大排檔小炒 (華發大廈)

營業中

休息中

今次試下大排檔小炒分店，食物味道依舊保持高質，環境更加舒適，細味地道港式大排檔小炒，單係廚師鑊氣火喉經已超班！🥢回味豉油雞半隻份量夠二人用，雞件唔會斬得零碎，雞胸部位特別肉厚，而我最鍾意既翼位臂位都入味。食雞連皮先至識嘆，脂肪少皮滑，用煲仔浸豉油上特別有風味。豉油經過廚師調製，唔會越食越口乾，味道甜身食完仲回味緊。🥢鹽焗奄仔蟹製作需時20分鐘，慢工出細貨，成品當然精美。蟹同樣以瓦煲上檯，食前仲玩埋火焰，好有驚喜。奄仔蟹開邊一人半隻，肉嫩爆羔，蟹羔軟綿香滑，雖比肉蟹稍細size，美味道絕不遜色。蟹殼薄身拆肉食easy，絲絲蟹肉，純鮮味甜，蟹蓋鉗部更加出色🥢豉汁蒸白鱔我最愛既蒸白鱔，鱔肉横切面厚肉，主骨駱以外都係爽彈鱔肉。以最簡單大蒜、豆豉、椒絲及葱花調味蒸煮，就食到白鱔真摯原生鮮味，也可以細味到廚師的手藝火喉精準度。