘅係池魚仔啊，池魚仔本身都唔平，佢原條上只不過$198 ，鍾意嘅一定要試吓。
繼續閱讀
您可能會有興趣的...