大排檔小炒 (華發大廈)

營業中

休息中

👩🏻勁鐘意食港式嘢！今次搵到間口味正宗，而且環境乾淨光猛嘅大排檔，好推介一家大細嚟食飯。🌟椒鹽特大斑馬瀨尿蝦$320Size有女仔前臂咁長，最緊要一食就知新鮮！肉質彈牙，鮮甜到不得了，配搭椒鹽同蒜香，係經典嘅口味！🌟黃金脆鮮魷$148鹹蛋黃脆漿香脆得嚟有啲起沙嘅口感，鹹香惹味。鮮魷份量多到誇張。🌟脆炸BB乳鴿$68皮脆而且鴿肉彈牙唔嚡。細細隻連鴿胸都係偏嫩。🌟魚湯蒜子浸時菜$108魚湯香濃會起膠，意料之外嘅足料！白菜仔煮得夠腍又索晒魚湯。

大排檔小炒 @ 灣仔大排檔。做出好多香港特色美食…記得once upon a time …大排檔要坐街食邊…最正冬天有炭爐打邊爐已經黎過大排檔小炒幾次…呢度都算係灣仔/銅鑼灣區經濟…味道唔錯既中菜店員介紹左佢地既招牌『 火焰奄仔蟹 』…奄仔爆哂膏…黎到再加酒點火…絕對儀式感十足。蟹膏甘香柔軟…蟹肉鮮甜…脆皮牛腩 牛腩做得好鬆化…帶d滷水味…配上脆皮點黃芥末唔錯小炒王 好足料有魷魚乾…菜莆…腰果…蝦乾…銀魚仔…韭菜花…加入xo醬炒好惹味。韭菜花好嫩無渣…加入既魷魚乾脆脆地好味黃金魷魚 呢個夠邪惡…魷魚肉厚唔會韌白胡椒蝦 點呢個菜點員讚我地識點😏😏😏好多白胡椒係底…好香胡椒味…蝦都幾大隻…肉質都幾扎實咕嚕肉 每粒都啱啱好掛滿汁…外脆肉嫩椒鹽豆腐同啫啫通菜都正常發揮個個都食到好飽飽🐖🐖大家行過想試下廣東小炒…呢度係一個唔錯既選擇#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary

今次試下大排檔小炒分店，食物味道依舊保持高質，環境更加舒適，細味地道港式大排檔小炒，單係廚師鑊氣火喉經已超班！🥢回味豉油雞半隻份量夠二人用，雞件唔會斬得零碎，雞胸部位特別肉厚，而我最鍾意既翼位臂位都入味。食雞連皮先至識嘆，脂肪少皮滑，用煲仔浸豉油上特別有風味。豉油經過廚師調製，唔會越食越口乾，味道甜身食完仲回味緊。🥢鹽焗奄仔蟹製作需時20分鐘，慢工出細貨，成品當然精美。蟹同樣以瓦煲上檯，食前仲玩埋火焰，好有驚喜。奄仔蟹開邊一人半隻，肉嫩爆羔，蟹羔軟綿香滑，雖比肉蟹稍細size，美味道絕不遜色。蟹殼薄身拆肉食easy，絲絲蟹肉，純鮮味甜，蟹蓋鉗部更加出色🥢豉汁蒸白鱔我最愛既蒸白鱔，鱔肉横切面厚肉，主骨駱以外都係爽彈鱔肉。以最簡單大蒜、豆豉、椒絲及葱花調味蒸煮，就食到白鱔真摯原生鮮味，也可以細味到廚師的手藝火喉精準度。

親戚來香港玩，說是想試試大排檔，奈何7月底的天氣真的好熱，街邊的大排檔實在沒辦法去，就帶了他們去這家有空調而且蠻出名的室內大排檔吃晚飯。餐牌選擇不少，大排檔該有的小炒、海鮮等等的都有，環境乾淨舒服，在Sogo逛完街走過來大概5-10分鐘，挺方便的。看完餐牌我們order了：🔥火焰鹽焗奄仔蟹🥬杞子豬膶浸白菜仔🐖拔絲咕嚕肉🧆士魷蒸肉餅.3個人、2碗白飯🍚、3個小菜，1份海鮮，份量剛剛好。首先上桌的火焰鹽焗奄仔蟹，視覺效果滿分，服務員會先點火，表演火燒奄仔蟹之後就可以開始吃了～奄仔蟹雖然有個「仔「字，但Size其實不小，蟹肉好扎實，蟹膏也是滿滿的，很鮮甜，我們都很喜歡。杞子豬膶浸白菜仔也挺不錯的，就也沒什麼挑剔，白菜仔嫩綠，豬膶厚切且彈牙。士魷蒸肉餅肉質偏爽口，土魷微微硬身，帶點咬口，咸度不會太過，下飯不錯。最後拔絲咕嚕肉就是他們的另一款招牌，大大塊的咕嚕肉，炸皮挺薄的，香中帶酥，酸甜平衡得剛剛好，豬肉口感鬆軟。

心目中第一嘅大排檔 間唔中就會好想食🔥 仲要喺港島超方便我😛 有冷氣又闊落😍每人菜式都超高質 有啲仲係原創 同朋友聚會係超級推介⸜( ´ ꒳ ` )⸝♡︎❣️拔絲咕嚕肉 $108每台都叫嘅咕嚕肉 正宗嘅做法加入麥芽糖係會拉絲✨🥰粉漿夠薄夠脆啖啖肉勁爽‼️ 食得出部位係靚 唔會好硬或者好肥🐖 仲要有成十幾舊肉😜甜酸醬汁係精華 勁開胃🤤 其他青紅椒洋蔥 加上呢個汁都好食🫑🧅 ❣️乾燒蝦油粉絲煲 $138食過返尋味啊‼️ 呢個粉絲真係必食🥹唔知點樣做到乾身得來又索滿汁💦 粉絲蛋肉碎紹菜呢個咁簡單嘅組合配上鮮蝦同蝦油 竟然可以咁好食✨🦐🦐上枱係滾燙唔想佢燶就要勤力啲撈勻 但我覺得有少少燶仲好食₍ᐢ⸝⸝› ̫ ‹⸝⸝ᐢ₎❣️小炒王 $138正宗大排檔必食🫶🏻 非常鮮味令我改觀🤩韭菜花好嫩 完全唔會咬唔爛攝牙罅😬 魷魚竟然係用炸 個海味更加濃縮咗 邊位好似食緊零食咁脆🦑 另外仲有腰果菜脯白飯魚蝦米🐟🦐 口感同味道都好豐富多變🥹❣️椒鹽瀨尿蝦 佢哋都有啲季節性Menu 😛 第一次食到咁大隻嘅瀨尿蝦😱 係特大斑馬瀨尿蝦🦓🦐話係椒鹽其實好似避風塘咁用好多炸蒜cover住 超級惹味啊‼️ 蝦殼好容易剝 鍾意可以啜個殼嘅味😋

大排檔小炒，位於銅鑼灣駱克道405-419號華發大廈地下A號舖。 餐廳主打港式大排檔，地點方便， 場內氣氛熱鬧。 餐牌上的菜式很多，晚餐 ～ 前菜$10、火焰鹽焗奄仔蟹 $398、 脆炸BB鴿$68、 芥末沙拉骨$118、 虎皮爆尖椒$88、 瑞士汁乾炒牛河$118。 📍前菜$10 ～ 甜菜酸酸的，好開胃。     📍火焰鹽焗奄仔蟹 $398 ～ 超巨型的奄仔蟹，火焰散發出香氣撲鼻，充滿軟滑甘香的蟹膏，滿滿鮮甜的味道，啖啖肉，無得頂， 真心推介，一定要食。 📍脆炸BB鴿$68 ～ 外脆內軟，肉質鮮嫩，配卜椒鹽和喼汁， 味道更佳。 📍芥末沙拉骨$118 ～ 沙拉骨肥瘦適中， 口感鬆脆，配上芥末沙拉， 食到停唔到口。📍虎皮爆尖椒$88 ～ 香辣美味又唔會有油膩感，肉碎香濃，拌飯一流！ 📍瑞士汁乾炒牛河$118 ～ 香甜味道的瑞士汁， 炒牛河鑊氣十足， 熱辣辣好好味。 大排檔小炒是一間地道菜式店， 濃濃的人情味， 價錢合理份量大， 所以平日人流都很旺盛。 🏷️溫馨提示～ 整個用餐體驗均屬個人分享意見， 只作參考😊。

店名: 大排檔小炒地址: 銅鑼灣駱克道405-419號華發大廈地下A號舖銅鑼灣站C出口，行4分鐘環境: 4/5價錢: 4/5味道: 4/5每次經過呢間鋪頭門口都聞到好香既鑊氣味😆今日終於入去一試，餐廳主打鑊氣小炒，及各類海鮮，如果大家中意鑊氣小菜，可以一試😙係銅鑼灣必食大排檔‼️火焰鹽焗奄仔蟹❤️❤️❤️❤️❤️$398/隻火焰鹽焗奄仔蟹🦀成為今晚既重頭戲🔥上枱時會點上火焰，令到成隻蟹都散發超級香濃既鹽加蟹味🥳肉質鮮嫩，每啖同時充滿蟹膏，推薦一試🥰蒜蓉炒時菜❤️❤️❤️❤️$88炒菜可以話係大排檔既其中一樣必叫既菜式😍今次揀左通菜，菜既清新配上充滿火力既鑊氣，配搭得非常出色，推薦一試👏🏻瑞士汁乾炒牛河❤️❤️❤️❤️$118講起乾炒牛河，大家一定會諗起傳統個隻👀但呢到嘅乾炒牛河則配搭瑞士汁，雖然唔係傳統形式，但仍然充滿鑊氣😌而麵質方面則較傳統形式較為濕身😝拔絲咕嚕肉❤️❤️❤️❤️$128咕嚕肉肉質不會過熟，而拔絲亦做到拉絲既效果🤩配上青椒及菠蘿🍍令到整體口感散發絲絲甜味😆

🦀鹽焗奄仔（隻）必吃‼️‼️上菜仲用酒點火 超打卡🤩🤩隻蟹仲要勁多膏超正🤤🤤佢既咸香味超出😍😍叫一隻一齊share食一啲都唔過份又化算😍😍 佢既肉質仲好堅實 啖啖肉！！😍正👍🐷拔絲咕嚕肉$128呢款一定係呢度既招牌菜，佢比起出面既大排檔大粒，炸粉仲係好薄😍粒粒都拔絲😋好夠味正👍🦐乾燒蝦油粉絲煲$138佢超入味，仲要好有鑊氣既味道😍😍入面有勁多切左粒既蝦 好足料🤤呢款都係好有特色既一道菜，唔想食飯 可以叫呢個代替😆～金莎黃金涼瓜$108去完台灣好掛住咸蛋涼瓜，雖然無唸到佢係炸既，但佢既炸粉好薄同埋佢既炸粉混合咸蛋黃，好邪惡好有風味，唔會覺得佢過咸同啲粉好厚，份量都係好多😍😍同埋佢整到無左苦瓜既苦味都好勁✨✨

我仔仔和三個朋友3月25號去食飯，叫了咕嚕肉，椒鹽九肚魚，馬拉盞炒時菜，粉絲牛肉煲，臘味煲仔飯，霸王雞，叫了啤酒，食完飯後離開，我和仔仔同一個朋友一起走兩個人開始肚痛唔舒服，他馬上跑到去fashion walk 洗手間，嚴重搞肚痛，去廁所去了半個鐘頭，好想嘔吐，全新出晒大汗，但係嘔唔出好辛苦，回到家後，仍然不舒服，肚痛得很厲害,他和另一個朋友一齊離開飯店，那個朋友都話肚唔舒服🤢

員工態度非常差劣，只想服務遊客咁，見你係香港人睬你都傻，未食已經一肚氣，環境亦都非常嘈吵，傾偈都唔會聽到對方講嘢，環境差服務又差，所以決定唔食呢間餐廳，留返俾啲遊客慢慢食。

一到冬天就好想食羊腩煲平時食開佢哋嘅小菜真係食極唔厭質素非常之好但係今次食羊腩煲真係好失望肉質唔夠腍 唔夠入味 成個煲味道不對經常食佢哋嘅小菜好有質素所以對比之下真係完全失敗

之前都很喜歡食呢間食店，尤其是比佢嘅生炒排骨吸引，但上次食後開始我想都要考慮一下會否再次幫襯，因為上星期在此店食午飯，看見樣樣份量比之前少起碼3分一，同伙記講，佢話你望吓圍圍枱都係咁（仲好意思講出嚟)，多人係咁㗎啦，要份量多夜晚嚟食(鬼唔知咩，價錢都唔同啦～)，對答及態度真一流，而家做食肆生意，多咗生意就放棄對客人禮貌，心態多一個唔多，少一個唔少，之前有一次都試過，平時未叫餐時已將碗例湯送到枱上，但嗰次食到差不多完都未見，那麼就問伙記，佢只答一句冇呀，雖然只係一餐午飯，但冇必要咁對客人，應該之前就已經要說給客人知今日湯已沒有，總然知佢嘅食物品質不差，但對客人態度應要加倍改善。

伙記態度衰到貼地，鍾意被虐同受氣即管幫襯，食物同味道只是一般，咸-食完會口渴，大排檔不是大排檔價錢，貴過酒樓，最差係伙記態度衰到冇人有，吾怪得啲人上晒大陸消費，真係要多謝呢類商鋪

🍽️ 行過銅鑼灣，我心思思想食啲地道味道。正所謂 "食盡天下美食，最掛念嘅還是家鄉嘅鑊氣小炒。" 噹！入到這家大排檔，一坐低就點了老少皆宜嘅三色蒸水蛋，滑得嚟又滑去，豉油㩒上去，簡直夠晒心水。再來嘅豬𦟌浸白菜仔，脆爽白菜仔喺豚肉嗰抹微甜中帶出鮮味，好㨂口。最後，當然要點個招牌嘅拔絲咕嚕肉，啖啖肉上嘅甜蜜醬汁繞樑三日，每一根拔絲都係掛住童年的味道。三道菜兼得味、量、色，玩到個味蕾開心跳嗨塔🥳。食物讚之餘，環境又干淨，坐落大排檔都可以咁享受，真係人生一大樂事。朋友仔，快啲帶埋你哋嘅老友記，點幾盤美味嘅小炒，慶祝下日常啦！💃👌

💠💠大排檔小炒💠💠🅴🅰🆃 🆃🅼🆁 明天去吃指數：4/5🔹拔絲咕嚕肉 $118 糖醋汁酸甜適中完全唔滯，外皮鬆脆透薄，肉質香嫩好易咬，油脂亦分佈均勻唔會太油膩。入口初時酸甜，後段漸漸滲出豬肉焦香，越咬越香，不過肉塊偏大舊，如果你好中意食肉，一定會好滿意依個size😝，同埋佐料方面好難得唔係生洋蔥🧄，甜甜地又唔嗆辣👍🏿🔹蜜薯牛柳粒 $138招牌菜之一，薯仔外脆內鬆化，牛柳粒軟嫩多汁，完全唔會過熟韌到咬唔開！每粒食材都包裹住蜜糖同黑椒汁嘅濃香，勁香口惹味😚🤤🔹回味豉油雞（半隻）$178色澤鮮亮，入口帶股微甜味，餘韻帶點酒香，整體味道有啲似甜甜地嘅醉雞😆，雞肉熟到啱啱好完全唔嚡口，嫩滑入味之餘仲保留到雞味，隻雞去除晒皮下嗰層薄薄嘅凝膠狀脂肪，連埋皮食都冇罪惡感😛 已經係第三次回訪❤️，之前食過嘅乾燒蝦油粉絲煲、欖菜肉碎四季豆、鐵板乾鍋爆腩片都好出色，每次上菜都係熱氣騰騰鑊氣十足🔥。特別一提係平日嘅午市套餐性價比好高，大概$70就食到同晚市份量一樣嘅小菜，包白飯、老火湯同熱飲，非常推薦俾大家🫶🏻