大排檔小炒 (華發大廈)

營業中

休息中

室內大牌檔唔怕食到成身汗👻咁既天氣想食鑊氣小炒但又怕會好熱? 呢間位於銅鑼灣既餐廳可以比你一邊嘆冷氣一邊享受大牌檔風味🌬🦐乾燒蝦油粉絲煲($128)嘩呢個真係香到不得了，一上枱已經鹹鮮味撲鼻，就知一定好食😳粉絲爽口乾身，仲好索汁，雖然味道偏鹹，但真係啖啖蝦鮮味，勁惹味好好食👍🏻🥬馬拉盞炒時蔬 - 通菜($98)每條通菜都綠油油好爽脆，調味啱啱好唔會鹹，炒得好均勻，每條菜都掛曬汁🍚瑤柱蛋白炒飯($108)預想中既味道，冇咩特別，值得一讚係炒得好乾身，粒粒分明，一啲都唔油膩🐷拔絲咕嚕肉($108)炸得極脆，每粒肉大小適中仲啖啖肉，醬汁做得好好，夠味得嚟仲係酸同甜之間取到平衡，不過可惜冇乜拔絲效果🤣嗌左4樣野再點埋野飲，人均都只係百零蚊，好抵食😮今次因為係同朋友聚餐，就叫左啲較大路同穩陣既菜式，既然質素咁得，下次試下佢地其他撚手小菜先～

我老婆同啲朋友呢喺度食過。我老婆話味道錯，所以我哋今晚去呢度食飯。我哋原本訂咗七個人嘅！但係剩係得六個人，帶位嗰個已經有啲唔開心，同埋唔知係唔係老闆娘定係咩經理（女）嗰啲已經有啲唔係咁高興同埋有少少唔滿意㗎啦，跟住個經理（男）來幫我哋落單態度非常之好，咁我都覺得OK嘅，上菜速度都幾快，啲味道唔差嘅，但係當我地叫買單嘅時候，麻煩就嚟啦！（我哋用餐嘅時間正常係六點至八點）我哋買單嘅時候大約係7:30！有兩位服務員走過來，幫我哋收晒所有碗筷！但係枱面嘅垃圾佢冇收！跟住佢話你可以繼續坐！嗰種感覺係筆墨難以形容！

喺呢間舖頭食過午餐又食過晚餐。午餐價錢真係抵好多。佢每日都會喺社交平台度出post，提供當日午餐餐牌。但係我今日冇特別睇佢午餐餐牌係啲乜嘢就直接去咗喇。我哋兩個人大概12:40去到，未洗等位。今日冇我最鍾意食嘅咕嚕肉。因為朋友唔食牛肉，我哋就嗌咗一個臘味炒飯同埋一個糖醋豬扒。午餐包例湯同埋熱飲。嘢飲我同朋友都揀咗熱檸水。例湯好快就已經嚟到，好甜好足料。臘味炒飯跟住都好快嚟到，好多臘腸同潤腸，好香，炒飯炒得粒粒好乾身。炒飯入面再加左啲翠玉瓜中和返個油膩感。糖醋豬扒都幾多舊下，豬扒好林，有厚度有咬口，糖醋味多調教得好好味。佢午市有印仔卡，，每食一個餐就可以有一個印，食夠12個餐就送一個$69嘅午餐，其實好快就可以儲完一張。

中午同幾個朋友一齊食飯，今日揀咗位於銅鑼灣嘅大排檔小炒店，呢度有7個午餐任你選擇，仲送例湯同熱飲🍅🥬🧅🍅🥬🧅🍅🥬🧅🍅🥬🧅我哋揀咗幾個小炒：🥕 土魷蒸肉餅🥕 菠蘿咕嚕肉🥕 豉汁蒸䱽魚🥕 豉油雞🥕 欖菜炒四季豆🥕魚香茄子煲每一疊份量都好多，魚香茄子同土魷肉餅食飯一流，條鯧魚都好大條，如果煎就更加好味。豉油雞，一上枱嘅時候已經香噴噴。咕嚕肉又夠脆口又唔會太酸，好味。欖菜炒四季豆我至愛，其實好難整得唔好食嘅。

坐位距離太近，大家傾計聲音太吵，坐同一抬吃飯傾計都聽不到。D伙計唔夠貼心，叫蝦，蟹叫都沒有預備毛巾，水，或濕纸巾，到耍求時還非常不情願，雖然,知道是有三個時段，但七点九已摧你埋單，到八点時，堂坐不滿但仍叫你走，多傾十分鐘也不肯，不是請你離開是叫你離開，消费400元一人得咁的招呼是否差了一点。還有明明話消費一千元可以用信用卡，到頭來原來要比現金，又要出去㩒錢，太差了。

呢間餐廳嘅黑椒牛柳粒同埋生炒排骨真係好好食，但係份量真係少咗啲。如果你唔係太食嘢嘅人，咁啱啱好，不過如果你係個大食嘅人，可能就要再多叫啲嘢啦。 另外佢嘅煲仔飯份量就好大，一個煲就足夠三個人食啦。不過要小心啲，因為佢熱辣辣嘅，等佢涼啲啦再食會好啲。呢間餐廳真係好受歡迎，食客唔少，冇預約就可能要等好長時間。上次我同朋友就嚟遲咗，冇預約，就等咗成個鐘先有位。建議大家如果想嚟嘗試呢度美食，最好預先打電話預約，免得等咗好耐先有位。

朋友來港想食地道小炒，看到前評語通通都批評服務態度差有點卻步但最終也光顧。本次光顧服務員非常有禮並不是評語中的那樣，這晚大家都食得十分開心！而食物方面正常，因為顧住食無影相只影了戰鬥碗！

每次都必食＃拔絲咕嚕肉 $108，咕嚕肉做到拉絲效果，外層脆皮啖啖肉仲有 ＃蜜薯牛柳粒 ＄128牛柳粒軟淋入味，加埋蜜糖布得輸，不過薯仔就唔係好夠粉~仲有招牌酸菜魚 ＄238，魚肉嫩滑無骨，但倜人覺得湯比較淡、酸菜唔夠多~

嗌乜冇乜，又趕收工咁，落單呀叔啲態度差到不得了，真係貼錢買難受，嘢食一般般，不過不失，受氣都要食嘅可以去試吓，真係冇第二次。。。。。。。。。。。。。。。。。。。。

(๑⃙⃘◡̈๑⃙⃘)┈┈┈┈┈┈┈┈┈┈┈┈┈┈必試惹味黃金脆鮮魷🤩一向都愛到大排檔吃獲氣小炒，超級好下飯今次到訪了位於灣仔的大排檔小炒吃晚餐環境整潔企理，空間感足夠不侷促👍🏻晚市期間非常熱鬧，超級多人┈┈┈┈┈┈┈┈┈┈┈┈┈┈𐂐 ⠜黃金脆鮮魷 $128 (4/5)咸蛋黃愛好者必試！滿滿的咸蛋黃好幸福鮮魷魚包入咸蛋黃炸粉，色澤金黃誘人😍不厚粉之餘魷魚彈牙有咬口入口散發着濃郁咸蛋黃香氣非常邪惡🥹┈┈┈┈┈┈┈┈┈┈┈┈┈┈𐂐 ⠜拔絲咕嚕肉 $108 (3.5/5)大排檔常菜✨味道酸酸甜甜好開胃咕嚕肉外層脆脆的，放涼後口感都沒變差醬汁調味適中，份量很多可以用來配白飯😹┈┈┈┈┈┈┈┈┈┈┈┈┈┈𐂐 ⠜馬拉盞炒芥蘭 $98 (4.5/5)原個砂煲熱呼呼上桌，還有剛炒起的「滋滋聲」立即變得肚餓🙈芥蘭色澤鮮明一看就知道好吃！口感爽脆配上惹味馬拉盞碎肉超好下飯🤩記得趁熱享用，不過都要小心燙口啊┈┈┈┈┈┈┈┈┈┈┈┈┈┈𐂐 ⠜白飯 𐂐 ⠜忌廉配菜也好好吃～有我愛的脆花生及木耳┈┈┈┈┈┈┈┈┈┈┈┈┈┈

想食大排檔但又想舒舒服服坐室內涼冷氣？去乾淨企理嘅室內大排檔就實冇死😗 知道之前介紹過俾大家嘅楚撚記長期爆滿，book唔到嘅大家可以轉移玉步試吓呢間同樣出色嘅良心小炒店，同樣鑊氣十足，啱晒成班人食飯飲返杯啤酒吹水👅➤ 拔絲咕嚕肉 ($108)聽講去見工做中菜廚師，其中一道必考嘅菜式就係咕嚕肉，絕對係易學難精嘅一味。呢到嘅咕嚕肉趁熱夾起嗰陣仲係拔絲架！外皮裏滿酸甜嘅糖醋汁，味道相當開胃。炸皮好薄，咬落外脆內嫩非常鬆化，唔會食到成口都係油，入面半肥瘦嘅肉質相當軟腍，好有水準！➤ 蜜薯牛柳粒 ($128)次次口痕想食呢味餸都會諗起萬X，不過2019後就唔建議大家去食喇。呢到嘅薯仔牛柳粒都相當出色🥹 牛柳粒每粒都好鬆軟嫩滑，掛滿黑椒汁相當惹味。不過呢個餸緊係薯仔先係主角啦，用咗大量蜜糖去炒炸過嘅薯粒，形成焦糖脆面，食落外脆內軟，整體味道微辣帶甜，真係食到停唔到口！➤ 乾燒蝦油粉絲煲 ($128)勁香勁重鑊氣！粉絲炒得好乾身，索滿晒蝦油，而且啖啖都食到蛋絲同埋蝦肉，口感十足之餘仲超級惹味。

銅鑼灣夜晚要搵下大排檔啤啤佢 都唔一定要去鵝頸橋街市嘅😌 駱克道大排檔小炒都係高質選擇😍店內乾淨企理 坐得都幾舒服👍▫️拔絲咕嚕肉 ($108)小菜種類好多選擇 見到門口大大隻字寫住拔絲咕嚕肉 無理由唔叫啦😂 咕嚕肉好厚肉基本無多餘嘅脆漿 咬落去外脆內軟 醬汁唔會太酸 夾起真係有拔絲感👍 一絕！▫️大排檔小炒王 ($128)小炒王送飯一流 最鍾意佢啲韮菜花 菜甫惹味得黎又爽脆 仲要碟頭夠大 呢個配埋啤酒 你都咪話唔爽😍▫️蒜子火腩大鱔煲 ($188)離遠已經聽到炸炸聲 一上枱香味撲鼻熱辣辣大鱔煲 白鱔好大塊好多肉☺️好夠鍋氣👍 個底仲有豆卜白菜仔 好出色

2023.02.26其實我心底都帶點麻甩系所以我都幾鍾意食大排檔天氣咁凍當然要搵番間室內既大排檔😂所以今次揀左呢間銅鑼灣鵝頸橋附近既室內大排檔餐廳座無虛席👏🏻好有氣氛🎉而且超多小菜款式選擇🤗仲有煲仔飯金黃食😍如果想啤一啤🍺仲有經典戰鬥碗享用🍻今次叫左三個小菜同一碗白飯🍚兩個人開心Share🥢食到飽一飽都只係4百幾蚊👍🏻前菜 $5有酸酸甜甜既青瓜粒🥒花生🥜雲耳🖤開開胃👐🏻拔絲咕嚕肉🌟$108係佢地招牌菜之一🌟即叫即炸🫶🏻每一舊咕嚕肉都沾滿酸酸甜甜既醬汁🧡外層炸到剛剛好唔會太厚既炸粉👍🏻而內層肉質嫩滑🐖煎封一夜鮮🐟 $168金黃色既外皮脆卜卜💛魚肉口感結實保留到魚既鮮甜味💙金莎黃金四季豆 $98炸到金黃色既鹹蛋外層既四季豆💛多了脆口咸香既味覺🥢送飯一流🤘🏻絲苗白飯 🍚 $12大大碗🍚兩個人分享連三個餸無得輸💯

點樣食推介✨⭐️坐得舒服嘅大排檔小炒⭐️⭐️銅鑼灣大排檔⭐️大排檔小炒地址：銅鑼灣駱克道405-419號華發大廈地下A號舖🍖蜜薯牛柳粒 $128 (7.8/10)係市區食飯又想食大排檔同坐得舒服少少有得涼冷氣黎講，大排檔小炒的確係唔錯嘅選擇，定期都會黎食一次🤣 注意：依度訂位得6-8同8-10嘅時段選擇食薯仔牛柳粒嘅主角一定係薯仔！佢地嘅蜜薯炸得金黃色食落夠香口，蜜糖都落得好重手，淨係食蜜薯已經夠開心🤣🤣，而牛柳粒份量同味道就正正常常啦～🍖鐵板乾鍋爆腩片 $108 (7.5/10)平時食開必食推介餐牌裡面嘅乾鍋爆生腸，係灣仔分店食陣胡椒味係好刺激鼻得黎又過癮，生腸係勁爽口，配上蓮藕等配料係爽上加爽，銅鑼灣店就比較mild d，啱唔食得辣嘅朋友仔，腩肉索左d乾鍋醬都ok好食，不過no1一定係非生腸莫屬🫶🏻🍖黃金脆鮮魷 $128 (7.5/10)炸過嘅魷魚配上滿滿嘅鹹蛋黃係膽固醇之鬼(´･Д･)」，好彩份量唔算多，兩個人食會超級膩🍖金銀蛋肉碎白菜仔 $98 (7.8/10)個湯有陣奶香🥰，配上白菜仔嘅甜令到個湯好好飲，仲有皮蛋同鹹蛋嘅鹹香味～～-回頭指數: 🍧🍧🍧🍧 (滿分:🍧🍧🍧🍧🍧)好坐指數

Encore餐廳！大排檔小炒！之前已經介紹過🤗今次試吓其他菜式，點知叫咗三款都咁好食，果然冇令我失望，超推介！♥️.▫️ 【鮮茄肉碎魚湯浸時蔬白菜仔】$98⭐️⭐️強烈推介⭐️⭐️完全估唔到咁好食，奶白色魚湯好好飲，好濃厚！音樂好舒服，而且除咗有肉碎、蕃茄，仲有大量雜菌！加上白菜仔夠晒甜！整體超級滿意，大力推介！😍..▫️ 【蒜子火腩白鱔煲】$188⭐️⭐️強烈推介⭐️非常驚喜嘅一道菜色！一打開煲過香噴噴🥳鑊氣超強勁！白鱔炸過走油，肉質鮮嫩，非常新鮮！味道惹味十足，配埋火腩，真係冇得頂😊必叫之選..▫️ 【拔絲咕嚕肉】$108⭐️⭐️強烈推介⭐️呢一款拔絲咕嚕肉都唔錯！完全做到拔絲效果，味道酸酸，甜甜的確開胃🤗而且咕嚕肉肥瘦均勻，咬落啖啖肉，每一舊咕嚕肉都完全俾醬汁包圍，加埋菠蘿🍍令人更回味