大排檔小炒 (華發大廈)

營業中

休息中

今次去咗銅鑼灣一間地道大排檔，去到既時候都嚇左一跳冇諗過出面竟然咁多人排隊。餐廳保留傳統大排檔嘅熱鬧氛圍，炒菜鑊氣十足！今次試咗幾款招牌小炒，每樣都充滿地道風味，同大家分享下～———————————————🌟 椒鹽九肚魚 ($158)九肚魚係我每次食大排檔一定會問下有冇既菜式，果日超好彩竟然有得食，九肚魚炸得金黃酥脆，外皮香口，魚肉保持嫩滑，椒鹽調味惹味得嚟又唔會過鹹，熱辣辣上枱，超級好味。🌟 脆炸BB鴿 ($78)BB鴿外皮炸得香脆，肉質依然保持嫩滑多汁，連骨都入味，簡單調味已經非常好味。🌟 時菜炒牛肉 ($138)我哋揀咗油麥菜，份量十足，牛肉切得厚薄均勻，炒得夠鑊氣又唔會過老，蔬菜爽脆，牛肉腍身，簡單得嚟又好味！🌟 火焰鹽焗斗門膏奄蟹 ($398)呢個絕對係重頭戲！上枱時會倒玫瑰露點火，視覺效果滿分！蟹膏多到爆，肉質鮮甜，表面鹽粒帶出鮮味，仲貼心準備埋食蟹工具同手套完全唔洗驚整污糟手，夠晒貼心！食嘅時候仲會聞到淡淡玫瑰香，真係非常推薦

中菜我最愛，尤其係小炒、朋友推介我這家位於銅鑼灣的「大排檔小炒」，每晚超級人氣，而且好多招牌菜式，例如鹽焗奄仔、黑椒龍蝦、拔絲咕嚕肉、炸大腸、回味豉油雞等等，數之不盡嘅撚手小菜，難怪每晚大排長龍，客人一台接一台，真心推薦銅鑼灣必吃👍▪️鹽焗奄仔（隻）$ 398鹽焗完之後用瓦煲上枱，店員再用紹興酒火焰，酒香滿瀉，奄仔蟹超級多膏，入口甘香充滿鮮味，帶淡淡的鹽香，而且蟹肉特別鮮甜，超正▪️椒鹽脆鮮魷 $ 158椒鹽鮮魷差唔多每台必點，魷魚件件厚肉大件，脆槳厚薄適中，炸得好香口，魷魚爽口又彈牙，食得出非常新鮮▪️拔絲咕嚕肉 $ 138咕嚕肉外脆內軟，肉質半肥瘦啖啖肉，爽口又彈牙，山楂酸甜汁調味恰到好處，件件掛汁，酸甜味道非常開胃，伴上菠蘿、洋蔥和青椒超美味，必食之選▪️回味豉油雞 $ 188豉油雞賣相和醬汁色澤，已經令人垂涎欲滴，一入口雞皮入味到不得了，雞肉就算連雞胸都係嫩滑，雞皮雞肉之間有少許脂肪，沾上鹹甜適中的豉油雞汁，再食一口白飯，真是人間美味

有大排檔氛圍嘅小炒 我朋友鍾意食蟹 就搵到呢一間喺銅鑼灣嘅大排檔😄 當晚我哋訂咗位八點 見到好多人喺門口排隊 心諗 真係冇揀錯地方😄 餐廳乾淨舒服 好多夥計 想要咩 佢哋都好快可以招呼我哋😄 當晚都見到好多後生仔女喺度聚會 氣氛相當好🥰 ✨火焰鹽焗斗門膏奄蟹$398/隻 好有儀式感 砂鍋底放滿粗鹽 上枱後 夥計喺我哋面前點火 真係好澎湃😄膏蟹好實淨 好多膏 香气撩繞 必食推介😋 ✨啫啫雞煲$148有雞 洋蔥 冬菇 豬膶 雞好嫩滑 好入味 上枱時 仲係滾吓滾吓咁 連啲汁都撈埋飯一齊食 好正👍 ✨大排檔小炒王$138有韭菜 韭黃 魷魚 魚仔 腰果 菜圃 好惹味 魚仔香脆 魷魚煙韌蕉香 好有咬口 係我食過最好食嘅小炒王👏 整體嚟講 好友鑊氣 性價比高 值得encore🥰 🎈大排檔小炒 (華發大廈) (銅鑼灣)銅鑼灣駱克道405-419號華發大廈地下A號舖

有時想食下大排檔小炒麻甩一下，但又怕地方污糟❓我有一個好推薦‼️ 銅鑼灣一間室內坐得舒服既大排檔小炒，撚手小菜款款都夠鑊氣～難怪平日都全滿坐，不失地道港式情懷。餐廳保留昔日大排檔傳統風味，保證夠鑊氣！嚴選新鮮上等食材配料，加上資深大廚手勢，帶你重回香港的黃金時光！🔸鐵板黑椒龍蝦 $498🔸豉椒炒花甲 $178🔸蒜蓉炒時蔬 (芥蘭） $882個人點3款小炒，其中招牌鐵板黑椒龍蝦🦞 必點！啖啖肉加上黑椒汁很惹味。花甲肥美，豉椒汁更是港式風味，2款都很好下飯。最後來個清菜🥬，芥蘭清甜又爽脆，呢晚吃得很爽喔！..×××××ש銅鑼灣駱克道405-419號華發大廈比下A及B鋪..

大排檔小炒小編如果食中餐，大排檔一定是心目中的頭幾位！原因好簡單，因為價錢相宜，食物又有鑊氣！今次小編探店的餐廳為銅鑼灣必試大排檔之一，主打惹味海鮮，亦有多款撚手小菜，下午六時半的入座率已經接近全滿！🔥鐵板黑椒龍蝦 $498⭐️9/10⭐️食龍蝦不外乎蒜蓉蒸、清蒸、芝士焗和上湯龍蝦，今次餐廳提供鐵板黑椒惹味之選，黑椒汁香濃惹味，但不會蓋過龍蝦的鮮味！餐廳選用了新鮮龍蝦，肉質爽口彈牙，富有鮮味，必試！🔥拔絲咕嚕肉 $138⭐️9/10⭐️咕嚕肉每一件都好大塊，外面炸得酥脆，亦保留了應有的肉汁，炸粉厚薄適中，非常高質！🔥金銀蛋肉碎浸時蔬 $108⭐️9/10⭐️食了兩款高質海鮮和肉類後，時蔬是少不了的一道菜，既健康又能解油膩！金銀蛋肉碎上湯清甜，油麥菜的生熟度亦恰到好處，不錯！

📍銅鑼灣人氣大排檔，八點半嚟到仲係全場坐滿咁滯，環境都好好夠晒乾淨，仲有紙巾同埋免茶介。龍蝦有幾種食法，有芝士、上湯、薑蔥、辣子同鐵板，揀咗鐵板龍蝦($498)配黑椒汁。龍蝦泡油之後，上到嚟會再淋上個汁喳喳聲好正，個底仲有洋蔥絲拎嚟撈飯最夾，龍蝦係新鮮啲肉夠晒彈牙！豉椒炒花甲($178)一上到嚟見到有啲花甲未開口，店員就同我哋講話原來佢哋係蒸咗拎去炒，用牙籤撬開少少就開到，確保每粒都食到。花甲夠大隻多汁，個汁唔會太鹹，唔會掩蓋到個鮮味。脆炸BB鴿($78)就係屋企人點，隻乳鴿都幾大隻同真係即叫即炸，成個皮都脆卜卜。

👉大排檔小炒 (華發大廈) (銅鑼灣)銅鑼灣駱克道405-419號華發大廈地下A號舖今日帶阿媽食飯，佢話想食呢個大排檔，但係我又想佢坐得舒服啲，上網見到呢間大排檔小炒好有人氣，而且啲位好似幾舒服咁一於試試佢👉鐵板黑椒龍蝦（隻）💰498😋😋😋😋.8/5呢隻龍蝦真係好正！一上枱店員就賭上勁香嘅黑椒汁，黑椒味濃郁，配上熱騰騰嘅鐵板，肉質鮮甜，食落口勁彈牙啖啖肉，真係食到唔想停手！👉薑蔥魚雲煲💰178😋😋😋😋.8/5呢個煲真係好香！魚雲鮮嫩，薑蔥味道突出，勁有鑊氣，阿媽暫不停口👵👉小炒王💰138😋😋😋😋.8/5小炒王真係一個驚喜！各種材料混合得好好，炒得香脆，超有鑊氣呢間大排檔真係掂回頭:yesyesyes!!!食完就知點解大排長龍，呢間嘢食夠晒鑊氣，而且員工勁有禮貌，又坐得舒服真係掂！

來到有鑊氣嘅大排檔。鐵板黑椒龍蝦用鐵板上熱辣辣，淋上黑椒汁嘅時候聽住咋咋聲特別有儀式感。龍蝦肉質彈牙細嫩鮮味，黑椒汁香濃惹味十分合襯。椒鹽鮮魷魚金黃色嘅酥炸鮮魷魚Q彈爽口，炸皮唔會太厚，椒鹽嘅鹹香佈滿每一塊炸鮮魷，越食越香，送啤酒一流拔絲咕嚕肉咕嚕肉粒粒都好大粒，配上酸酸甜甜嘅醬汁，好適合送飯。豬肉既外層係酥脆嘅外皮，外皮厚度適中，充分吸收到醬汁之餘依然保持香脆嘅口感。白飯叫多了一碗，因為可以撈汁，很開胃。

在公司附近的大排檔小炒，是經常光顧午餐的地方，得知這裏的鐵板黑椒龍蝦甚為出色，是夜專程到這裏食龍蝦，果然有水準，沒有令人失望。門外貼滿了各式各樣的餐牌，可先參考一下，入座後點菜，更為方便！店內布局簡潔，不失親切感，感覺舒適自在 🥰🥰🥰是夜的豐富晚餐，小菜三兩道，大滿足！心心念念的鐵板黑椒龍蝦 （時價）😍😍😍用了澳洲龍蝦🦞，肉多殼少，龍蝦新鮮，肉質爽彈有鮮味，加上惹味黑椒汁，超水準👍👍龍蝦肉厚膏多，好食到一個點，下次一定要再點👍👍再來一客小炒王 $138材料豐富，蝦干、土魷、腰果、韮菜花，香口惹味。韮菜花青翠嫩綠，好食就係咁簡單。臘味炒芥蘭 $128地道的家常菜式，餐廳出品比住家的夠鑊氣得多，芥蘭嫩綠，臘味肉香滿滿，好食😋

要數銅鑼灣必吃的就是這間大排檔小炒啦每晚經過都是大排長龍的超人氣餐廳有大排檔風味但又有冷氣的好選擇門口有大大個海鮮缸 有肉蟹龍蝦等生猛海鮮 鐵板黑椒龍蝦一斤多重的澳洲龍蝦 吃起來啖啖肉 新鮮彈牙上桌後再淋上黑椒汁 加上洋蔥少少辣好惹味啫啫滑雞煲乾蔥頭雞煲夠惹味 豬膶熟得剛剛好口感軟嫩乾燒蝦油粉絲煲超出色！！我願稱之為粉絲煲的天花板！配料有蝦肉 肉碎 蛋 椰菜絲 吃起來口感豐富充滿蝦油香 鑊氣十足 而且乾爽不油膩難怪連台灣明星來香港都指定必吃啦

呢間小炒多人到嚇親我 見資料寫18:00開門我18:02到 點知已經坐到8成滿大家仲快快手手點晒嘢食 當我呢啲選擇困難症簡好後已經落後咗 不過食好嘢係值得等待的😌❣️鐵板黑椒龍蝦🦞見有一半食客都有點呢味 果然係招牌菜龍蝦蝦肉新鮮爽口彈牙又具鮮味 而且份量十足店員仲即場淋上黑椒汁 有儀式感得嚟吱吱聲又好治癒配埋黑椒汁食落夠晒惹味 底下啲洋蔥仲好清甜㗎❣️啫啫滑雞煲上菜嘅時候個煲仲吱吱聲 燒到好熱一開蓋陣香味就湧出來 雞肉好嫩滑份量好足 真正嘅肉好過骨 係完全冇背脊位㗎配埋啲乾蔥頭 豬潤 秀形菇食 非常惹味❣️金銀蛋白菜仔金銀蛋份量足 配埋啲肉碎 撈飯正白菜仔煮到剛剛好 唔會過硬過軟 仲係翠綠色如果唔食白菜仔 仲可以視乎當日供應蔬菜自由搭配雖然座無虛席 店員都保持良好服務 有勤換碟㗎！

📍 「大排檔小炒」銅鑼灣 偶然食吓大排檔嘅小炒，食吓撚手小菜，食吓有鑊氣嘅食物，都係一個唔錯嘅晚餐。依一間大排檔出名，成日大排長龍，一入到店內已經感受得到大排檔嘅氣氛，因為一入到去已經好嘈吵，講嘢可以大大聲唔需要介懷，而且食物嘅價錢都好合理，唔會因為有冷氣就會特別收得貴啲，食物嘅款式都好多選擇，每一台都會叫一個煲，我當然都唔執輸啦，果然真係煲氣十足，值得食👍✨ 鐵板黑椒龍蝦選用新鮮的龍蝦，濃郁既黑椒醬汁搭配，煎至外焦裡嫩。鐵板加熱時，店員會喺上枱嗰陣時張黑椒汁喺你面前倒上，香氣十足，每一啖都能感受到龍蝦鮮甜與黑椒的辛辣，口感層次豐富。而且龍蝦肉都好多唔會淨係得啲殼，依個價錢係銅鑼灣區食都尚算合理！✨ 啫啫蝦乾時菜煲一上枱已經渣渣聲，遠處都可以聞到啫啫煲嘅香味，我哋叫咗唐生菜，鹹香味十足，蝦乾炒岀香味，而且啲菜仲保持嫩綠色，都好新鮮😗啲汁仲可以用來撈飯🍚✨ 拔絲咕嚕肉意外地依一碟嘢好多咕嚕肉，而且每一嚿都好大嚿，夾起嚟仲有拉絲嘅效果，豬肉炸到外焦裡嫩，酸甜的糖醋醬汁，酸酸甜甜令人開胃，配料嘅份量都好適中，反而啲肉多過配料真係要讚一讚🩷

估唔到銅鑼灣有咁出色嘅小炒！我哋八點幾嚟到，直至離座嗰一刻依然全場爆滿，佢哋嘅食物的確高質！我地叫左幾款食品，分別係梅菜蒸肉餅 - 肉餅蒸後口感嫩滑，梅菜既咸香味道滲透進肉餅中，增添層次，餸飯一流！拔絲咕嚕肉 - 外酥內嫩既咕嚕肉裹上甜蜜既糖漿，形成一層金黃色既“拔絲”效果，食落香脆可口，酸甜既味道令人好開胃鐵板黑椒龍蝦 - 呢度既招牌菜，上枱時沐上黑椒醬汁，香氣撲鼻！ 龍蝦肉質鮮嫩，搭配黑椒既辛香，令整道菜風味十足，加返杯啤酒的確爽呀

♥ 銅鑼灣鑊氣小炒！有冷氣的「大排檔」 ♥ (❁ᴗ͈ˬᴗ͈) ༉‧ ♡*.✧喜歡的話記得like & follow我喔♥回訪位於銅鑼灣的「大排檔小炒」其實不是室外大排檔，是餐廳來的~大汗星人既嘆到冷氣，又食到大排檔的鑊氣👍🏻我們食頭輪６點，差不多８點吃完出來是餐廳門外人龍很長所以想食的朋友記住提早訂位啦~① 必點招牌鐵板黑椒龍蝦🦞 $498/隻龍蝦透過鐵板均勻煎製，熱辣辣上枱🔥，剛上桌時還能聽到滋滋的聲音。肉質保持鮮味彈牙，淋上秘製黑椒汁後，份外惹味！② 拔絲咕嚕肉◗ $138咕嚕肉炸得剛好，外層香脆，內部肉質柔嫩，放了一會兒依然保持酥脆，拉起時見到一條條糖絲！甜度調配得非常恰到好處，酸酸甜甜的口感非常下飯。③ 一品貴妃炒飯 $158估不到是日VIP是這個炒飯！份量夠多，炒飯面上鋪上一層炒香的蝦米，讓整道菜惹味可口。飯粒粒分明，口感非常豐富，炒飯不油膩，但是卻非常夠味，忍不住一口接一口，我們兩個人吃的時候竟然還需要打包，份量真心足夠！📍大排檔小炒 (華發大廈) 銅鑼灣駱克道405-419號華發大廈地下A號舖.・。.・゜✭・♥・✫・゜・。.#香港美食 #香港餐廳 #港式大排檔 #鐵板黑椒龍蝦

最近真係少左出街，難得星期一同呀媽去銅鑼灣行街順便夜晚係果到食埋飯。呢間《大排檔小炒》真係好受歡迎，諗住佢開6點，早啲食完飯早啲返屋企，點知5點幾去到餐廳門已經有人係到排隊！有圖有真相，仲要係排長龍架！當晚我地一坐低即刻落單，2個人試左3道菜，真係3款水準都唔錯👍🏻銅鑼灣必食大排檔佢榜上有名 。🦞鐵板黑椒龍蝦 $498上枱先淋黑椒汁，龍蝦份量比想像多，啖啖肉，十分彈牙。配黑椒汁辣辣地幾惹味😋🐟椒鹽九肚魚 $158外脆內嫩唔油膩，配炸蒜食真係好香😋🐖拔絲咕嚕肉 $138印象中好似無食到有骨，酸酸甜甜好餸飯😋